{"id":53856,"date":"2018-11-30T12:01:09","date_gmt":"2018-11-30T10:01:09","guid":{"rendered":"https:\/\/ppdegalicia.com\/tellado-pregunta-se-o-psdeg-esta-comodo-tendo-como-aliado-preferente-en-concellos-e-deputacions-a-un-bng-socio-de-bildu-e-esquerra\/"},"modified":"2018-11-30T12:01:09","modified_gmt":"2018-11-30T10:01:09","slug":"tellado-pregunta-se-o-psdeg-esta-comodo-tendo-como-aliado-preferente-en-concellos-e-deputacions-a-un-bng-socio-de-bildu-e-esquerra","status":"publish","type":"post","link":"https:\/\/ppdegalicia.com\/es\/tellado-pregunta-se-o-psdeg-esta-comodo-tendo-como-aliado-preferente-en-concellos-e-deputacions-a-un-bng-socio-de-bildu-e-esquerra\/","title":{"rendered":"Tellado pregunta se o PSdeG est\u00e1 c\u00f3modo tendo como aliado preferente en Concellos e Deputaci\u00f3ns a un BNG socio de Bildu e Esquerra"},"content":{"rendered":"

30, novembro, 2018. <\/span> O secretario xeral do PPdeG, Miguel Tellado, preguntouse esta ma\u00f1\u00e1 se os votantes do PSdeG poden estar c\u00f3modos con que o seu partido te\u00f1a como socio preferente en Concellos e Deputaci\u00f3ns a un BNG socio de Bildu e Esquerra. De igual xeito, cuestionou se os propios votantes do BNG est\u00e1n de acordo con que o Bloque se coaligue cos herdeiros de Batasuna e con outro cuxos l\u00edderes se enfrontan a penas de c\u00e1rcere por intentar dar un golpe de Estado.<\/p>\n

<\/p>\n

 <\/p>\n

As\u00ed se expresaba logo de co\u00f1ecerse esta semana o acordo que semella que vai pechar o BNG para concorrer conxuntamente \u00e1s vindeiras elecci\u00f3ns europeas con Bildu e con Esquerra, tendo como futurible cabeza de lista a Oriol Junqueras -procesado \u00e1 espera de xu\u00edzo acusado de delitos moi graves como son a rebeli\u00f3n e a sedici\u00f3n-. \u201cO BNG estanos dicindo claramente que, se chegase ao Goberno, o seu modelo de sociedade \u00e9 o da antiga Batasuna ou o do independentismo catal\u00e1n\u201d subli\u00f1ou.<\/p>\n

 <\/p>\n

O n\u00famero dous do PPdeG admitiu que, de confirmarse isto, \u201cestar\u00edamos ante unha situaci\u00f3n moi grave, ante unha mostra m\u00e1is da deriva na que se ten instalado o nacionalismo galego en algo m\u00e1is dunha d\u00e9cada, cando pasou de pactar coas versi\u00f3ns m\u00e1is moderadas e autonomistas do PNV e de CIU a negociar unha candidatura coa cara m\u00e1is radical do independentismo vasco e catal\u00e1n\u201d.<\/p>\n

 <\/p>\n

\u201cSe desde o BNG est\u00e1n convencidos de que en Galicia queremos ou necesitamos importar o modelo de confrontaci\u00f3n social e de inestabilidade institucional dos seus socios, desde o Partido Popular de Galicia podemos entender a s\u00faa ca\u00edda libre e que en cada elecci\u00f3n que pasa sigan perdendo a confianza dos galegos\u201d, manifestou.<\/p>\n

 <\/p>\n

 <\/strong><\/p>\n

SENTIDI\u00d1O, MODERACI\u00d3N E SERIEDADE<\/strong><\/p>\n

Por outra banda, Miguel Tellado referiuse ao Comit\u00e9 de Direcci\u00f3n auton\u00f3mico que celebrar\u00e1 esta tarde o seu partido, unha reuni\u00f3n que ter\u00e1 como obxectivos fundamentais facer balance da actividade realizada este ano e coordinar o calendario e a estratexia de cara aos meses que temos por diante.<\/p>\n

 <\/p>\n

Tras lembrar que desde o triunfo nas auton\u00f3micas de setembro de 2016 o PPdeG comezou a traballar sen descanso para as municipais de 2019, afirmou que a apenas 6 meses da cita coas urnas, os populares te\u00f1en \u201ccada d\u00eda m\u00e1is claro que estamos na obriga de acertar e de ofrecerlle aos galegos 313 candidaturas que merezan a s\u00faa confianza porque \u00e9 m\u00e1is necesario ca nunca levar a todos os recunchos da nosa Comunidade o proxecto serio e centrado que hoxe en d\u00eda s\u00f3 encarna o Partido Popular de Galicia\u201d.<\/p>\n

 <\/p>\n

\u201cCun Partido Socialista que despreza a Galicia e ao que s\u00f3 lle preocupa que Pedro S\u00e1nchez poida seguir desfrutando do avi\u00f3n oficial, cunhas Mareas de Podemos que levan meses ocupados na s\u00faa loita interna e que seguen desangr\u00e1ndose en batallas que nada aportan aos galegos, e cun BNG cuxo \u00fanico proxecto para Galicia \u00e9 copiar ao independentismo vasco e catal\u00e1n; reivindicar o sentidi\u00f1o, a moderaci\u00f3n e a seriedade na xesti\u00f3n \u00e9 a mensaxe que Galicia merece e necesita\u201d, conclu\u00edu.<\/p>\n