Vigo, 20 de setembro de 2016.- O presidente do PPdeG, Alberto Núñez Feijóo, puxo en valor as medidas adoptadas grazas ás que cada vez máis nenos e nenas teñen unha educación trilingüe e comprometeuse a aplicala nos próximos anos ao 100% dos ciclos de educación infantil de 3 a 6 anos e tamén á formación profesional, ampliando ao mesmo tempo os programas de estadías para a aprendizaxe de linguas estranxeiras.<\/p>\n
<\/p>\n
Segundo engadiu, os populares buscarán dar unha mellor resposta ás tres cousas básicas que nos piden as nais e pais que teñen os seus fillos no ensino público galego: unha educación máis accesible, que teña aos mellores profesionais e que sexa máis acorde coas necesidades presentes e futuras.<\/p>\n
<\/p>\n
Como asegurou, temos vontade e recursos para que na educación pública se aprendan máis idiomas; se aproveiten as vantaxes da tecnoloxía; se melloren os coñecementos básicos, como a lectura ou as matemáticas; haxa máis posibilidades de acceso; se recoñeza o esforzo e a excelencia; se prepare aos nenos e nenas para as necesidades sociais e económicas da Galicia de hoxe e mañá; e se siga contando con quen mellor coñece o que precisan os seus fillos, que son as nais e os pais galegos.<\/p>\n
<\/p>\n
Nun acto sectorial sobre educación celebrado en Vigo, Feijóo manifestou que escoitar ás familias seguirá a ser a principal inspiración para deseñar a educación pública da próxima lexislatura. Así, avanzou que, a través dunha nova Lei, incrementarase a súa participación no Consello Escolar de Galicia e darase máis peso aos colectivos representantes da atención á diversidade.<\/p>\n
<\/p>\n
En primeiro lugar, o presidente do PPdeG subliñou que a educación pública seguirá sendo máis accesible porque se está levando a cabo un esforzo sen precedentes para poñer a punto os centros de ensino. Como o investimento de 57,2 millóns de euros para que arredor da metade dos colexios e institutos teñan unhas instalacións modernas; así como a rede de transporte público máis extensa de España; o incremento dun 35% das prazas de comedor desde 2009; ou as axudas para libros a case 90.000 familias, xunto coa creación das axudas de 50 euros para material escolar ás familias con menos recursos.<\/p>\n
<\/p>\n
EN GALICIA, MÁIS BARATO QUE EN NINGURES
Tamén neste ámbito engadiu que a FP ten hoxe un 50% máis de alumnos que en 2009 e Galicia conta coas taxas universitarias máis baixas de España. Como lembrou, o seu compromiso é garantir que estudar unha carreira sexa máis barato en Galicia que en ningures.<\/p>\n
<\/p>\n
Así mesmo, a educación pública é e seguirá sendo máis accesible tamén para aqueles nenos e nenas que máis dificultades de acceso teñen, xa que máis do 90 por cento do alumnado con dificultades especiais está integrado normalmente nos centros ordinarios; facilítase o transporte e o comedor a escolares con algunha discapacidade; hai un protocolo de atención domiciliaria; e estamos entre as tres primeiras comunidades con máis alumnos recibindo apoio, porque hoxe hai 600 profesores máis especialistas en atención á diversidade.<\/p>\n
<\/p>\n
REFORZAR AS PLANTILLAS DE PROFESIONAIS
Outro eixo prioritario en materia de educación, segundo sinalou Feijóo, é contar cos mellores profesionais, reforzando as plantillas agora que a recuperación económica fixo que o Goberno central levantara o límite nas ofertas públicas de emprego, tal e como a Xunta solicitara de forma pioneira.<\/p>\n
<\/p>\n
Feijóo salientou que Galicia sexa na actualidade a comunidade autónoma con máis profesores por alumno, aínda que o PPdeG non se conforma con ter máis profesores, senón tamén por lograr que os docentes teñan unha mellor formación e unha maior capacidade de decisión. En concreto, anunciou os compromisos para, en colaboración coas universidades, introducir melloras no deseño dos graos de maxisterio e que os futuros docentes teñan unha mellor formación inicial; ampliar a oferta de formación permanente, cunha especial atención ás linguas estranxeiras; e incrementar a capacidade de decisión docente, reforzando os contratos programa, fomentando o proceso de actualización dos regulamentos orgánicos dos centros e creando un programa de apoio aos equipos directivos.<\/p>\n
<\/p>\n
AULA DIXITAL
Así mesmo, Feijóo destacou que en Galicia cada vez hai máis nenas e nenos que reciben clases en aulas con ordenador. Neste senso, o obxectivo é que o 100% dos centros públicos galegos conten con acceso a redes de 100 megas en 2017, ao tempo que se habilita unha plataforma online para a aprendizaxe, cunha actualización permanente de contidos.<\/p>\n
<\/p>\n
O presidente do PPdeG apuntou que cada vez hai máis nenos e nenas que rematan os seus estudos e cada vez con mellores resultados. Porén, avanzou o compromiso para mellorar as competencias de lectura e matemáticas, así como as competencias sociais en ámbitos como a seguridade viaria, a igualdade de xénero ou a oratoria.<\/p>\n
<\/span><\/strong><\/p>\n","protected":false},"excerpt":{"rendered":" Vigo, 20 de setembro de 2016.- O presidente do PPdeG, Alberto Núñez Feijóo, puxo en valor as medidas adoptadas grazas ás que cada vez máis nenos e nenas teñen unha educación trilingüe e comprometeuse a aplicala nos próximos anos ao 100% dos ciclos de educación infantil de 3 a 6 anos e tamén á formación […]<\/p>\n","protected":false},"author":37,"featured_media":0,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[1],"tags":[],"class_list":["post-53958","post","type-post","status-publish","format-standard","hentry","category-pp-de-galicia"],"acf":[],"yoast_head":"\n