![\"\"](\"https:\/\/ppdegalicia.com\/wp-content\/uploads\/2020\/09\/78a1ae6af49e628e6c5f080a8c7d0ab0-scaled.jpg\")
<\/p>\n<\/p>\n
Pregunta sobre a resposta do Goberno central \u00e1 demanda da Xunta de Galicia de carga de traballo para Navantia\u00a0<\/p>\n
<\/p>\n
\u00a0<\/p>\n
A sociedade p\u00fablica de construci\u00f3n naval Navantia marcou, en 2014, como un dos seus obxectivos estrat\u00e9xicos definir un modelo de estaleiro moderno e sustentable, tomando como referencia os est\u00e1ndares e as pr\u00e1cticas dos estaleiros m\u00e1is destacados do mundo nos sectores civil e militar.<\/p>\n
Con este prop\u00f3sito, presentou unha iniciativa orientada a reforzar a s\u00faa competitividade e a estabilizar o seu liderado mediante a incorporaci\u00f3n de alta tecnolox\u00eda e a diferenciaci\u00f3n respecto a outros subministradores de produtos e servizos.<\/p>\n
O proxecto Implantaci\u00f3n do estaleiro 4.0 en Navantia Ferrol buscaba impulsar a modernizaci\u00f3n das instalaci\u00f3ns e o aumento da eficiencia dos procesos produtivos da factor\u00eda actual, con operaci\u00f3ns m\u00e1is robotizadas, con sistemas de control m\u00e1is dixitalizados e con produtos de m\u00e1is estandarizaci\u00f3n, que repercutan tanto na reduci\u00f3n de custos e de prazos, como na mellora da calidade. Estes investimentos ser\u00edan tam\u00e9n o fundamento para garantir a competitividade do estaleiro e competir en novas licitaci\u00f3ns e contratos internacionais a futuro.<\/p>\n
Esta aposta decidida pola modernizaci\u00f3n dos estaleiros que levou a cabo o \u00faltimo Goberno Central liderado polo Partido Popular uniuse \u00e1 pol\u00edtica de apoio integral ao sector naval desenvolvida pola Xunta, que redundou na consecuci\u00f3n de carga de traballo para un dos sectores industriais estrat\u00e9xicos de Galicia.<\/p>\n
Coa moci\u00f3n de censura e a chegada dos socialistas ao Goberno, volvemos \u00e1s \u00e9pocas de desleixo co naval ferrol\u00e1n. O Executivo liderado por Pedro S\u00e1nchez non s\u00f3 retrasou a execuci\u00f3n de encargos que xa estaban proxectados, como o das Fragata F-110, sen\u00f3n que perdeu outros que os seus antecesores deixaran encarrilados para a s\u00faa<\/p>\n
consecuci\u00f3n, como o das Fragatas para a mari\u00f1a americana, no que Navantia part\u00eda como favorita, pero se lle acabou outorgando a unha empresa italiana.<\/p>\n
Ante a ausencia de proxectos en carteira nos estaleiros ferrol\u00e1ns, nos meses finais de
2019 e primeiros de 2020, desde o Grupo Popular presentamos unha serie de iniciativas para que se constru\u00edse en Ferrol-Fene un buque de aprovisionamento para a Armada (AOR) a fin de que haxa carga de traballo mentres non se iniciasen as labores para as fragatas F-110, coa insistente negativa do Goberno S\u00e1nchez.<\/p>\n
Ante o complicado horizonte econ\u00f3mico que deixa a pandemia da COVID-19, desde o Grupo Popular entendemos que \u00e9 m\u00e1is necesaria ca nunca a carga de traballo na r\u00eda de Ferrol, as\u00ed como a modernizaci\u00f3n dos estaleiros, dada a necesidade de reforzar a s\u00faa competitividade internacional de cara ao presente e o futuro.<\/p>\n
Por todo o exposto, os deputados e deputadas asinantes formulan a seguinte pregunta oral urxente en Pleno:<\/p>\n
Que resposta atopou a Xunta de Galicia do Goberno Central na demanda de carga de traballo para Navantia?<\/p>\n
\u00a0<\/p>\n