![\"\"](\"https:\/\/ppdegalicia.com\/wp-content\/uploads\/2020\/09\/86a36404deedfd953558c66912c2cf2d.jpg\")
<\/p>\n<\/p>\n
Pregunta sobre os criterios e a finalidade que tiveron as medidas de cribado para a detecci\u00f3n da covid-19 realizadas a determinados colectivos nos \u00faltimos meses\u00a0<\/p>\n
<\/p>\n
\u00a0<\/p>\n
\u00a0<\/p>\n
O 11 de marzo de 2020, a Organizaci\u00f3n Mundial da Sa\u00fade elevou a situaci\u00f3n de emerxencia de sa\u00fade p\u00fablica xerada pola expansi\u00f3n do coronavirus COVID-19 a nivel de pandemia internacional. Esta expansi\u00f3n est\u00e1 a xerar unha crise sen precedentes recentes na sa\u00fade p\u00fablica que afecta todos os sectores e individuos. As distintas administraci\u00f3ns, organismos e instituci\u00f3ns, nacionais e internacionais, tiveron que adoptar medidas dr\u00e1sticas e urxentes para a prevenci\u00f3n e loita contra esta pandemia.<\/p>\n
En Espa\u00f1a, o primeiro caso de COVID-19 foi detectado a finais do mes de xaneiro e dende ent\u00f3n, o n\u00famero de contaxios aumentou de maneira progresiva e a gran velocidade o que deu orixe a unha crise sanitaria sen precedentes que requiriu a adopci\u00f3n de medidas excepcionais co obxectivo de protexer a sa\u00fade e a seguridade da cidadan\u00eda, conter o progreso da enfermidade e mitigar o impacto sanitario. Con esta finalidade, o pasado 14 de marzo declarouse o Estado de Alarma en Espa\u00f1a. Un d\u00eda antes da declaraci\u00f3n do Estado de Alarma, o Acordo do Consello da Xunta de Galicia do 13 de marzo de 2020, declaraba a situaci\u00f3n de emerxencia sanitaria no territorio da Comunidade Aut\u00f3noma de Galicia o que obrigou a adoptar unha serie de medidas transitorias dirixidas a garantir ao mesmo tempo, a seguridade dos profesionais sanitarios e dos pacientes mantendo en todo momento, o correcto equilibrio no exercicio de dereitos e obrigas da cidadan\u00eda galega.
Unha vez levantado o Estado de Alarma en Espa\u00f1a, e mant\u00e9ndose en Galicia o de emerxencia sanitaria, aprobouse o Acordo do Consello da Xunta de Galicia, do 12 de xu\u00f1o de 2020, sobre medidas de prevenci\u00f3n necesarias para facer fronte \u00e1 crise sanitaria ocasionada polo COVID-19, unha vez superada a fase III do Plan para a transici\u00f3n cara a unha nova normalidade que regula, xunto ao citado Acordo de declaraci\u00f3n da emerxencia sanitaria, as medidas de prevenci\u00f3n e control que est\u00e1n vixentes e funcionan hoxe en d\u00eda na nosa Comunidade Aut\u00f3noma.Unha desas medidas foi a realizaci\u00f3n de tests masivos a colectivos especialmente expostos ao virus, uns cribados que ou ben se localizaron en zonas xeogr\u00e1ficas e segmentos de poboaci\u00f3n especialmente afectadas (recentemente como as persoas mozas da comarca coru\u00f1esa) ou ben se realizaron en todo o territorio galego pero centrados en colectivos concretos como o persoal docente, as persoas internadas en residencias ou determinados grupos laborais.<\/p>\n
Por todo o exposto, os deputados e deputadas asinantes formulan a seguinte
Pregunta Oral en Pleno:<\/p>\n
Que criterios e finalidade tiveron as medidas de cribado para a detecci\u00f3n da COVID-19 realizadas a determinados colectivos nos \u00faltimos meses?<\/p>\n
\u00a0<\/p>\n