![\"\"](\"https:\/\/ppdegalicia.com\/wp-content\/uploads\/2022\/03\/c87ac2a1774865a9e630d52d89b57921-scaled.jpg\")
<\/p>\n<\/p>\n
\u00a0<\/p>\n
Iniciativa sobre as actuaci\u00f3ns que debe levar a cabo a Xunta de Galicia para manter as medidas de apoio econ\u00f3mico dirixidas \u00e1s persoas traballadoras aut\u00f3nomas\u00a0<\/p>\n
<\/p>\n
\u00a0<\/p>\n
En decembro de 2021 Galicia contou con m\u00e1is de 218.000 persoas afiliadas ao R\u00e9xime Especial de Traballadores Aut\u00f3nomos da Seguridade Social (RETA). A nosa terra pechou o ano 2021 cun incremento no n\u00famero de traballadores por conta propia que amosa que cada d\u00eda m\u00e1is persoas emprenden. Son un colectivo prioritario pola s\u00faa fortaleza e capacidade de xeraci\u00f3n de riqueza e de emprego.<\/p>\n
As consecuencias que a pandemia da covid-19 provocou na nosa econom\u00eda foron moito m\u00e1is acusadas nuns sectores que noutros, pero, sen ningunha d\u00fabida, os aut\u00f3nomos foron os grandes prexudicados desta profunda crise.<\/p>\n
A d\u00eda de hoxe este colectivo a\u00ednda arrastra as consecuencias da crise sanitaria, da suba dos custos enerx\u00e9ticos, da escaseza e incremento de prezos das materias primas, da alza da inflaci\u00f3n e do salario m\u00ednimo.<\/p>\n
Calquera decisi\u00f3n para este sector debe encami\u00f1arse a garantir a s\u00faa continuidade e fortalecemento. Pero a realidade amosa un comportamento moi distinto das diferentes administraci\u00f3ns no seu grado de compromiso con estes profesionais.<\/p>\n
Mentres a Xunta de Galicia ten inxectado m\u00e1is de 610 mill\u00f3ns de euros en axudas directas ao tecido produtivo galego, constitu\u00eddo na s\u00faa maior\u00eda (97%) por aut\u00f3nomos e microempresas, ou co apoio en 2021 a unhas 3.700 persoas traballadoras aut\u00f3nomas para consolidar e ampliar as s\u00faas actividades, o Goberno de Espa\u00f1a act\u00faa nun sentido diferente.<\/p>\n
O Executivo que preside o socialista Pedro S\u00e1nchez est\u00e1 a provocar a s\u00faa asfixia. Desde o 1 de xaneiro, os aut\u00f3nomos est\u00e1n a pagar m\u00e1is ao mes nas s\u00faas cotas, xa que a base de cotizaci\u00f3n m\u00ednima pasou de 944,4 euros a 966,6 euros. Deste xeito, o ano 2021 terminaba para os aut\u00f3nomos cunha suba das cotizaci\u00f3ns sociais introducida nos Orzamentos Xerais do Estado sen comunicaci\u00f3n previa nin di\u00e1logo co colectivo. Todo apunta a que o obxectivo do Goberno de Espa\u00f1a \u00e9 seguir incrementando a recadaci\u00f3n \u00e1 conta do esforzo dos aut\u00f3nomos. Concretamente, v\u00e9n de avanzar unha modificaci\u00f3n para establecer un sistema de cotizaci\u00f3n por tramos, que entrar\u00eda en vigor de forma progresiva entre 2023 e 2031.<\/p>\n
Desde o Grupo Parlamentario Popular entendemos a necesidade de reformar o sistema de cotizaci\u00f3ns, m\u00e1is a\u00ednda cando forma parte das recomendaci\u00f3ns do Pacto de Toledo, pero nin \u00e9 o momento, nin o que ten transcendido ata o de agora \u00e9 a reforma adecuada.<\/p>\n
O novo sistema de cotizaci\u00f3ns para aut\u00f3nomos debe nacer da reflexi\u00f3n e do consenso, escoitando a todos os interlocutores. O que de momento se co\u00f1ece \u00e9 a primeira proposta que o Goberno de Espa\u00f1a fixo aos axentes sociais pero resulta evidente que non responde a unha avaliaci\u00f3n rigorosa da realidade. Non debe permitirse que a ampla maior\u00eda dos aut\u00f3nomos vexan incrementados os seus custos de maneira inxusta e co \u00fanico af\u00e1n recadatorio.<\/p>\n
Novamente o slogan utilizado polo Goberno de Espa\u00f1a en materia impositiva \u201cque paguen os ricos\u201d, am\u00f3sase como gran unha farsa. Ata o de agora, o que aconteceu \u00e9 que a falta de dilixencia econ\u00f3mica do Executivo de coalici\u00f3n e os excesos do Goberno de Espa\u00f1a m\u00e1is amplo e caro da nosa historia recente o pagan as clases medias e os traballadores.<\/p>\n
A suba de impostos aos carburantes, a subida do imposto de matriculaci\u00f3n, do imposto de circulaci\u00f3n, as novas tributaci\u00f3ns sobre pl\u00e1sticos e residuos, e a harmonizaci\u00f3n fiscal \u00e1 alza ou iniciativas futuras xa avanzadas como o establecemento de peaxes pola utilizaci\u00f3n de v\u00edas de transporte terrestre, supor\u00e1 tam\u00e9n que paguen m\u00e1is os aut\u00f3nomos.<\/p>\n
Desde o Grupo Parlamentario Popular estimamos que \u00e9 imprescindible e urxente adoptar medidas de apoio ao colectivo das persoas traballadoras aut\u00f3nomas, promover a capacidade emprendedora, as iniciativas empresariais e o sector produtivo xerador de emprego, para sa\u00edr da crise provocada pola pandemia, e recuperar a competitividade da econom\u00eda que garanta o benestar social e econ\u00f3mico e a prestaci\u00f3n de servizos p\u00fablicos de calidade.<\/p>\n
Os datos reflicten que as reformas emprendidas polo actual Goberno galego, tales como a reduci\u00f3n da presi\u00f3n fiscal, a eliminaci\u00f3n de trabas burocr\u00e1ticas, a mellora das medidas de impulso ao traballo por conta propia, as\u00ed como a posta en marcha de axudas propias e as canles de asesoramento como a oficina virtual, lograron un apoio e impulso aos emprendedores e esa debe ser a li\u00f1a a seguir.<\/p>\n
Por todo o exposto, os deputados e deputadas do Grupo Parlamentario Popular presentamos a seguinte proposici\u00f3n non de lei en Pleno.<\/p>\n