ÁLVARO PÉREZ LÓPEZ

05
Mar

ÁLVARO PÉREZ LÓPEZ

Naceu na Coruña en 1973. É licenciado en Dereito, diplomado en Empresariais pola Universidade Pontificia de Comillas (ICADE) e máster en Dereito Comunitario pola Universidade Libre de Bruxelas.

En 1998 realizou prácticas na oficina da Fundación Galicia-Europa en Bruxelas.

Desde 1999 a 2003 traballou como asesor técnico da Consellería de Medio Ambiente, primeiramente na Dirección Xeral de Calidade e Avaliación Ambiental e posteriormente no organismo autónomo Augas de Galicia.

Entre 2000 e 2002 foi profesor de Dereito Ambiental na Escola de Práctica Xurídica de Santiago de Compostela.

Desde 2003 a 2005 traballou como asesor para asuntos parlamentarios no Gabinete do conselleiro de Política Territorial, Obras Públicas e Vivenda.

Foi director xeral do Gabinete da Presidencia da Xunta de Galicia desde maio de 2009 ata xaneiro de 2020, cando foi nomeado secretario xeral da Presidencia da Xunta de Galicia.

Colaborador do Grupo Parlamentario Popular de Galicia, foi elixido deputado autonómico nas eleccións ao Parlamento de Galicia nos anos 2012 e 2016.

Desde o XVI Congreso do PPdeG celebrado en maio do 2016, é coordinador de Estudos e Formación.

Comparte: