Santiago, 23 de marzo de 2017.- O Parlamento de Galicia aprobou esta tarde a proposición non de lei do Grupo Popular a través da que se insta á Xunta de Galicia a levar a cabo accións formativas específicas en materia de atención especializada a menores expostos á violencia machista.
Continue reading
O Grupo Popular acusa ao PSOE de pretender apoderarse do Espazo Xove de Ourense para coxestionar actividades sen participación da mocidade
Santiago, 23 de marzo de 2017.- A portavoz de Xuventude do Grupo Popular, Sandra Vázquez Domínguez, acusou hoxe ao PSdeG de “pretender apoderarse do Espazo Xove de Ourense para coxestionar actividades que non teñan como partícipes nin obxecto á mocidade ourensá”.
Continue reading
O Parlamento solicita ao Concello de A Coruña a cesión de espazos no mercado de Santa Lucía para a construción do centro de saúde
Santiago, 23 de marzo de 2017.- O Parlamento de Galicia aprobou hoxe unha proposición non de lei a través da que se solicita ao Concello de A Coruña a cesión dos espazos no mercado de Santa Lucía para a construción do novo centro de saúde, de xeito que se axusten ós requirimentos necesarios para unha asistencia sanitaria óptima para os veciños e veciñas que acoden o Centro de Saúde Federico Tapia.
Aprobado o plan de traballo da Comisión de investigación das caixas galegas,que incorpora a práctica totalidade dos documentos solicitados por PSOE e BNG
Santiago, 23 de marzo de 2017.- A Comisión de investigación sobre as antigas caixas galegas aprobou esta tarde o seu plan de traballo que, sobre a base da proposta realizada polo Grupo Popular, incorpora a práctica totalidade da documentación solicitada polos grupos do PSOE e do BNG e case o 60 por cento de En Marea.
O Grupo Popular apoia demandar ao Goberno central que negocie con Alcoa a apertura ao tráfico comercial do seu dique norte en San Cibrao
Santiago, 23 de marzo de 2017.- O Grupo Popular apoiou hoxe no Parlamento instar ao Goberno central a realizar as negociacións oportunas diante da empresa multinacional Alcoa para abrir ao tráfico comercial o dique norte do seu porto comercial de San Cibrao.
Continue reading
O Parlamento aproba solicitar á UE que simplifique as esixencias de botiquíns na flota de baixura
Santiago, 23 de marzo de 2017.- O Parlamento de Galicia aprobou hoxe unha proposición non de lei, a iniciativa do Grupo Popular, a través da que se solicita á Unión Europea que se simplifiquen as esixencias respecto dos botiquíns á flota de baixura, de xeito que se adecúen ás circunstancias de proximidade, inmediata asistencia médica e limitación de espazo a bordo das embarcacións.
O GPP critica que En Marea pida crear puntos de amarre no Porto Chico de Foz cando aínda non se rematou a dragaxe e sen coñecer a demanda existente
Santiago, 23 de marzo de 2017.- A deputada do Grupo Popular Teresa Egerique criticou esta mañá no Parlamento que En Marea “pretenda comezar a casa polo tellado no Porto Chico de Foz, xa que propoñen a creación de puntos de amarre cando aínda non se ten rematada a dragaxe e sen coñecer a demanda existente”.
Soraya Salorio demanda ao Concello de Sada que reclame ao Goberno central a rexeneración da Praia das Delicias
Santiago, 23 de marzo de 2017.- A deputada do Grupo Popular Soraya Salorio manifestou hoxe no Parlamento que o Goberno central ten previsto realizar a rexeneración da Praia das Delicias de Sada, polo que instou ao Concello a reclamar esa actuación para que se leve adiante este verán. Así mesmo, explicou que a obra proposta polo Concello de Sada “non resolve a problemática xeral de inundacións que poida haber neste municipio, porque sería unha medida para resolver un evento moi concreto acaecido nun día determinado e cunhas condicións específicas”.
Soraya Salorio lembrou que a explotación de moluscos bivalvos na modalidade de a pé da Confraría de Sada viuse afectada o pasado ano polas chuvias acontecidas a principios do ano, que provocaron a crecida do caudal do río que desemboca no areal e un incremento das materias de orixe vexetal. Diante desta situación, co obxectivo de aumentar a produtividade do banco, delimitouse unha parcela de aproximadamente 300 metros cadrados e procedeuse a remover o substrato por medios mecánicos, trasladando a esa parcela un total de 63 quilogramos de ameixa xaponesa.
Porén, lembrou que a rexeneración completa da Praia das Delicias foi demandada en 2014 polo Goberno municipal do Partido Popular ao Goberno central, quen aceptou facer unha separata do proxecto integral da Ría do Pedrido para este areal sadense. Esta iniciativa suporía un investimento próximo aos 3 millóns de euros, destinados á rexeneración da praia e ao encauzamento da saída do Río Maior.
“Neste momento, como consecuencia da parálise política vivida a nivel estatal e de contar cun Goberno en funcións moitos meses, o proxecto atópase en fase de licitación e apertura de plicas, polo que é necesario que o alcalde de Sada reclame a realización desta actuación canto antes, xa que consideramos que debería facerse este mesmo verán”, sinalou.
Así mesmo, a deputada popular avanzou que desde o PPdeG “instaremos á Delegación do Goberno en Galicia para que tramite de maneira urxente as solicitudes dos mariscadores de Sada para que poidan optar ás axudas por estas riadas producidas en 2016”.
SOLUCIÓN PARA UN EVENTO CONCRETO
Soraya Salorio engadiu que o estudo e a solución proposta polo Concello de Sada para evitar as inundacións “se limita a reproducir un evento concreto e a xustificar a necesidade dunha obra concreta, non realizando en ningún momento unha análise integral para a minimización do risco”. “Non se efectúa unha análise da problemática xeral e das solucións posibles de forma integral, tendo en conta non só solucións estruturais, que deben quedar ben xustificadas desde o punto de vista hidráulico, hidromorfolóxico e de cumprimento de obxectivos ambientais, senón tamén de ordenación do territorio, actuacións de restauración fluvial e protección civil”, indicou.
A deputada popular manifestou “a importancia para a viabilidade do proxecto que as medidas estruturais sexan o menos duras posibles para que sexan compatibles co cumprimento dos obxectivos ambientais do Plan Hidrolóxico Galicia Costa, valorando a posible renaturalización da canle ou recuperación nalgún tramo entubado ao descuberto”.
“Parte do problema das riadas do río Maio tamén quedaría remediado no proxecto de financiamento nacional de rexeneración da praia, que prevé facelo desembocar mar adentro para evitar na praia os sedimentos arrastrados”, sinalou a deputada popular. A esta actuación, sumaríase a substitución por un entubamento de maior eficiencia, que solucionaría a problemática derivada da insuficiente capacidade de desaugamento dos ovoides existentes.
O GPP apoia demandar que a Xunta afonde e axilice a busca de solucións para paliar a problemática de abrigo no porto de Corcubión
Santiago, 23 de marzo de 2017.- O Grupo Popular apoiou hoxe na Comisión de Pesca a aprobación dunha proposición non de lei a través da que se solicita a Goberno galego que, á vista da situación de risco debida á problemática de abrigo que se produce no porto de Corcubión, afonde e axilice os traballos na procura de solucións para paliar esta inseguridade, ofrecendo aos mariñeiros e ás súas embarcacións un refuxio fiable e adecuado.
Teresa Egerique amosou a disposición da Xunta e do PPdeG “a mellorar e adoptar medidas que melloren o abrigo do porto de Corcubión”. Neste sentido, lembrou que desde Portos de Galicia tense elaborado un estudo de axitación interior no porto, unha instrumentación para medidas de ondaxes e a análise dos datos de dita instrumentación, que supuxo un investimento de 52.000 euros.
“Ata o momento, estes estudos non deron resultados concluíntes, polo que desde o Grupo Popular consideramos que Portos de Galicia debe continuar traballando na procura dunha solución técnica que permita mellorar o abrigo do porto de Corcubión”, sinalou a deputada popular.