O PPdeG salienta a presenza galega na Comisión que debaterá a Lei de Amnistía no Senado: “Galicia di non á impunidade, a chantaxe e a desigualdade”

O PPdeG salienta que a presenza de tres senadoras galegas, Rosa Gallego, Rosa Sánchez e Pepa Pardo, na Comisión que debaterá a Lei de Amnistía no Senado supón “unha gran oportunidade para evidenciar o non de Galicia á impunidade, a chantaxe e a desigualdade que promove un Goberno central sometido ao independentismo”.

A Cámara Alta vén de constituír unha Comisión conxunta de Xustiza e Constitucional que terá como obxectivo a tramitación da proposición de Lei de Amnistía e que, presidida por Pío García Escudero, contará coa pontevedresa Pepa Pardo como viceportavoz e Rosa Gallego (A Coruña) e Rosa Sánchez (Ourense) como vogais.

Desde o PPdeG agardan que, do mesmo xeito que os seus 14 senadores e senadoras “defenderán a dignidade de Galicia ante este novo agravio”, tamén fagan o mesmo os representantes do PSOE e do BNG na Cámara Alta. Do contrario, afirman, irían en contra do sentir maioritario de Galicia: “Os galegos expresamos maioritariamente nas urnas que non queremos nin imos admitir chantaxes ou sometementos. O que queremos é igualdade, entendemento, responsabilidade e dignidade para a nosa terra”.

Pepa Pardo asegura neste sentido que a Lei de Amnistía é “infame” e “indigna” na medida en que “dota de impunidade a delincuentes a cambio de poder” e “son os propios delincuentes os que establecen ata onde alcanza esa impunidade”. De aí que reivindique a “honra” e a “responsabilidade” coa que asume a responsabilidade de “defender a igualdade de todos os españois” nesta Comisión.

Alberto Pazos avoga porque nesta XII Lexislatura “Galicia siga sendo unha referencia de estabilidade e serenidade, afastada do barullo que vive a política estatal pola debilidade do Goberno de Sánchez”

O portavoz do Grupo Popular, Alberto Pazos, avogou hoxe, ao remate da reunión de constitución da Xunta de Portavoces nesta XII Lexislatura no Parlamento galego, porque Galicia “siga sendo unha referencia de estabilidade e serenidade, afastados do barullo e a inestabilidade que está a vivir a política a nivel estatal, consecuencia dun Goberno de Pedro Sánchez débil e totalmente manexado ao seu antollo polo independentismo catalán e vasco”.

Alberto Pazos informou que a Xunta de Portavoces fixou en 17 o número de deputados que integrarán as distintas comisións parlamentarias, “respectando a máxima proporcionalidade co reparto de escanos saído das pasadas eleccións autonómicas”. En concreto, as comisións estarán formada por 9 deputados do PPdeG, 5 do BNG, 2 do PSdeG e 1 de Democracia Ourensana.

Así mesmo, acordouse que a constitución das distintas comisións parlamentarias terá lugar o vindeiro luns, 1 de abril, cumprindo estritamente os prazos marcados no Regulamento do Parlamento de Galicia

Respecto da Deputación Permanente, estará integrada por 23 membros, dos que 12 serán do PPdeG, 7 do BNG, 3 do PSdeG e 1 de Democracia Ourensana, ademais do Presidente do Parlamento, que é membro nato.

Outro dos puntos abordados na Xunta de Portavoces de hoxe foi o calendario das sesións de investidura do Presidente da Xunta e de apertura da lexislatura. En concreto, o debate de investidura dará comezo o vindeiro martes 9 de abril, coa intervención do candidato á Presidencia da Xunta para presentar o seu programa de Goberno; as intervencións dos portavoces dos distintos grupos parlamentarios e o debate posterior terá lugar o xoves, 11 de abril; e, ao remate desta xornada, celebrarase a votación da que sairá elixido o Presidente da Xunta. Como remate de todo este procedemento, a toma de posesión do novo Presidente da Xunta terá lugar o vindeiro sábado, 13 de abril; e a sesión solemne de apertura desta XII Lexislatura celebrarase o martes, 16 de abril.

ILUSIÓN E RESPONSABILIDADE

Alberto Pazos manifestou que desde o Grupo Popular “afrontamos con ilusión e moita responsabilidade esta nova lexislatura, na que temos por diante catro anos nos que desenvolver o ambicioso programa electoral co que Alfonso Rueda e o PPdeG conseguiron revalidar cunha maioría absoluta a confianza dos galegos”. “Unha confianza que imos traballar para non defraudar as expectativas xeradas, coñecedores do moito que se xoga Galicia nestes anos a nivel económico e social, pero, sobre todo, para seguir sendo unha referencia de estabilidade e serenidade, afastados do barullo e a inestabilidade que está a vivir a política a nivel estatal, consecuencia dun Goberno de Pedro Sánchez débil e totalmente manexado ao seu antollo polo independentismo catalán e vasco”, indicou.

Neste sentido, asegurou que “nós estamos abertos a estudar e negociar todas aquelas propostas que se nos fagan chegar e que sexan positivas para toda a sociedade galega”, pero lamentou que “xa estamos comprobando que o talante moderado que o BNG amosou durante a campaña rematou xustamente o día das eleccións, cando viu que os galegos volvían confiar maioritariamente no PPdeG e en Alfonso Rueda”.

“Non esperaron nin á constitución do Parlamento para intentar sumarse ao barullo existente a nivel nacional pedindo comisións de investigación sobre a compra de material sanitario durante a pandemia en Galicia, a pesar de que xa existen dous informes de fiscalización do Consello de Contas sobre este asunto, ou sobre supostas anomalías en contratos da Xunta con empresas”, manifestou.

O portavoz popular criticou que o BNG “foi máis aló estes días dando un xiro de 180 graos sobre o proxecto industrial que a empresa Altri quere levar adiante en Palas de Rei: despois de apoiar en dúas ocasións a posta en marcha deste proxecto en 2022 e 2023, agora se posicionan en contra sen consultar nin informarse directamente coa empresa ou con técnicos especializados na materia sobre as cuestións que poden resultar máis polémicas deste proxecto”.

ESTRITOS CONTROIS AMBIENTAIS

“Desde o Grupo Popular imos seguir apoiando calquera proxecto empresarial que xere riqueza e postos de traballo en Galicia, sempre respectando e cumprindo cos máis estritos controis medioambientais, tanto europeos como galegos”, indicou Alberto Pazos, quen lembrou que “falamos dun proxecto que suporá un investimento superior aos 900 millóns de euros, dará traballo a 2.500 persoas e está sendo sometido a unha tramitación ambiental absolutamente garantista, tal e como marca a figura dos Proxectos de Industrias Estratéxicos”.

Ademais, o portavoz popular demandou ao Goberno de Pedro Sánchez que “cumpra coa palabra dada e lle asigne os fondos necesarios e axilice toda a tramitación ante a Unión Europea como xa teñen feito con outros proxectos industriais como o de Arcelor Mittal”.

Os deputados do PPdeG no Congreso preguntan a Sánchez cando vai dar cumprimento ao seu compromiso de eliminar as peaxes da AP-9

Os deputados do Partido Popular de Galicia no Congreso veñen de rexistrar dúas preguntas ao Goberno central para coñecer que prazos contempla no cumprimento do seu compromiso de eliminar as peaxes da AP-9 e, así mesmo, a afectación que ten a falta de Presupostos Xerais do Estado na aplicación desta medida.

Recordan os populares que nas pasadas eleccións autonómicas o candidato socialista prometeu a gratuidade das peaxes nesta autopista “en nome do presidente do Goberno”. Do mesmo xeito que na anterior lexislatura o propio Pedro Sánchez comprometera a transferencia da súa titularidade á Xunta de Galicia.

“Son numerosos os incumprimentos de Sánchez con Galicia e o da AP-9 é o máis coñecido de todos: comprometeu o seu traspaso e incumpriu, comprometeu que este ano as peaxes serían gratuítas e ata o de agora incumpriuno tamén”, explica neste sentido Jaime de Olano.

O portavoz adxunto do Grupo Popular no Congreso e deputado pola provincia de Lugo insiste na necesidade de saber, ante a evidencia de que non haberá Presupostos Xerais do Estado para este ano 2024, como afectará esta falta de orzamentos ao compromiso da eliminación das peaxes desta autopista.

“Temémonos que novamente o PSOE e o BNG intentarán tomarlle o pelo aos galegos”, conclúe recordando que esta cuestión estaba incluída no pacto de investidura asinado entre socialistas e nacionalistas.

Paula Prado: “Fronte a un Sánchez que lastra o futuro de España e unha esquerda que se empeña en frear o avance de Galicia, os galegos poderán seguir contando co PPdeG”

A secretaria xeral do PPdeG, Paula Prado, trasladou hoxe unha mensaxe de “tranquilidade” aos galegos asegurando que “a Galicia que funciona, con Alfonso Rueda á fronte, vai seguir funcionando” fronte a un Pedro Sánchez “obstinado en lastrar o futuro de España” e unha esquerda “empeñada en frear o avance de Galicia”.

Referiuse así ao do PPdeG á “creación de emprego e de riqueza da man de todas aquelas iniciativas e empresas que se queiran instalar en Galicia” e recordando que hai dous anos o Parlamento de Galicia aprobou por unanimidade unha iniciativa en defensa da instalación de Altri na provincia de Lugo “por tratarse dunha gran aposta económica, laboral e estratéxica”.

“Agora atopámonos con que a esquerda volve ao non e a boicotear o futuro de Galicia”, explicou a continuación poñendo en evidencia as contradicións dun PSOE que no seu día apoiaba o proxecto e neste momento “non sabe se seguir facéndoo ou non”. De feito, recordou que Besteiro, na súa etapa como delegado do Goberno, “chegou a ofrecerse como mediador entre Altri e o Ministerio de Industria”.

Ao igual que o BNG, que logo de apoiar tamén esta iniciativa, agora se posiciona “en contra de crear emprego e de que Galicia prospere”. Unha situación que, en opinión de Paula Prado, é habitual no nacionalismo galego: “É como cando Ana Pontón pasou de criticar a Amancio Ortega por ‘explotador’ a enxalzalo como ‘referente mundial’, ou cando falou de Finsa como ‘exemplo de innovación e sustentabilidade’ cando uns anos antes se refería a ela como parte da ‘oligarquía’ madereira de Galicia”.

“Tanto o PSOE como o BNG terán que explicar por que en dous anos pasaron de apoiar a Altri a querer boicotear a súa instalación”, concluíu a secretaria xeral do PPdeG remarcando que o seu partido seguirá dicindo si “a esta e a todas aquelas iniciativas que fagan que Galicia prospere e contribúan a que a nosa terra aproveite e xere oportunidades, desenvolva todo o seu potencial e avance cara o futuro sen medo e sen límites”.

TODO PARA CATALUÑA, NADA PARA GALICIA

Paula Prado criticou tamén aos partidos da oposición que calen ante o “cupo catalán”, que supón “traducir a chantaxe dos independentistas en desigualdade xurídica, territorial e económica entre as diferentes comunidades, e que garden silencio tamén sobre as consecuencias negativas para Galicia da renuncia de Pedro Sánchez de Presupostos Xerais do Estado para este ano.

“Esta renuncia se traducirá na extensión dos peores Presupostos para Galicia dos últimos anos, en 60 millóns de euros de déficit ao mes para o Goberno galego, e na falta de investimentos estatais no eido da sanidade, a dependencia ou nas infraestruturas”, afirmou.

Acusou neste sentido a PSOE e BNG de “preferir darlle todo a Cataluña e que Galicia se quede sen nada” e de “estar dispostos a ceder en todo por seguir mantendo no poder a Pedro Sánchez aínda que sexa a costa dos galegos”.

INICIO DE LEXISLATURA

Dado que hoxe mesmo se deu a coñecer a organización do Grupo Popular no Parlamento, Paula Prado agradeceu a confianza do presidente Rueda por apostar por ela como viceportavoz parlamentaria: “Intentarei representar do mellor xeito o gran traballo que van desenvolver os deputados e deputadas do PPdeG”.

“Alberto Pazos (portavoz), Cristina Sanz e María Martínez Allegue (viceportavoces) afrontamos esta nova lexislatura con ganas e ilusión, pero sobre todo co desexo de representar ao PPdeG e a todos os galegos e galegas”, rematou incidindo no compromiso adquirido polos 40 deputados e deputadas de “estar ao servizo de Galicia e á altura da confianza que os galegos depositaron en nós co seu voto”.

Novas Xeracións de Galicia aproba a designación da nova xestora provincial da organización na Coruña e reivindica o papel da xuventude na vitoria de Alfonso Rueda

Os órganos directivos de Novas Xeracións de Galicia veñen de aprobar a designación dunha nova xestora da organización na provincia da Coruña que contará coa sonense Ximena Louro como presidenta e o cercedense Yannick Juncal como secretario xeral.

Nunha reunión conxunta do Comité de Dirección, o Comité Executivo e a Xunta Directiva de Novas Xeracións celebrada na sede autonómica do PPdeG e presidida por Nicole Grueira, aprobouse a composición desta xestora que contará como vogais con Carlos Moledo, Andrea Iglesias, Araceli López, Manuel Ortigueira, Alba Miramontes, Nerea Mosquera, Brais Alonso, Jose Zar, Rafael Penide, Alberto Castellanos e Bea Quintía.

“Un equipo aberto e con moitas gañas de traballar para que as Novas Xeracións da Coruña sigan funcionando”, tal e como o define Nicole Grueira, quen ademais aproveitou a reunión para agradecer o traballo ao longo destes oito anos ao equipo encabezado por José Miguel Mahía.

O presidente saínte asegurou que “pecha unha etapa política e persoal brutal deixando unha provincia unida, forte e con relevo, cumprindo co compromiso adquirido no seu día” e desexou toda a súa sorte ao novo equipo nesta “aventura increíble”.

A MOCIDADE QUE FUNCIONA

Na xuntanza tamén se fixo unha análise dos resultados acadados nas eleccións autonómicas do 18 de febreiro e especialmente do papel que xogou a mocidade galega na consecuención da primeira maioría absoluta de Alfonso Rueda.

De feito, desde Novas Xeracións de Galicia destacan que o PPdeG foi a primeira opción e o partido máis votado entre o electorado menor de 30 anos e con iso, aseguran, demostrouse que “Galicia e a súa mocidade funcionan”.

O PPdeG proporá a Miguel Santalices como presidente do Parlamento de Galicia na XII Lexislatura

Miguel Santalices, Elena Candia e Ethel Vázquez serán os tres deputados que optarán por parte do PPdeG, mañá luns, a formar parte da Mesa do Parlamento de Galicia na XII Lexislatura que dá comezo.

Na Sesión constitutiva do Parlamento, os populares galegos proporán a Miguel Santalices, elixido deputado pola provincia de Ourense, como presidente da Cámara, un posto que xa ostentou nas dúas últimas lexislaturas (X e XI) e tamén no último tramo da IX, desde o 26 de xaneiro de 2016.

Santalices, nacido en Bande en 1955 e licenciado en Medicina e Cirurxía pola Universidade de Santiago de Compostela, é deputado autonómico desde o ano 1997. No Parlamento fora o portavoz popular de Sanidade e presidente da Comisión do ramo, ademais de ser vicepresidente primeiro ata ser elixido presidente.

Pola súa banda, Elena Candia, elixida pola provincia de Lugo, é a proposta do PPdeG como vicepresidenta primeira do Parlamento galego, lugar que ocupou na segunda metade da anterior lexislatura, desde maio de 2022. Ata ese momento exercía como vicevoceira do Grupo Parlamentario Popular.

Candia (Mondoñedo, 1978), licenciada en Dereito pola Universidade da Coruña, foi alcaldesa de Mondoñedo entre 2015 e 2020 e presidenta da Deputación de Lugo (2015). A nivel orgánico, desde 2016 é a presidenta provincial do PP de Lugo e desde 2023 é tamén voceira do grupo municipal do PP na cidade de Lugo.

ETHEL VÁZQUEZ, NOVA INCORPORACIÓN Á MESA

Así mesmo, o Partido Popular de Galicia proporá este luns a Ethel Vázquez, elixida como deputada pola provincia Coruña e actual conselleira de Infraestruturas e Mobilidade en funcións, como secretaria primeira da Mesa do Parlamento.

Ethel Vázquez naceu en Santiago de Compostela en 1972 e é enxeñeira técnica superior de Camiños, Canais e Portos pola Universidade da Coruña. Tras rematar os estudos superiores, en 1996 comezou a súa traxectoria profesional na empresa privada, ata que, en 2003, se incorporou ao organismo autónomo Augas de Galicia.

Asumiu presidencia de Augas de Galicia e da Empresa Pública de Obras e Servizos Hidráulicos (EPOSH) da Xunta en abril de 2009, cargo que exerceu ata ser nomeada directora xeral de Infraestruturas en setembro de 2010. En abril de 2011 asumiu a presidencia da Sociedade Pública de Investimentos de Galicia e en xaneiro de 2012 foi nomeada directora da Axencia Galega de Infraestruturas.

Desde 2014 a 2015 foi conselleira de Medio Ambiente, Territorio e Infraestruturas; e desde outubro de 2015 ata setembro de 2018 foi conselleira de Infraestruturas e Vivenda, momento no que pasou a ostentar o cargo de conselleira de Infraestruturas e Mobilidade que mantivo ata a actualidade.

O PPdeG solicita ao Goberno central que modifique o Real Decreto que obriga ao rexistro dos galiñeiros de autoconsumo

O Partido Popular de Galicia levará ao Parlamento galego, deputacións provinciais e concellos unha iniciativa a través da que se solicita ao Goberno de España que modifique o Real Decreto que obriga ao rexistro das explotacións avícolas para autoconsumo.

“Estamos a falar dunha nova medida que incrementa a excesiva carga burocrática que xa soporta o sector agrogandeiro, tanto o profesional como o destinado ao autoconsumo, que está a provocar tanto un abandono e desaparición de explotacións, como o fomento do abandono do propio rural”, sinalan os populares.

O Goberno de Pedro Sánchez publicou no mes de xullo de 2021 o Real Decreto 637/2021 polo que se regulan as normas básicas de ordenación das granxas avícolas, no que se recolle que aquelas explotacións familiares que crían aves para consumo propio, polo que non comercializan nin aves nin os seus produtos, deben estar inscritas no rexistro xeral de explotacións gandeiras.

MÁIS DE 50.000 EXPLOTACIOŃS AFECTADAS EN GALICIA

“Trátase de máis de 50.000 explotacións de autoconsumo galegas que se verán obrigadas a inscribirse neste rexistro, o que supón máis carga burocrática e trabas para aqueles propietarios que non sacan ningún beneficio económico destas explotacións ao non comercializar a súa produción”, explica o coordinador do Medio Rural do PPdeG, Avelino Souto.

Souto engade que o PPdeG “comparte o malestar destes propietarios de galiñeiros de autoconsumo fronte á decisión adoptada polo Goberno central, sen contar para nada, unha vez máis, coa opinión das comunidades autónomas e lexislando de costas ao territorio, sen atender as peculiaridades de cada zona”.

Neste sentido, lembra que a Xunta xa presentou alegacións en cada un dos trámites de desenvolvemento normativo seguidos por este Real Decreto, “que, lamentablemente, non foron atendidas”. “Unha vez máis, o Goberno de Sánchez impuxo á sociedade unha normativa que non atende ás especificidades do noso territorio e negouse a que estas explotacións de autoconsumo quedaran fóra do ámbito de aplicación deste Decreto Lei”, manifesta.

O PPdeG pide a dimisión de Tezanos logo de “insultar” aos galegos e ao constatar o seu “descrédito profesional”

O Partido Popular de Galicia pide a dimisión de José Félix Tezanos logo da publicación dunha reflexión na que, tal e como explican os populares, o responsable do CIS recorre ao “insulto” aos galegos para ocultar o seu “constatado e reiterado descrédito profesional” e minimizar a “derrota sen paliativos” do socialismo na Comunidade.

“Quen pense que unha maioría absoluta con máis de 700.000 votos e un apoio de máis do 47% se consegue porque os galegos son parvos e se deixan enganar é que nin coñece Galicia nin lle importa”, sostén neste sentido a secretaria xeral do PPdeG, Paula Prado, ironizando con que Tezanos critique nesta ocasión “o que Pedro Sánchez leva facendo en todas e cada unha das eleccións ás que se presentou”.

Refírese así ao “regueiro” de promesas electorais feitas por Sánchez tanto nas eleccións municipais, como nas xerais e máis recentemente tamén nas autonómicas. “Mentres algúns pensan que gañar unhas eleccións consiste en vir a Galicia en Falcon a facer promesas que nunca se van cumprir, no PPdeG traballamos cos pés na terra e todo o ano por resolver os problemas dos galegos”, engade a número dous dos populares ironizando co resultado de ambas estratexias.

Prado fai fincapé en que o presidente do Centro de Investigacións Sociolóxicas xa hai tempo que debería ter dimitido “non só pola súa escandalosa e pouco disimulada vinculación ao PSOE, senón polo errado das súas predicións”. E neste sentido pon sobre a mesa que as enquisas do CIS durante a campaña autonómica chegaron a dar ata 15 deputados aos socialistas galegos e na realidade isto traduciuse no peor resultado deste partido en Galicia na historia da nosa Autonomía ao obter tan só nove escanos no Parlamento.

Do mesmo xeito, estas sondaxes prognosticaban a perda da maioría absoluta do PPdeG e outorgáballe ata un mínimo de 34 escanos: “O que ía ser a perda da maioría absoluta resultou na primeira do presidente Alfonso Rueda”. Por non falar, ademais, de que o descoñecemento e a “burda manipulación dos datos” por parte do responsable do CIS chegaron ata o punto de que “os escanos que repartía nin se correspondían coa realidade”. Recordando así que nunha destas enquisas repartíase un escano de máis na provincia de Lugo e un de menos en Ourense.

“Que Tezanos deixe de enganar e insultar aos galegos, que nós xa nos encargaremos de traballar para seguir sendo merecedores da confianza que Galicia nos deu por moito que a algúns lles pese”, conclúe.

El PP reclama en el Senado la exclusión del lobo de la lista de especies protegidas y la elaboración de un plan que haga compatible su conservación con la defensa de los intereses de los ganaderos

El Partido Popular lleva al Senado una moción en la que solicita al Gobierno de España la exclusión del lobo del Listado de Especies Silvestres en Régimen de Protección Especial (LESPRE) y que, en colaboración con las comunidades autónomas que más padecen este problema y a los sectores implicados, elabore un Plan de Gestión que haga compatible su conservación con la defensa de los intereses de los ganaderos.

Recuerdan los populares que hasta el año 2021 se permitía a las Comunidades Autónomas adoptar medidas de control de poblaciones de lobos con el fin de garantizar su coexistencia con la actividad ganadera, pero que esto cambió cuando ese mismo año el Gobierno –con el voto en contra de las Comunidades afectadas– decidió incluír a toda la población del lobo español en el listado de especies estrictamente protegidas.

“La consecuencia de la inclusión del lobo en el LESPRE es el malestar de la población rural y más en concreto de los ganaderos, que ven cada día mermar sus rebaños a consecuencia de los ataques del lobo”, recoge el texto de la moción en el que se incide además en que las compensaciones económicas no son suficientes porque “el ganadero no quiere dinero, quiere a sus animales”.

De ahí que insten al Gobierno a que el lobo pase de ser especie “estrictamente protegida” a especie “protegida”, en consonancia con el último informe de la Unión Europea en el que se recomienda reconsiderar la posición en cuanto a la protección total de la especie.

ES NECESARIO MANTENER EL EQUILIBRIO EN EL MEDIO RURAL

Sobre esta cuestión, la senadora por la provincia de Lugo y alcaldesa de Guntín, María José Gómez explica que “desde unos años hemos pasado de ver ocasionalmente a un lobo acercarse a un rebaño a verlos en manada” y no sólo para atacar a los animales que están en extensivo, sino también a los perros que protegen estas explotaciones e incluso las casas particulares.

“Hay que poner medidas de control porque el lobo no tiene depredadores naturales”, asegura insistiendo en la necesidad de “mantener el equilibrio en el medio rural” para que sea compatible el trabajo de los ganaderos con la protección del lobo”.

Además de la suya, la moción registrada por el Partido Popular también cuenta con la firma del senador y alcalde de Lalín, José Crespo, en representación de la provincia de Pontevedra, y la senadora Carmen Leyte por parte de la provincia de Ourense.

O PPdeG reivindica que “a igualdade que funciona” en Galicia é a que se basea en “traballar, lexislar e investir en políticas que beneficien ás mulleres os 365 días do ano”

O PPdeG reivindicou hoxe, con motivo do Día Internacional da Muller, que “a igualdade que funciona” é a que se basea en “traballar, lexislar e investir en políticas que beneficien ás mulleres os 365 días do ano como fai o goberno presidido por Alfonso Rueda”.

“Para que Galicia funcione, ten que facelo en igualdade. E, grazas ás políticas que promovemos desde o PPdeG, Galicia funciona e faino en igualdade”, asegurou a secretaria xeral Paula Prado nun acto celebrado esta mañá na sede autonómica.

Na súa intervención, a número dous dos populares galegos subliñou que en Galicia o PPdeG lidera o voto feminino e que é ademais o partido con máis alcaldesas na nosa Comunidade: “Podemos e debemos sentirnos moi orgullosas do traballo feito ao longo destes anos. Temos moito do que presumir, motivos de sobra para ir coa cabeza ben alta e non imos aceptar que ninguén nos diga como se promove e se defende a igualdade”.

Neste sentido explicou a importancia de apostar pola conciliación, impulsar o emprendemento feminino, incidir no asesoramento e na posta a disposición de recursos para garantir a independencia das mulleres e loitar contra a violencia de xénero e a trata de seres humanos con fins de explotación sexual.

Destacou así medidas que fan de Galicia un referente nestes campos como a gratuidade da educación infantil de 0 a 3 anos, a cota cero para as autónomas galegas, a regulación do benestar laboral que contempla a Lei de Igualdade, a ampliación da rede de CIM con unidades móbiles anunciada polo presidente Rueda ou os mecanismos legais e axudas económicas que o Goberno galego pon a disposición das vítimas de violencia de xénero.

“O noso compromiso coa igualdade non se mide nos decibelios dos nosos discursos, senón no número de medidas que fomos implantando ao longo dos anos e nos resultados destas medidas”, concluíu.

NINGUNHA LECCIÓN DA ESQUERDA

Paula Prado reprochou aos partidos de esquerda que prefiran “quedarse só na pancarta e nas arengas para intentar agochar as nefastas consecuencias das súas políticas para as mulleres”, remarcando que desde o PPdeG non van aceptar deles “nin unha soa lección”.

Recordou a aprobación da Lei do ‘só si é si’, que considera “o maior retroceso nos dereitos das mulleres neste país e o maior ataque ás vítimas de violencia de xénero na nosa historia” e da que culpabilizou ao PSOE: “Nas súas conciencias pesarán sempre os máis de 1.200 delincuentes sexuais que viron rebaixadas as súas penas e os máis de 120 que están na rúa grazas a esta lei”.

Un PSOE que, ademais, “está moito máis preocupado de lexislar a favor dos independentistas que de lexislar a favor das mulleres” e “non é capaz nin de dar cumprimento ao Pacto de Estado contra a violencia de xénero que aprobou en 2017 o Goberno de Mariano Rajoy”.

Recriminou tamén ao BNG o seu apoio a esta lei e a súa negativa a modificala, deixando en evidencia así mesmo que os nacionalistas “se puxeron a medalla de pactar con Pedro Sánchez a creación de xulgados específicos de violencia de xénero en Galicia e calaron cando esta foi a primeira promesa incumprida do seu pacto”.

“Ao igual que calan ao negarse a condenar a invasión rusa de Ucraína ou os brutais ataques terroristas de Hamás a pesar da evidencia das violacións dos dereitos das mulleres que estes conflitos están producindo”, engadiu.

A IGUALDADE QUE FUNCIONA

A benvida ao acto correu a cargo da responsable da Promoción do Emprego e Igualdade en funcións no Goberno galego, Elena Rivo. A continuación tivo lugar unha mesa redonda moderada por Sandra Vázquez e na que interviñeron a presidenta de Novas Xeracións de Galicia, Nicole Grueira, e diversas integrantes das candidaturas provinciais do PPdeG nas eleccións autonómicas do 18 de febreiro: Carmen Pomar, Cristina Campero e Raquel Plana.

Nas súas intervencións abordaron como foi a súa chegada á política e a importancia da presenza feminina en postos de liderado, así como as medidas recollidas no programa electoral do PPdeG no eido da Igualdade de cara á próxima Lexislatura.