O PPdeG asegura que o Hospital da Mariña ten hoxe máis servizos, máis prestacións, máis especialistas e máis calidade asistencial que nunca”

A portavoz de Sanidade do Grupo Popular, Encarna Amigo, asegurou hoxe no Pleno do Parlamento galego que o Hospital da Mariña de Burela “ten hoxe máis servizos, máis prestacións, máis especialistas e máis calidade asistencial que nunca, e iso non se podería conseguir sen coordinación e sen planificación de área”. Neste sentido, asegurou que queremos seguir mellorando a atención sanitaria nesta comarca e criticou que “se disfrace de reivindicación sanitaria o que é claramente unha estratexia política partidista, como vemos en certas plataformas ateigadas de cargos públicos e militantes do PSOE e do BNG”.

Encarna Amigo manifestou que a integración do Hospital da Mariña na área sanitaria de Lugo “non supuxo perda algunha, senón todo o contrario: gracias á área sanitaria única optimizáronse recursos, ampliáronse servizos, reforzáronse equipos multidisciplinares e garantiuse a continuidade asistencial dos pacientes desta comarca lucense”.

En concreto, salientou que o Hospital da Mariña conta desde 2010 con 154 profesionais máis traballando no centro hospitalario, o que supuxo un incremento do 28,5 por cento. “Agora mesmo, profesionais dos hospitais universitarios de Lugo, de Monforte e de A Coruña estanse a desprazar á Mariña para reforzar aqueles servizos hospitalarios que o precisan, tanto en gardas como en consultas”, indicou a portavoz popular.

MÁIS ESPECIALISTAS E MELLORAS LABORAIS

“Hoxe está a piques de resolverse un concurso que xa permitiu incorporar cinco novos especialistas ao Hospital de Burela e que servirá para cubrir 17 prazas máis”, dixo Encarna Amigo, quen incidiu que “os servizos do Hospital da Mariña non fixeron máis que verse incrementados ao longo das lexislaturas do Goberno do PPdeG, en ámbitos tan importantes como a oncohematoloxía, coa que se evitan milleiros de desprazamentos cada ano; o servizo de hospitalización a domicilio ou a resonancia magnética fixa”.

Encarna Amigo apuntou que “tamén se puxeron en marcha medidas de calado a nivel laboral para mellorar as condicións dos profesionais e facer máis atractivas as prazas deste centro hospitalario”. Así, explicou que “os profesionais que apostan por traballar na Mariña reciben unha puntuación adicional e melloras para avanzar na súa carreira profesional”.

“Gracias ás medidas adoptadas pola Xunta, hoxe temos prazas clave cubertas no Hospital da Mariña e nos centros de saúde da comarca que doutro xeito seguirían vacantes, medidas que foron posible porque se puxeron en marcha leis e convocatorias que tanto BNG como PSdeG votaron en contra”, sinalou.

Para rematar, a portavoz popular destacou que o Hospital da Mariña “tamén viu mellorada a súa infraestrutura desde 2018, a través da súa ampliación e remodelación integral con máis de 6.000 metros cadrados, novas habitacións e consultas, logo dun investimento de 20 millóns de euros, e xa se prevé un novo investimento doutros 30 millóns de euros para a mellora deste centro hospitalario”. Fronte a isto, lembrou que o Goberno bipartito de PSdeG e BNG prevía a integración do Hospital da Mariña na área sanitaria de Ferrol, que abarcaría as actuais áreas sanitarias do norte de Lugo e de Ferrol.

O Grupo Popular afirma que o Plan de saúde mental 2025-2028 incorporará unha rede de psicoloxía clínica en atención primaria e o reforzo da atención infanto-xuvenil

A portavoz de Sanidade do Grupo Popular, Encarna Amigo, afirmou hoxe no Pleno do Parlamento de Galicia que o novo Plan de saúde mental 2025-2028 incorporará a creación dunha rede de psicoloxía clínica en atención primaria e o reforzo da atención á saúde mental infanto-xuvenil, así como un incremento das prazas en centros de rehabilitación psicosocial, pisos protexidos e unidades residenciais.

Encarna Amigo lembrou que a Xunta “leva meses traballando no novo Plan de saúde mental 2025-2028 e faino cun enfoque participativo, contando cos profesionais e coas entidades implicadas”.

Entre as novidades deste novo Plan de saúde mental, a portavoz popular citou a creación dunha rede de psicoloxía clínica en atención primaria, “que comezará este mesmo ano coa contratación de 14 novos psicólogos e que aspira a contar con 35 profesionais en 2028 e 50 no 2030”.

“Así mesmo, procederase ao reforzo da atención á saúde mental infanto-xuvenil, ampliando a atención pediátrica ata os 18 anos, ata os 21 no caso de TEA, e reforzando a continuidade asistencial”, engadiu.

PLAN 2020-2024 PIONEIRO

Respecto do Plan de saúde mental post-covid 19 2020-2024, Encarna Amigo lembrou que foi unha “iniciativa pioneira, que contou cun orzamento de 83 millóns de euros e que permitiu crear 244 novas prazas de profesionais da saúde mental en catro anos, profesionais que hoxe xa están a traballar na nosa rede pública de saúde”.

“Gracias a este plan, a sanidade pública galega conta hoxe con 557 profesionais da saúde mental, case o dobre dos que había en 2009, ao tempo que se puxeron en marcha sete unidades de prevención intensiva do suicidio, unha por cada área sanitaria e que xa atenderon a máis de 1.500 persoas en situación de risco”, engadiu.

O PPdeG asegura que “nunca antes o Servizo de Prevención dos incendios forestais foi tan único, tan estable, tan profesionalizado e tan equipado”

O deputado do Grupo Popular Ángel Rodríguez Conde asegurou hoxe no Pleno do Parlamento que “nunca antes o Servizo de Prevención dos incendios forestais de Galicia foi tan único, tan estable, tan profesionalizado e tan equipado”. Así mesmo, apuntou que no Plan de prevención e defensa contra os incendios forestais (Pladiga) “actualízase anualmente a listaxe e o mapa de parroquias de alta actividade incendiaria para poder establecer mecanismos máis adecuados na loita contra os incendios forestais”

Ángel Rodríguez lembrou que o Goberno galego do PPdeG “emendou a catastrófica xestión con SEAGA e integrou na xunta as brigadas que socialistas e nacionalistas crearon cando gobernaron, ao tempo que ampliou de tres a seis e de seis a nove meses o tempo de traballo do seu persoal fixo-descontinuo e completou a funcionarización de dous terzos do persoal laboral”.

“Nunca o Servizo de Prevención dos incendios forestais estivo tan profesionalizado a través dunha clara aposta pola formación teórica e práctica do seu persoal”, subliñou o deputado popular, quen tamén destacou o equipamento deste servizo “cun reforzo de medios e materiais como EPIS, vehículos de brigadas e motobombas, ou a rede de bases, que o sitúan como un dos mellores de España”.

AXUDAS PARA PREVIR DANOS

Así mesmo, dentro das medidas que se están a facer desde a Consellería do Medio Rural, o deputado popular referiuse á ampliación a 5,4 millóns de euros as axudas para previr os danos causados por incendios ou desastres naturais en montes de agrupacións forestais de xestión conxunta, como en montes veciñais en man común. En concreto, estas actuacións subvencionadas céntranse fundamentalmente no control de biomasa en áreas devasa e faixas auxiliares de pista, buscando reducir a carga de combustible presente no monte e establecer zonas con discontinuidade horizontal ou vertical.

Por outra banda, Ángel Rodríguez lembrou que os mapas de combustibles forestais “serán un dos produtos resultantes do inventario forestal continuo de Galicia, froito da integración de datos recollidos tanto en campo como a través de fontes de teledetección, permitindo caracterizar con detalle a estrutura da vexetación e a dispoñibilidade da biomasa en Galicia”.

El Congreso demanda al Estado que compense a los ayuntamientos que albergan centros penitenciarios por los sobrecostes que asumen

La portavoz del GPP en el Congreso, Ana Vázquez, explica que esta iniciativa del GPP para proceder a la compensación a los ayuntamientos en donde se ubican los centros penitenciarios dependientes del Ministerio del Interior, “no surge los diputados nacionales gallegos, sino de los alcaldes de Curtis, Outeiro de Rei, A Lama, Monterroso y O Pereiro de Aguiar, que representan a 63 alcaldes”.

Denuncia que los ayuntamientos que no pueden recaudar el IBI de los centros penitenciarios están obligados, sin compensación alguna, a suministrarles servicios esenciales como el agua potable o la recogida de basuras, así como a mantener en buen estado la red viaria que conduce a estos centros o a los juzgados de paz. Además, aclara que la población reclusa no figura en el padrón municipal, por lo que no computa a efectos de financiación, pese al evidente impacto económico que supone para los consistorios.

“Cuando Cataluña asumió la competencia de prisiones en 2015, el Gobierno aprobó el Real Decreto 31/2015, que estableció dos tipos de compensación para los ayuntamientos con centros penitenciarios”, explica. “Por un lado, no se les eximió del cobro del IBI, que siguen recibiendo con normalidad, y, por otro, se les reconoció una compensación adicional por cada recluso, en reconocimiento al coste añadido que asumen estos municipios”, señala.

En Galicia, con mucho esfuerzo por parte de los ciudadanos gallegos, la Xunta de Galicia empezó también ya a compensar a estos ayuntamientos por un centro penitenciario que no es competencia autonómica, pero que ve que, efectivamente, estos municipios están prestando una serie de servicios de carácter gratuito para una población ingente y que necesitan recursos.

Recuerda que, el Real Decreto Legislativo 2004 recoge la Ley Reguladora de Haciendas Locales y establece el Impuesto sobre Bienes Inmuebles (IBI), sin embargo, “no todos los inmuebles están sujetos a dicho tributo, ya que hay excepciones”.

Entre ellos están los que son propiedad del Estado, de las CCAA, EELL y los directamente afectados a la defensa nacional, seguridad ciudadana y los servicios educativos y “ahí se encuentran los centros penitenciarios”. “Esto supone una merma importante en las arcas de los municipios porque, además, todos estos centros están situados en el ámbito rural”, agrega.

Por ello, piden medidas complementarias y compensatorias por parte del Estado, que así lo contempla en los PGE, para que la Secretaría General de Financiación Autonómica y Local pueda dictar resoluciones y favorecer estos procedimientos de compensación a solicitud de los interesados.

O Grupo Popular salienta que Galicia tamén será o vindeiro ano a Comunidade autónoma coa maior taxa neta de escolarización infantil de 0 a 3 anos

A portavoz de Política Social do Grupo Popular, Raquel Arias, salientou hoxe no Pleno do Parlamento galego que Galicia será o vindeiro ano, unha vez máis, a comunidade autónoma coa maior taxa neta de escolarización infantil de 0 a 3 anos de toda España, ao que se engade a gratuidade destas escolas para todos os nenos e nenas.

Raquel Arias concretou que a escolarización para nenos e nenas de 0 a 3 anos acada en Galicia o 60,6 por cento, cando a media de España se sitúa no 49 por cento. “Son 20 puntos por enriba da porcentaxe de escolarización de Cataluña e o dobre que o que teñen en Asturias”, apuntou.

Ademais, lembrou que desde hai catro anos as escolas infantís son gratuítas para todos os nenos de 0 a 3 anos, “sexa cal sexa o centro ao que vaian, tanto público, como privado ou dunha entidade social”. Esta medida, que as familias poden gozar ata un máximo de 8 horas ao día durante once meses cada ano, permite un aforro de cerca de 3.000 euros por fillo cada ano.

RECURSOS DE CONCILIACIÓN EN TODOS OS CONCELLOS

“En Galicia, todos os concellos, por moi pequenos que sexan, contan cun recurso de conciliación gracias ás casas-niño, das que hai un cento repartidas por toda a xeografía galega”, indicou a portavoz popular.

Porén, Raquel Arias afirmou que “a Xunta dispón para as familias de todos estes beneficios exclusivamente cos seus orzamentos, aos que dedica cada ano 65 millóns de euros”. “Lamentablemente non conta co apoio do Goberno de Pedro Sánchez, a pesar de que xa prometera a gratuidade das escolas infantís en 2018 e de que na última Conferencia de Presidentes prometeu 175 millóns de euros para este fin”, sinalou.

Para rematar, a portavoz popular asegurou que “Galicia está executando os fondos europeos e con eles vanse crear 1.000 novas prazas de escolas infantís, en colaboración cos concellos”. “1.000 novas prazas que, desgraciadamente, non se poderán beneficiar as familias de ningún concello gobernado polo BNG porque os seus alcaldes se negaron a solicitalas”, dixo.

Alberto Pazos afirma que o concerto económico para Galicia do BNG supón “sacrificar o benestar e a prosperidade dos galegos para alcanzar o paraíso nacionalista dunha Galicia independente”

O portavoz do Grupo Popular, Alberto Pazos, afirmou hoxe no Pleno do Parlamento galego que a proposta dun sistema de concerto económico para Galicia que demanda o BNG supón “sacrificar o benestar e a prosperidade dos galegos para alcanzar o paraíso nacionalista dunha Galicia independente”.

Alberto Pazos lembrou que a proposta de concerto económico para Galicia “é unha alternativa carente de todo respaldo e que foi desaconsellada por todos os expertos que coinciden unánime e categoricamente en que este sistema é letal para Galicia e que suporía unha perda de recursos inasumible”.

En concreto, o portavoz popular referiuse ao recente análise realizado polo Foro Económico de Galicia, que descarta radicalmente o concerto económico por supoñer unha perda de financiamento de entre 2.128 e 2.647 millóns de euros; ao informe elaborado por Ángel de la Fuente para Fedea no que advirte, con datos de 2015, dunha perda de financiamento para Galicia de entre 1.400 e 1.600 millóns de euros; ou á práctica totalidade de expertos que compareceron na Comisión de estudo sobre o financiamento autonómico realizada neste Parlamento, que desbotaron este cupo que nos conduciría a unha gravísima insuficiencia financeira. “A pesar desta unanimidade, o BNG nos propón desoír toda a evidencia científica para embarcarnos nun experimento baseado no puro fanatismo, apoiándose na única opinión dun licenciado en económicas”, indicou.

Pazos lembrou que desde o Goberno galego e desde o Grupo Popular “levamos tempo reivindicando un novo sistema de financiamento autonómico máis xusto, máis equilibrado e que atenda mellor as nosas necesidades”. “Unha proposta, baseada nos principios de solidariedade e de igualdade entre os españois, que estableza como eixo fundamental de cálculo o custe real da prestación de servizos públicos, e que compense adecuadamente factores como o avellentamento e a dispersión, que tanto elevan ese custe”, apuntou.

Para rematar, o portavoz popular lamentou que “hoxe volvemos a debater sobre o xa debatido, porque forma parte do proceso de volta ás esencias do BNG, para quen é máis importante reivindicar a independencia de Galicia que reivindicar recursos para a dependencia dos galegos; é máis importante atender as consignas da UPG que as necesidades reais dos galegos; e é máis importante reclamar as chaves da caixa que garantir que haxa cartos dentro desa caixa”.