O Grupo Popular demanda ao Concello de Vigo que actúe no CEIP Celso Emilio Ferreiro en cumprimento das competencias que ten en materia de mantemento e conservación de colexios

A deputada do Grupo Popular Patricia García demandou hoxe no Parlamento galego ao Concello de Vigo, no debate dunha iniciativa sobre o abandono e deterioro que presenta na actualidade o colexio Celso Emilio Ferreiro, que cumpra coas competencias que lle corresponden en materia de mantemento e conservación das infraestruturas educativas na Lei reguladora das bases de réxime local e a Lei orgánica de Educación e leve adiante os traballos de mantemento que precisa este centro de ensino.

Patricia García lembrou que o CEIP Celso Emilio Ferreiro foi construído en 1980, “polo que leva máis de 40 anos sen recibir un mantemento estrutural axeitado por parte do Concello de Vigo”. “O resultado desta neglixencia continuada é un edificio con cuberta deteriorada, risco de desprendemento e estrutura deformada, derivado de que os responsables municipais eludiron as súas responsabilidades básicas durante todos estes anos”, indicou.

FALTA DE MANTEMENTO CONTINUADA

“A situación do CEIP Celso Emilio Ferreiro é consecuencia directa dunha falta de mantemento continuada por parte do Concello durante máis de 40 anos, porque o que ocorreu non é un accidente, é o resultado dunha política municipal que non se preocupa polas instalacións escolares ata que hai un risco real e inmediato”, indicou.

Neste sentido, a deputada popular lembrou que a responsabilidade do mantemento ordinario dos centros de infantil e primaria corresponde aos concellos, segundo se establece tanto na Lei de bases de réxime local como na Lei orgánica de educación.

“A Xunta cumpre coas súas competencias con investimentos nos centros que lle corresponden, como é o caso do cambio da cuberta do ximnasio e dos anexos no CEIP Chans-Bembrive”, indicou Patricia García, que subliñou que “Vigo é a cidade de Galicia onde máis se investiu en infraestruturas educativas nos últimos anos”. En concreto, o Goberno galego leva investidos desde 2021 máis de 36 millóns de euros en 170 actuacións en 73 centros públicos no marco do Plan de nova arquitectura pedagóxica.

Ademais, asegurou que “Galicia é hoxe unha das comunidades que máis inviste por alumno en España: 8.075 euros por alumno, mil euros máis que a media estatal”.

O Grupo Popular garante o compromiso da Xunta na construción da nova residencia de maiores de Ribeira e pide ao Concello unha parcela que cumpra cos novos requisitos esixidos polo Goberno central

A viceportavoz do Grupo Popular, Cristina Sanz, asegurou hoxe no Parlamento de Galicia o pleno compromiso da Xunta de Galicia de construír en Ribeira unha residencia pública coa que garantir a atención das persoas maiores deste municipio e da comarca, para o que demandou que o Concello dispoña dunha parcela que cumpra cos novos requisitos esixidos para a súa construción, tendo en conta a modificación da normativa sobre xestión do risco de inundación que está tramitando o Goberno central.

Cristina Sanz afirmou que “a residencia de maiores de Ribeira trátase dun proxecto completamente irrenunciable, que debe realizarse coas máximas garantías respecto ao cumprimento da normativa relativa aos riscos de inundación e que non cumpre a localización prevista inicialmente no lugar de Saíñas na parroquia de Palmeira”.

Deste xeito, o Grupo Popular apoiou a aprobación da proposición non de lei a través da que se solicita que a Consellería de Política Social designe de inmediato os técnicos que leven adiante un traballo áxil cos técnicos municipais para analizar os novos criterios legais que impedirían a construción desta residencia pública no lugar proxectado, de xeito que se poida axilizar ao máximo a localización dunha nova parcela.

Na súa intervención, a viceportavoz explicou que, logo da dana que se sufriu en Valencia, o Goberno central iniciou un proceso de modificación da normativa estatal para prohibir a edificación en zonas como a prevista inicialmente para a construción desta residencia de maiores en Ribeira, xa que ten risco de posible inundación.

PARCELA MÍNIMA DE 6.000 METROS CADRADOS

“A Consellería de Política Social xa ten solicitado ao Concello de Ribeira que propoña, á maior brevidade, unha nova parcela dunha superficie mínima de 6.000 metros cadrados na que se poida continuar co compromiso de construír esta residencia de maiores, algo no que xa están traballando os representantes do PPdeG neste concello, que xa se puxeron a traballar na busca de novas localizacións”, indicou.

A viceportavoz popular asegurou “compartir co BNG o desexo de que este proxecto poida iniciarse canto antes, porque estamos ante unha edificio piloto cunha estrutura que se adapta ao novo modelo de residencias: máis centradas nas persoas, accesible e con maior intimidade gracias ás habitacións individuais e os baños adaptados”. Unha nova residencia de maiores con 100 prazas e que contará cun orzamento inicial de 10 millóns de euros.

Millán Mon reitera la necesidad de que se haga justicia en el caso de Diego Bello

El eurodiputado del Partido Popular Francisco Millán Mon participó hoy en un debate conjunto de la Comisión de Asuntos Exteriores y la Subcomisión de Derechos Humanos del Parlamento Europeo sobre la situación en Filipinas. El debate contó con la participación de varias ONGs y también con la Directora General Adjunta para Asia del Servicio Europeo de Acción Exterior Paola Pampaloni.

Durante su intervención, Millán Mon se refirió al proceso judicial en curso en Filipinas por el asesinato del ciudadano español Diego Bello y pidió mantener la atención sobre este caso.

El eurodiputado popular comenzó destacando que, en un contexto global marcado por crecientes tensiones y conflictos, las relaciones con Asia adquieren para la Unión Europea una relevancia estratégica cada vez mayor. “Filipinas es un país próximo a Occidente – el más próximo dentro del continente asiático– y esta cercanía se ha visto recobrada con el presidente Marcos, tras el periodo de distanciamiento vivido durante el mandato de Duterte”, señaló.

Millán Mon se refirió a la reciente visita al país de la Alta Representante de la Unión para Asuntos Exteriores y Política de Seguridad Kaja Kallas y valoró positivamente –como resultado de la visita– la puesta en marcha de un diálogo regular sobre seguridad y defensa entre la Unión Europea y Filipinas. El eurodiputado gallego también celebró que en el comunicado adoptado tras la reunión de la señora Kallas con el Ministro de Exteriores filipino se subrayara que los Derechos Humanos, el Estado de derecho y la buena gobernanza son pilares fundamentales de la relación entre ambas partes.

El eurodiputado gallego reiteró que “con el presidente Marcos se había entrado en una nueva etapa, más favorable a las relaciones con la Unión Europea y al respeto del Estado de derecho y de los Derechos Humanos”. Y añadió: “esta evolución, frente a la etapa oscura del presidente Duterte, debe continuar y acelerarse”. En este sentido, valoró positivamente el dialogo Unión Europea – Filipinas sobre estos temas en el marco del Subcomité de Buena Gobernanza, Estado de Derecho y Derechos Humanos, que preside Paola Pampaloni por parte de la UE.

En este contexto Millán Mon recordó el caso de Diego Bello —mencionado también por la señora Pampaloni—: “Diego era un joven coruñés, de Galicia, de mi circunscripción, que fue asesinado por tres policías en Filipinas en enero de 2020”. El eurodiputado gallego celebró “que el proceso judicial avance adecuadamente”. “Hace apenas un mes, se hizo pública la decisión judicial de denegar la libertad bajo fianza a los acusados de su asesinato”, añadió.

Finalmente, Millán Mon advirtió: “debemos mantenernos vigilantes y, en nuestros contactos con las autoridades filipinas, seguir insistiendo -a todos los niveles- en la importancia que damos a una resolución justa de este caso”. Añadió que debe hacerse justicia y que los responsables deben ser condenados.

Paula Prado asegura que o socialismo é “un barco á deriva” e Pedro Sánchez “un presidente que xa ve moi preto o seu final”

A secretaria xeral do PPdeG, Paula Prado, asegura que o socialismo é “un barco á deriva” e Pedro Sánchez “un presidente que xa ve moi preto o seu final” e pon o foco na “fidelidade” dun BNG que “seguirá sendo cómplice da corrupción do PSOE mentres non lle retire o apoio alá onde son socios”.

Esta mañá, nunha rolda de prensa ofrecida na sede autonómica do partido, a número dous dos populares galegos referiuse así á “insostible” situación dun Goberno de España “podre de corrupción e cun presidente rodeado de imputados no seu partido, no seu equipo e na súa familia”.

“En ningún país da Unión Europea un primeiro ministro co seu historial aguantaría á fronte do Goberno. Pero nin el nin os seus socios fan un mínimo de autocrítica e por iso seguimos nesta situación tan anormal”, explicou referíndose a un BNG que “nin pide explicacións, nin pide dimisións, nin pide eleccións”.

De feito, afeou a Ana Pontón as súas “vergoñentas e afastadas” declaracións cando se fixo publico o informe da UCO: “Mentres toda España estaba indignada por un gravísimo e repulsivo caso de corrupción, dedicouse a acusar ao PP e aos xuíces de instrumentalización da Xustiza”.

O “DECÁLOGO” DA CORRUPCIÓN SOCIALISTA EN LUGO

Paula Prado centrou a súa intervención en expoñer “a deriva” na que está sumido o socialismo galego e en concreto na provincia de Lugo, que na súa opinión é a “zona cero da corrupción do PSOE” e o lugar onde se atopan gran parte das explicacións da actual situación deste partido e dos seus membros.

Fixo así un “decálogo” no que se referiu a que, nas últimas eleccións xerais, Lugo foi a provincia que máis apoio lle deu ao Partido Popular en toda España (máis dun 50%) e que Gómez Besteiro conseguiu o peor resultado histórico do PSdeG precisamente representando a Lugo.

A isto súmase que a lucense e pregoeira das festas de Monforte, Isabel Pardo de Vera, é “actriz principal do caso Cerdán”, que Galicia sae no informe da UCO “grazas ao suposto amaño dunha obra do tramo ferroviario Monforte-Lugo” ou que o Concello de Lugo premiase a Óscar Puente como “veciño do ano” cando o seu Ministerio “despreza á cidade é a provincia en materia de infraestruturas”.

Tamén que “Ábalos e Koldo apuntan a Pepe Blanco como xefe dunha rede de influencias para conseguir contratos de Transportes” e incluso que “a fontaneira do PSOE, Leire Díaz”, ten raíces na provincia de Lugo”. Sen esquecerse tampouco dos “paseos en catamarán” dos socialistas lucenses con Santos Cerdán.

E todo isto mentres “varios deputados provinciais do PSOE rebeláronse ante o liderado de Tomé e se ausentaron do pleno da Deputación” e o PSdeG no seu conxunto, e en particular o seu líder, “apoian e gaban a Sánchez, un presidente cercado pola corrupción e o máis lesivo da historia para Galicia”.

PSOE MACHISTA, BNG CÓMPLICE

A secretaria xeral do PPdeG quixo comentar ademais a “situación surrealista e hipócrita” que se viviu onte nalgunhas sedes do partido en Galicia: “Surrealista porque protestan e atacan as nosas sedes coa que está a caer noutros partidos e hipócrita porque detrás está o BNG, que segue calado ante a trama de prostitución dos seus socios do PSOE”.

“Onte o BNG levou a cabo o que mellor sabe facer: manifestación e alboroto, con ataques graves de odio”, sinalou facendo referencia aos berros que se escoitaron e criticando que os mesmos que os protagonizaban son “aos que aínda non se lle escoitou a primeira crítica aos responsables públicos do PSOE pola contratación de prostitutas a cambio de favores”.

O Grupo Popular lamenta o a falta de mantemento por parte do Concello de Padrón do centro de saúde e pide que a Xunta avalíe colaborar na realización de melloras puntuais

A portavoz de Sanidade do Grupo Popular, Encarna Amigo, lamentou hoxe no Parlamento de Galicia a falta dun mantemento axeitado por parte do Concello de Padrón do centro de saúde desta localidade, polo que demandou á Xunta que avalíe a posibilidade de colaborar na realización de melloras puntuais neste edificio.

Encarna Amigo explicou que “as carencias que o centro de saúde de Padrón presenta son principalmente de falta de mantemento axeitado por parte do Concello, o que provocou un deterioro continuo do edificio”.

DISPOSICIÓN A COLABORAR

“A Xunta sempre está disposta a colaborar cos concellos, pero esa colaboración non pode ser substitución, e moito menos pode converterse en tapar a deixadez doutros con recursos públicos de todos os galegos”, sinalou.

Deste xeito, sinalou que “quen pide reformas, que primeiro manteña o que xa ten, porque se non o que se pretende non é mellorar a sanidade pública, senón facer política local con fins partidistas”.

A portavoz popular lembrou que a Xunta destinou desde o ano 2018 máis de 215.000 euros en actuacións de conservación e mantemento do centro de saúde de Padrón, “reforzando o seu firme compromiso de colaborar aínda que o mantemento fundamental corresponde ao Concello”.

“A Xunta está disposta a seguir colaborando, como sempre fixo, pero é inaceptable que se ignore a obriga do Concello e se pretenda trasladar toda a responsabilidade á Administración autonómica”, rematou.