Alberto Pazos pide a BNG e PSdeG que “deixen de mentir aos galegos coa súa defensa da quita da débeda, un negocio ruinoso para Galicia que suporá que cada galego se endebede en 225 euros máis”

O portavoz do Grupo Popular, Alberto Pazos, demandou hoxe a BNG e PSdeG que “deixen de seguir enganando aos galegos coa súa defensa da quita da débeda, un negocio ruinoso para Galicia que se traduce en que cada galego se endebede en 225 euros máis”. Así mesmo, demandou ao Goberno central que “aproveite o recente ditame da Comisión Europea, que advirte de que as prórrogas da concesión feitas polo Goberno de España vulneran as regras comunitarias en materia de contratación pública, para proceder ao rescate da concesión e a liberalización das peaxes da AP-9”.

Alberto Pazos pediu aos grupos da oposición que “deixen de enganar aos galegos coas virtuais vantaxes desta quita, porque esta decisión do Goberno central só responde aos seus compromisos asumidos cos independentistas cataláns para garantir o seu apoio tanto á investidura de Pedro Sánchez como de Salvador Illa”. En concreto, referíndose ao BNG demandoulles que “deixen de ser o tonto útil do independentismo catalán e defendan por unha vez os intereses reais de Galicia, recoñecendo que esta quita da débeda é un negocio ruinoso para os galegos que só responde aos intereses de Pedro Sánchez por manterse na Moncloa”.

Na súa intervención, o portavoz popular explicou que coa quita da débeda “cada galego verá incrementada a súa débeda pública en 225 euros, unha cifra que resulta dunha conta ben sinxela: por unha banda, a cada galego se lle reduce 1.477 euros da parte que lle corresponde da débeda galega; pero, ao mesmo tempo, a parte que lle corresponde a cada galego da débeda española se incrementa ata os 1.702 euros”. “É dicir: a quita non é outra cousa que traspasar unha parte da débeda das comunidades autónomas ao Estado”, afirmou.

DESPREZO ÁS POLÍTICAS RESPONSABLES

Ademais, engadiu que “non é so que cada galego vexa incrementada a débeda que lle corresponde respecto do conxunto do Estado, senón que tamén supón un desprezo ás políticas responsables desenvolvidas polo Goberno galego ao premiar a quen xestionou pesimamente e malgastaron os seus recursos”.

“Deixen de mentir cando afirman que esta quita suporá máis cartos para investir en políticas sociais, porque a verdade é que, tal e como e fixa a propia Lei de estabilidade orzamentaria, non se poderá destinar os aforros dos xurros para aumentar o gasto en sanidade, educación ou políticas sociais, ou nas axudas ás vítimas dos incendios”, solicitou a BNG e PSdeG.

Alberto Pazos referiuse tamén ao Pleno do Parlamento de Galicia que terá lugar a vindeira semana, que dará comezo cunha comparecencia do Presidente da Xunta sobre os incendios forestais. Neste sentido, salientou “o traballo e a dedicación do Presidente Rueda ao longo destas últimas semanas, desprazándose diariamente ás zonas afectadas polos lumes e recabando información de primeira man sobre a evolución dos incendios e as medidas que se estaban a tomar, porque a prioridade, como xa se dixo, foron as persoas e as vivendas”.

Así mesmo, puxo en valor “o excelente traballo feito por todos os profesionais, bombeiros, brigadas municipais e persoal da policía autonómica, UME e forzas e corpos de seguridade do Estado que teñen participado nas labores de prevención e extinción e extinción dos lumes, afrontando unha situación que, se non fora pola súa capacidade e efectividade, seguro que estaríamos falando de consecuencias moito peores provocadas por estes lumes de natureza explosiva que este verán arrasaron moitas zonas da nosa Comunidade autónoma”.

“A implicación e o compromiso do Presidente Rueda, e de todo o seu goberno na loita contra os incendios forestais viuse, primeiro, estando en todo momento ao carón dos afectados e do operativo que loitaba contra os lumes, e, agora, coa posta a disposición de todos os galegos que se viron afectados polos lumes un amplo paquete de axudas, que abrangue apoios para a recuperación de vivendas, explotacións agrogandeiras, negocios ou instalacións municipais, que buscan chegar a todos os afectados o máis rápido posible e, ademais, ás que o Goberno galego non lles puxo límite orzamentario”, subliñou o portavoz popular.

RESCATE E ELIMINACIÓN DE PEAXES NA AP-9

Por último, e tamén relacionado coa sesión plenaria da vindeira semana, Alberto Pazos lembrou que o Grupo Popular defenderá unha proposición non de lei a través da que se demanda ao Goberno de Pedro Sánchez que aproveite o recente ditame da Comisión Europea, que advirte de que as prórrogas da concesión feitas polo Goberno de España vulneran as regras comunitarias en materia de contratación pública, para proceder ao rescate da concesión e a liberalización das peaxes da AP-9.

“Estamos convencidos de que, neste momento, esta é a alternativa máis vantaxosa para o Goberno de España, tendo presente, ademais, que o custo que suporía o rescate, arredor de 2.356 millóns de euros na actualidade, é semellante á cantidade que se deberá aboar á concesionaria ata o remate da concesión”, explicou.

Pazos afirmou que “estamos ante unha demanda sensata, viable e que compensará a nivel económico o esforzo que neste momento teña que facer o Goberno central”, e avogou porque o Goberno de Pedro Sánchez teña máis receptividade a esta solicitude que a que lle está dando á tramitación no Congreso da proposición de lei de transferencia da AP-9 a Galicia, “un conto sen fin que xa vai por 54 prórrogas na súa tramitación”.

O PPdeG reafirma o seu apoio á xestión de Alfonso Rueda na medida en que supón a constatación de que “Galicia goberna”

O PPdeG quixo hoxe reafirmar o seu apoio á xestión do presidente Alfonso Rueda na medida en que supón a constatación de que “Galicia goberna” e permite que a nosa comunidade teña unha posición de liderado “tanto cando hai unha situación extraordinaria, como cando hai que xestionar e propoñer novas medidas ou cando se trata de escribir o futuro da nosa terra”.

Así o manifestou a secretaria xeral do partido, Paula Prado, nunha rolda de prensa ofrecida esta mañá e na que se referiu á ola de incendios sufrida este verán como “unha situación extraordinaria”. Unha situación á que o Goberno galego deu “unha resposta que tamén foi extraordinaria poñendo en marcha o maior dispositivo da historia de Galicia, con axudas completas e rápidas e cun equipo e un presidente, Alfonso Rueda, que estiveron onde debían estar”.

“Todo o mundo que traballa ten acertos e erros, e a Xunta tamén os ten porque traballou”, engadiu ao tempo que avanzaba que na comparecencia parlamentaria do presidente Rueda a próxima semana “verase quen trae propostas útiles e un discurso construtivo, e quen vén unicamente con dogmas de fe e consignas aderezadas co seu tradicional discurso apocalíptico e catastrofista”.

Prado criticou con dureza que “como ocorreu sempre” a oposición “xa tiña escritas as súas conclusións, os seus ataques e os seus insultos á intelixencia dos galegos antes de que empezara a vaga de lumes”. Só así se entende, na súa opinión, que “primeiro pediron unha comparecencia e, como a van ter, agora xa pasaron ao capítulo de petición de dimisión”.

“No seu dicionario hai tres palabras que se repiten constantemente cando falan da Xunta ou do PP: ‘non’, ‘manifestación’ e ‘dimisión’”, concluíu lamentando que “con iso pretenden arranxar todo sen necesidade de analizar cada situación” e afirmando que “en política é fácil distinguir a quen quere buscar solucións de quen só pretende enredar”.

Referíndose ao caso concreto do BNG, censurou que o independentismo galego, en plena vaga de incendios, “só pensara en organizar manifestacións e en saír á rúa coas súas bandeiras”. Unha crítica que fixo extensiva tamén a Abel Caballero e a Yolanda Díaz, aos que cualificou de “invitados estrela” desas manifestacións e aos que afeou que “pensaran antes na política que nos galegos”.

Nesta liña apuntou que “unha barbaridade como a de convocar manifestacións en plena vaga de incendios si que merecía algunha dimisión” e lamentou que Ana Pontón e Besteiro non demostren a mesma actitude “cando se trata da corrupción do PSOE, da quita da débeda ou de esixir medios ao Goberno central”.

BULOS SOBRE A QUITA DA DÉBEDA

Precisamente sobre a cuestión da quita da débeda, a secretaria xeral do PPdeG cuestionou o concepto de “normalidade” que teñen tanto o PSOE como o BNG ao aplaudir que “un presidente dunha comunidade autónoma se reúna cun prófugo da xustiza” –en referencia ao encontro entre Salvador Illa e Carles Puigdemont– e ao pretender “enganar aos galegos” a través de “bulos”.

“A condonación da débeda non vai supoñer contar con cartos que se poidan usar para gasto social nin para as axudas dos incendios”, explicou indicando que esta condonación é “unha fraude e un negocio ruinoso para Galicia que só serve para beneficiar a Pedro Sánchez e aos seus socios independentistas”.

O que se busca con esta medida, engadiu, é “que todas as comunidades autónomas paguemos os compromisos que Pedro Sánchez adquiriu de xeito unilateral co independentismo catalán”. Algo que suporía un “negocio ruinoso para Galicia” na medida en que a nosa comunidade “tería que asumir uns 600 millóns de euros de débeda procedente doutras comunidades cos seus correspondentes intereses”.

“A cada galego se lle reduciría a débeda autonómica en 1.477 euros, pero pasa a asumir da débeda estatal 1.702 euros. É dicir, cada galego tería que pagar 225 euros máis”, sintetizou concluíndo que no PPdeG non están dispostos a que “se castigue a Galicia desa maneira” e que por iso o Goberno galego xa anunciou que non se vai acoller a este mecanismo.

Millán Mon subraya que Mercosur abre una gran ventana de oportunidades en un momento de tensión política y guerra comercial en el mundo

El eurodiputado del PPdeG Francisco Millán Mon subrayó que Mercosur abre una gran ventana de oportunidades en un momento de tensión política y guerra comercial en el mundo, valorando muy positivamente el acuerdo comercial presentado por la Comisión Europea y que representa un paso decisivo en las relaciones con un socio “estratégico”.

No obstante, tanto él, ponente del acuerdo en la Comisión de Exteriores, como el eurodiputado Gabriel Mato, responsable del expediente en la Comisión de Comercio Internacional, insistieron en que el éxito del pacto dependerá de garantizar la protección de agricultores y ganaderos europeos para los que ya hay previstas medidas positivas dentro del pacto: contingentes arancelarios que limitan a un incremento de 1,5% las importaciones de carne de vacuno y 1,3% las de aves de corral dentro de la protección de productos sensibles, cláusulas de salvaguardia que permitirán reaccionar ante cualquier amenaza o perjuicio para el sector, y además un fondo de protección reforzado para apoyar a los productores en situaciones de crisis excepcionales.

El eurodiputado gallego incidió en la importancia histórica y estratégica de este acuerdo comercial. Según apuntó, “es un instrumento importante para reforzar nuestros vínculos políticos, económico-comerciales y de todo tipo con los países de Mercosur, en un mundo cada vez más complejo, fragmentado y cambiante, en el que es fundamental fortalecer los lazos con países afines con los que compartimos valores e intereses y también la defensa de un orden internacional basado en normas”.

También destacó que “el Acuerdo contribuirá a reforzar la cooperación con estos países y permitirá afrontar conjuntamente de forma más eficiente retos globales tan importantes como el crimen organizado, el narcotráfico y el cambio climático”.

Asimismo, destacó la relevancia política y estratégica del acuerdo, que tras más de 25 años de negociaciones reforzará los vínculos históricos y culturales entre Europa y los países de América Latina. En este sentido, recordó la profunda relación con estos países de España, y en especial, como eurodiputado gallego, de Galicia.

Por último, reconoció que es el momento de abrir nuevos escenarios comerciales para Europa en un momento de enorme tensión por la guerra comercial desatada en el mundo tras la llegada de Donald Trump a la presidencia de los Estados Unidos. Se trata de una obligación que busca mejorar nuestra economía y estudiar nuevos escenarios que buscan la mejora de vida de todos los europeos.

Alfonso Rueda abrirá o primeiro Pleno do novo período de sesións cunha comparecencia centrada na vaga de lumes que sufriu Galicia este verán

O Presidente da Xunta de Galicia, Alfonso Rueda, será o encargado de abrir o primeiro Pleno ordinario deste período de sesións coa súa comparecencia, a petición propia e tamén atendendo unha solicitude do BNG, centrada na vaga de incendios forestais que sufriu a Comunidade galega neste verán, na que dará conta tanto das medidas de prevención levadas a cabo, como do funcionamento do dispositivo de extinción de incendios e, tamén, das axudas que xa están habilitadas.

Así mesmo, o Grupo Popular demandará na sesión plenaria que o Goberno central proceda ao rescate da concesión e á liberalización das peaxes da AP-9, logo do ditame da Comisión Europea sobre as prórrogas da concesión da autoestrada; e que inicie a negociación dun acordo estatal de vivenda 2026-2030, tal e como se comprometeu Pedro Sánchez antes da Conferencias de Presidentes celebrada no mes de xuño.

“Transparencia e información foi a máxima que guiou nestas últimas semanas as accións realizadas tanto polo Presidente Rueda como por todos os departamentos da Xunta na loita contra os incendios forestais”, sinalou o portavoz popular, Alberto Pazos, quen afirmou que ese é o camiño que se sigue coa comparecencia do Presidente da Xunta no vindeiro Pleno, “na que se porán enriba da mesa todos os datos e as accións levadas a cabo para, primeiro, a prevención dos incendios e, despois, para conseguir a súa extinción, priorizando en todo momento a protección das vidas humanas”.

Alberto Pazos salientou a actuación do actual Goberno galego na loita contra os incendios e sinalou que o dispositivo “é o mellor que existe en toda Europa, e estamos orgullos de todo o esforzo que se fixo para combater uns lumes que os propios técnicos están a definir como inextinguibles, con moita dificultade e moito traballo e, ás veces, con menos apoio do que nos gustaría ter recibido”

Relacionado tamén cos incendios forestais, o Grupo Popular preguntará ao Goberno galego sobre a colaboración e os medios dispostos desde o Goberno central, tanto para a extinción dos incendios como para a recuperación e restauración das superficies queimadas. “Queremos coñecer cal foi e é a resposta do Goberno central ante as demandas feitas desde o Goberno galego para atender as necesidades derivadas dos incendios forestais sufridos estas últimas semanas”, concretou.

DISTRIBUCIÓN DE MENORES E FUTURO SECTOR EÓLICO

Dentro do apartado de preguntas ao Goberno galego, o Grupo Popular tamén se interesará pola súa valoración sobre a pretensión do Goberno de España de impoñer, dun xeito unilateral e sen diálogo, un sistema de distribución de menores non acompañados entre as distintas comunidades autónomas; e sobre a recente sentenza do Tribunal de Xustiza da Unión Europea que avala a tramitación dos proxectos eólicos seguida pola Xunta de Galicia, o que contribúe a normalizar o futuro deste sector na Comunidade galega.

Respecto das proposicións non de lei, o Grupo Popular centrará as súas demandas en dúas cuestións. A primeira está relacionada co rescate da concesión e a liberalización da peaxe na AP-9, unha vez que se coñece o ditame da Comisión Europea que advirte da vulneración das regras comunitarias en materia de contratación pública no proceso de prórroga da concesión desta autoestrada.

“Consideramos que esta situación supón unha oportunidade para avanzar no obxectivo de acadar unha AP-9 galega e libre de peaxes, e para iso é necesario que o Goberno de Pedro Sánchez asuma, de xeito inmediato, o rescate da AP-9 e a liberación das súas peaxes, a alternativa máis vantaxosa para todos os galegos e os usuarios desta autoestrada e unha decisión que trae aparellados importantes beneficios sociais, ambientais e de seguridade viaria, así como aforro de tempo e maior competitividade para os usuarios desta autoestrada”, explicou Alberto Pazos.

A segunda das proposicións non de lei que defenderá o Grupo Popular ten como obxectivo demandar ao Goberno central que cumpra o compromiso anunciado polo Presidente Sánchez, nunha comunicación enviada ás Comunidades autónomas nos días previos á Conferencia de Presidentes celebrada o pasado 6 de xuño, e inicie a negociación dun Acordo Estatal de Vivenda 2026-2030, acompañado de cronogramas, financiamento e garantías de execución.

Neste ámbito, Alberto Pazos demandou que “calquera medida que a Administración central adopte en materia de vivenda sexa previamente consensuada e dialogada coas comunidades autónomas, para o que consideramos fundamental que convoque a Conferencia Sectorial de Vivenda, que leva case un ano sen reunirse e é o foro de cooperación multilateral no que facer efectiva a participación das comunidades autónomas na definición do interese xeral, o apoio á unidade de acción e o respecto ao seu autogoberno”.