O PP consegue que o Parlamento Europeo estude a xestión dos fondos europeos no casco histórico de Lugo

Un ano despois da reunión que o Partido Popular de Lugo mantivo coa Asociación Lugo Monumental, na que se acordou trasladar ao Parlamento Europeo a xestión dos fondos europeos na peonalización do casco histórico de Lugo, a Comisión de Peticións do Parlamento Europeo vén de admitir a trámite o estudo sobre esta xestión.

Así o comunicou hoxe o eurodeputado popular Adrián Vázquez Lázara aos representantes da asociación que cursou a petición, nun encontro no que tamén participou a portavoz do PP de Lugo, Elena Candia.

A portavoz popular, Elena Candia, informou que a nova de que Lugo recibirá fondos europeos para Plan Novo Norte “debe ser un aliciente para que o goberno local rectifique na maneira de xestionar este diñeiro”. A popular engadiu que “hai que aprender dos erros cometidos e garantir que cada euro que chega a Lugo repercuta de forma positiva na veciñanza evitando proxectos como un carril bici que non se usa, un coliving de artistas sen artistas, un edificio Impulso Verde infrautilizado e unhas caldas pechadas. Non se trata de gastar por gastar, senón de planificar proxectos con futuro, útiles e transformadores para a cidade”.

Os populares lembran que “non houbo participación nin se buscou o consenso” destacando que en 2023 o PP presentou unha iniciativa para mellorar a xestión das obras do casco histórico e minimizar os perxuizos a residentes e negocios, iniciativa que tumbaron socialistas e nacionalistas.

O eurodeputado popular explicou que a Comisión de Peticións abre agora un proceso de análise para determinar se houbo mala utilización dos fondos europeos en Lugo subliñando que “é unha oportunidade para corrixir o rumbo. Os fondos europeos son unha ferramenta para o progreso, non para proxectos sen utilidade nin planificación.”

O BLOQUEO DO BNG

Coincidindo coa semana na que se votaba a admisión a trámite en Europa esta petición o tenente de alcalde Rubén Arroxo desprazouse a Bruxelas para participar nun encontro sobre vivenda.

“Resulta cando menos chamativo que o fixese xusto nese momento”, sinalaron os populares, que lembraron como Evislusa, a empresa municipal de solo que podería ser o instrumento para promover vivenda protexida (así se recolle no punto 2 apartado d dos seus estatutos), está infrautilizada e sen xustificar a súa existencia, segundo se recolle nos informes da Conta Xeral e de Intervención.

“Agora xa sabemos a que foi Rubén Arroxo a Europa: é probable que quixera tapar este mecanismo para mellorar a xestión os fondos europeos; a tentar frear unha tramitación” en alusión ao voto en contra emitido na Comisión de Peticións polos os seus socios, os verdes que intentaron paralizar este trámite”, apuntan desde o PP.

O PPdeG amosa “a firme determinación para rebelarnos contra a inxusta quita da débeda, que engrosa aos galegos as obrigas doutras comunidades que non fixeron ben o seu traballo”

O portavoz do Grupo Popular, Alberto Pazos, amosou hoxe, ante o vicesecretario xeral de Facenda do Partido Popular, Juan Bravo, “a firme determinación de Galicia e do Goberno galego para rebelarnos contra esa inxustiza chamada quita da débeda, que non é outra cousa que pretender endosar aos galegos as obrigas económicas acumuladas por outras comunidades que non fixeron ben o seu traballo no pasado”.

No comezo dunha visita realizada á Cámara de Comercio de Santiago xunto a Juan Bravo, a secretaria xeral do PPdeG, Paula Prado, o deputado e portavoz do PP de Santiago, Borja Verea; e a presidenta da entidade, María Pais, Alberto Pazos puxo de manifesto “a gran diferenza existente entre un Goberno galego sólido e respaldado por unha maioría parlamentaria suficiente; e un Goberno central débil e sometido permanentemente á chantaxe dos seus socios parlamentarios”.

QUITA DA DÉBEDA PERVERSA

“Esta diferenza concrétase en cuestións importantes, como o feito de que o Goberno galego teña previsto aprobar a vindeira semana os orzamentos da Xunta para 2026, que posteriormente serán enviados ao Parlamento para a súa tramitación parlamentaria e conseguir que os galegos teñan unhas contas públicas acaídas á realidade do momento que estamos vivindo; fronte a un Goberno nacional que, por terceiro ano consecutivo, está fora dos prazos para intentar presentar un proxecto de orzamentos que sexa debatido nas Cortes”, indicou o portavoz popular, quen lembrou que “no que vai de lexislatura estatal o Goberno de Pedro Sánchez non foi capaz de cumprir a súa obriga de presentar un orzamento en prazo en ningún momento e o último que se aprobou foi no ano 2022”.

Alberto Pazos centrouse na intención do Goberno central de impoñer unha quita da débeda ás comunidades autónomas e afirmou que “é tan perversa que están intentando sustentala nunha serie de medidas que non teñen soporte: a máis grosa é dicir que imos dispoñer de máis de 4.000 millóns de euros para todo tipo de gastos en Galicia, unha flagrante mentira porque os galegos non poderíamos dispoñer deses cartos para incrementar o volume de gasto”. Neste sentido, incidiu que “o que Galicia precisa non é unha condonación inxusta da débeda, senón un novo sistema de financiamento, que é o que lle estamos reclamando desde hai anos ao Goberno de España”.

“Galicia non se vai dobregar e por iso o Goberno galego no seu último consello tomou a decisión de presentar un recurso contra esta quita da débeda”, indicou o portavoz popular, quen trasladou ao responsable nacional do PP que “os populares de Galicia non imos ceder ante este chantaxe, por moito que as forzas parlamentarias da oposición nos deixen sos”.

PEDRO SÁNCHEZ NON SE TOMA EN SERIO O PAÍS

Pola súa banda, o vicesecretario de Facenda do PP criticou que o Goberno de Sánchez carece de “vontade firme” de aprobar os orzamentos e tampouco “se toma en serio” a xestión do país. “España non funciona, se lle paran os trens, se apaga a luz e esas son algunhas das consecuencias de cando alguén non xestiona”, dixo.

Neste sentido, criticou ao Goberno central por non ter presentado aínda as contas deste ano, o que afecta a servizos básicos como a sanidade, a educación e as políticas de emprego. Neste sentido, afirmou que “non ten sentido que o Goberno actual teña tres presupostos e cinco prórrogas en sete anos”.

Juan Bravo avogou por un sistema de financiamento autonómico compartido coas comunidades tanto gobernadas polo PP como polos socialistas, adaptado á realidade socioeconómica actual e que contemple a reestruturación da débeda.

O Parlamento galego demanda ao Goberno central a elaboración dunha nova plataforma de tramitación electrónica dos partes de accidentes de traballo

O Parlamento de Galicia aprobou hoxe a proposición non de lei do Grupo Popular, que non contou co voto favorable de BNG nin de PSdeG, a través da que se demanda ao Goberno de España que elabore unha nova plataforma de tramitación electrónica dos partes de accidentes de traballo que permita unha adecuada recollida e tratamento dos datos contidos nestas comunicacións laborais é substitúa ao actual sistema Delt@.

A portavoz popular de Emprego, Noelia Pérez, considerou necesario “mellorar a xestión dos partes de accidentes de traballo e garantir que a información sexa fiable, completa e útil para quen debe tomar decisións en materia de seguridade e saúde laboral”.

Deste xeito, demandou ao Goberno de España unha nova plataforma “máis moderna, máis eficiente e adaptada ás realidades laborais do século XXI”. “Unha ferramenta que permita unha recollida e tratamento de datos adecuada, que integre os cambios normativos e tecnolóxicos, e que conte coa participación das comunidades autónomas”, indicou.

SEIS ANOS SEN MOVER PEZA

“Non se pode falar de prevención nin de seguridade laboral cun sistema obsoleto e non se pode impulsar unha política preventiva seria sen unha base estatística fiable”, manifestou a portavoz popular, quen lamentou que o Goberno central “leva seis anos sen mover unha peza para mellorar a aplicación que xestiona os partes de accidentes no traballo”.

Noelia Pérez lembrou que a posta en marcha do sistema Delt@ en 2003 “foi unha auténtica revolución, xa que por primeira vez o Estado dispuña dunha ferramenta única dixital que permitía comunicar e xestionar electronicamente os accidentes laborais”. “Supuxo un avance enorme ao precisar de menos papeis, dotar de máis rapidez e conseguir maior seguridade xurídica, con beneficios para os actores implicados como a simplificación de trámites, a prevención de riscos, a confidencialidade e protección de datos, a redución de custos ou a rapidez na xestión”, apuntou.

Porén, co paso do tempo neste sistema fóronse descubrindo problemas de contido, estrutura e de adaptación ás novas realidades laborais, o que repercute directamente na calidade dos datos. “Se os partes non se tramitan correctamente, as estatísticas non son fiables; e se as estatísticas non son fiables, as políticas preventivas tampouco o serán”, manifestou.

GALICIA ACTÚA, PROPÓN E DEFENDE O QUE FUNCIONA

A portavoz popular salientou que, diante desta situación, a Xunta, a través do Instituto Galego de Seguridade e Saúde Laboral, leva tempo traballando para mellorar a calidade da información que se xera a través da plataforma Delt@, “co obxectivo de que os datos sexan reais, veraces e comprensibles, tanto para protexer os dereitos das persoas traballadoras como para garantir que as empresas compren coa súa obriga”.

“Galicia non se resigna a esperar e actúa, propón e defende o que funciona, pero é necesario que o Goberno central modernice dunha vez o sistema Delt@ para que poidamos contar dunha ferramenta útil, fiable e adaptada aos novos tempos, en beneficio das empresas, das persoas traballadoras e, en definitiva, da seguridade laboral en Galicia e en toda España”, indicou.

A portavoz popular de Emprego, Noelia Pérez, considerou necesario “mellorar a xestión dos partes de accidentes de traballo e garantir que a información sexa fiable, completa e útil para quen debe tomar decisións en materia de seguridade e saúde laboral”.

Deste xeito, demandou ao Goberno de España unha nova plataforma “máis moderna, máis eficiente e adaptada ás realidades laborais do século XXI”. “Unha ferramenta que permita unha recollida e tratamento de datos adecuada, que integre os cambios normativos e tecnolóxicos, e que conte coa participación das comunidades autónomas”, indicou.

SEIS ANOS SEN MOVER PEZA

“Non se pode falar de prevención nin de seguridade laboral cun sistema obsoleto e non se pode impulsar unha política preventiva seria sen unha base estatística fiable”, manifestou a portavoz popular, quen lamentou que o Goberno central “leva seis anos sen mover unha peza para mellorar a aplicación que xestiona os partes de accidentes no traballo”.

Noelia Pérez lembrou que a posta en marcha do sistema Delt@ en 2003 “foi unha auténtica revolución, xa que por primeira vez o Estado dispuña dunha ferramenta única dixital que permitía comunicar e xestionar electronicamente os accidentes laborais”. “Supuxo un avance enorme ao precisar de menos papeis, dotar de máis rapidez e conseguir maior seguridade xurídica, con beneficios para os actores implicados como a simplificación de trámites, a prevención de riscos, a confidencialidade e protección de datos, a redución de custos ou a rapidez na xestión”, apuntou.

Porén, co paso do tempo neste sistema fóronse descubrindo problemas de contido, estrutura e de adaptación ás novas realidades laborais, o que repercute directamente na calidade dos datos. “Se os partes non se tramitan correctamente, as estatísticas non son fiables; e se as estatísticas non son fiables, as políticas preventivas tampouco o serán”, manifestou.

GALICIA ACTÚA, PROPÓN E DEFENDE O QUE FUNCIONA

A portavoz popular salientou que, diante desta situación, a Xunta, a través do Instituto Galego de Seguridade e Saúde Laboral, leva tempo traballando para mellorar a calidade da información que se xera a través da plataforma Delt@, “co obxectivo de que os datos sexan reais, veraces e comprensibles, tanto para protexer os dereitos das persoas traballadoras como para garantir que as empresas compren coa súa obriga”.

“Galicia non se resigna a esperar e actúa, propón e defende o que funciona, pero é necesario que o Goberno central modernice dunha vez o sistema Delt@ para que poidamos contar dunha ferramenta útil, fiable e adaptada aos novos tempos, en beneficio das empresas, das persoas traballadoras e, en definitiva, da seguridade laboral en Galicia e en toda España”, indicou.

O PPdeG avoga porque Xunta e Concello de Negreira colaboren para buscar a mellor actuación que satisfaga as necesidades do centro de saúde

A portavoz de Sanidade do Grupo Popular, Encarna Amigo, avogou hoxe no Parlamento de Galicia porque Xunta e Concello de Negreira colaboren para buscar a mellor actuación que permita satisfacer as necesidades do centro de saúde de acordo cos informes técnicos. Neste sentido, urxiu aos responsables municipais “a poñer a disposición da Xunta os terreos necesarios para poder levar adiante a mellor opción para atender as necesidades dos veciños de Negreira: ben a construción dun novo centro de saúde ou a rehabilitación profunda das instalacións existentes”.

Encarna Amigo incidiu que “cando se trata de mellorar a sanidade pública, o Goberno galego non mira siglas, mira ás persoas”, polo que amosou “a disposición da Xunta a colaborar e buscar a mellor solución posible para que os veciños de Negreira conten cunhas instalacións sanitarias seguras, modernas e funcionais”. Deste xeito, considerou que “non é prudente que sexamos os políticos e non os técnicos os que decidamos neste Parlamento se é mellor un novo edificio ou unha reforma integral do centro de saúde existente, porque esa decisión debe vir avalada polos informes técnicos, non pola vontade política dun grupo parlamentario”.

Así mesmo, a portavoz popular lembrou que o centro de saúde de Negreira “é propiedade do Concello, polo que o seu mantemento ordinario é competencia municipal”. “Se o Concello tivese actuado con máis dilixencia nos últimos anos, o estado do edificio do centro de saúde sería moito mellor”, asegurou Encarna Amigo, quen considerou “inxusto que agora se pretenda que a Xunta asuma as consecuencias dese deficiente mantemento”.

O PPdeG salienta que a Xunta investiu máis de 4,5 millóns de euros no Hospital de Monforte nos últimos anos

A portavoz de Sanidade do Grupo Popular, Encarna Amigo, salientou hoxe no Parlamento de Galicia que a Xunta investiu nos últimos anos máis de 4,5 millóns de euros no Hospital de Monforte, que se traduciron na renovación de áreas fundamentais en apoio da saúde dos veciños desta comarca. Neste sentido, lembrou que “os técnicos da Consellería están a traballar nun ambicioso proxecto de remodelación integral deste hospital, que suporá actuar en máis de 11.000 metros cadrados cun investimento estimado de 30 millóns de euros”.

Encarna Amigo afirmou que o Hospital Comarcal de Monforte “é un centro sanitario de referencia para todo o sur da provincia de Lugo, con atención garantida en todas as áreas e cun compromiso permanente da Xunta coa súa mellora”.

En concreto, referiuse aos novos servizos incorporados neste hospital nos últimos anos, como o novo hospital de día oncohematolóxico, que permite atender a pacientes oncolóxicos sen desprazarse a Lugo; a mellora da farmacia hospitalaria; o novo laboratorio de microbioloxía; ou as áreas de cardioloxía, pneumoloxía e dixestivo, con obras xa rematadas ou adxudicadas por máis dun millón de euros. Tamén se ampliou a carteira asistencial con especialidades novas, como oncoloxía, alergoloxía ou hospitalización a domicilio.

ESPERA POR BAIXO DA MEDIA

Respecto da falta de profesionais, Encarna Amigo incidiu que “este problema non é exclusivo de Galicia, senón de todo o sistema nacional de saúde, ao que Galicia está poñendo solucións enriba da mesa”. En concreto, citou a lei galega aprobada, co voto en contra do BNG, para cubrir as prazas de difícil cobertura por concurso de méritos, a través da que tomaron posesión 17 novos especialistas no Hospital de Monforte.

A portavoz popular criticou ao BNG por “faltar á verdade falando de longas esperas no Hospital de Monforte” e, tomando como referencia os últimos datos do Ministerio de Sanidade publicados no mes de xuño, salientou que a espera media cirúrxica neste centro é de 35,9 días, 31 días menos que a media galega e 90 días menos que a media nacional; que a espera media en consultas externas é de 70 días, 35 días menos que a media de España; ou que a realización de probas diagnósticas faise con esperas por baixo da media galega en case todos os casos.

“Estas cifras do Ministerio colocan a Galicia como a cuarta comunidade con menores tempos de espera sanitaria de toda España, e a Monforte como un dos hospitais comarcais con mellor rendemento”, subliñou.

O PPdeG reivindica os servizos e recursos “fundamentais” que necesitan os concellos rurais ante un Goberno central que “ri na cara de todos os galegos”

O PPdeG reivindícase como “o partido do rural” reafirmando a súa aposta por garantir a prestación de servizos fundamentais nos pequenos concellos e en contraposición a un PSOE e un BNG que “consenten que se prive aos galegos deses recursos polos intereses persoais e políticos de Pedro Sánchez”.

A secretaria xeral do partido, Paula Prado, referiuse así hoxe ao feito de que tanto socialistas como independentistas apoiaran onte no Congreso dos Deputados o “novo agravio de Sánchez a Galicia” que supón a Lei de mobilidade sostible. Unha norma coa que o Goberno central vai deixar sen parada de autobús estatal a 22 concellos e máis de 130.000 galegos.

“Un claro exemplo do que lle importa ao Goberno central o rural galego e da complicidade do PSOE e do BNG con este desleixo”, resumiu Prado criticando ademais que Pedro Sánchez “ría na cara de todos os galegos” asegurando onte que a autovía A-54 entre Santiago e Lugo está “plenamente operativa” cando esta mesma semana o propio Goberno central confesou que esta infraestrutura non se vai rematar este ano —tal e como prometera —.

Fronte a isto, a número dous dos populares galegos defendeu que “os veciños do rural non merecen que os seus servizos fundamentais se vexan recortados, nin tampouco as súas infraestruturas”. E de aí a aposta do PPdeG e do Goberno de Alfonso Rueda por “ofrecer medidas que, desde a estabilidade, o rigor e o sentidiño, están pensadas para facilitar o asentamento de poboación e os servizos no rural”.

“Unhas medidas reais e efectivas que son froito do noso convencemento de que cada galego, viva onde viva, ten dereito a estar previsto dos servizos fundamentais”, concluíu insistindo na necesidade de contar con recursos suficientes e “en ningún caso consentir que se recorten”.

O COMPROMISO DO PPdeG COS PEQUENOS CONCELLOS

Para Paula Prado o compromiso do seu partido cos pequenos concellos queda demostrado co feito de que o PPdeG goberna neste momento en Galicia en preto do 60% dos concellos de menos de 5.000 habitantes e traballa día a día para aumentar nas eleccións municipais de 2027 o número de alcaldías cunha xestión “pensada por e para o rural”.

É o caso de Begonte, onde hoxe se reuniu a Comisión de Pequenos concellos do partido e no que o seu alcalde, José Ulla, obtivo máis dun 77% de apoio nos últimos comicios.

O rexedor quixo agradecer a celebración deste encontro no seu concello na medida en que “permite debater sobre os problemas comúns e compartir solucións”. Neste sentido, salientou a experiencia de Begonte no que se refire ao abastecemento e o saneamento da auga.

Dous servizos fundamentais e cuxa xestión implica notables dificultades dada a particularidade dun concello que, neste caso, conta con pouca poboación pero cunha gran extensión. Aínda así, o Concello conseguiu nestes anos que todas as parroquias e núcleos de poboación teñan acceso á rede de auga e, ademais, garante o abastecemento a dous polígonos industriais e ás ganderías asentadas no termo municipal.

Un compromiso coa mellora dos servizos e coa innovación que se reflexa ademais na posta en marcha doutras medidas como é, por exemplo, o Mercado Local de Enerxía, que permite que Begonte poida producir a súa propia enerxía e con iso reducir a factura eléctrica tanto das arcas municipais como dos propios veciños.

O PPdeG pide ao PSdeG que deixen de alarmar e centren os esforzos en presionar ao Goberno de Sánchez para que abone os máis de 2.500 millóns de euros que debe a Galicia pola dependencia

A portavoz de Política Social do Grupo Popular, Raquel Arias, demandou hoxe aos socialistas galegos que “en vez de alarmar coa situación da atención á dependencia en Galicia centren os seus esforzos en presionar ao Goberno de Pedro Sánchez para que abone os máis de 2.500 millóns de euros que debe a Galicia pola prestación destes servizos e que cumpra a lei aportando a metade do financiamento que lle corresponde”.

Raquel Arias lembrou que a Xunta ten en marcha un plan de choque desde o pasado 1 de xaneiro “que xa está a dar resultados positivos, situando a Galicia como a comunidade que máis reduciu a lista de espera da dependencia nos seus primeiros meses deste ano, tal e como se recolle no informe elaborado pola Asociación de Directores e Xerentes en Servizos Sociais”. En concreto, fronte a un incremento do 6 por cento a nivel estatal, Galicia baixou un 26 por cento o número de persoas en espera para ser valoradas e atendidas pola súa situación de dependencia.

CADA DÍA MENOS APORTACIÓN

“Galicia seguirá traballando para prestar a mellor atención aos seus dependentes, pero é moi difícil conseguir resultados positivos cando tes a un Goberno central que cada día que pasa reduce máis a súa aportación para a atención destas persoas, o que supón incrementar aínda máis a débeda coa Comunidade galega polo incumprimento da Lei da dependencia”, sinalou.

Raquel Arias lamentou que os socialistas galegos “sexan os mellores subditos de Pedro Sánchez, máis preocupados por defender ao Goberno socialista que de mirar polos intereses dos galegos, neste caso os nosos dependentes”, e pediulles que “cando menos defendan por unha vez os intereses de Galicia e non deixen que nos trate como unha comunidade de segunda ao negarnos o 50 por cento do financiamento da Lei de dependencia ao mesmo tempo que o garante para outras comunidades amigas como o País Vasco”.

Por último, a portavoz popular censurou que os socialistas galegos cualifiquen de “bonos propagandísticos unha medida pioneira a nivel estatal que se implantou en Galicia e que está a demostrar o seu acerto: máis de 33.0000 galegos xa elixiron voluntariamente esta nova axuda da Xunta que facilita que os dependentes

O PP oponse á “inadmisible” redución de fondos europeos e esixe ao Goberno de Sánchez defender o noso sector pesqueiro ante Europa

O Partido Popular rexeita a redución dos fondos europeos destinados ao sector pesqueiro e esixe ao Goberno de Sánchez adoptar unha posición “clara, firme e proactiva” para defender os intereses do noso sector pesqueiro no proceso de negociación do Marco Financeiro Plurianual (2028-2034) europeo e con apoio no marco de seu plan nacional específico.

Segundo os representantes galegos na Comisión de Pesca do Senado, Manuel Rivas e José Manuel Balseiro, o “inadmisible recorte” do 60% da Política Pesqueira Común (PPC) proposto pola Comisión Europea “comprometería gravemente a viabilidade da adaptación de moitas explotacións pesqueiras e un retroceso na capacidade para adaptarse e conseguir os obxectivos de sostibilidade, competitividade e seguridade alimentaria”.

Polo tanto, o Grupo Popular no Senado esixirá ao Goberno de Sánchez opoñerse no Consello da UE á proposta que “afectaría gravemente ao sector” en España e, polo tanto, en Galicia, a principal rexión pesqueira. E defender unha postura común entre os Estados da UE con maior peso pesqueiro para rexeitar a redución e propoñer un financiamento que garanta os obxectivos que se marca a PPC. Así como o mantemento dun orzamento específico para un fondo equivalente e homologable ao actual Fondo Europeo Marítimo, de Pesca e de Acuicultura (FEMPA) para garantir a modernización e viabilidade do sector.

Os populares piden tamén, a través da moción que presentan para o seu debate no Senado, que o Goberno de Sánchez faga explícito o compromiso claro en defensa do sector marítimo-pesqueiro reservando fondos para a pesca no seu Plan Nacional Específico equivalentes aos existentes actualmente para España no FEMPA. E a activación de mecanismos de interlocución permanente coas Comunidades Autónomas e co sector pesqueiro español para informar do estado das negociacións, recoller as súas chegas e aliñar a posición de España coas necesidades reais do sector.

O sector afrontou numerosos desafíos nos últimos anos: a necesidade de relevo xeracional, a adaptación a novos estándares medioambientais, a transformación tecnolóxica da flota, o encarecemento dos custos operativos, o impacto do Brexit e a competencia internacional. E, ante estes retos, “require do respaldo decidido dos instrumentos europeos de financiamento coma o FEMPA e dunha dotación orzamentaria suficiente no próximo Marco Financeiro Plurianual (2028–2034)”, segundo defenden os senadores do PP.

Millán Mon destaca la contribución de los caminos de peregrinación europeos a la cultura europea y a la creación de una identidad común

El Parlamento Europeo acogió hoy un evento titulado El Camino de Santiago y la Vía Francígena, Rutas Culturales del Consejo de Europa: Identidad Compartida y Destinos Sostenibles, organizado por el eurodiputado gallego del Partido Popular Francisco Millán Mon junto con su colega italiano Massimiliano Salini, vicepresidente del Grupo Popular Europeo.

Este encuentro tuvo lugar en el marco de las actividades del Intergrupo Patrimonio Cultural Europeo, Camino de Santiago y otras Rutas Culturales Europeas, que preside Millán Mon. Numerosos diputados asistieron al evento.

El acto contó con la participación de Rui Gomes, Secretario Ejecutivo del Acuerdo Parcial Ampliado sobre Rutas Culturales y Director del Instituto Europeo de Rutas Culturales, así como de Francesco Ferrari, Presidente de la Asociación Europea de la Vía Francígena, y de Francisco Singul, Director de Cultura del Xacobeo de la Xunta de Galicia.

El eurodiputado gallego celebró el acuerdo de cooperación de las rutas del Camino de Santiago y la Vía Francígena, alcanzado entre Galicia y la Región del Lazio, y firmado por los presidentes Alfonso Rueda y Francesco Rocca, respectivamente, el pasado mes de febrero. Destacó que “las rutas tienen como destino dos de las principales ciudades del cristianismo: Santiago y Roma”.

El eurodiputado gallego quiso subrayar la contribución de las Rutas Culturales Europeas a la cultura europea y a la creación de una identidad común. Añadió que rutas de peregrinación como el Camino de Santiago y la Vía Francígena son “espacios de encuentro, lugares de diálogo e instrumentos de interacción cultural”.

Tras hacer referencia al actual contexto geopolítico internacional, marcado por “tensiones políticas, conflictos y grandes incertidumbres”, Millán Mon subrayó que las rutas de peregrinación deben seguir siendo lugares de diálogo y de encuentro, permaneciendo “fieles a los valores y principios que definimos como europeos, como la reconciliación, la solidaridad, la esperanza, la unidad en la diversidad y la libertad”.

Para finalizar, Millán Mon recordó que las rutas de peregrinación europeas son también “auténticos motores económicos y ayudan a fomentar un turismo sostenible”.

“Los Itinerarios Culturales contribuyen a fijar población, generar actividad en las zonas que atraviesan, preservar el patrimonio artístico y cultural, y reforzar la cohesión territorial y social”, concluyó el eurodiputado gallego.

O Grupo Popular solicitará no Pleno o apoio do Parlamento galego á Xunta ante o recurso de inconstitucionalidade do Goberno central contra a axilización da dependencia ou a repotenciación dos parques eólicos

O Grupo Popular demandará no Pleno da vindeira semana que o Parlamento de Galicia apoie todas as iniciativas que impulse a Xunta, incluída a vía xudicial, en defensa do seu autogoberno, logo do recurso de inconstitucionalidade anunciado polo Goberno central contra determinadas medidas que regulan o plan de axilización da dependencia e da discapacidade, así como a repotenciación dos parques eólicos. Ademais, pedirá a dimisión ou cese da ministra de Igualdade pola neglixencia na xestión das pulseiras telemáticas de control dos agresores con ordes de afastamento por violencia de xénero, ao tempo que solicita que o Goberno central facilite toda a información sobre as vítimas galegas que se viron afectadas por estas deficiencias no servizo.

Ao remate da Xunta de Portavoces, Alberto Pazos informou que a sesión plenaria inclúe o debate de totalidade de dous novos proxectos de Lei. O primeiro deles é o de protección da saúde das persoas menores e prevención de condutas aditivas, “unha norma que situará a Galicia á vangarda na regulación da venda e consumo de vapeadores e bebidas enerxéticas, que quedarán equiparadas ao tabaco ou ao alcohol, respectivamente”.

En concreto, con esta nova lei quedará prohibida a venda deste tipo de produtos aos menores de idade, nunha acción que combina a prevención, a promoción da saúde e o control da oferta. A norma incorpora diferentes achegas dos sectores implicados, dos organismos públicos, de entidades sociais e da cidadanía, ademais de fundamentarse na evidencia científica e en resultados da Enquisa Nacional Estudes, elaborada polo Ministerio de Sanidade entre estudantes de secundaria.

O segundo proxecto de Lei que se debaterá no Pleno será o do clima de Galicia, que marca como reto principal dotar a Galicia das ferramentas, órganos e instrumentos necesarios para garantir a consecución da neutralidade climática no horizonte de 2040, unha década antes do prazo fixado pola Unión Europea. “Estamos a falar dun novo paso no camiño que levamos adiante en Galicia de loita contra o cambio climático, co obxectivo de facilitar unha transición ecolóxica xusta, sostible e xeradora de emprego verde”, sinalou Alberto Pazos.

O portavoz popular explicou que a nova lei “introduce a obriga da Xunta de integrar a perspectiva climática, tanto desde o punto de vista da redución de emisións como da adaptación aos efectos de quecemento global na elaboración dos seus plans e programas sectoriais, na preparación de contratos públicos e nas convocatorias de subvencións que teñan un impacto nos obxectivos de neutralidade climática de Galicia”.

O Pleno continuará coa comparecencia da conselleira do Mar, por petición propia, para informar sobre a avaliación das políticas pesqueiras europeas, nun momento de especial transcendencia logo de coñecer que a Unión Europea ten previsto recortar un 67 por cento os fondos específicos para a cadea mar-industria.

DEFENSA DO AUTOGOBERNO

Dentro do apartado de proposicións non de lei, o Grupo Popular solicitará o apoio do Parlamento galego a cantas iniciativas impulse a Xunta, incluída a vía xudicial, en defensa do autogoberno de Galicia, que pode verse seriamente violentado na súa capacidade de impulso lexislativo polos recursos de inconstitucionalidade anunciados polo Goberno central contra determinados preceptos incluídos na Lei de medidas fiscais e administrativas aprobada en 2024 e dirixidos á axilización da dependencia e da discapacidade, así como a repotenciación dos parques eólicos.

“Pedro Sánchez, e o seu Goberno, volve castigar a Galicia e, logo do recurso que presentou no seu momento contra a Lei do litoral, desta vez ataca a determinados preceptos aprobados o pasado ano na Lei de medidas fiscais e administrativas, co obxectivo de axilizar a tramitación da dependencia e a discapacidade en Galicia a través de homologacións automáticas, das que xa se teñen beneficiado máis de 9.300 persoas en nove meses; ou para regular o sistema de repotenciación dos parques eólicos, co que basicamente se busca reducir o impacto ambiental e visual destas instalacións, así como mellorar os beneficios económicos e sociais na contorna na que se instalan”.

Ademais desta proposición non de lei, o Grupo Popular tamén preguntará ao Goberno galego polas medidas que ten previsto levar adiante ante este novo conflito institucional aberto polo Goberno de Pedro Sánchez.

DESPROTECCIÓN DAS VÍTIMAS DE VIOLENCIA DE XÉNERO

A segunda das proposicións non de lei do Grupo Popular ten que ver cos fallos detectados nas pulseiras de control de agresores con orde de afastamento de vítimas de violencia de xénero, “unha situación intolerable que debe derivar, irremediablemente, na dimisión ou cese da ministra de Igualdade”, indicou Alberto Pazos.

Así mesmo, pídese ao Goberno central que informe ao Goberno galego de cantos casos de desprotección de vítimas de violencia de xénero tiveron lugar durante o fallo do sistema; cantas mulleres portaban dispositivos telemáticos de control durante os últimos doce meses; as incidencias ocorridas nos devanditos dispositivos; e as medidas adoptadas para emendar estas deficiencias e garantir a seguridade das vítimas.

“Tamén queremos que o Consello Xeral do Poder Xudicial elabore un informe que acredite que este fallo xa foi solucionado e que o sistema actual non supón un risco para a seguridade das mulleres, porque esta situación non se pode volver a repetir: a seguridade das mulleres, e sobre todo das mulleres que sofren maltrato, debe estar por enriba de todo, porque a violencia de xénero constitúe unha das máis graves vulneracións dos dereitos humanos da nosa sociedade”, dixo o portavoz popular.

Dentro do apartado de preguntas ao Goberno galego, o Grupo Popular interesarase pola valoración do ditame motivado da Comisión Europea no que advirte da ilegalidade da prórroga da concesión da AP-9, unha oportunidade que o Goberno de España deixou pasar para rescatar a concesión desta autoestrada, liberala das peaxes e transferila á Xunta de Galicia, como vimos demandando unanimemente todos os grupos deste Parlamento.

A través dunha segunda pregunta quérese coñecer a situación da formación profesional en Galicia, logo de que neste curso acadáramos o récord de estudantes en FP, que acceden á maior oferta existente de formación na historia de Galicia.