O Parlamento solicita a Fomento a mellora da seguridade viaria e accesibilidade da N-551 en Tui e a adecuación da Ponte Internacional

Santiago, 18 de outubro de 2018.- O Parlamento de Galicia aprobou hoxe por unanimidade a proposición non de lei do Grupo Popular a través da que demanda ao Ministerio de Fomento o inicio, o antes posible, da redacción e execución do proxecto de mellora de seguridade viaria e accesibilidade do tramo da N-551 entre a intersección coa N-550 e a Ponte Internacional de Tui, así como a adecuación desta ponte polo seu valor patrimonial e cultural.

Continue reading

O Parlamento demanda ao Goberno central que negocie a ampliación da campaña do bonito do norte

Santiago, 18 de outubro de 2018.- O Parlamento de Galicia aprobou hoxe a proposición non de lei, impulsada polo Grupo Popular, a través da que se demanda ao Goberno central a realización de estudos que acrediten o bo estado do stock de bonito do norte, de xeito que poida negociar para que se adopten as medidas de xestión que permitan estender a duración da campaña e a rendibilidade económica da campaña desta especie.

Continue reading

O PPdeG asegura que “en Galicia non se está a producir unha proliferación de vivendas de uso turístico grazas a que se está a ordenar con éxito”

Santiago, 18 de outubro de 2018.- A portavoz de Turismo do Grupo Popular, Cristina Romero, asegurou hoxe que “en Galicia non se está a producir unha proliferación de vivendas de uso turístico gracias a que se está a ordenar con éxito este fenómeno”. Neste sentido, referiuse ao decreto 12/2017, polo que se establece a ordenación de apartamentos e vivendas de uso turístico en Galicia, que “brinda un marco de seguridade, contribúe a aportar cartos ás arcas  públicas, loita contra a competencia desleal e posibilita aos concellos que regulen este uso da vivenda, sendo a única normativa autonómica avalada integramente pola xustiza”.

Continue reading

O Parlamento demanda que a Xunta incida nas campañas para visibilizar a problemática do furtivismo de bañador

Santiago, 18 de outubro de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta de Galicia a continuar desenvolvendo campañas de concienciación para dar visibilidade á problemática do furtivismo de bañador e rematar así cos problemas que durante os veráns suceden en Galicia cos turistas que desfrutan as súas vacacións nos areais galegos. Así mesmo, incorporouse a emenda de En Marea para que a Xunta dote de  máis  medios públicos  propios  de  control  e  vixilancia  das  praias  para  evitar  todo  tipo  de furtivismo, creando unha partida no vindeiro orzamento con este obxectivo.

Continue reading

O Parlamento reclama ao Goberno do Estado que solucione a situación dos xubilados retornados de Venezuela, sen pensión dende o 2015

Santiago, 17 de outubro de 2018. O Parlamento de Galicia aprobou hoxe a proposición non de lei do Grupo Popular a través da que se demanda ao Goberno do Estado o pagamento de complementos de mínimos ou pensións non contributivas aos xubilados galegos retornados de Venezuela, aos que o Goberno de Nicolás Maduro non lles fai efectivas as súas pensións dende decembro de 2015. “A situación é desesperante para preto de 4.000 galegos que levan case tres anos sen percibir os ingresos que lles corresponden”, explicou a deputada popular Raquel Arias.
Continue reading

Encarna Amigo demanda que a Xunta licite no primeiro trimestre de 2019 a residencia de maiores no barrio da Residencia de Lugo

Santiago, 17 de outubro de 2018.- A deputada do Grupo Popular Encarna Amigo demandou hoxe que a Xunta de Galicia licite no primeiro trimestre de 2019 a residencia de maiores no barrio da Residencia de Lugo. “Non hai ningún cambio respecto ao proxecto presentado pola Xunta”, asegurou a deputada popular, quen demandou ao Concello que “non confunda á cidadanía sementando dúbidas sobre o compromiso do Goberno galego e colabore sen entorpecer este proxecto para o barrio da Residencia”.
Continue reading

O Grupo Popular avoga porque Xunta e persoal dos PAC cheguen pronto a un acordo e a folga non xere problemas asistenciais á cidadanía

Santiago, 17 de outubro de 2018.- O portavoz de Sanidade do Grupo Popular, Aurelio Núñez Centeno, avogou hoxe porque a Xunta e os traballadores dos puntos de atención continuada (PAC) “cheguen pronto a un acordo e a folga non xere problemas asistenciais á cidadanía que afecten á súa saúde”. Neste sentido, lembrou que a Consellería xa aceptou no mes de setembro o abono de dietas de domingo e festivo, tanto de comida como de cea; a eliminación de obxectivos da porcentaxe de derivación hospitalaria; e a dotación aos profesionais de equipos de protección individual, cuestións que hoxe demandaba En Marea nunha proposición non de lei debatida na Comisión 5ª.
Continue reading

Pedro Puy asegura que “existen motivos máis que dabondo para aprobar o teito de gasto para 2019”

Santiago, 16 de outubro de 2018.- O portavoz do Grupo Popular, Pedro Puy, considerou hoxe “existen motivos máis que dabondo para a aprobación do teito de gasto da Xunta de Galicia para 2019 ao recoller un incremento de 363 millóns de euros dos recursos, unha redución da débeda, unha presión fiscal rebaixada, unha economía que medra máis que a media, unha baixa do desemprego e unhas prestacións sociais por enriba da media de España”.
Continue reading

O Grupo Popular defenderá no Pleno que o Goberno central poña en marcha as compensacións para as industrias electro-intensivas

Santiago, 16 de outubro de 2018.- O Grupo Popular defenderá no Pleno ordinario da vindeira semana que o Goberno central poña en marcha, antes de que finalice a anualidade orzamentaria de 2018, as compensacións previstas nos orzamentos por importe de 150 millóns de euros polos custos adicionais incorridos polas industrias electro-intensivas, ao tempo que implante nas contas para 2019 e os seguintes anos un novo réxime de compensación por estes custos adicionais incluídos no prezo da electricidade pagados por estas empresas.
Continue reading