Santiago, 12 de xullo de 2018.- O Grupo Parlamentario Popular expresa o seu fondo pesar polo pasamento de Xerardo Fernández Albor, primeiro Presidente da Xunta de Galicia.
O Grupo Popular insiste en que a axenda de Galicia “é a mesma co goberno de Sánchez que co de Rajoy”
Santiago, 11 de xullo de 2018. O viceportavoz do Grupo Popular, Miguel Tellado, insistiu este mércores no Pleno en que a axenda de Galicia ante o Goberno Central “é exactamente a mesma” con Pedro Sánchez do que era diante do Executivo presidido por Mariano Rajoy, polo que as reivindicacións son idénticas.
O Grupo Popular asegura que “é falso afirmar que a Lei de espectáculos impida a música en vivo ou celebrar actuacións en locais onde se permitían”
Santiago, 11 de xullo de 2018.- O deputado do Grupo Popular Alberto Pazos asegurou hoxe que “é falso afirmar que a Lei de espectáculos impide á música ao vivo ou prohibe celebrar espectáculos en locais onde antes se permitían, porque a posibilidade de celebrar regularmente eventos nun local depende exclusivamente da súa licencia, antes e despois da aprobación desta lei”.
O Parlamento galego demanda que a Administración do Estado realice as accións legais para reintegrar o Pazo de Meirás ao dominio público
Santiago, 11 de xullo de 2018.- O Parlamento de Galicia aprobou hoxe por unanimidade unha proposición non de lei, logo dunha transacción entre a presentada polo Grupo Popular con En Marea, PSdeG e BNG, a través da que se demanda á Administración Xeral do Estado que realice as accións legais á que fai referencia o informe do Comité de Expertos co obxecto de reintegrar o Pazo de Meirás ao ámbito de bens de dominio público. Así mesmo, a proposta declara a vontade do Parlamento galego de que a recuperación do Pazo de Meirás para o patrimonio público non implique un novo custo para o pobo de Galicia.
O PPdeG lamenta que os socialistas “estean máis por sacar rédito político que por defender os dereitos e intereses das persoas LGTBI”
Santiago, 11 de xullo de 2018.- A deputada do Grupo Popular Marta Rodríguez-Vispo criticou hoxe no Parlamento que os socialistas “estean máis por sacar rédito político que por defender os dereitos e intereses das persoas LGTBI”. Neste sentido, lamentou que “cheguen ao punto de defender unha cousa por escrito na proposición non de lei e outra moi diferente cando suben á tribuna do Parlamento”.
O Parlamento galego pide ao Goberno central que ratifique a chegada en probas do AVE a Galicia para 2019
Santiago, 11 de xullo de 2018.- O Parlamento de Galicia aprobou hoxe a proposición non de lei do Grupo Popular, que foi transaccionada co Grupo Socialista, a través da que se demanda ao Goberno central que ratifique a data comprometida de finalización das obras do AVE a Galicia, co obxectivo que estea funcionando en probas no ano 2019, tal e como tiña comprometido o anterior Executivo estatal.
O PPdeG demanda que Goberno central e Deputación de Pontevedra complementen as axudas da Xunta para os afectados da explosión de Tui
Santiago, 11 de xullo de 2018.- O deputado do Grupo Popular Moisés Rodríguez Pérez demandou hoxe no Parlamento que o Goberno central e a Deputación de Pontevedra destinen fondos extraordinarios e adicionais aos xa previstos nos orzamentos vixentes que complementen as axudas postas en marcha pola Xunta de Galicia para paliar os danos causados pola explosión de material pirotécnico na parroquia de Paramos do concello de Tui.
O PPdeG salienta que o Programa Galego de Atención ao Infarto de Miocardio “é dos de máis éxito da sanidade galega”
Santiago, 10 de xullo de 2018. O portavoz de Sanidade do Grupo Popular, Aurelio Núñez Centeno, acusou esta tarde no Pleno do Parlamento ao Grupo Socialista de “deostar” o Programa Galego de Atención ao Infarto de Miocardo, cando “é dos de máis éxito da sanidade galega” e un exemplo a seguir para moitas comunidades autónomas. “Un programa loado por sociedades e profesionais da cardioloxía a nivel nacional e internacional”, engadiu.
O PPdeG avoga porque Xunta e axentes forestais e medioambientais cheguen a un acordo en materia laboral
Santiago, 10 de xullo de 2018.- O deputado do Grupo Popular Jacobo Moreira avogou hoxe no Parlamento porque a Xunta continúe negociando coas organizacións sindicais un acordo en materia de condicións de traballo e funcións dos axentes forestais e medioambientais, así como a mellora organizativa e operativa das brigadas de defensa contra os incendios forestais para o período 2018-2020.
O Grupo Popular salienta que o actual marco lexislativo xa aplica medidas axeitadas de inspección e control da publicidade sanitaria
Santiago, 10 de xullo de 2018.- A deputada do Grupo Popular Encarna Amigo salientou hoxe que “o actual marco lexislativo permite desenvolver e aplicar as axeitadas medidas de inspección e control sobre todas aquelas mensaxes de publicidade sanitaria que quebranten os principios de transparencia, exactitude e veracidade impostos pola normativa xeral e sectorial de aplicación”.