Santiago, 28 de maio de 2018. O portavoz do Grupo Popular, Pedro Puy, afirmou hoxe que “estamos abochornados e indignados polo que di a sentenza do caso Gurtel” e pediu “desculpas porque houbo fallos evidentes de control que propiciaron episodios de aproveitamento de cargo público do PP para enriquecerse”. Respecto da moción de censura presentada polo PSOE, Puy manifestou que “están intentando envelenar o pozo da auga de onde beben todas as forzas políticas democráticas abrindo unha especie de competición de ventilador” sobre a corrupción, e considerou “difícil de xustificar que se presente unha moción de censura sen un programa alternativo fronte a un goberno que vén de aprobar uns orzamentos xerais”.
O PPdeG pide ao Goberno central medidas lexislativas para que as cesións de explotacións dos agricultores a cónxuxes e descendentes non tributen no IRPF
Santiago, 25 de maio de 2018. O portavoz do Medio Rural do Grupo Popular, José González Pérez, defendeu hoxe na Comisión 7ª do Parlamento a necesidade de que o Goberno central introduza modificacións lexislativas que eviten a tributación no imposto da renda aos agricultores galegos que realicen un cambio de titularidade da súa explotación a título gratuíto por motivos de xubilación ou cesión aos descendentes. Esta proposta será rexistrada polo Grupo Popular a través dunha proposición non de lei no Parlamento galego, logo de que os socialistas rexeitaran esta mañá un acordo para a súa aprobación, “coa única finalidade de dicir que o PPdeG non apoia aos agricultores galegos”.
Tellado: “Cada minuto que pasa sen que Quinteiro dimita é un minuto que nos acerca á dimisión de Villares”
25, maio, 2018. O secretario xeral do PPdeG, Miguel Tellado, afirmou esta mañá que cada minuto que pasa sen que Paula Quinteiro presente a súa dimisión “é un minuto que nos acerca á dimisión de Luís Villares”. Así se expresaba logo de que a deputada de En Marea se negase a deixar o seu escano despois de que llo pedisen 800 militantes do seu partido, o 85% dos que participaron na consulta.
O Parlamento demanda que a Xunta desenvolva un Plan integral de mellora xenética forestal
Santiago, 25 de maio de 2018. O Parlamento de Galicia aprobou hoxe a proposición non de lei do Grupo Popular a través da que se insta á Xunta a desenvolver un Plan integral de mellora xenética forestal, “que permita unificar as distintas actividades na materia nun único programa de planificación, execución, investigación e desenvolvemento dos recursos xenéticos forestais de Galicia a medio e longo prazo”, indicou o deputado popular José Silvestre Balseiros.
O PPdeG demanda a En Marea, PSOE e BNG que se sumen ao protocolo asinado pola Xunta e Fomento sobre os terreos do porto de A Coruña
Santiago, 23 de maio de 2018. O deputado do Grupo Popular Gonzalo Trenor demandou hoxe a En Marea, PSOE e BNG a sumarse ao protocolo asinado entre a Xunta e o Ministerio de Fomento que garante a titularidade pública dos peiraos de Batería, Calvo Sotelo e da A Solana, ao tempo que garante o financiamento con 140 millóns de euros da conexión ferroviaria a Punta Langosteira.
Continue reading
Continue reading
O PPdeG rexeita asociar o galego a unha formación política, porque estaríase ligando o futuro da lingua ao desa organización
Santiago, 23 de maio de 2018. O portavoz de Educación do Grupo Popular, César Fernández Gil, rexeitou hoxe “asociar o galego a unha formación política concreta, porque deste xeito estaríamos ligando o futuro da nosa lingua ao desa formación”. “Nós defendemos que a lingua é un ben e un patrimonio de todos, e ninguén debe intentar apropiarse dela”, concretou.
Continue reading
Continue reading
O Parlamento demanda á Xunta a tramitación dunha nova variante de Ribeira
Santiago, 23 de maio de 2018. O Parlamento de Galicia aprobou hoxe, a instancias do Grupo Popular, unha proposición non de lei a través da que se solicita á Xunta que avance na tramitación dunha nova variante de Ribeira, entre a glorieta do final da autovía do Barbanza e a DP-7303, licitando antes deste verán a redacción do proxecto do seu trazado.
Continue reading
Continue reading
O Grupo Popular insta á Xunta a velar polo legado artístico e bibliográfico do Centro Galego de Bos Aires
Santiago, 23 de maio de 2018. A deputada do Grupo Popular Raquel Arias defendeu hoxe no Parlamento que a Xunta vele polo legado cultural do patrimonio artístico e bibliográfico do Centro Galego de Bos Aires, para que este se poida seguir desfrutando polo conxunto da colectividade e sociedade galega en Arxentina. Así mesmo, demandou que o Goberno galego, en colaboración coa Administración xeral do Estado, defenda que os emigrantes galegos asociacións ao Centro Galego de Bos Aires poidan seguir gozando de asistencia sanitaria en caso de necesidade.
Continue reading
Continue reading
O Parlamento insta á Xunta a impulsar medidas que recoñezan ás empresas que colaboran no desenvolvemento da formación profesional
Santiago, 23 de maio de 2018. O Parlamento de Galicia aprobou hoxe unha proposición non de lei, impulsada polo Grupo Popular, a través da que se insta á Xunta a impulsar medidas e accións de recoñecemento para aquelas empresas que colaboran e participan no desenvolvemento da formación profesional, pola súa contribución a unha mellor formación do alumnado galego.
Continue reading
Continue reading
O PPdeG acusa aos socialistas de pretender “pasar dun servizo ferroviario rápido e eficiente a un máis lento e de menores prestacións”
Santiago, 22 de maio de 2018. O portavoz de Infraestruturas do Grupo Popular, Martín Fernández Prado, acusou esta tarde ao Grupo Socialista de intentar “confundir e xerar ruído” cunha proposición non de lei de “pouco fundamento técnico”, ao pretender “transformar o Eixo Atlántico nun servizo de proximidade”, isto é, “pasar dun servizo rápido e eficiente a un máis lento e de menores prestacións”.