O PPdeG reclama a Yolanda Díaz que explique o ‘caso Errejón’ e “teña a valentía de dimitir” no caso de que ela ou alguén máis colaborase en encubrir estes feitos

O Partido Popular de Galicia reclama á galega Yolanda Díaz que dea “todo tipo de explicacións” polo escándalo protagonizado por Íñigo Errejón e que, dada a gravidade do acontecido, “teña a valentía de dimitir no caso de que ela ou alguén máis colaborase en encubrir estes feitos”.

Nunha rolda de prensa celebrada esta mañá na sede autonómica do partido, a secretaria xeral Paula Prado amosouse moi crítica ante o feito de que, precisamente no mes no que se conmemora o Día Internacional contra a violencia de xénero, “os primeiros que tiñan que dar exemplo están á cola dos xulgados para comparecer como investigados por agresión sexual”.

Censurou neste sentido que “os partidos que tiveron a intención de capitalizar o feminismo e a loita pola igualdade chegaron para cambialo todo e revolucionar a igualdade, pero o único que fixeron foi empeoralo todo e crear un monstro como a Lei do ‘só si é si’, que, coa complicidade dun BNG que segue apoiándoa, beneficiou a máis de 1.400 agresores sexuais”.

A número dous dos populares galegos trasladou a repulsa do seu partido “ante as verdadeiras razóns que levaron a Íñigo Errejón a presentar a súa dimisión” e lamentou que ninguén fixera nada ante o que era “un segredo a voces en todos os ámbitos da esquerda”.

“Un segredo a voces que coñecían a vicepresidenta do Goberno, Yolanda Díaz, a ministra de Sanidade, Mónica García, e quen sabe se a nova voceira, a galega Verónica Martínez”, explicou ao tempo que preguntaba como Errejón puido chegar a ir nas listas e a ser premiado coa Portavocía do seu Grupo Parlamentario cando as súas compañeiras de partido “o sabían, o taparon e o consentiron”.

“Chove sobre mollado”, engadiu recordando que, no seu pasado político en Esquerda Unida, Yolanda Díaz “xa encubriu a un asesor pedófilo e purgou a quen o denunciou”. Un asunto que se saldou, ademais, cun arresto por parte da Policía Nacional no Parlamento de Galicia.

Para Paula Prado esta é “unha nova mostra do feminismo hipócrita do Goberno central, desde Pedro Sánchez con Ábalos e o Tito Berni ata Yolanda Díaz con Errejón” e afirmou entender que, ante feitos como estes, “cada vez máis mulleres se sintan absolutamente defraudadas con estes políticos e con este tipo de política”.

“O Goberno central que empezou cun pacto de perdedores, continúa agora cun pacto de encubridores. O Goberno central que dixo ser un exemplo para a democracia, ten unha gran sombra de corrupción que vai acabar escurecendo todo o seu mandato. O Goberno central que quería abandeirar a loita contra a violencia de xénero, acabou cun imputado por agresión sexual o mesmo mes no que se conmemora esta loita”, concluíu.

EXPERIENCIA EN BRASIL

En contraposición a isto, a secretaria xeral fixo unha contraposición e fixo un breve repaso á súa experiencia en Brasil a semana pasada para participar no Encontro Internacional Equigov, no que deu unha conferencia sobre a participación das mulleres na política española e deixou claro que “a loita pola igualdade real non é patrimonio de ningún partido nin ideoloxía, senón responsabilidade de todos”.

Durante a súa a viaxe tamén tivo a ocasión de desfrutar dun cocido galego con máis de 300 persoas en Santos e “sentir a forte irmandade que existe entre Galicia e Brasil”, así como de manter unha produtiva reunión co presidente da Assambleia de Santa Catarina para “achegar culturas e crear alianzas de futuro”.

SOLIDARIEDADE CO POBO VALENCIANO

Paula Prado tamén se referiu ás tráxicas consecuencias da DINA que asolou o leste de España e, no seu nome e no do PPdeG, quixo trasladar unha agarimosa mensaxe de forza ás familias das vítimas e a todos os afectados que fixo extensiva tamén ao presidente Carlos Mazón e ao secretario xeral do PP na Comunidade, Juanfran Pérez Llorca.

Deu así mesmo as grazas a todos os galegos e galegas e ás decenas de profesionais que están traballando sobre o terreo e aqueles que desde Galicia están demostrando a súa solidariedade: “Galicia está con Valencia e desta imos saír xuntos porque somos un gran país”.

 

El PP arranca al comisario europeo designado para Pesca el compromiso de reformar los puntos débiles de la Política Pesquera Común

El Partido Popular Europeo (PPE) ha logrado que Costas Kadis, el candidato designado para el cargo de Comisario de Pesca y Océanos de la Unión Europea, se compromete a reformar los puntos débiles de la Política Pesquera Común tras su evaluación, en caso necesario, mediante una propuesta legislativa, tras “una evaluación al más alto nivel dado todos los agentes implicados”, explicó y señaló que va “a colocar al pescador europeo en el centro de nuestra atención”.

Así lo ha confirmado hoy, en su examen a Comisario, a la pregunta planteada por el portavoz de Pesca del Grupo PPE, Gabriel Mato, quien ha subrayado que “las recientes crisis sin precedentes y los nuevos acontecimientos geopolíticos han puesto de manifiesto la necesidad de una reforma capaz de equilibrar las necesidades ambientales, sociales y económicas”.

En este sentido, Mato se ha interesado por conocer qué medidas tiene previstas para conseguir “la incentivación de la descarbonización de la flota pesquera y el relevo generacional, así como el aumento de los fondos para la eficiencia energética y la seguridad de los buques”.

Por otro lado, el eurodiputado ha señalado que la pesca artesanal posee características y necesidades específicas que la PPC no aborda de manera suficiente. En este sentido, ha instado a la futura Comisión Europea “a garantizar que se le preste la atención que merece, especialmente en lo que respecta a sus aspectos sociales y económicos.”

Asimismo, el coordinador de Pesca del Grupo PPE ha criticado el estancamiento del desarrollo de la acuicultura en la UE y ha reiterado “que se necesita mucho más pescado del que se produce, y que por eso hay que proteger y defender este sector mediante una Política Común de Acuicultura”.

EQUILIBRIO ENTRE PROTECCIÓN, RENTABILIDAD Y COMPETITIVIDAD

Por su parte, la eurodiputada Carmen Crespo ha asegurado que “la pesca es un sector estratégico para Europa y diversifica la costa pero se está convirtiendo en sector vulnerable”. Por ello ha exigido que la nueva Comisión Europea fije un equilibrio necesario y tenga en cuenta en sus decisiones “la sostenibilidad de los mares y océanos” así como el impacto de las decisiones “en la rentabilidad del sector, el impacto social y del empleo de los territorios”.

A este respecto, pidió que “se tenga en cuenta los estudios de impactos socioeconómicos y priorice éstos sobre todo en el reparto de los Totales Admisibles de Capturas (TAC) y Cuotas tal y como establece la sentencia del Tribunal de Justicia de la Unión Europea (TJUE)”.

En este sentido, mencionó regiones como Galicia, Asturias o Andalucía, donde las restricciones les dejan poco margen para faenar, incidiendo sobre todo en “la necesidad de frenar el recorte tan abrupto como al boquerón en el Golfo de Cádiz o la bajada de días de pesca a la flota del Mediterráneo”.

El candidato a comisario aseguró, asimismo, que su primera visita si “soy ratificado en el cargo” será a Valencia para ver cómo han sido afectadas las comunidades pesqueras y qué medidas de apoyo se puede ofrecer a los afectados.

COMPETENCIA DESLEAL

El eurodiputado popular Francisco Millán Mon comenzó su intervención recordando los estrictos requisitos medioambientales, sanitarios y de control que deben cumplir los pescadores europeos y a los que no están sometidas las flotas de terceros países como, por ejemplo, la flota china. Millán Mon le pidió al Comisario que especificase “qué medidas pretende adoptar para poner fin a esta desigualdad de trato y a la competencia injusta que sufren los pescadores europeos”.

El eurodiputado gallego también expresó su preocupación por las negociaciones en curso de acuerdos de libre comercio con terceros países del sudeste asiático, como Tailandia o Indonesia. “El sector europeo de la conserva de pescado no puede competir con estas importaciones de conservas, que son mucho más baratas y de trazabilidad dudosa”. Por ello pidió el compromiso del Comisario de coordinarse con el Comisario de Comercio para excluir estos productos tan sensibles de los acuerdos de libre comercio.

Por último, Millán Mon también aprovechó la oportunidad para pedir atención a los acuerdos de partenariado de pesca sostenible con terceros países como Mauritania y Guinea-Bissau y celebró el compromiso del Comisario Kadis con la defensa de la flota europea en las negociaciones pesqueras con Reino Unido y Noruega.

 

O Parlamento galego demanda ao Ministerio do Interior un concurso de méritos na Policía Nacional para cubrir as vacantes da unidade adscrita a Galicia

O Parlamento de Galicia aprobou hoxe a proposición non de lei do Grupo Popular, que non contou co apoio dos deputados do BNG nin do PSdeG, a través da que se pide ao Goberno de España, e nomeadamente ao Ministerio do Interior, que articule un concurso de méritos na Policía Nacional que permita cubrir vacantes na Unidade de Policía Adscrita (UPA) á Comunidade Autónoma de Galicia ata os 500 efectivos que lle corresponden.

A viceportavoz popular, Paula Prado, comezou a súa intervención amosando “o sentimento de admiración e recoñecemento polos integrantes dos corpos e forzas de seguridade do Estado, así como nos profesionais de emerxencias, que desde hai días traballan nas zonas da Comunidade Valenciana afectadas pola dana, especialmente aos 200 profesionais de emerxencias que, baixo a coordinación da Xunta, se trasladaron ata alí nestes últimos días para apoiar ás persoas afectadas por esta terrible catástrofe”.

Respecto da unidade de policía adscrita a Galicia, a viceportavoz popular considerou “lamentable que foi perdendo efectivos ao longo dos últimos anos ata situarse nos mínimos históricos que rexistra na actualidade”. En concreto, apuntou que dos 500 axentes que corresponden a esta unidade de policía adscrita por catálogo, a día de hoxe só están operativos 344 efectivos, o que supón un déficit do 30 por cento e sitúa a Galicia como a segunda comunidade autónoma coa taxa de cobertura de prazas máis baixa.

Paula Prado engadiu que cada unha das sedes da UPA “deberían ter un número adecuado de policías e nunca por debaixo dos 60, polo que na actualidade só a sede de Santiago cumpre este criterio: Ourense e Pontevedra teñen 40 efectivos, mentres que Vigo e Lugo teñen 38 e A Coruña, 37”.

“Nunca antes a plantilla deste corpo policial estivera tan mermada”, sinalou a viceportavoz popular, quen incidiu que “o grave non é so este novo desprezo a Galicia e a este corpo policial, senón as consecuencias que derivan del”. Neste sentido, afirmou que esta redución de efectivos “supón unha inasumible carga de traballo para os efectivos activos, que os obriga a priorizar o máis importante e, polo tanto, tamén a renunciar a atender coa suficiente calidade algunhas das súas funcións”.

Prado asegurou que “non estamos dispostos a asumir que cada vez haxa nas rúas galegas menos efectivos das forzas e corpos de seguridade do Estado, e menos cando os datos do propio Ministerio do Interior falan dun incremento da criminalidade no que vai de ano e dun aumento dos delitos, especialmente os relativos á liberdade sexual, á ciberdelincuencia e aos homicidios”.

Por outra banda, respecto do convenio asinado entre o Goberno central e a Xunta para o mantemento desta unidade de policía adscrita, a viceportavoz popular amosou a disposición do Goberno galego para renovar este acordo, “pero nas mesmas condicións que había e non cunhas novas condicións que son abusivas e lesivas para Galicia”.

Paula Prado lembrou que no convenio anterior o Ministerio era quen pagaba o 100 por cento do salario base dos policías e a Xunta asumía os complementos e os custos das dotacións materiais e de infraestruturas. “Agora, o Ministerio quere que, ademais deses custes complementarios, a Xunta asuma o 50 por cento do salario dos policías, o que suporía un incremento de 10,5 millóns aos 3,5 millóns de euros que asume na actualidade”, concretou.

“O que queremos é un convenio como o último que asinou o Ministerio de Interior cunha comunidade autónoma con policía adscrita, o mesmo que tiña Galicia desde hai anos e o mesmo que lle ofreceu o ministro á Comunidade Valenciana cando o presidente era un socialista”, rematou.

 

O Parlamento galego demanda ao Goberno central que dea maior flexibilidade ás comunidades autónomas para adaptar os fondos para políticas activas de emprego ás súas necesidades

O Parlamento de Galicia aprobou hoxe por unanimidade a proposición non de lei do Grupo Popular a través da que se demanda ao Goberno central que modifique, de acordo coas comunidades autónomas, as condicións de asignación e utilización de fondos finalistas en materia de políticas activas de emprego, outorgándolle ás autonomías unha maior flexibilidade para adaptalos ás necesidades e particularidades dos seus mercados laborais.

A portavoz de Emprego do Grupo Popular, Noelia Pérez, demandou “unha acción coordinada” de todas as administracións para facilitar a incorporación e formación continua dos traballadores no mercado laboral, lamentando “a rixidez nas directrices de aplicación dos fondos finalistas que o Goberno de España envía ás comunidades autónomas para mellorar as competencias e a empregabilidade dos traballadores”.

En concreto, indicou que esta rixidez “limita a capacidade da Xunta para adaptalos ás necesidades propias de Galicia e ás circunstancias cambiantes do mercado laboral coa axilidade que se require”.

PARTICULARIDADES E SINGULARIDADE DE GALICIA

Diante desta situación, a portavoz popular solicitou “unha maior flexibilidade neses fondos e que o Goberno central escoite ás comunidades autónomas, porque a súa maior proximidade ás persoas traballadoras e ás empresas permite coñecer e atender dun modo máis áxil e directo as súas necesidades”. En concreto, pediu que “se teñan en conta as particularidades e singularidade de Galicia á hora de fixar os criterios de reparto deses fondos finalistas estatais”.

Noelia Pérez cuestionou “por que España, liderando o paro da Unión Europea, ten postos sen cubrir no mercado laboral?”, ante o que respondeu como “causas deste desaxuste os cambios sociais, a burocracia para a incorporación de persoal, os desincentivos á incorporación ao mercado laboral, o envellecemento da poboación e a falta de remuda xeracional, e a importante desconexión existente entre a oferta e a demanda de traballo”.

Así, explicou que “este problema para atopar traballadores está a alcanzar a practicamente todas as ramas de actividade e todos os sectores económicos, porque xa existen vacantes sen cubrir en actividades profesionais científicas e técnicas, máis tamén no comercio, na construción ou na hostalería”.

“Este desequilibrio está a ameazar a produtividade das empresas, afectando de maneira significativa ás pequenas e medianas empresas, e aos autónomos, que levan moito tempo denunciando a falta de consonancia entre as habilidades e competencias da poboación activa e as necesidades reais das empresas”, indicou.

Neste sentido, a portavoz popular considerou necesario “promover a formación continuada, para que tanto persoas empregadas como desempregadas poidan adquirir novas habilidades adaptadas aos cambios no mercado laboral, porque neste momento a aprendizaxe constante converteuse nunha necesidade vital para manterse competitivo en termos laborais”.

“O Goberno galego é consciente desta situación e por este motivo destinará o vindeiro ano 72 millóns de euros para abordar este problema estrutural”, salientou Noelia Pérez.

 

O PPdeG pide a BNG e PSdeG que abandonen o seu discurso catastrofista e pesimista sobre o sector agrogandeiro galego

O portavoz do Medio Rural do Grupo Popular, Miguel Viso, pediu hoxe no Pleno do Parlamento galego a BNG e PSdeG que “abandonen o seu discurso catastrofista e pesimista sobre o sector agrogandeiro galego” e animounos “a defender e promover o noso rural, e construír un futuro no que a súa xente se sinta valorada, apoiada e, sobre todo, orgullosa de vivir e traballar na súa terra”.

No debate dunha iniciativa sobre a política de control da transmisión da enfermidade hemorráxica epizoótica (EHE) no gando galego, Miguel Viso subliñou que “Galicia foi pioneira ao habilitar, a comezos de 2024, un sistema de indemnizacións por animais falecidos, calculándose os baremos en función do Real Decreto 389/2011 que establece as compensacións por sacrificio en programas nacionais para enfermidades como a lingua azul, tuberculose e outras patoloxías”.

“A Xunta ampliará estas subvencións para 2024 e as explotacións que xa recibiran indemnizacións recibirán agora a diferenza con respecto aos novos importes establecidos, onde a compensación por morte de bovinos poderá alcanzar os 1.500 euros por animal”, apuntou. Así mesmo, Viso engadiu que ofreceranse axudas para tratamentos veterinarios e desinsectantes a todas as explotacións afectadas.

O portavoz popular manifestou que “esta é a axuda máis ambiciosa das convocadas polas comunidades autónomas, xa que cubrirá o censo completo de bovinos de cada explotación e non só os afectados pola enfermidade”.

 

 

O Grupo Popular critica que a Fegamp estea a dilatar o proceso de integración das unidades municipais de drogodependencias no Sergas

A portavoz de Sanidade do Grupo Popular, Encarna Amigo, criticou hoxe no Pleno do Parlamento galego que a Federación Galega de Municipios e Provincias (Fegamp) estea a dilatar o proceso para a integración no Servizo Galego de Saúde das unidades asistenciais de atención á drogodependencia xestionadas polos concellos. Neste sentido, avogou por intensificar o traballo da comisión mixta creada para levar adiante este proceso, de xeito que se materialice ao longo desde ano 2024 a plena integración orgánica e funcional destes servizos.

Encarna Amigo explicou que en Galicia existen 13 unidades asistenciais de drogodependencias de titularidade municipal, situadas nos concellos de Burela, Cangas, Carballo, Monforte, Noia, O Grove, O Porriño, Ourense, Pontevedra, Ribeira, Santiago de Compostela, Vigo e Vilagarcía.

MÁIS DE 4 MILLÓNS DE EUROS PARA O FINANCIAMENTO

“A Xunta traballa no obxectivo de facer efectivo o traspaso destas unidades no menor tempo posible e cumprir a folla de ruta acordada no seo da comisión mixta de traspaso, integrada por representantes da Administración autonómica e municipal”, sinalou a portavoz popular, quen afirmou que para iso “resulta imprescindible que se cumpran os prazos establecidos e se poidan constituír as ponencias técnicas especializadas no seo da comisión”.

Respecto do financiamento destes servizos, Encarna Amigo subliñou que a Xunta lévao facendo desde o ano 2014 e nos orzamentos para 2025 figura unha partida de máis de catro millóns de euros para o financiamento destas unidades de adiccións e drogodependencias.

Ademais, Amigo dixo que “o Sergas está a reemprazar as xubilacións e vacantes dos profesionais destas unidades con persoal propio, polo que tamén está financiando desta maneira o seu correcto funcionamento, a pesar das dificultades que existen para atopar e contratar profesionais”.

 

O Grupo Popular salienta que os orzamentos da Xunta para 2025 achegarán aos concellos galegos a cifra récord de 641 millóns de euros

A viceportavoz do Grupo Popular, Paula Prado, salientou hoxe no Pleno do Parlamento galego que os concellos galegos recibirán no 2025 a cantidade récord de 641 millóns de euros dos orzamentos da Xunta. “Ao mesmo tempo, o Goberno de Pedro Sánchez impón aos concellos máis cargas, como a suba da taxa do lixo, a xestión da retirada do amianto ou a Lei de benestar animal”, apuntou.

Paula Prado cuestionou que o BNG “estea a pedir máis fondos para os concellos galegos cando alí onde gobernan son incapaces de executar os seus propios orzamentos e de levar a cabo os investimentos previstos”. En concreto, sinalou que na Deputación de A Coruña o nivel de execución orzamentaria é de apenas un 9 por cento; na Deputación de Lugo, o nivel de execución é de pouco máis dun 27 por cento; e nos concellos do BNG o nivel de execución orzamentaria apenas supera o 50 por cento e, incluso, deixan cartos sen gastar, como acontece no caso de Ribeira ou Santiago.

INCREMENTO DOS FONDOS DUN 38%

Diante desta situación, a viceportavoz popular subliñou que o Goberno galego “apoia aos 313 concellos galegos na súa demanda dun financiamento municipal máis xusto e acorde cos servizos que prestan. “Proba disto é que desde 2009 os fondos autonómicos para os concellos se incrementaron un 38 por cento e no 2023 os concellos recibiron máis de 600 millóns de euros do Goberno galego, unha cifra que se incrementará ata os 641 millóns en 2025”, explicou.

Para rematar, Prado considerou “curioso que BNG e PSdeG critiquen ao Goberno galego por apoiar economicamente aos concellos, ao mesmo tempo que calan cando o Goberno de Pedro Sánchez lles impón máis cargas, como a suba da taxa do lixo ou os novos gastos derivados da xestión da retirada do amianto ou a aplicación da Lei do benestar animal”.

“Ademais, mentres o Goberno galego, a pesar de ser unha competencia municipal, fai unha aportación ao servizo de axuda no fogar de 12 euros por hora, o Goberno central pon só 2,5 euros cada hora”, rematou.

 

O Grupo Popular tende a man á oposición para chegar a un pacto e a procura de consenso na nova Lei dos medios públicos de comunicación de Galicia

A deputada do Grupo Popular Carmen Pomar amosou hoxe “a nosa man tendida aos grupos da oposición para chegar a un pacto e a procura de consenso na tramitación da nova lei de servizo de medios públicos de comunicación de Galicia, unha vez inicie a súa tramitación democrática neste Parlamento galego”.

Carmen Pomar lembrou que a Xunta está a tramitar o anteproxecto de Lei de Servizos de Medios Públicos de comunicación audiovisual de Galicia, “unha lei que xurde para axustarse á nova lexislación estatal e europea, así como aos cambios tecnolóxicos e ás mudanzas no patrón de consumo audiovisual”. En concreto, dixo que esta iniciativa lexislativa é “transparente, participativo, plural e con sincera vocación de consenso na elección do director ou directora xeral da Corporación”.

BLÍNDASE A PLURALIDADE

Así mesmo, apuntou que esta Lei “mantén a elección dos integrantes do Consello de Administración, propostos polos grupos parlamentarios, por maioría cualificada de dous terzos do Parlamento de Galicia”. De non acadarse esa maioría, a votación repetirase nun prazo dun mes e abondará a elección por maioría de tres quintos, co que “blíndase a pluralidade do Consello de Administración e a súa elección por maioría reforzada”.

“Mentres en Galicia vese blindada a pluralidade e a elección do Consello de Administración por maioría reforzada, o Consello de Administración de RTVE poderá elixirse só por maioría absoluta das Cortes, cun reparto que prima ao PSOE e aos seus apoios no Congreso, de onde sairán 11 membros fronte aos 4 do Senado”, concretou a deputada popular.

Por último, Carmen Pomar incidiu en que “queremos, buscamos e alentamos o consenso na tramitación desta nova Lei galega, e está por ver que tanto BNG como PSdeG compartan este mesmo obxectivo, porque teñen convertido á CRTVG nunha ferramenta de confrontación permanente coa que atizar á Xunta”.

 

O Grupo Popular salienta que o Plan de Transporte Público de Galicia é un referente para as demais comunidades autónomas

O deputado do Grupo Popular Gonzalo Trenor salientou hoxe no Pleno do Parlamento galego que o Plan de Transporte Público de Galicia “é un referente entre o resto de comunidades autónomas como pioneiro na renovación do transporte público interurbano, polo volume de recursos públicos que se dedica a financialo e polo marcado carácter social co que se aborda a mobilidade”.

Gonzalo Trenor afirmou que o Plan de Transporte Público de Galicia “supón máis cobertura territorial e un servizo de máis calidade, mellora continua, máis recursos, tarifas únicas e bonificadas, melloras tecnolóxicas para a información dos usuarios e o seguimento do servizo, e novas ferramentas de planificación”.

“Nun territorio tan disperso como o noso, o esforzo loxístico e orzamentario da Xunta para garantir a mobilidade dos galegos é o maior do Estado das Autonomías, con máis de 100 millóns de euros de orzamento anual”, indicou.

EVOLUCIÓN

Ademais, salientou a evolución vivida nos últimos anos polo Plan de Transporte Público de Galicia, pasando de 900 a máis de 3.600 rutas; de 20.000 a máis de 56.000 paradas; e de 1,5 millóns a máis de 2,5 millóns de servizos, con máis de 20 millóns de horarios.

Gonzalo Trenor rematou pedindo unha fronte contra a decisión do goberno central que pretende illar a 22 municipios con mais de 130.000 veciños das rutas de bus estatais co novo mapa concesional do transporte de estrada de competencia do ministerio.

 

O Grupo Popular critica que o BNG pretenda fixar no 25% o gasto sanitario para atención primaria cando nos orzamentos da Xunta de 2025 xa se supera o 30%

A portavoz de Sanidade do Grupo Popular, Encarna Amigo, criticou hoxe no Pleno do Parlamento de Galicia que o BNG pretenda fixar por lei que se dedique o 25 por cento do orzamento de sanidade a atención primaria, “cando os orzamentos da Xunta para o 2025 xa destinan máis do 30 por cento do gasto sanitario á atención primaria”. Ademais, cualificou de “modelo caduco” a proposta nacionalista de incrementar ata 14 as áreas sanitarias, replicando as estruturas e altos cargos en cada unha delas, unha idea que “só se pode entender polo interese do BNG por converter o mapa sanitario de Galicia nun reino de taifas”.

Encarna Amigo lembrou que a Lei 8/2008 de saúde de Galicia, que o BNG pretende reformar agora, foi aprobada polo Goberno bipartito de socialistas e nacionalistas, polo que cuestionou aos nacionalistas se naquel momento “non lle importaba a sanidade pública galega o suficiente como para engadir que se lle dedicara a atención primaria o 25 por cento do gasto sanitario? ou está dicindo que o Servizo Galego de Saúde funcionaba mal coas 11 áreas sanitarias existentes?”.

CORTIÑA DE FUME

Amigo considerou que esta proposición de lei do BNG “é unha cortiña de fume para evitar que se fale de que a Xunta vai ter no 2025 o orzamento máis alto da historia para a sanidade publica galega: 5.458 millóns de euros, o que supón un incremento do 5,1 por cento e representa o 40 por cento do presuposto total da Administración galega”.

Máis en concreto, a portavoz popular apuntou que a atención primaria recibirá o vindeiro ano 1.668 millóns de euros, o que representa o 30,56 por cento do orzamento destinado a sanidade “dirixido especialmente a aumentar o persoal, renovar infraestruturas e equipamento, e potenciar a enfermería para garantir coidados personalizados no rural”.

Encarna Amigo asegurou que a Organización Mundial da Saúde sinala, en contra do criterio defendido polo BNG, que o gasto farmacéutico debe incluírse na atención primaria, recollido tanto na Declaración Alma-Ata de 1978 ou na Declaración de Astaná de 2018. “Pero é que tamén a propia Federación de Asociacións en Defensa da Sanidade Pública sinala que España dedica máis do 30 por cento do orzamento sanitario á atención primaria e que Galicia atópase por enriba desa media”, salientou.

DUPLICAR DIRECTIVOS

Respecto da petición do BNG de incrementar as áreas sanitarias, a portavoz popular cualificou como “un modelo caduco replicar estruturas e altos cargos en cada unha das 14 áreas que queren crear, duplicando os directivos que actualmente existen”.

Neste sentido, explicou que dentro das sete áreas sanitarias existentes na actualidade en Galicia existen 14 distritos sanitarios que teñen como referencia o seu hospital correspondente, construíndo un marco de referencia dentro de cada área sanitaria. “Isto permitiu consolidar o modelo de integración para facilitar o achegamento dos profesionais aos pacientes, evitando desprazamentos innecesarios porque os pacientes son atendidos nos hospitais máis próximos ao seu domicilio”, engadiu.

Encarna Amigo afirmou que “a clave é blindar os hospitais comarcais para que haxa accesibilidade, independentemente de onde viva o paciente, ao tempo que se amplían os recursos de asistencia dos hospitais galegos e se protexe e garante a calidade do servizo”.

c