Santiago, 2 de marzo de 2018.- O secretario xeral do PPdeG, Miguel Tellado, asegurou que “os gobernos do Partido Popular o único que non foron capaces de lograr en materia de emprego foi crealo ao mesmo ritmo que os socialistas e os nacionalistas o destruíron”. Así mesmo, manifestou que aínda que os partidos da oposición volverán intentar torturar os números para pintar un panorama catastrófico, a realidade é que os datos de emprego coñecidos esta mañá son “moi positivos”.
O GPP defende que a dotación de novos ciclos formativos no IES de Melide responda a criterios obxectivos, técnicos e froito do consenso, non de localismos
Santiago, 1 de marzo de 2018.- A viceportavoz do Grupo Popular, Paula Prado, manifestou hoxe no Parlamento que a dotación de novos ciclos formativos no instituto de Melide “debe responder a criterios obxectivos, técnicos e froito do consenso, non a criterios localistas e menos partidistas”.
O PPdeG demanda que a Xunta inicie en 2018 os trámites para o arranxo da estrada LU-710 entre o enlace coa A-6 e Baralla
Santiago, 1 de marzo de 2018.- A deputada do Grupo Popular Julia Rodríguez Barreira demandou hoxe no Parlamento que a Xunta inicie este ano 2018 os trámites necesarios para realizar as obras de arranxo da estrada LU-710 entre o enlace coa A-6 e Baralla, de tal maneira que este tramo conte coas mellores prestacións posibles que sexan compatibles coa orografía do terreo e cos valores naturais do río Neira e a súa contorna.
O GPP considera lamentable que En Marea rachara no Parlamento o consenso para pedir a inclusión de Galicia no Corredor Atlántico de Mercadorías
Santiago, 1 de marzo de 2018.- A deputada do Grupo Popular Julia Rodríguez Barreira considerou “lamentable que En Marea rachara hoxe o consenso que saíu do Pleno do Parlamento do pasado 19 de decembro na defensa da redefinición do Corredor Atlántico de Mercadorías, de xeito que incorpore e priorice a conexión ferroviaria dos portos galegos de Vigo e A Coruña co seu trazado español actual, a través de Monforte, León e Palencia”.
O Parlamento insta á Xunta a axilizar a construción da senda entre Agrela e Marineda en A Coruña para que estea rematada neste ano 2018
Santiago, 1 de marzo de 2018.- O Parlamento de Galicia aprobou hoxe unha proposición non de lei do Grupo Popular a través da que se insta á Xunta a axilizar a construción da pasarela e o itinerario peonil e ciclista entre Agrela e Marineda no concello de A Coruña co obxectivo de que estea rematada neste ano 2018, ao tempo que demanda ao Concello para que actúe no seu ámbito competencial e dea continuidade á obra que executa a Xunta cara á cidade ao longo da Avenida de Arteixo.
O Parlamento aproba un conxunto de medidas dirixidas á mellora da Administración de xustiza para as mulleres vítimas de violencia de xénero
Santiago, 28 de febreiro de 2018.- A viceportavoz do Grupo Popular, Paula Prado, salientou hoxe que o Parlamento galego aprobara, en base a unha emenda do PPdeG, un conxunto de medidas dirixidas á mellora da Administración de Xustiza para as mulleres vítimas de violencia de xénero.
Tellado: “Os sindicatos veñen de confirmar que prefiren bloquear a Xustiza que sentarse a negociar”
Santiago, 28 de febreiro de 2018.- O secretario xeral dos populares galegos, Miguel Tellado, asegurou que os sindicatos veñen de confirmar que prefiren bloquear a Xustiza que sentarse a negociar. Así, logo da súa negativa a entrevistarse co conselleiro Alfonso Rueda, o que amosan é que “prefiren seguir secuestrando a sociedade galega cun bloqueo da Administración de Xustiza, que penaliza a todos aqueles que precisen os servizos da mesma”, insistiu.
O GPP demanda tranquilidade á oposición para comprobar o funcionamento do novo horario do servizo de hemodinámica en Ourense e Lugo
Santiago, 28 de febreiro de 2018.- A deputada do Grupo Popular Marta Rodríguez-Vispo demandou hoxe aos grupos da oposición “tranquilidade para comprobar o funcionamento do novo horario ata as 22 horas do servizo de hemodinámica no Complexo Hospitalario de Ourense e no Hospital Lucus Augusti de Lugo, porque, se os expertos aconsellan a necesidade de poñelo en marcha as 24 horas, o PPdeG será o primeiro en esixilo”.
O Parlamento insta á Xunta a poñer en marcha un Portal do Voluntariado de Protección Civil
Santiago, 28 de febreiro de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta de Galicia a posta en marcha dun Portal do Voluntariado de Protección Civil que permita levar a cabo xestións, consultas e actuacións, e mesmo coñecer polo miúdo as actuacións, programas, e proxectos da Administración galega neste ámbito.
Aurelio Núñez destaca o compromiso do Sergas e da Fundación Pública de Urxencias para que se cumpra a legalidade nas condicións laborais dos traballadores do 061
Santiago, 28 de febreiro de 2018.- O portavoz de Sanidade do Grupo Popular, Aurelio Núñez Centeno, afirmou hoxe no Parlamento que “existe un compromiso por parte do Sergas e da Fundación Pública de Urxencias Sanitarias de Galicia-061 de estar vixiantes para que se cumpra a legalidade nas condicións laborais dos traballadores do servizo de operación telefónica do 061 e para que se garanta un servizo de calidade para a cidadanía no traslado ás novas instalacións de A Estrada”.