Santiago, 6 de febreiro de 2018.- A portavoz de Asuntos Sociais do Grupo Popular, Marta Rodríguez Arias, contrapuxo hoxe as políticas sociais da Xunta fronte aos concellos gobernados por socialistas, En Marea ou BNG. Deste xeito, salientou que, “mentres a Consellería de Política Social supera os 700 millóns de euros de orzamento, logo dun incremento de 293 millóns nos últimos cinco anos, os concellos de Santiago, Vigo e Pontevedra lideran o ránking de municipios oficialmente pobres en servizos sociais”.
O PPdeG critica que os socialistas pretendan crear por lei un fondo de financiamento local que xa existe desde hai 15 anos
Santiago, 6 de febreiro de 2018.- O deputado do Grupo Popular Alberto Pazos Couñago criticou hoxe que o grupo socialista “trouxera hoxe ao Pleno do Parlamento unha proposición de lei para a creación dun fondo de participación dos concellos nos tributos autonómicos que xa existe desde hai 15 anos”.
O GPP asegura que a reforma da Lei de Saúde de Galicia achegará a asistencia aos hospitais comarcais e acusa á oposición de poñer en risco a existencia destes centros
Santiago, 6 de febreiro de 2018.- O portavoz de Sanidade do Grupo Popular, Aurelio Núñez Centeno, asegurou no Parlamento que a reforma da Lei de saúde de Galicia, que hoxe iniciou a súa tramitación parlamentaria, “favorecerá o achegamento da asistencia aos hospitais comarcais” e acusou á oposición de “poñer en risco a supervivencia destes centros, diante da dificultade coñecida que hai a día de hoxe para cubrir prazas nos mesmos e a continua rotación e vacantes de profesionais que se producen”.
O Grupo Popular defenderá no pleno o mantemento da prisión permanente
Santiago, 5 de febreiro de 2018.- O Grupo Popular defenderá no Pleno desta semana o apoio á figura penal da prisión permanente revisable para “garantir que as persoas que cometen determinados delitos abominables non se reincorporen á sociedade ata que estean completamente rehabilitados”, sinalou o portavoz Pedro Puy. Así mesmo, sinalou que iniciarase a tramitación parlamentaria da reforma da Lei de saúde de Galicia, unha norma que busca “mellorar o sistema de organización mantendo o esforzo orzamentario para unha sanidade galega boa e pública”.
Tellado pídelle ás NN.XX que traballen “desde o inconformismo, a rebeldía e a vontade de construír”
Ourense, 3 de febreiro de 2018.- O secretario xeral do Partido Popular de Galicia, Miguel Tellado, participou este sábado na clausura da Escola de Formación organizada polas Novas Xeracións da cidade de Ourense. Alí, pediulle á organización xuvenil que traballe “desde o inconformismo, a rebeldía e a ilusión por construír un proxecto político que realmente vale a pena”; e á mocidade en xeral que se erixa en “motor de cambio” para recuperar valores sociais beneficiosos como a liberdade, o esforzo e a capacidade de superación das dificultades.
Feijóo subliña que a mocidade ten “a oportunidade e a responsabilidade de devolver a confianza na política”
Ourense, 2 de febreiro de 2018.- O presidente do Partido Popular de Galicia, Alberto Núñez Feijóo, participou este venres na apertura da Escola de Formación de Novas Xeracións da cidade de Ourense, onde subliñou que a mocidade ten “a oportunidade e a responsabilidade de devolver a confianza na política”.
Tellado pide ao PSdeG que dea aos seus deputados liberdade de voto para apoiar a prisión permanente revisable
Santiago, 2 de febreiro de 2018.- O secretario xeral do PPdeG, Miguel Tellado, pediu esta mañá aos socialistas galegos que lle dean aos seus deputados autonómicos liberdade de voto para que poidan apoiar, se así o queren, a prisión permanente revisable para os delitos máis graves. Desta maneira, contribuiríase a abrir un debate no seo do PSOE para que por fin se poñan a carón desta medida que apoia a inmensa maioría da cidadanía, e que iguala o noso código penal có do resto de países europeos.
Paula Prado critica a actitude do comité de folga da Xustiza ao centrar as súas demandas nunha inasumible suba salarial e desprezando novas medidas de conciliación ou violencia de xénero
Santiago, 1 de febreiro de 2018.- A viceportavoz do Grupo Popular, Paula Prado, criticou hoxe “a actitude que está a ter o comité de folga do persoal de Xustiza ao centrar unicamente as súas demandas nunha suba salarial do 12 ao 16 por cento, totalmente inasumible para a Xunta, e facendo caso omiso das novas propostas postas enriba da mesa de negociación, como a ampliación do permiso de paternidade e maternidade, ou as melloras en materia de violencia de xénero”.
O Parlamento demanda a Fomento que mellore o firme da N-540 nos tramos entre Guntín e Taboada e entre Taboada e A Barrela
Santiago, 1 de febreiro de 2018.- O Parlamento de Galicia aprobou hoxe por unanimidade unha proposición non de lei impulsada polo Grupo Popular a través da que se solicita ao Ministerio de Fomento a mellora do estado do firme da N-540 na provincia de Lugo, concretamente nos tramos que o precisen entre Guntín e Taboada e entre Taboada e A Barrela. En concreto, a iniciativa recolle os tramos de Guntín a Ventas de Narón e a variante de Chantada.
Teresa Egerique critica que “Vigo segue podre e oxidado por debaixo” e pide ao Concello que mellore a rede de abastecemento de auga
Santiago, 1 de febreiro de 2018.- A deputada do Grupo Popular Teresa Egerique criticou hoxe que “Vigo segue podre e oxidado por debaixo”, polo que defendeu no Parlamento que o Concello acometa, no marco das súas competencias, as obras de mellora na rede de abastecemento de auga, así como as de ampliación e mellora da estación depuradora do Casal.