Santiago, 23 de xullo de 2017.- A portavoz de Emigración do Grupo Parlamentario Popular, Raquel Arias, amosou esta mañá en Monforte a súa preocupación pola “degradación” da situación política e social que se está a producir en Venezuela e lamentou que a violencia e a violación dos dereitos humanos “sexa habitual” nun país co que “Galicia mantén un forte vínculo”.
Miguel Tellado: “Para o PPdeG, Galicia é a resposta a todas as preguntas”
Vilalba, 21 de xullo 2017.- O secretario xeral dos PPdeG, Miguel Tellado, participou este venres na ofrenda floral que, con motivo da celebración do Día de Galicia, os populares realizaron ante o busto de Manuel Fraga Iribarne en Vilalba, a localidade natal do fundador do partido. Neste acto, Tellado estivo acompañado da presidenta provincial do partido en Lugo, Elena Candia; o portavoz no Parlamento galego, Pedro Puy; o presidente nacional de Nuevas Generaciones, Diego Gago; e o alcalde da vila, Agustín Baamonde.
Continue reading
O PPdeG celebrará o Día de Galicia realizando unha ofrenda floral ante o busto de Manuel Fraga en Vilalba
Santiago, 19 de xullo 2017.- O secretario xeral dos populares galegos, Miguel Tellado, avanzou que, este venres 21 de xullo, o PPdeG celebrará o Día de Galicia realizando unha ofrenda floral na localidade de Vilalba ante o busto do fundador do partido, Manuel Fraga Iribarne, situado na súa vila natal. Neste acto Tellado tamén estará acompañado polo presidente de Nuevas Generaciones, Diego Gago, a presidenta provincial, Elena Candia, e o portavoz parlamentario do PPdeG, Pedro Puy.
Puy asegura que “botarlle a culpa ao presidente da Xunta da non transferencia das AP-9 é non entender a dinámica de traspasos neste momento en España”
Santiago, 17 de xullo de 2017.- O portavoz do Grupo Popular, Pedro Puy, asegurou hoxe que “botarlle a culpa ao Presidente da Xunta da non transferencia da AP-9 a Galicia é non entender a dinámica de traspasos neste momento en España nin as relacións que existen entre un goberno autonómico e o traspaso de competencias”. Neste sentido, indicou que “o lóxico sería manter a unidade de accións que pediu o Presidente da Xunta para este proxecto” e lamentou que as declaracións que están a realizar os grupos da oposición “non axudan” para conseguir o traspaso da AP-9.
Continue reading
Pedro Puy destaca que o Goberno galego comparece no Parlamento unha media de 2,5 veces cada día nesta lexislatura
Santiago, 17 de xullo de 2017.- O portavoz do Grupo Popular, Pedro Puy, fixo esta mañá un balance da actividade parlamentaria durante este primeiro período de sesións da X lexislatura e salientou que o Parlamento galego é “unha Cámara aberta ás iniciativas de impulso e control da oposición, que se demostra en que o 80 por cento das iniciativas debatidas nos 22 plenos celebrados foron a proposta dos grupos da oposición”. Ademais, destacou que os membros do Goberno “teñen comparecido unha media de 2,5 veces cada día”
Continue reading
O Grupo Popular subliña o obxectivo de crear 20.000 novos postos de traballo para a mocidade ata 2020
Santiago, 14 de xullo de 2017.- A portavoz de Xuventude do Grupo Popular, Sandra Vázquez, subliñou hoxe que “os menores de 30 anos son un colectivo prioritario para o Goberno galego” e lembrou o obxectivo de crear 20.000 novos postos de traballo para a mocidade coa execución da Axenda 20.
Continue reading
O Parlamento aproba instar á Xunta a elaborar unha APP con acceso aos datos de vacinación dos nenos e adultos
Santiago, 14 de xullo de 2017.- O Parlamento de Galicia aprobou hoxe, a instancias do Grupo Popular, unha proposición non de lei a través da que se insta á Xunta a elaborar unha app para dispositivos móbiles que facilite recordatorios e acceso aos datos de vacinación dos nenos e adultos. “É unha ferramenta fácil, accesible e gratuíta que vai servir para que sexan máis os que se vacinen, mellorando as coberturas da poboación”, sinalou a deputada Marta Rodríguez-Vispo.
Continue reading
O Grupo Popular demanda medidas para mellorar as condicións laborais entre as empregadas do fogar
Santiago, 14 de xullo de 2017.- A portavoz de Igualdade do Grupo Popular, Marián García Míguez, demandou hoxe no Parlamento a posta en marcha de medidas e accións para mellorar as condicións laborais entre as empregadas do fogar en Galicia, nun marco de consenso co Consello Galego de Relacións Laborais.
Continue reading
Daniel Vega pide axilidade aos concellos na designación dos seus representantes no grupo de traballo para a mellora da liña ferroviaria Ferrol-Ribadeo
Santiago, 13 de xullo de 2017.- O deputado do Grupo Popular Daniel Vega demandou hoxe aos concellos axilidade na designación dos seus representantes para proceder á constitución do grupo de traballo entre Xunta, Renfe e administracións locais para levar adiante as actuacións de mellora da liña ferroviaria entre Ferrol e Ribadeo.
Continue reading
O Grupo Popular apoia demandar que se respecten as condicións laborais e salariais do persoal que traballa na ampliación da Ponte de Rande
Santiago, 13 de xullo de 2017.- O Grupo Popular apoiou hoxe no Parlamento a aprobación dunha proposición non de lei a través da que se insta ao Goberno galego a promover, no marco da Comisión de Seguimento sobre a AP-9, o respecto das condicións laborais e salariais do persoal que traballa nas obras de ampliación da Ponte de Rande.
Continue reading