Santiago, 30 de xuño de 2017.- O presidente do PPdeG, Alberto Núñez Feijóo, retomará na tarde deste venres a xira que o levará por distintos concellos este verán para continuar escoitando de primeira man as inquedanzas e propostas da cidadanía. A súa axenda comezará nos municipios ourensáns de Toén, Cartelle e Arnoia, e xa ten visitas confirmadas para os meses de xullo e agosto.
Continue reading
O PPdeG reitera a necesidade de que sexan os profesionais quen decidan o sistema de cociña a implantar no Hospital de Ourense
Santiago, 29 de xuño de 2017.- A deputada do Grupo Popular Marta Rodríguez-Vispo reiterou esta tarde no Parlamento a necesidade de que sexan “os técnicos profesionais quen decidan o sistema de cociña que se debe implantar no Complexo Hospitalario Universitario de Ourense”, rexeitando a proposta de En Marea para que sexa no Parlamento onde se adopte esta decisión.
Rodríguez-Vispo explicou que na actualidade “están a analizarse diferentes alternativas para a cociña do CHUO, tendo en conta as súas características e todos os axentes implicados” e apuntou que “cando se decida o modelo será notificado e xustificado convenientemente”.
VANTAXES E INCONVENIENTES
Respecto da posibilidade de optar pola liña fría, a deputada popular indicou que “ten unha serie de vantaxes, pero tamén inconvenientes, polo que faise necesario estudar o tema en profundidade e sopesar os pros e os contras dun sistema e doutro para tomar finalmente a mellor decisión”.
Marta Rodríguez-Vispo tamén se referiu á situación laboral do persoal que presta servizos na cociña do CHUO e avanzou que “será a mesma que na actualidade”. Neste sentido, lembrou que nunha recente reunión da comisión do complexo hospitalario co novo xerente “houbo sintonía absoluta neste tema, habendo un compromiso por ambas partes de que cando se decida o tipo de cociña que se vai implantar se falará coa Xunta de Persoal con total claridade e transparencia”.
O Grupo Popular pide á oposición que “deixe de enredar” coa reorganización escolar porque “en ningún caso se van a pechar centros ou unidades escolares”
Santiago, 28 de xuño de 2017.- A deputada do Grupo Popular Teresa Egerique demandou hoxe aos grupos da oposición que “deixen de enredar” coa reorganización escolar que a Consellería de Educación vai levar adiante o vindeiro curso nos concellos de As Pontes, Ribadavia, Porriño e Outes, porque “en ningún caso se vai pechar ningún centro nin unidade escolar, mantendo aos alumnos escolarizados nas súas propias poboacións”.
O Parlamento solicita que se adapte o réxime xurídico de financiamento dos partidos políticos para regular os microcréditos ou micropréstamos
Santiago, 28 de xuño de 2017.- O Parlamento de Galicia aprobou hoxe, a instancias do Grupo Popular, unha resolución a través da que se insta á Xunta a adaptar o réxime xurídico vixente en materia de financiamento das formacións políticas, regulando o emprego das novas formas de financiamento, tales como as chamadas crowdfunding, microcréditos ou micropréstamos, para configurar un marco xurídico máis axeitado e avanzar na mellora do control dos fondos públicos.
Daniel Vega sinala á Mariña Lucense como exemplo de xestión ordenada do eucalipto, con gran capacidade para a creación de emprego e riqueza
Santiago, 27 de xuño de 2017.- O deputado do Grupo Popular Daniel Vega asegura hoxe que desde o PPdeG “avogamos por unha xestión ordenada do eucalipto, como se está a facer na Mariña lucense” e salientou a capacidade de creación de emprego e riqueza nesta comarca que ten esta especie arbórea.
Continue reading
O Grupo Popular salienta o traballo feito desde 2012 pola Consellería do Mar para minimizar a mortalidade do berberecho
Santiago, 23 de xuño de 2017.- A deputada do Grupo Popular Soraya Salorio salientou hoxe no Parlamento que “a Consellería do Mar leva desde 2012 traballando para minimizar o impacto do parásito Marteilia conchillia no berberecho e mellorar a produción do bivalvo a través de proxectos de investigación e axudas directas para paliar as perdas produtivas causadas pola diminución das poboacións de berberecho”.
O Parlamento galego demanda á Xunta que,en colaboración co sector, promova contactos coa Administración Europea en defensa dos intereses da pesca galega
Santiago, 23 de xuño de 2017.- O Parlamento de Galicia aprobou hoxe, a instancias do Grupo Popular, unha proposición non de lei a través da que se insta á Xunta a promover contactos co marco decisorio en Bruxelas, da man do sector, para que se poida exercer como unha única voz e de xeito organizado nos momentos previos á toma de decisións que afecta á pesca.
O Parlamento demanda á Xunta que manteña o seu apoio á estratexia Crecemento Azul que se desenvolve no Porto de Vigo
Santiago, 23 de xuño de 2017.- O Parlamento de Galicia aprobou esta mañá a proposición non de lei impulsada polo Grupo Popular a través da que se insta á Xunta para que manteña o seu apoio á estratexia Crecemento Azul desenvolvida pola Autoridade Portuaria de Vigo para acadar os obxectivos deste ambicioso proxecto pioneiro baseado no crecemento sustentable dos sectores marítimo-pesqueiros e portuario. A deputada popular Teresa Egerique considerou “absolutamente necesario apoiar iniciativas que, con fondos europeos e co apoio de todos os axentes económicos e sociais, supoñan mellorar a competitividade, modernidade e crecemento do porto”.
Continue reading
O Grupo Popular critica que o BNG enrede solicitando datos no Parlamento que xa están publicados na páxina web da Xunta
Santiago, 22 de xuño de 2017.- O portavoz de Montes do Grupo Popular, Silvestre José Balseiros, criticou hoxe que o BNG “enrede solicitando datos no Parlamento que xa están publicados na plataforma de contratos públicos da Xunta de Galicia a disposición de todos os cidadáns”. “Apostamos polo cumprimento da Lei de contratos do sector público e da Lei de transparencia e bo goberno, como ben sendo habitual e norma inquebrantable do Goberno da Xunta”, asegurou.
Continue reading
O Grupo Popular acusa a En Marea e BNG de defender a erradicación do eucalipto en Galicia ao pedir a súa inscrición no catálogo de especies exóticas e invasoras
Santiago, 22 de xuño de 2017.- O portavoz do Medio Rural do Grupo Popular, José González Pérez, acusou hoxe a En Marea e BNG de “defender a erradicación do eucalipto en Galicia” ao pedir a súa inscrición no Catálogo de Especies Exóticas e Invasoras do Estado español. “Non estamos a favor do monocultivo do eucalipto, senón dunha xestión ordenada desta especie”, reiterou.
Continue reading