16, abril, 2019. O presidente do PPdeG, Alberto Núñez Feijóo,dixo que “o que nos piden as mulleres é que nos deixemos de pancartas e que melloremos as súas posibilidades de ter un emprego”. Por iso, pediu o voto “para as mulleres libres que votan a quen lles peta”, para o respecto, e para acabar co supremacismo ideolóxico dunha esquerda que tenta falar en nome de todas as mulleres, porque, tal e como incidiu,non necesitan estar tuteladas por políticos, senón que queren igualdade real sen condescendencia enon ser discriminadas.
O Parlamento demanda ao Goberno do Estado que na negociación do brexit asegure o acceso aos caladoiros británicos do Gran Sol e das Malvinas
Santiago, 16 de abril de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno do Estado que, no ámbito da negociación do brexit, asegure o acceso aos caladoiros británicos do Gran Sol e das Malvinas e que este aspecto supedite o acceso aos mercados europeos dos produtos pesqueiros británicos.
Feijóo pide o voto para o PP porque é o único que coñece e cre no rural galego e quere enchelo de investimento
15, abril, 2019. O presidente do PPdeG, Alberto Núñez Feijóo, pediu esta tarde o voto para o Partido Popular porque é a única formación que coñece e cre no rural galego, apostando por enchelo de investimento.
Feijóo di que, ante aos que falan con catastrofismo e superficialidade, o PP é o único que cre e defende o rural
15, abril, 2019.Opresidente do PP de Galicia, Alberto Núñez Feijóo, salientou que, fronte aos partidos que falan con catastrofismo e superficialidade, o PP é o único que cre e defende o rural: “O que menos precisa a España baleira son palabras baleiras”.
O Grupo Popular demanda ao Goberno do Estado que, de tramitarse a modificación do regulamento da Lei de Costas, se adapte á normativa
Santiago, 15 de abril de 2019.- O Grupo Popular vén de rexistrar unha proposición non de lei a través da que se solicita ao Goberno do Estado que “de tramitarse unha modificación do regulamento da Lei de Costas se adapte á normativa que lle sirve de cobertura, xa que consideramos que a redacción actual non se axusta a esta normativa”. O viceportavoz Miguel Tellado manifestou que “estamos ante un cambio normativo arbitrario, caprichoso e que crea inseguridade xurídica”, ao tempo que se trata dunha “decisión que só se explica pola época electoral na que nos atopamos, ao modificar decretos de forma exprés e inxustificada”.
Feijóo pide o voto para o PP porque está, coñece, quere e valora Galicia fronte a franquicias ás que lles dá igual
13, abril, 2019. O presidente do PPdeG, Alberto Núñez Feijóo, pediu o voto para o Partido Popular, porque está, coñece, quere e valora Galicia, fronte a franquicias ás que lles dá igual: “Pido o voto para o PP, porque é un voto para unha España mellor e é un voto para que Galicia teña a importancia que merece en España”.
Feijóo pide o voto para o PP, que mostrou saber xestionar, ante os que converterían a desaceleración nunha nova crise
12, abril, 2019. O presidente do PPdeG, Alberto Núñez Feijóo, pediu o voto para o Partido Popular, que demostrou saber xestionar, ante os que converterían a desaceleración nunha nova crise: “Con un Goberno de Pedro Sánchez, a posible desaceleración volverá ser crise, e con un Goberno do Partido Popular seguiremos falando de recuperación”.
Feijóo pide unir o voto no PP para que haxa un Goberno como o que prefire a maioría dos galegos
12, abril, 2019.O presidente do PPdeG, Alberto Núñez Feijóo,apelou á unión do voto no Partido Popular para que en España haxa un Goberno como o que prefire a maioría dos galegos: “Se nos unimos no PP, a España iralle mellor, como nos foi en Galicia; se nos dividimos, só lle irá mellor a Pedro Sánchez e iso non é bo nin para os galegos nin para o resto dos españois”.
O Grupo Popular cualifica de “pouco progresiva e non redistributiva” a proposta do PSOE de eximir do pago das taxas a todos os universitarios
Santiago, 10 de abril de 2019.- O portavoz de Universidades do Grupo Popular, Martín Fernández Prado, cualificou hoxe de “pouco progresiva e non redistributiva a proposta dos socialistas galegos de eximir a todos os estudantes do pago das taxas universitarias, sexan cales sexan os seus ingresos”. “Veñen agora cunha proposta incumprida por Pedro Sánchez para que a paguemos os galegos”, indicou.
O Grupo Popular cualifica de “extemporánea” a proposta do PSOE de reclamar o uso do superávit
Santiago, 10 de abril de 2019.- O portavoz do Grupo Popular, Pedro Puy, cualificou hoxe de “extemporánea” a proposición non de lei do Grupo Socialista debatida hoxe no Pleno sobre a reclamación ao Goberno central destinar o superávit da Comunidade galega a sanidade, educación e servizos sociais, “porque foi o Presidente da Xunta o que tomou a iniciativa, á que sumou a demanda dos 170 millóns de euros das liquidacións negativas en compensación por ser unha comunidade cumpridora, os 200 millóns da última mensualidade do IVE de 2017 e os 330 millóns das entregas a conta correspondentes ao presente exercicio”.
Pedro Puy lembrou que o superávit da Xunta no pasado ano “é consecuencia de que Galicia cumpriu o déficit público, o límite de débeda, a regra de gasto e fomos líderes no pago aos provedores” e que “o superávit non foi xerado pola inexecución do gasto, senón por unha recadación superior á prevista como consecuencia da boa marcha da economía galega.
CARTA Á MINISTRA ANTES QUE PROPOSTA SOCIALISTA
Diante desta situación, o Presidente da Xunta mandou unha carta o 27 de febreiro á ministra de Facenda solicitando poder facer uso deste superávit para atender necesidades de Galicia en materia sanitaria, educativa e de servizos sociais, “moitos días antes de que o Grupo Socialista rexistrara o 15 de marzo a proposición non de lei que hoxe debatemos”.
“Por tanto, a posición do Goberno de Galicia fixo rectificar ao Goberno central, que o pasado 29 de marzo aprobou o Real Decreto que habilita a posibilidade de utilizar este superávit, que foi publicado no boletín oficial do Estado do 30 de marzo e convalidado no Congreso o 3 de abril”, concretou.
O portavoz popular criticou que a decisión do Goberno de Pedro Sánchez de eliminar a posibilidade de que as comunidades autónomas cumpridoras puideran utilizar o seu superávit “era unha discriminación entre administracións públicas, xa que si se permitía ás entidades locais cumpridoras”.
“O esforzo feito polos galegos, que fixo que Galicia tivera un superávit de 125 millóns de euros, ten que ser recoñecido”, manifestou Puy, quen engadiu que “ten que haber flexibilidade para gastar o que é dos galegos no que necesitan os galegos”.