Adrián Vázquez
La modificación del Reglamento General de Costas propuesta por el Gobierno es un ejemplo de manual de cómo vestir de obligación técnica lo que es, en realidad, una decisión política.
Continue reading
O Parlamento de Galicia aprobou, hoxe, reclamar ao Goberno central a que aplique, de maneira urxente, a Directiva da Unión Europea 2020/285 que posibilita a posta en marcha do réxime especial de franquía do IVE. A proposición non de lei, impulsada polo Grupo Popular e que saíu adiante sen votos en contra, beneficiaría arredor duns 100.000 traballares por conta propia en Galicia.
Neste punto, a portavoz de Emprego do Grupo Parlamentario Popular, Noelia Pérez, lamentou que España sexa a excepción, xa que lles nega aos autónomos o que Europa si lles recoñece: “448 días incumprindo con Europa e desoíndo os aviso da Comisión Europea”. E recordou que Bruxelas levou a España ao TJUE por non traspoñer esta Directiva.
Cualificou de “viacrucis” a negativa do Goberno central de traspoñer esta Directiva, xa que, tal e como sinalou, está a supoñer un custe en competitividade –máis burocracia, máis custes e menor liquidez- para os traballadores por contra propia e puxo como exemplo Portugal, país que si aplica o IVE franquiado. Esta medida, tal e como dixo, permite que autónomos cunha facturación anual menor de 85.000 euros non teña que repercutir nin declarar este imposto. E engadiu que redunda na diminución das cargas administrativas e facilita o emprendemento.
Para Noelia Pérez, o Executivo de Pedro Sánchez está a aplicar “políticas de asfixia”, xa que actúa con rapidez á hora de aprobar medidas dirixidas a recadar máis, pero atrasa aquelas enfocadas en axudar ás familias ou en aliviar a carga aos traballadores.
MENOS TITULARES E MÁIS CERTEZAS
Tamén se referiu ao anuncio de Junts sobre que o Goberno central retirará o IVE aos autónomos que facturan menos de 85.000 euros anuais, a cambio do seu voto a favor do decreto anticrise para paliar os efectos da guerra de Oriente Próximo.
A parlamentaria popular amosouse escéptica, por tratarse “dun acordo en privado”: “Cando o señor Sánchez promete cousas en privado, xa sabemos o que adoita pasar en público: que non se cumpren”. Por iso, avogou por un compromiso por escrito, porque “os autónomos non precisan ser moeda de cambio nin titulares, o que precisan son certezas”.
O Parlamento de Galicia aprobou, hoxe, instar ao Goberno central a que suspenda a tramitación do anteproxecto de Real Decreto de modificación do Regulamento Xeral de Costas.
O portavoz de Pesca e Marisqueo do Grupo Parlamentario Popular, Miguel Fidalgo, durante a súa intervención no pleno, defendeu, a través dunha proposición non de lei que saíu adiante sen votos en contra, o “futuro do noso litoral, da nosa economía e da seguridade xurídica de milleiros de galegos”. E dixo que esta modificación pon en risco a uns 25.000 empregos, cuxa actividade se desenvolve no dominio público marítimo-terrestre e que representa uns 3.700 M€.
Neste senso, recordou que o pasado 1 de marzo, o Executivo de Pedro Sánchez iniciaba unha consulta pública previa, alegando que Galicia estaba a cumprir un procedemento de infracción aberto pola Comisión Europea. Pero, tal e como incidiu Miguel Fidalgo, a realidade é ben distinta, xa que se trata “dun plan para expulsar progresivamente toda actividade do litoral”. Ao tempo que engadiu, que pretende eliminar prórrogas extraordinarias e abrir a porta a revisar concesións vixentes.
Segundo o deputado popular, coa modificación do Regulamento de Costas, o Goberno central non está a cumprir con Europa, senón que está a “utilizar Europa como escusa para impor unha axenda que vai en contra da actividade económica e da presenza humana no noso litoral”. Así, advertiu dos riscos para a seguridade xurídica das concesións e para miles de emprego; e referiuse ás bateas, ás fábricas conserveiras, ás plantas de conxelado, ás depuradoras, ás instalacións de acuicultura, ás factorías de transformación de produtos do mar ou aos servizos portuarios.
UNHA BATALLA TRAS OUTRA CONTRA GALICIA
“Unha batalla tras outra podería ser o título da película que Galicia parece estar librando continuamente pola forma na que o Goberno de España lexisla contra a nosa terra”, dixo Miguel Fidalgo, tomando como referencia o filme gañador do premio Óscar deste ano. “O noso litoral –apuntou- non se pode decidir desde un despacho en Madrid sen contar con nós”.
Por iso, instou ao Goberno central a que actúe con transparencia, facilite información completa e posibilite a participación real das comunidades costeiras nunha reforma que lles afecta de cheo.
UN PROCEDEMENTO CHEO DE IRREGULARIDADES
Ademais de pretender modificar o regulamento sen revisar previamente a lei, o Executivo de Pedro Sánchez levou a cabo un procedemento de tramitación de urxencia cheo de irregularidades: “Só cando Galicia alzou a voz en Madrid e, tamén, en Bruxelas, pedindo amparo cun informe xurídico que acreditaba que a reforma era contraria a dereito, o Goberno rectificou”.
Criticou que a Administración central evite o debate nun tema que afecta a máis dunha trintena de concellos costeiros e que supón o sustento dos sectores da pesca, marisqueo, acuicultura, industria transformadora, turismo e hostalaría, “piares da economía galega”.
Para finalizar, dixo que, desde que asumiu as competencias en ordenación e xestión do litoral, Galicia tramitou máis de 900 expedientes, fronte ao Executivo central que os mantivo paralizados –preto de 140 levaban máis de 5 anos nun caixón e 194 seguen sen remitirse á Xunta: “Mentres uns bloquean, Galicia resolve”.
A portavoz de Emprego do Grupo Parlamentario Popular, Noelia Pérez, instou, hoxe, ao Goberno de Pedro Sánchez a que non siga poñendo trabas e aplique, de maneira urxente, a Directiva da Unión Europea 2020/285 que posibilita a posta en marcha do réxime especial de franquía do IVE que beneficiaría arredor duns 100.000 traballares por conta propia en Galicia.
Neste punto, lamentou que España sexa a excepción, xa que lles nega aos autónomos o que Europa si lles recoñece: “448 días incumprindo con Europa e desoíndo os aviso da Comisión Europea”. E recordou que Bruxelas levou a España ao TJUE por non traspoñer esta Directiva.
Cualificou de “viacrucis” a negativa do Goberno central de traspoñer esta Directiva, xa que, tal e como sinalou, está a supoñer un custe en competitividade –máis burocracia, máis custes e menor liquidez- para os traballadores por contra propia e puxo como exemplo Portugal, país que si aplica o IVE franquiado. Esta medida, tal e como dixo, permite que autónomos cunha facturación anual menor de 85.000 euros non teña que repercutir nin declarar este imposto. E engadiu que redunda na diminución das cargas administrativas e facilita o emprendemento.
Para Noelia Pérez, o Executivo de Pedro Sánchez está a aplicar “políticas de asfixia”, xa que actúa con rapidez á hora de aprobar medidas dirixidas a recadar máis, pero atrasa aquelas enfocadas en axudar ás familias ou en aliviar a carga aos traballadores.
MENOS TITULARES E MÁIS CERTEZAS
Tamén se referiu ao anuncio de Junts sobre que o Goberno central retirará o IVE aos autónomos que facturan menos de 85.000 euros anuais, a cambio do seu voto a favor do decreto anticrise para paliar os efectos da guerra de Oriente Próximo.
A parlamentaria popular amosouse escéptica, por tratarse “dun acordo en privado”: “Cando o señor Sánchez promete cousas en privado, xa sabemos o que adoita pasar en público: que non se cumpren”. Por iso, avogou por un compromiso por escrito, porque “os autónomos non precisan ser moeda de cambio nin titulares, o que precisan son certezas”.
O portavoz de Pesca e Marisqueo do Grupo Parlamentario Popular, Miguel Fidalgo, interveu, hoxe, no pleno do Parlamento de Galicia para defender o “futuro do noso litoral, da nosa economía e da seguridade xurídica de milleiros de galegos”. E dixo que a modificación do Regulamento Xeral de Costas, proposta polo Goberno central, pon en risco a uns 25.000 empregos, cuxa actividade se desenvolve no dominio público marítimo-terrestre e que representa uns 3.700 M€.
Neste senso, recordou que o pasado 1 de marzo, o Executivo de Pedro Sánchez iniciaba unha consulta pública previa, alegando que Galicia estaba a cumprir un procedemento de infracción aberto pola Comisión Europea. Pero, tal e como incidiu Miguel Fidalgo, a realidade é ben distinta, xa que se trata “dun plan para expulsar progresivamente toda actividade do litoral”. Ao tempo que engadiu, que pretende eliminar prórrogas extraordinarias e abrir a porta a revisar concesións vixentes.
Segundo o deputado popular, coa modificación do Regulamento de Costas, o Goberno central non está a cumprir con Europa, senón que está a “utilizar Europa como escusa para impor unha axenda que vai en contra da actividade económica e da presenza humana no noso litoral”. Así, advertiu dos riscos para a seguridade xurídica das concesións e para miles de emprego; e referiuse ás bateas, ás fábricas conserveiras, ás plantas de conxelado, ás depuradoras, ás instalacións de acuicultura, ás factorías de transformación de produtos do mar ou aos servizos portuarios.
UNHA BATALLA TRAS OUTRA CONTRA GALICIA
“Unha batalla tras outra podería ser o título da película que Galicia parece estar librando continuamente pola forma na que o Goberno de España lexisla contra a nosa terra”, dixo Miguel Fidalgo, tomando como referencia o filme gañador do premio Óscar deste ano. “O noso litoral –apuntou- non se pode decidir desde un despacho en Madrid sen contar con nós”.
Por iso, instou ao Goberno central a que actúe con transparencia, facilite información completa e posibilite a participación real das comunidades costeiras nunha reforma que lles afecta de cheo.
UN PROCEDEMENTO CHEO DE IRREGULARIDADES
Ademais de pretender modificar o regulamento sen revisar previamente a lei, o Executivo de Pedro Sánchez levou a cabo un procedemento de tramitación de urxencia cheo de irregularidades: “Só cando Galicia alzou a voz en Madrid e, tamén, en Bruxelas, pedindo amparo cun informe xurídico que acreditaba que a reforma era contraria a dereito, o Goberno rectificou”.
Criticou que a Administración central evite o debate nun tema que afecta a máis dunha trintena de concellos costeiros e que supón o sustento dos sectores da pesca, marisqueo, acuicultura, industria transformadora, turismo e hostalaría, “piares da economía galega”.
Para finalizar, dixo que, desde que asumiu as competencias en ordenación e xestión do litoral, Galicia tramitou máis de 900 expedientes, fronte ao Executivo central que os mantivo paralizados –preto de 140 levaban máis de 5 anos nun caixón e 194 seguen sen remitirse á Xunta: “Mentres uns bloquean, Galicia resolve”.
O presidente do PPdeG, Alfonso Rueda, reivindica a “estabilidade”, a “moderación” e o “sentidiño” que ofrece o Partido Popular, que define como “a única alternativa” posible de goberno, poñendo o foco nas eleccións municipais de 2027, fronte ao “caos” xerado por Sánchez e os seus socios. Así, na Xunta Directiva Provincial do PP de Lugo, resaltou a importancia de “non baixar os brazos” e “seguir traballando” en Lugo e en toda Galicia pola política “útil e pegada ao territorio”.
Durante a reunión encabezada por Rueda, xunto á presidenta do partido na provincia, Elena Candia, e a secretaria xeral do PPdeG, Paula Prado, o líder dos populares galegos aproveitou para lembrarlle á militancia de Lugo que España está inmersa nun ciclo electoral autonómico, no que os españois están a darlle a maioría ao PP, con comicios en Estremadura, Aragón, Castela e León e proximamente Andalucía. Por este motivo, puxo o foco nas próximas eleccións municipais, advertindo que en Galicia se parte dunha maioría absoluta “excepcional”, froito dun “intenso traballo” que hai que seguir “intensificando”.
Para Rueda a mensaxe nas urnas é que a xente “quere cambio” no Goberno central, cunha cidadanía cansada de “gobernos que non gobernan”, partidos que bloquean e esquerdas “totalmente alleas á realidade”.
O DECRETO DE SÁNCHEZ POLA GUERRA: “INVITO EU, E PAGAS TI”
O presidente do PPdeG destacou a xestión do Goberno galego con proxectos como a educación gratuíta desde a gardería á universidade, o esforzo histórico en vivenda para chegar ás 10.000 vivendas públicas en 2030 ou a sanidade pioneira con proxectos como un centro de protonterapia.
Rueda contrapuxo todas estas iniciativas populares coa xestión de Sánchez e os seus socios independentistas, que conforman “un Goberno irresponsable”, que “incumpre cada día os seus compromisos con Galicia e con Lugo, instalados no ‘non polo non”. Neste sentido, fixo referencia a proxectos paralizados como a A-56 entre Lugo e Ourense e o “freo” de PSdeG e BNG ao desenvolvemento da provincia.
Do mesmo xeito, afeou ao Goberno central a pouca seriedade en asuntos de interese nacional como o decreto de medidas fronte ás consecuencias da guerra, que para Rueda resulta ser unha especie de “invitou eu, e pagas ti”, afeando o “teatro” de Yolanda Díaz e Sumar. As propostas que venden, sen consensualas coas comunidades, van ser sufragadas en boa parte pola facenda autonómica, ao pivotar sobre impostos cedidos ás Comunidades Autónomas. En concreto, Galicia achegará 120,6 millóns de euros durante os 3 meses que, en principio, estarán en vigor. O presidente recriminoulle ao Goberno de Sánchez a “falta de lealdade institucional” e recordou que isto é “un esforzo compartido”.
ELENA CANDIA: “LUGO CONTINÚA SEN TER O QUE LLE CORRESPONDE”
Elena Candia fixo referencia as “reprobables” políticas do PSOE na provincia e do BNG “como extensión” en defensa das mulleres, poñendo como exemplo o ‘caso Tomé’ no que “pretenden dar leccións, pero non adoptan ningunha medida”. En materia de infraestruturas de comunicación e de conexión eléctrica, a presidenta provincial tamén insistiu en que o Goberno central “castiga á provincia co aplauso dos socialistas galegos e a complicidade do BNG”, algo que “lastra o desenvolvemento social e a competitividade empresarial da provincia”.
Ademais, a número un do PP de Lugo valorou o anuncio feito este luns polo presidente de Renfe en relación á conexión con Madrid porque “permite estar máis cedo na capital de España”; pero advertiu: “que non nos enganen. O que supón realmente é cambiar de hora un servizo xa existente que se suprime -o das once da mañá-; non incrementar frecuencias entre Lugo e a capital de España”. Deste xeito, “Lugo continúa sen ter o que lle corresponde” porque “só dispón de tres frecuencias de ida e as mesmas de volta en horarios que seguen sendo insuficientes”.
A secretaria xeral do PPdeG, Paula Prado, asistiu hoxe a XXXII Feira do Queixo de Friol e Pan de Ousá, unha cita que homenaxea e mantén viva a tradición de elaboración deste queixo e pan. De feito, a número dous dos populares galegos enxalzou esta celebración na súa “32 edición pola súa capacidade de manter vivas as nosas tradicións”.
Na cita, na que estivo acompañada polo alcalde de Friol, José Ángel Santos, tamén aproveitou para poñer en valor o traballo do rexedor e o seu equipo. “Son exemplo de bo facer e, no 2027, volverán revalidar a súa maioría para seguir mellorando o día a día da veciñanza”, concluíu Prado.
O grupo do PPdeG na Federación Galega de Municipios e Provincias (Fegamp) reclama ao Goberno central liberdade para destinar os maiores ingresos procedentes das entregas a conta da Participación nos Ingresos do Estado (PIE) e da liquidación definitiva de 2024.
Así o explicou o vicepresidente primeiro da Fegamp e voceiro popular, Ángel Moldes, remarcando que os importes das entregas a conta previstas para 2026 serán previsiblemente superiores aos de 2025, ao igual que a liquidación de 2024. Neste contexto, sinala que os concellos trasladaron as súas dúbidas ao Ministerio de Facenda, que recoñeceu que, polo momento, non prevé autorizar o uso libre destes fondos ante a posibilidade de presentar aínda un novo proxecto de Orzamentos Xerais do Estado.
“Levamos tres anos sen orzamentos do Estado, estamos xa en marzo e esta incerteza está condicionando e castigando aos concellos, que poderían destinar estes incrementos á prestación de servizos e á execución de investimentos prioritarios para a cidadanía”, engade o popular.
Ademais, lembra que nos exercicios 2024 e 2025 o Ministerio xa indicara que, ante a falta de aprobación dos Orzamentos Xerais do Estado, os maiores ingresos da PIE non estarían afectados pola regra de gasto, polo que non era obrigatorio destinalos obrigatoriamente a reducir o nivel de débeda pública.
O PPdeG destaca o incremento de 6,6 M€ que o Goberno galego destinará ao Servizo de Axuda no Fogar dos 15 concellos da Mariña –Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove-, nos 3 vindeiros anos.
Así o trasladaron en sendas xuntanzas con veciños de Barreiros e Burela, os deputados do Grupo Popular no Parlamento, Raquel Arias, Nicole Grueira e Enrique Barreiro, tras o anuncio por parte da administración autonómica de aumentar de forma progresiva o prezo por hora, pasando dos 12 euros actuais aos 18 euros, en 2028. Raquel Arias explicou que a Xunta pasará a destinar 12M€ nos concellos nestes tres anos, en vez dos 5,3M€, previstos cos actuais12€/h.
Durante estes encontros, no que estiveron acompañados polos voceiros do PPdeG nos municipios, Enrique Barreiro puxo en valor o esforzo inversor da Xunta e informou de que as administracións locais, desde finais de marzo e cun prazo dun mes, poderán solicitar este incremento do financiamento do SAF; que terá, ademais, efectos retroactivos desde o 1 de xaneiro.
Froito do acordo entre Xunta e Fegamp, en 2026, o prezo da hora será de 16 euros; en 2027, de 17 euros; e, en 2028, de 18 euros. Deste xeito, este ano, en cifras aproximadas, Alfoz recibirá 432.000€; Barreiros, 342.000€; Burela, 614.000€; Cervo, 294.000€; Foz, 960.000€; Lourenzá, 267.000€; Mondoñedo, 390.000€; Ourol, 162.000€; A Pontenova, 390.000€; Ribadeo, 577.000€; Trabada, 275.000€; O Valadouro, 438.000€; O Vicedo, 233.000€; Viveiro, 1M€; e Xove, 703.000€.
O PPdeG denunciou, hoxe, o abandono do transbordador do Miño e instou ao Goberno central a cumprir cos traballos de dragado río, comprometidos con Portugal.
Nunha visita que realizaron ás instalacións –actualmente pechadas- do transbordador que une A Guarda coa localidade portuguesa de Caminha, os deputados autonómicos do Grupo Popular, Julio García Comesaña e Moisés Rodríguez, lamentaron a situación de deterioro do río Miño e o desleixo que sofre este servizo esencial para a conexión transfronteiriza.
“O río –salientou García Comesaña- está cheo de area, o que impide o paso entre ambas as dúas beiras”. E incidiu en que, a pesar de que se anunciara que no cumio hispano-luso se acordaría o dragado e a renaturalización do río, “ese compromiso nunca se materializou”, pese a tratarse dunha demanda histórica.
UN NOVO AGRAVIO DE PEDRO SÁNCHEZ CON GALICIA
Así, recordaron que o PPdeG leva anos defendendo unha estratexia integral para o tramo internacional do río Miño, que inclúe o impulso dun dragado controlado e ambientalmente sostible, a mellora da navegabilidade, a protección das pesqueiras tradicionais, o control das especies invasoras, garantías de caudais adecuados e o reforzo da cooperación transfronteiriza con Portugal.
Neste punto, Moisés Rodríguez considerou que a inacción do Executivo de Pedro Sánchez supón un “novo agravio” con Galicia, afectando á actividade económica, ao turismo e ás comunicacións entre ambos os dous países. E recordou que o PPdeG leva varias iniciativas presentadas, no Parlamento de Galicia, no Congreso e no Senado, alertando da gravidade do estado do río.
Acompañados dos rexedores da Guarda e Salvaterra de Miño, Roberto Álvarez e Marta Valcárcel, da senadora Nidia Arévalo e do voceiro do PPdeG en Tui, Nicolás Montes; os parlamentarios populares pediron que o Goberno “pase dos anuncios aos feitos” e que cumpra de maneira inmediata o compromiso adquirido, impulsando o dragado sostible do río Miño, xunto cun paquete de medidas que permitan recuperar a súa navegabilidade, garantir a súa seguridade e protexer o seu equilibrio ambiental.