O PPdeG lembra que os maiores interesados no programa Benestar en balnearios teñen ata o 16 de xullo para inscribirse

As deputadas do Grupo Popular Raquel Arias e Nicole Grueira lembraron hoxe que o prazo para participar no programa Benestar en balnearios da Xunta, a través do que aos maiores de 60 anos ou pensionistas de máis de 55 anos poden gozar de descontos para estadías nestes establecementos, remata o vindeiro 16 de xullo.

En compañía do portavoz do PP en Guitiriz, José Manuel López, Raquel Arias e Nicole Grueira visitaron as instalacións do balneario desta localidade, un dos catro lucenses adheridos a este programa nesta edición xunto ao Balneario Termas de Lugo, o Balneario Río Pambre de Palas de Rei e Augas Santas Balneario de Ferreira de Pantón.

LOITA CONTRA A SOIDADE NON DESEXADA

O programa Benestar en balnearios da Xunta ofrece preto dun 50 por cento de desconto aos maiores de 60 anos ou a pensionistas de máis de 55 para estadías en réxime de pensión completa durante 10 días nun dos 15 establecementos hoteleiros adheridos de toda Galicia. Aquelas persoas interesadas dispoñen ata o vindeiro 16 de xullo para formalizar a súa inscrición, preferentemente, a través da sede electrónica da Xunta ou, de forma opcional, en calquera rexistro oficial da Xunta.

Esta iniciativa é “unha mostra máis da aposta da Xunta de Galicia polas persoas maiores ou en situación de dependencia”, segundo subliña a deputada lucense e portavoz de Política Social do Grupo Popular no Parlamento de Galicia, Raquel Arias. “Coa estadía de 10 días nestes balnearios de Galicia contribúese a mellorar a súa saúde física e tamén a emocional e serve, ademais, como ferramenta na loita contra a soidade non desexada”, engadiu.

A deputada popular tamén puxo en valor que “a Xunta inviste este ano máis de 330.000 euros neste programa”, un 10 por cento máis que na pasada edición. O programa ofrece este ano 1.276 prazas, 41 máis que na edición anterior, para desfrutar en diferentes quendas desde o mes de xullo ata decembro.

El PP de Galicia pregunta al Gobierno de Sánchez “cuándo piensa cumplir” con la financiación del 50% del sistema de dependencia

El PPdeG ha preguntado en el Senado al Gobierno central “cuándo piensa cumplir” con la financiación del 50% del sistema de dependencia para la autonomía personal y atención a la dependencia en todas las comunidades autónomas, entre ellas Galicia.

Los populares gallegos han registrado la cuestión por escrito en la Cámara Alta, donde Pepa Pardo ha lamentado que “esta financiación del 50% sea asumida por Sánchez única y exclusivamente cuando necesita votos, generando una dependencia de primera y de segunda”: “Financia al 50% la dependencia en el País Vasco porque necesita sus votos, pero castiga al resto de comunidades autónomas, también a Galicia”, señala la senadora pontevedresa.

Pardo explica que la financiación actual del Gobierno central al sistema gallego “va a menos” y ahora se sitúa en el 34,9 %, “muy alejada del 50 % que por ley le corresponde”. Además, el Ejecutivo tiene una deuda acumulada con Galicia en materia de dependencia de 2.500 millones de euros.

“Ya está bien de tratos desigualitarios a las comunidades en función de si las necesita o no para mantenerse en el poder. Ya está bien de generar dependencias de primera y de segunda”, reitera.

Asimismo, los populares gallegos critican la “falta de criterio y palabra” del BNG en este tema, como en tantos otros en los que “siguen amparando a un partido corrupto como el PSOE”.

Cabe recordar que, en 2020, la formación independentista firmó el primer acuerdo de investidura con el PSOE en el que recogía el compromiso del Gobierno central con la citada aportación del 50% a la dependencia. Y, pese al incumplimiento, en 2023 se repitió el apoyo.

Por ello, el PPdeG acusa al BNG de “hipócrita” por haber mostrado interés sobre este tema en las últimas semanas, cuando durante estos años “nunca mostraron ni el más mínimo interés”.

“Lo único que ha quedado claro estos años es la teatralización tanto del BNG como del PSOE gallego, que intentan justificar el injustificable: su apoyo incondicional al Gobierno central pese a los casos de corrupción que inundan a Sánchez y su entorno”, concluyen los populares gallegos.

O PPdeG celebra que Galicia poida exercer xa as competencias do litoral: “Traballámolo, mereciámolo e chegou o momento de recuperar o tempo perdido”

O PPdeG celebra o “fito histórico” que supón que Galicia poida exercer xa as competencias de xestión do seu litoral logo de anos de reivindicacións lideradas polo presidente Alfonso Rueda e que agora se traducirán nunha maior seguridade xurídica para as empresas, os particulares e os concellos ubicados ao longo dos máis de 1.500 quilómetros de costa da nosa Comunidade.

“Galicia traballouno, Galicia merecíao, e demostrará a partir de agora por que pedía esas competencias”, afirmou ao respecto a secretaria xeral dos populares galegos, Paula Prado, logo de manter unha reunión en Cangas con representantes do sector mar-industria na comarca na que estivo acompañada polo presidente provincial do PP de Pontevedra, Luis López, e a líder local do partido, Loli Hermelo.

Prado incidiu en que “para os galegos o mar é emprego, é riqueza e é vida” e de aí que ao longo destes anos se traballara para que o litoral galego foxe xestionado desde Galicia: “Non tiña sentido que iso se estivera facendo desde un despacho de Madrid, cando somos a Comunidade con máis quilómetros de costa de España”.

De feito, remarcou que o espazo litoral sobre o que agora o Goberno galego terá plenas competencias abrangue unha superficie de 16.000 quilómetros cadrados –o equivalente a “máis do triplo da superficie que ten a provincia de Pontevedra”– e no que se atopan 86 concellos, incluído o de Cangas, que “teñen moito que dicir e cos que a Xunta vai valar e deixar claro que isto non vai de cores”.

“É o momento de recuperar o tempo perdido co noso litoral e por iso, fronte aqueles que só protexen o medio ambiente nas súas pancartas, o PPdeG ofrecerá realidades e seguridade xurídica para protexer a nosa costa”, concluíu afeando a actitude mostrada ao longo deste tempo por un Goberno estatal do que “o único que Galicia recibiu foron negativas, desprezos e adiamentos”.

Xa en clave nacional, Paula Prado asegurou que “Galicia e toda España necesitan xa deixar de sufrir a parálise dun Goberno central ocupado exclusivamente en tapar a súa corrupción”. E, por iso, avanzou que esta fin de semana medio millar de galegos e galegas, liderados polo presidente Alfonso Rueda, “tomarán partido por España” no Congreso Nacional do PP. Un evento no que Galicia, asegurou logo do nomeamento de Miguel Tellado como novo secretario xeral nacional e co presidente Alberto Núñez Feijóo, “será protagonista”.

GALICIA GOBERNA O SEU LITORAL

Todas estas cuestións foron abordadas na reunión que os representantes do PPdeG tiveron con membros da cadea mar-industria para valorar a repercusión destas novas competencias asumidas por Galicia. Entre eles, a presidenta e o secretario de Frigoríficos do Morrazo, Sonia Barreiro e José Carlos Barreiro, o co-fundador de Wofco, Alberto Barreiro, o patrón maior da Confraría de Cangas, Javier Costa, e os xerentes de Pescados Marcelino, Gustavo Adolfo Marcelino e Ramón Marcelino.

Logo da reunión e da visita á piscifactoría de Frigoríficos do Morrazo, puideron dar un paseo polo litoral deste concello e a cuxo remate o presidente provincial do PP de Pontevedra, Luis López, abordou a relevancia que o litoral ten para esta provincia.

“Tres de cada cinco empresas que máis facturan na nosa provincia pertencen ao sector mar-industria, por non falar das vivendas e equipamentos públicos que se sitúan no litoral e nos converten nunha provincia que mira ao mar e que, en consecuencia, coida ao mar”, explicou.

Por iso o líder provincial comprometeu o traballo e apoio de Pontevedra ao Goberno galego na xestión de “algo crucial” como é o litoral. De feito, quixo felicitar ao presidente Rueda e a todo o seu equipo: “Grazas ao seu inxente traballo e tras anos de loita, conseguimos que as decisións sobre o noso as tomemos nós”.

Loli Hermelo, pola súa banda, incidiu na importancia da Lei do Litoral aprobada hai dous anos e que agora fará posible, unha vez asumidas estas competencias, que Galicia “poida xestionar o seu litoral, protexer o seu medio ambiente, decidir sobre o seu futuro e crecer dun xeito sustentable”.

“Cangas é un concello que vive cara o mar e que ama o seu mar porque representa todo o que somos”, asegurou a líder do partido neste concello ao tempo que facía referencia ao pasado vinculado á antiga fábrica de Massó e ao futuro que teñen por diante as numerosas empresas asentadas no litoral cangués.

O PPdeG esixe á alcaldesa de Moaña que asuma as súas competencias e regule a práctica da pesca recreativa nos portos deste concello

O portavoz do Mar do Grupo Popular, Miguel Fidalgo, acompañado do portavoz do PP en Moaña, Alfonso Piñeiro, esixiron hoxe á alcaldesa deste concello que asuma as súas competencias, do mesmo xeito que o fixeron noutras localidades galegas, e regule a práctica da pesca recreativa no portos deste municipio pontevedrés. “Sabe perfectamente que a Xunta, a través de Portos de Galicia, está disposta a colaborar para poder ampliar esta actividade nos portos moañeses, polo que a decisión está na man do Concello que se poida desenvolver unha actividade que ten carácter lúdico, veciñal e non puramente portuario”, apuntou.

Miguel Fidalgo lamentou que o Concello de Moaña “continúe poñendo trabas e rexeitando sistematicamente que os pescadores recreativos poidan exercer a súa afección nos portos deste municipio, demostrando un absoluto desinterese polas demandas dun colectivo que só busca desfrutar dun lecer saudable e tradicional”.

Neste sentido, lembrou que a Xunta, a través de Portos de Galicia, “xa propuxo en repetidas ocasións, a última vez en outubro de 2023, a sinatura dun convenio de colaboración co Concello de Moaña para autorizar e regular a práctica da pesca recreativa nas instalacións portuarias, tal e como fan con éxito outros Concellos galegos como Baiona, A Guarda, Porto do Son, Ribeira, Cervo, Muros, Malpica ou A Laracha”. “Porén, a alcaldesa de Moaña decidiu ignorar esta posibilidade, enviando mesmo unha negativa por escrito e amparándose en supostas “falta de efectivos” e outras escusas que non se dan noutros municipios”, indicou.

DAR AS COSTAS Á VECIÑANZA

Miguel Fidalgo subliñou o compromiso da Xunta por dar resposta ás peticións dos pescadores recreativos, ao tempo que realiza investimentos de máis de un millón de euros nos portos de Moaña nos últimos meses, con obras como a renovación da iluminación, a mellora do peirao da Mosqueira ou a remodelación da sede da Sociedade Deportiva Tirán.

“Resulta evidente que a alcaldesa de Moaña prefire dar as costas á veciñanza e aos pescadores recreativos, inventando problemas e cargando culpas a outras administracións en lugar de asumir as competencias que si asumen outros Concellos”, criticou o portavoz popular, quen afirmou que “esta postura irresponsable e sectaria deixa sen opcións a centos de persoas que queren practicar un deporte que, ademais de lúdico, contribúe á dinamización social do municipio”.

Paula Prado critica que a implantación da nova Lei de Xustiza sairalle gratis ao Goberno central fronte aos máis de 5 millóns de euros que deberá pagar a Xunta

A viceportavoz do Grupo Popular, Paula Prado, criticou hoxe no Parlamento de Galicia que a aplicación da nova Lei de medidas en materia de eficiencia do Servizo Público de Xustiza “sairalle gratis ao Goberno central fronte a un custo superior aos cinco millóns de euros para a Xunta, unha nova mostra máis da política que segue o Goberno de Pedro Sánchez de eu invito e ti pagas”.

Ademais, enmarcou esta nova lei nun novo episodio do “asalto que o Goberno central está levando a cabo para o debilitamento da independencia e liberdade dos xuíces e maxistrados”, que se suma á designación do Fiscal Xeral do Estado, á renovación do Consello Xeral do Poder Xudicial, ao nomeamento de Cándido Conde Pumpido como Presidente do Tribunal Constitucional, á aprobación de leis á medida das necesidades do Presidente Sánchez ou ás reformas do sistema de acceso á carreira xudicial ou do Estatuto do Ministerio Fiscal.

Nunha pregunta formulada esta mañá na Comisión 1ª ao director xeral de Xustiza, José Tronchoni, Paula Prado explicou que a nova Lei de medidas en materia de eficiencia do Servizo Público de Xustiza suporá a supresión de xulgados, coa conseguinte sobrecarga de traballo dos restantes; a limitación das posibilidades de acceso á cidadanía; a desprotección ás vítimas de violencia de xénero; e a creación de dúas clases de Xustiza diferenciadas en función do lugar de residencia: unha para as cidades e outra para o rural.

OÍDOS XORDOS ÁS DEMANDAS DAS COMUNIDADES

“Pero o que resulta máis indignante é o sistema de financiamento para a implantación deste lei previsto polo Goberno de Pedro Sánchez, cargando todo o custo ás comunidades autónomas e librando de pago algún á Administración central”, sinalou a viceportavoz popular, quen concretou que no caso da Xunta o gasto situarase entre os 5 e os 7 millóns de euros.

Paula Prado asegurou que “o importante en materia de Xustiza para o Goberno de Pedro Sánchez é avanzar no debilitamento e a liberdade de xuíces e maxistrados, sen atender a máis mínima das demandas e as necesidades realizadas polos cidadáns ou as comunidades autónomas”.

“Estamos ante o fin da independencia da actuación xudicial e temos que ter moi presente cando morre a xustiza, morre a democracia”, sinalou a viceportavoz popular. Así, afirmou que “neste proceso enmárcase a aprobación desta nova Lei en materia de eficiencia da Xustiza, un paso máis logo dos realizados polo Goberno de Pedro Sánchez na designación do Fiscal Xeral do Estado, primeiro unha ex ministra e despois un compañeiro con carné socialista; o bloqueo da renovación do CXPX e posterior reforma do sistema de nomeamento dos seus integrantes para poder designalos a dedo; o nomeamento de Conde Pumpido, historicamente vinculado ao PSOE, como presidente do Tribunal Constitucional; ou a nova metodoloxía lexislativa de redactar e aprobar leis á medida e ás necesidades do Presidente do Goberno, como a Lei Begoña ou a Lei Koldo”.

O PP pide no Congreso acceso aos expedientes do Goberno de Sánchez dos contratos das obras na liña ferroviaria entre Monforte e Lugo que aparecen nos informes da UCO

O PP lucense lamenta que “Monforte estea no centro da corrupción do PSOE” porque aparece nos informes da UCO en relación a presuntas mordidas e comisións en contratos da liña entre Monforte e Lugo. “Lamentamos que Monforte e a provincia de Lugo estean vinculados a eses casos próximos a Pedro Sánchez”.

Así se expresaban en rolda de prensa dende Monforte, a “zona cero da corrupción do PSOE en Galicia”, o deputado monfortino no Congreso dos Deputados, Francisco Conde, e a deputada autonómica e portavoz municipal, Katy Varela, en rolda de prensa acompañados por representantes do PP no Congreso, no Parlamento de Galicia e no Concello.

Conde trasladou o seu rexeitamento a “este tipo de actuacións vinculadas coa corrupción” e pide ao Goberno de Sánchez e ao PSOE “máxima transparencia e toda a información para que que se coñeza a verdade”. Nese sentido, os deputados no Congreso teñen solicitado acceso aos expedientes das obras que figuran no informe da UCO: os relacionados co tratamento de elementos da infraestrutura (pontes, túneles e explanacións) entre os p.k. 379+750 e 386+474 e coas obras de emerxencia de desprendementos nos taludes entre os p.k. 380+895 e 381+145 do tramo Monforte – Lugo da liña 800 adxudicados por máis de 6M€ e máis de 1,4M€, respectivamente.

O deputado popular esixe que “tanto o PSOE en Madrid e na provincia dean explicacións e asuman as responsabilidades políticas” vinculadas a feitos que “nada teñen que ver coa xestión dos fondos públicos”.

Pola súa banda, Katy Varela incidiu na “preocupación” polos informes da UCO nos que aparece o nome de Monforte e que derivaron na prisión preventiva de Santos Cerdán, “unha persoa próxima a Tomé”. Así mesmo, lembra que “no último pleno municipal, o alcalde recoñeceu a existencia de tres malfeitores, pero non poden dicir que non afecta ao PSOE porque no caso de Santos Cerdán era o último número 2 de Pedro Sánchez”.

Varela afea que Tomé “se aliñe” con Pedro Sánchez e “non condene máis a súa actitude” ante unha situación “alarmante” que rodea a persoas próximas ao presidente do Goberno. Así, manifestou a súa preocupación ante “as amizades perigosas de Tomé” que “segue defendendo a Isabel Pardo de Vera e incluso a nomeou pregoeira das festas de Monforte “a pesar de deixar a liña Ourense-Lugo sen os investimentos comprometidos polo Goberno de Rajoy”.

A portavoz municipal do PP asegurou que “estaremos vixiantes para que Monforte non saia salpicado”.

FALTA DE COMPROMISO COS SERVIZOS FERROVIARIOS DA PROVINCIA

Francisco Conde sinalou que “a única certeza que temos dende o punto de vista dos investimentos do Goberno de Sánchez na liña entre Ourense e Lugo é que o AVE non vai chegar á provincia de Lugo porque non permiten a construción das variantes” de Os Peares-Canabal e Rubián que si permitirían que os trens alcanzasen a alta velocidade na provincia.

O deputado popular lembrou “os incumprimentos e mentiras que se trasladan aos usuarios” porque din que todos os servizos ferroviarios se ían a repoñer e se faría o traxecto dende Ourense en tren, pero a día de hoxe ten que volver a empregarse o bus”. Tamén lembrou “a redución de frecuencias e os cambios de horario que prexudican a conectividade da provincia con Madrid”.

Outros agravios en materia de infraestruturas ferroviarias son a dilatación no tempo das obras de electrificación da liña Ourense – Monforte – Lugo e que supoñen o illamento do núcleo de Santo Estevo do Sil (Pantón) sen que o Goberno de Sánchez teña rectificado.

O PPdeG reivindica o modelo de gratuidade educativa “desde o nacemento ata a universidade” que sitúa a Galicia como “referencia en conciliación e loita contra o reto demográfico”

O PPdeG reivindica o modelo de educación gratuíta “desde o nacemento ata a saída da universidade” do que gozan os galegos e galegas gracias ao Goberno de Alfonso Rueda e co que Galicia se posiciona como “referencia en conciliación e loita contra o reto demográfico”.

Así o quixeron poñer en valor os populares galegos na reunión da Comisión de Educación do partido que tivo lugar en Vedra e na que participaron, entre outros, a secretaria xeral do PPdeG, Paula Prado, o responsable de Educación, Ciencia, Universidades e FP do Goberno galego, Román Rodríguez, o coordinador da Comisión, Ovidio Rodeiro, e o alcalde Carlos Martínez.

“A educación en Galicia tamén goberna grazas a un profesorado e unha comunidade educativa con vocación e dedicación e grazas á procura constante da calidade, a excelencia e a accesibilidade no sistema educativo”, sinalou Paula Prado ao tempo que incidía na capacidade deste sistema para “vertebrar o territorio” chegando alí onde están os alumnos e ofrecéndolle posibilidades a todos eles.

A secretaria xeral do PPdeG quixo remarcar na súa intervención que, se a educación en Galicia goberna, é porque “se basea en ensinar e formar, non en adoutrinar”. De feito, reivindicou que “o ensino de calidade é aquel que non cre en ningún tipo de imposición ideolóxica, lingüística ou partidista, senón que ofrece unha visión ampla para que a xente decida en liberdade”.

Facer o contrario, indicou, xeraría “rexeitamento” e “desapego”. De aí que o Goberno aposte por “convencer en vez de impoñer” para que así os galegos e galegas “poidan ser libres e críticos dentro dunha sociedade plural e aberta”.

“Unha cousa é educar en valores e outra educar en ideoloxía, que é o que queren outros. Os outros a única independencia que queren e á de Galicia”, afirmou Prado en referencia ao “Bloque Negacionista Galego”; ao que acusou de ser “o partido do ‘non’ tamén á neutralidade ideolóxica” e o causante de que “calquera decisión da Xunta se converta en manifestación e alboroto coa CIG e a UPG por detrás”.

Nesta liña, afeoulle ao BNG a súa aposta “polo supremacismo de sinalar, atacar e perseguir a todo aquel que non pensa igual; pola manipulación ideolóxica nas aulas e polo pensamento totalitario e intransixente”. Unha postura que contrapuxo co convencemento do PPdeG de que “nun servizo público tan esencial como o ensino debe haber neutralidade ideolóxica ao igual que en todas as escolas do mundo”.

“Temos que formar cidadáns que crean na liberdade de expresión e no respecto ao diferente. Por iso desde o Partido Popular seguiremos apostando pola educación da Galicia, seguiremos crendo nun ensino para todos e non só para unha minoría e seguiremos dicindo ‘si’ ao futuro de Galicia”, concluíu.

ROMÁN RODRÍGUEZ: “SOMOS MÁIS DE FACER QUE DE FALAR”

Pola súa banda, Román Rodríguez defendeu as medidas do PPdeG en materia de ensino como “políticas cribles de longo percorrido que están a obter os mellores resultados posibles grazas á estabilidade” da que goza Galicia desde hai anos: “Unha cousa é o que se di e outra o que se fai. Nós somos máis de facer que de falar, máis de pala que de pico, e os resultados están aí”.

Neste senso, aludiu ao “esforzo que fai economicamente” o Goberno galego, co presidente Alfonso Rueda á fronte e que cada curso incrementa as medidas de apoio ás familias. Trátase, como lembrou, de compromisos coa cidadanía que se fan realidade no menor prazo de tempo posible.

Como exemplos, citou a nova desgravación fiscal pola compra de libros de texto e material escolar, que foi aprobada no Debate do Estado da Autonomía celebrado o pasado mes de abril e que onte mesmo empezou a funcionar. Ou a matrícula universitaria gratuíta, unha das principais promesas do programa electoral do PPdeG nas últimas eleccións autonómicas e que se fixo realidade nos 100 primeiros días de goberno.

A EDUCACIÓN DA GALICIA QUE GOBERNA

A reunión da Comisión de Educación do PPdeG tivo lugar na Estación de Santa Cruz de Ribadulla, onde se celebrou unha mesa redonda moderada polo viceportavoz do Grupo Popular no Parlamento galego, Julio García Comesaña, que destacou a importancia das cuestións relativas á educación no traballo diario dos deputados e deputadas do PPdeG.

Entre os participantes nesta mesa redonda estaba Manuel Vila, secretario xeral técnico de Educación no Goberno galego, que destacou entre outros avances a posta en marcha do Plan de Nova Arquitectura Pedagóxica, pioneiro en España e en Europa.

Tamén Eugenia Pérez, responsable de Formación Profesional no Goberno galego, quixo salientar o salto cualitativo que ten experimentado esta modalidade formativa en Galicia nos últimos anos malia os impedimentos que puxeron outros partidos políticos nun primeiro momento.

O coordinador e presidente da Comisión de Educación do PPdeG e tamén alcalde de Boqueixón, Ovidio Rodeiro, fixo fincapé no traballo deste “laboratorio de ideas” dos populares galegos á hora de recoller as propostas recibidas desde todos os sectores do sistema educativo galego e transformalas en medidas reais e efectivas.

O Grupo Popular pedirá no Pleno que Pedro Sánchez convoque eleccións xerais ante os casos de corrupción que asolan o PSOE, o Goberno de España e a súa contorna

O Grupo Popular demandará no Pleno da vindeira semana que o Parlamento de Galicia amose o seu rexeitamento expreso á corrupción instalada no seo do PSOE, do Goberno de España e na contorna persoal e política máis próxima ao Presidente Pedro Sánchez, unha situación que debe derivar na disolución das Cortes e a inmediata convocatoria de eleccións xerais. Así mesmo, reiterarase ao Goberno central a declaración do Xacobeo 2027 como evento de excepcional interese público.

Ao remate da Xunta de Portavoces, a viceportavoz popular, Paula Prado, explicou que a sesión plenaria dará comezo coa votación para a elección, por maioría absoluta, de María Concepción Pombo Romero como presidenta da Corporación de Servizos Audiovisuais de Galicia. Neste sentido, trasladou o agradecemento a Alfonso Sánchez Izquierdo polo traballo realizado ao longo de todos estes anos á fronte da Corporación de Radio e Televisión de Galicia, desexándolle o mellor na súa vida persoal e profesional no futuro.

AVANCE HISTÓRICO NO AUTOGOBERNO

A sesión plenaria continuará coa comparecencia da conselleira de Medio Ambiente e Cambio Climático para informar sobre a planificación e os últimos avances na xestión e ordenación do litoral de Galicia. “Desde o día de hoxe, Galicia asume a plena xestión sobre o seu litoral, un avance histórico no autogoberno da nosa Comunidade autónoma e que o Goberno galego tivo que traballar duramente polos atrancos que desde o Goberno central se puxeron para que esta transferencia fora realidade”, manifestou Paula Prado.

A portavoz popular afirmou que “a complexa e preocupante situación que se vive neste momento na política española, a consecuencia das investigacións xudiciais que cada vez máis acurralan ao entorno do Presidente Sánchez, ao Partido Socialista e ao seu Goberno”, tamén terá cabida no Pleno da vindeira semana. “Diante deste deterioro institucional e dano reputacional ás institucións españolas, a mellor saída que se lles ocorre aos responsables socialistas é atacar e proferir descualificacións a xuíces e tribunais, nun comportamento impropio dun Estado de Dereito, democrático e avanzado”, lamentou.

Ademais, criticou que a estas descualificacións “tamén recorren os socios máis fieis do Goberno de Pedro Sánchez, como foi o caso do BNG, quen na boca da súa portavoz nacional, a señora Pontón, saíu rapidamente ao rescate de Pedro Sánchez e do seu goberno acusando á Xustiza de lawfare”. “Acusación que, practicamente de inmediato, tivo que corrixir ao percatarse de que non tiña escapatoria posible á ola de corrupción que asolagaba ao Goberno de Pedro Sánchez e ao Partido Socialista”, indicou.

CONDENA DAS ACUSACIÓNS Á XUSTIZA E XORNALISTAS

“Diante desta situación vergoñenta e de perda da lexitimidade institucional, desde o Grupo Popular propoñemos no Pleno da vindeira semana que o Parlamento de Galicia amose o seu rexeitamento expreso á corrupción instalada no seo do PSOE, do Goberno de España e na contorna persoal e política máis próxima ao Presidente Pedro Sánchez, pero tamén queremos que se condenen as acusacións realizadas polos membros do goberno de España e os seus socios atacando á Xustiza e aos xornalistas que están destapando as tramas de corrupción que rodean a Pedro Sánchez”, dixo Paula Prado.

Ademais, a través desta proposición non de lei do Grupo Popular se reclama a inmediata depuración de responsabilidades políticas derivadas dos casos de corrupción coñecidos nas últimas datas, o que debe levar aos socios do PSOE nas distintas institucións á revisión dos acordos de goberno ou de apoio político”. “En definitiva, todo isto debe derivar, necesariamente, na disolución das Cortes por parte do Presidente do Goberno de España e a inmediata convocatoria de eleccións xerais, para permitir que todos os españois, a través do seu voto, abran un novo tempo político”, demandou.

APOIO PARA O LUSTRO XACOBEO 2027-2032

A segunda das proposicións non de lei que o Grupo Popular incorporou á sesión plenaria da vindeira semana ten que ver coa celebración do vindeiro Xacobeo 27 e a necesidade de que o Goberno de España conceda, canto antes, a declaración como evento de excepcional interese público, un recoñecemento que está respaldado pola Comisión Executiva do Consello Xacobeo e ten o visto bo do Ministerio de Cultura.

A iniciativa tamén demanda ao Goberno central un maior e firme apoio económico ante o próximo lustro Xacobeo 2027-2032, co fin de ter unha maior presenza nacional e internacional que sirva para o reforzo turístico non so de Galicia senón de España enteira.

“Consideramos necesario que o Goberno de Pedro Sánchez atope un oco fóra das súas preocupacións pola corrupción que o asola un día tras outro e se centre no que importa aos españois e, en especial, aos galegos: atendendo a solicitude de declaración do Xacobeo 2027 como evento de excepcional interese público, tendo en conta a capacidade mobilizadora desta celebración, xerando beneficios económicos, sociais e culturais non só en Galicia, senón en todas as comunidades autónomas polas que atravesa o Camiño de Santiago”, afirmou a viceportavoz popular.

Por último, e dentro do apartado de preguntas ao Goberno galego, o Grupo Popular interesarase polas medidas que está a impulsar a Xunta para promover o uso da lingua galega entre a xuventude de Galicia; sobre a valoración que fai a Xunta do Real-Decreto estatal que regula o traspaso de menores migrantes non acompañados; e sobre a situación financeira da Universidade de A Coruña, logo de que se coñecera desequilibrio contable de 13 millóns de euros que presenta esta institución segundo os datos da liquidación do exercicio de 2023.

Los eurodiputados del PPdeG preguntan a la Comisión Europea sobre los residuos radioactivos hallados en el Atlántico y su afectación a las aguas

Los eurodiputados del PPdeG, Francisco Millán Mon y Adrián Vázquez Lázara, presentaron una pregunta parlamentaria dirigida a la Comisión Europea en relación a los residuos radioactivos nucleares hallados en aguas internacionales del Océano Atlántico, al noroeste de las costas gallegas.

Se hacen eco así de las últimas noticias conocidas sobre la expedición científica del buque oceanográfico francés L’Atalante con el objetivo de localizar y mapear los barriles arrojados por algunos países europeos en esta zona en la segunda mitad del siglo pasado y analizar el impacto de estos residuos en la llanura abisal atlántica.

“El Pacto Europeo por los Océanos pone de manifiesto que la protección de los océanos, la promoción de una economía azul próspera y resiliente, así como el bienestar de las comunidades costeras, son objetivos prioritarios para la comunidad internacional y, en especial, para la UE”, apuntan Millán Mon y Vázquez.

Por ello preguntan a la Comisión Europea si esta conocía de la existencia de la mencionada expedición y si estaba en contacto con las autoridades francesas para hacer un seguimiento de la actividad y conocer sus progresos. Así mismo, se interesan sobre el grado de conocimiento del Ejecutivo comunitario en torno a la existencia de eventuales vertidos que hayan podido ocasionar un aumento significativo en los niveles de radioactividad y que puedan afectar a aguas europeas.

O PPdeG afirma que a incorporación de máis de 260 profesionais garantirán no verán unha atención sanitaria de calidade a todos os galegos e aos que visiten Galicia

Os deputados do Grupo Popular, en visitas a distintos centros de saúde de Galicia, aseguraron que a incorporación de máis de 260 profesionais voluntarios permitirá garantir, un ano máis, unha asistencia sanitaria de calidade durante os meses de verán en toda Galicia. Nese sentido, pediron ao BNG e ao PSdeG que “abandonen o seu discurso alarmista e catastrofista sobre a situación da sanidade galega, porque calquera galego ou persoa que nos visite contará cunha atención sanitaria de primeiro nivel, prestada por profesionais comprometidos e cunha excelente formación”.

Durante estas visitas, subliñaron que a Xunta traballa sempre para ofrecer a mellor asistencia sanitaria á cidadanía, todos os días do ano. Engadiron que o verán non será unha excepción, malia o reto que supón a chegada de milleiros de visitantes a Galicia e o necesario respecto polo dereito ao descanso dos profesionais sanitarios.

MÁIS DE 12 MILLÓNS DE INVESTIMENTO

Neste sentido, explicaron para atender todas as necesidades de atención sanitaria ao longo do verán a Xunta elaborou, como todos os anos, un plan específico de reforzo, dotado con máis de 12 millóns de euros e a través do que está prevista a incorporación de máis de 260 profesionais sanitarios, tanto persoal médico voluntario, como profesionais do 061 que se incorporan voluntariamente ao programa, sanitarios desprazados temporalmente a centros con maior demanda ou a encomenda de funcións a persoal residente de cuarto ano.

“Estamos a falar dunha planificación que a Xunta leva a cabo con criterio e baseándose na demanda asistencial real, non en exercicios de adiviñación nin en augurios de BNG e PSdeG que ao final nunca se cumpren”, manifestaron os deputados populares.

TODAS AS CAMAS HOSPITALARIAS DISPOÑIBLES

Unha planificación para a atención primaria que tamén se estende á atención hospitalaria, onde este verán estarán activas cerca do 92 por cento das camas hospitalarias, aínda que continuarán dispoñibles a totalidade das camas no caso de que fora necesario o seu uso.

“Estamos a falar dun número de camas hospitalarias activas que se realiza tendo en conta a porcentaxe de ocupación real rexistrada entre os meses de xuño e setembro dos últimos anos, unha cifra á que se lle engade unha marxe de seguridade superior ao 10 por cento co fin de garantir a correcta atención sanitaria dos pacientes”, puntualizaron os deputados populares.

Neste sentido, incidiron que “todas as camas dos hospitais públicos galegos estarán dispoñibles ao longo do verán para o seu uso se os pacientes o precisan ou se a situación sanitaria o require, pero é preciso recordar que nunca foi preciso habilitar máis camas das programadas nos meses de verán, incluso nos anos 2021 ou 2022 coa pandemia da Covid-19”.

VISITAS DOS PARLAMENTARIOS POPULARES

As visitas dos parlamentarios tiveron lugar en distintos puntos da comunidade. En Lugo, Encarna Amigo, Raquel Arias e José Manuel Mato acudiron ao centro de saúde de Outeiro de Rei. Miguel Fidalgo e Felisa Rodríguez, acompañados pola presidenta do PP de Vigo, Luisa Sánchez, visitaron o Hospital Público Álvaro Cunqueiro.

Pola súa banda, Noelia Pérez e Argimiro Marnotes visitaron o centro de saúde do Couto, en Ourense, mentres que Gonzalo Trenor e Magdalena Pérez acudiron ao de Ponteceso, na Coruña.