Millán Mon celebra que la pesca ocupe un lugar central en el Pacto por los Océanos

El eurodiputado del Partido Popular de Galicia Francisco Millán Mon celebró hoy que la pesca, enmarcada en la economía azul, ocupe un lugar central en el Pacto por los Océanos.

Fue en el debate del Pacto Europeo de los Océanos, donde subrayó que una de las seis prioridades sea impulsar la competitividad de esa economía azul. “La pesca y la acuicultura son sectores estratégicos para nuestra seguridad alimentaria. Y necesitamos que sean competitivos. También la industria transformadora y conservera, tan importante en regiones costeras como Galicia”, apuntó Millán Mon.

El eurodiputado gallego ahondó también en la importancia de una diplomacia activa en los foros internacionales y en las OROPs, para alcanzar el ansiado level plaing field. Millán Mon destacó, por ello, que se dedique en el Pacto un capítulo a la diplomacia internacional. También se refirió a la importancia de la financiación europea para la pesca y la acuicultura: “Me habría gustado una mención explícita del FEMPA post-2027”, apuntó.

Asimismo, el pontevedrés aludió a la necesidad de un equilibrio entre protección de los océanos y la competitividad de los pescadores. Por ello, aplaudió que “el pacto no demonice ningún arte pesquero y que la gestión de las áreas marinas protegidas se decida caso por caso”. En este sentido propuso explorar fórmulas alternativas como las llamadas OECM (“otras medidas eficaces de conservación”), que permiten una mejor conciliación entre la protección del medioambiente y la sostenibilidad socioeconómica de los pescadores europeos.

O Grupo Popular pedirá no Pleno que o Goberno de España traspase a Galicia as competencias executivas en materia das autorizacións iniciais de traballo das persoas migrantes

O Grupo Popular solicitará no Pleno da vindeira semana que o Goberno central traspase a Galicia as competencias executivas en materia das autorizacións iniciais de traballo das persoas migrantes para poder habilitar un proceso que reduza os prazos para optar a esta documentación. Así mesmo, pedirá ao Goberno de España a adopción de diversas medidas para que o treito internacional do río Miño siga sendo un motor de desenvolvemento sostible, unha referencia de equilibrio ambiental e un exemplo de cooperación internacional entre Galicia e Portugal.

Ao remate da Xunta de Portavoces, o portavoz popular, Alberto Pazos, informou que a sesión plenaria dará comezo coa segunda votación para a elección de María Concepción Pombo Romero como nova directora xeral da Corporación de Servizos Audiovisuais de Galicia, unha vez que non anterior Pleno nos saíu adiante a súa candidatura ao non contar cos votos dos dous terzos dos deputados. Nesta ocasión será necesario o voto dunha maioría de tres quintos dos deputados e, de non conseguilo, a elección da nova directora xeral volverá ao Pleno seguinte, onde só será necesario a maioría absoluta para a súa elección definitiva.

O Pleno continuará coa comparecencia da conselleira do Medio Rural, a petición propia e para dar conta das oportunidades e vantaxes que ofrece o rural galego, onde a Xunta está a facer un esforzo importante para garantir o relevo xeracional e conseguir un mellor futuro da actividade agrogandeira.

Dentro do apartado das proposicións non de lei, o Grupo Popular centrará a súa primeira iniciativa na solicitude á Xunta para que inicie os trámites para reclamar ao Goberno de España o traspaso das competencias executivas en materia das autorizacións iniciais de traballo das persoas migrantes, co fin de axilizar todo o procedemento e acadar o seu correcto asentamento na Comunidade galega e a súa plena disposición para incorporarse ao mercado de traballo.

DOCUMENTO PIONEIRO

“O Goberno galego é consciente da falta de man de obra que existe neste momento para satisfacer a demanda de traballadores das empresas e para iso rubricou un documento pioneiro con varios países hispanoamericanos para favorecer a atracción de traballadores e traballadoras, dunha maneira ordenada e atendendo ás necesidades das empresas”, lembrou o portavoz popular.

Alberto Pazos explicou que “este é o primeiro paso pero fai falta pechar un proceso tutelado desde o inicio e onde participen tanto as administracións de orixe como a de destino do traballador, así como as empresas galegas con necesidade de incorporar talento e que poidan realizar ofertas de contratación nos países de orixe dos traballadores migrantes”.

A segunda das proposicións non de lei do Grupo Popular incorporadas á orde do día da sesión plenaria ten como obxectivo que o Goberno de España leve adiante unha serie de actuacións, de xeito coordinado co Goberno de Portugal, para que o treito internacional do río Miño siga sendo un motor de desenvolvemento sostible, referencia de equilibrio ambiental e exemplo de cooperación entre países.

“O Goberno galego leva anos demostrando o seu compromiso coa protección e posta en valor do río Miño, impulsando actuacións en materia de saneamento, conservación ambiental, promoción turística e apoio ao deporte náutico”, salientou o portavoz popular, quen apuntou que “quedan cuestións por facer que, pola natureza transfronteiriza deste río esixen unha actuación máis coordinada entre as administracións e organismos con competencias nesa materia”.

REUNIÓN COS CONCELLOS AFECTADOS

En concreto, Alberto Pazos falou de cuestións como a análise dos efectos das oscilacións de caudal sobre a fauna piscícola, a proliferación de especies exóticas invasoras, a sedimentación do leito fluvial pola prohibición da dragaxe, as dificultades de navegación ou a necesidade dunha actualización normativa para a navegación e transporte fluvial de pasaxeiros.

Deste xeito, a proposta do Grupo Popular demanda, en primeiro lugar, que o Goberno de España asuma as súas competencias nesta materia e atenda a solicitude dunha reunión feita polos alcaldes de todos os concellos afectados para abordar estas problemáticas existentes no tramo internacional do río Miño.

Ademais, a iniciativa solicita ao Goberno central que analice o cumprimento do caudal ecolóxico mínimo e o impacto das oscilacións bruscas de caudal sobre a fauna piscícola; que aborde, en colaboración coas autoridades portuguesas, a prevención e control das especies exóticas e invasoras para preservar a biodiversidade autóctona; que promova a recuperación da dragraxe controlada e medioambientalmente sostible do treito internacional do río Miño, para garantir a navegabilidade e a seguridade; que facilite o cumprimento das obrigas en materia de xestión da biomasa; e que actualice o regulamento de navegación do río Miño, para adecualo á realidade actual das actividades recreativas e deportivas, así como a diversidade de embarcacións.

ESTUDOS MEDICINA, VIVENDA E COLECTIVO LGTBI

Por último, dentro do apartado de preguntas ao Goberno galego, o Grupo Popular interesarase pola súa valoración respecto da decisión unilateral do reitorado da Universidade de A Coruña de rachar co acordo acadado en 2015 entre as tres universidades públicas e a Xunta para o fortalecemento da formación médica en Galicia, “un anuncio sorprendente cando xa se estaba traballando conxuntamente entre universidades e Xunta na ampliación da docencia clínica ao quinto curso, prevista para o curso 2026-2027”, recordou Alberto Pazos.

A segunda pregunta ten como obxectivo coñecer a opinión do Goberno galego respecto da política de vivenda que está a desenvolver o Goberno de España; e a terceira cuestión busca coñecer os avances acadados a prol dos dereitos das persoas LGTBI, un ámbito no que Galicia foi unha das comunidades autónomas pioneiras na adopción de medidas para a protección deste colectivo, aprobando unha lexislación específica que busca garantir o seu benestar e promover a igualdade real entre as persoas, sexa cal sexa a súa orientación sexual.

O Parlamento galego pide ao Goberno central que facilite a adecuación de potencia e cambios de motor nos buques de pesca

O Parlamento de Galicia aprobou hoxe a proposición non de lei do Grupo Popular, que non contou co voto favorable de BNG nin de PSdeG, a través da que se solicita ao Goberno de España que facilite a adecuación de potencia e cambios de motor dos buques de pesca, asegurando que a distribución se realice con criterios de equidade e necesidade e establecendo liñas de financiamento e axudas específicas. Así mesmo, pídese a modificación do Real Decreto 1044/2022, de ordenación da frota pesqueira, co obxectivo de flexibilizar o aproveitamento da potencia proveniente de paralizacións definitivas de embarcacións de pesca, de forma que se permita utilizar a mesma entre buques do mesmo caladoiro, especialmente no caso do Caladoiro Nacional, augas NEAFC e palangre de superficie en augas internacionais.

O portavoz popular do Mar, Miguel Fidalgo, considerou que “facilitar a renovación dos motores da frota pesqueira é unha medida imprescindible para asegurar o futuro dun sector clave para Galicia”. “Esta renovación é unha necesidade urxente tanto para garantir a competitividade, a sustentabilidade e a rendibilidade do sector, como para avanzar nos compromisos de descarbonización do sector pesqueiro”, indicou.

PREZOS DESORBITADOS

Porén, lamentou que “a realidade actual é que boa parte da frota pesqueira galega continúa operando con motores vellos e obsoletos, que consumen máis, que contaminan máis e que presentan máis riscos para a seguridade dos tripulantes”. Miguel Fidalgo afirmou que “esta situación afecta negativamente á rendibilidade do sector e dificulta o avance cara a unha pesca máis sostible e respectuosa co medio ambiente”.

Así mesmo, o portavoz popular que “o elevado custo que supón adquirir novos motores, xunto coa obriga de mercar potencia adicional a prezos desorbitados, converte a modernización nun proceso inasumible para moitos armadores”. A este feito engádese a falta de claridade e transparencia, que “está favorecendo prácticas especulativas que encarecen, aínda máis, o acceso á potencia dispoñible”.

Miguel Fidalgo explicou que o Real Decreto 1044/2022 establece un marco para a ordenación e xestión da flota pesqueira española co obxecto de mellorar a sustentabilidade, optimizar a capacidade pesqueira dispoñible e garantir a viabilidade do sector”. “Con todo, tres anos despois da súa publicación, o Goberno de Pedro Sánchez aínda non desenvolveu nin aplicou medidas concretas que permitan a renovación dos motores”, lamentou.

“Sería conveniente desbloquear a aplicación deste Real Decreto, facilitar a flexibilidade no aproveitamento da potencia proveniente de paralizacións definitivas de embarcacións de pesca e facilitar a optimización da capacidade pesqueira en España”, demandou o portavoz popular, quen considerou “imprescindible un novo modelo de xestión de capacidade pesqueira e da ordenación da flota co fin de alcanzar un equilibrio entre as posibilidades de pesca e a capacidade da flota dispoñible, atendendo, deste modo, a factores e obxectivos medioambientais e socioeconómicos”.

O Parlamento galego esixe ao Goberno central compensacións económicas aos mariscadores afectados pola dragaxe da ría do Burgo

O Parlamento de Galicia aprobou hoxe a proposición non de lei do Grupo Popular, sen o apoio dos deputados do Grupo Socialista, a través da que se esixe ao Goberno de España que cumpra coas compensacións económicas correspondentes ao parón da actividade extractiva dos mariscadores da ría do Burgo ata que os bivalvos acaden a talla comercial unha vez finalizado a dragaxe da ría do Burgo, tal e como establece o estudo ambiental aprobado en 2017.

O deputado popular Jesús María Fernández Rosende lembrou que “a propia execución da dragaxe da ría do Burgo supón a indispoñibilidade dos terreos para calquera actividade incompatible coas obras, entre elas o marisqueo, o que obriga ao Goberno central, como administración promotora desta obra, a habilitar as imprescindibles compensacións aos profesionais obrigados aos cese de actividade”.

FONDOS SUFICIENTES

“Porén, lamentablemente, o Goberno de Pedro Sánchez non atendeu esta obriga nin as reiteradas demandas realizadas tanto desde a Xunta como os propios mariscadores para recibir estas indemnizacións, que debería cubrir todo o tempo que se deixou de traballar a consecuencia da dragaxe, incluído o período que transcorre desde que se finalizaron as obras ata que os bivalvos sementados, que serán obxecto de futura explotación marisqueira, acaden a talla comercial”, lamentou.

Fernández Rosende indicou que “esta situación resulta máis indignante se temos en conta que o Goberno de Pedro Sánchez dispón de fondos suficientes para facer efectiva estas compensacións gracias ao remanente de 16 millóns de euros que sobraron do orzamento previsto para a realización da dragaxe, xa que a obra foi orzamentada en 48 millóns de euros pero ao final o custo reduciuse a 32 millóns”.

“Non existen razóns legais nin tampouco económicas para que o Goberno central desatenda a súa responsabilidade unha vez rematadas as obras de dragaxe, e ten a obriga de manter un plan de axudas que compensen aos mariscadores e mariscadoras da ría do Burgo en A Coruña ata que se recupere a normalidade e retomen a súa actividade habitual”, apuntou.

ABRIRLLE OS OLLOS AO GOBERNO CENTRAL

O debate desta proposición non de lei celebrado na Comisión 8ª do Parlamento galego foi presenciado en directo por unha representación dos mariscadores afectados, quen en boca do seu portavoz, Manuel Baldomir, agradeceu esta iniciativa do Grupo Popular para “abrirlle os ollos ao Goberno de España con respecto á mala finalización das obras de dragaxe da ría do Burgo e ás compensacións que por dereito nos corresponden”.

“Lamentamos a actitude do Partido Socialista utilizando datos irreais da situación e rexeitando acudir ás mesas de negociación que a Confraría mantén abertas, así como cando afirman que so foi o Goberno do Estado quen investiu en sanear a ría do Burgo, porque un dos requisitos era ter un vertido cero na ría do Burgo e iso conseguiuno a Xunta a través obras para a separación de augas fecais e pluviais, a construción de estacións de bombeo ou o investimento na EDAR de Bens para mellorar o tratamento das augas”, apuntou.

Alberto Núñez Feijóo recibe o apoio maioritario da militancia en Galicia para revalidar a presidencia do Partido Popular

Alberto Núñez Feijóo recibiu 10.342 votos e o apoio do 98,58% da militancia en Galicia logo do proceso, celebrado hoxe, de votación á súa candidatura como presidente do Partido Popular nacional.

A participación neste proceso situouse no 90,43%  dos máis de 11.600 inscritos. Ao longo da xornada acudiron aos 53 locais de votación habilitados nas catro provincias galegas: 23 na Coruña, 7 en Lugo, 12 en Ourense e 11 en Pontevedra, onde a pesar da calor rexistrada na Comunidade, a afluencia foi constante.

Todos eles abriron as súas portas ás 9:00 horas desta mañá sen rexistrar incidencias e culminaron o proceso de votación ás 20:00 horas, logo dunha xornada que transcorreu con total normalidade e que constatou a esperanza e a ilusión que concita Alberto Núñez Feijóo non só como presidente nacional do partido, senón tamén como futuro presidente do Goberno de España.

O XII Congreso Nacional do Partido Popular celebrarase entre o 4 e o 6 de xullo en Madrid cunha ampla representación do PPdeG.

Alfonso Rueda amosa o seu apoio a Feijóo porque “representa a seriedade, a rectitude, a limpeza e a solvencia que a cidadanía demanda e España necesita máis que nunca”

O presidente do PPdeG, Alfonso Rueda, ratificou hoxe o seu apoio a Alberto Núñez Feijóo como “líder indiscutible” do Partido Popular e en especial nuns momentos nos que, na súa opinión, o líder nacional dos populares “representa a seriedade, a rectitude, a limpeza e a solvencia que a cidadanía demanda e España necesita máis que nunca”.

Así o manifestou esta tarde en declaracións aos medios na sede provincial do PP de Pontevedra, ata onde se desprazou acompañado do presidente local do partido, Rafa Domínguez, para participar no proceso de votación ao candidato a presidir o PP nacional nun Congreso Nacional que “ten que ser a constatación do cambio que a maioría desexamos e que só pode vir dun líder e dun partido que representan todas as garantías que a cidadanía está buscando”.

“En Galicia coñecemos mellor que en ningún outro sitio que Feijóo representa todo o contrario dun Pedro Sánchez á fronte dun Goberno en descomposición e que cada día está máis falto de rumbo e máis sometido a chantaxes”, apuntou Rueda incidindo en que “a cidadanía quere que os seus gobernantes gobernen e solucionen os seus problemas, non que lles mintan”.

Ao respecto da rolda de prensa ofrecida esta tarde polo presidente do Goberno, o líder dos populares galegos asegurou que foi “a constatación de que cada día está máis acurralado e cada vez resulta menos crible” e “deixou en evidencia que xa non é que Sánchez non pense nos galegos e no resto de españois, senón que non pensa nin sequera no seu partido e en nada máis alá da súa propia supervivencia”.

“Gustaríame saber que pensa facer o BNG”, preguntou retoricamente o presidente do PPdeG logo do anuncio de Pedro Sánchez de iniciar unha rolda de contactos cos seus socios parlamentarios. Na súa opinión, o independentismo galego “ata agora foi cómplice de moitas cousas e podería ter o argumento de que non sabía nada, pero agora si se saben moitas cousas”.

De aí que invite ao BNG a “demostrar que son certas as súas supostas proclamas de limpeza”. Xa que, do contrario, estarían sendo “cómplices” de que se manteñan no poder os protagonistas destes presuntos feitos e se prolongue “unha situación que é xa insostible e que a Galicia non lle convén”.

Porque, como presidente do Goberno galego, Rueda concluíu que non é de recibo ter á fronte da Administración Xeral do Estado a un Goberno “máis ocupado nas revelacións, nas gravacións, nos pronunciamentos xudiciais e nas novas chantaxes que se van sucedendo cada día que en xestionar”.

A COMPLICIDADE HIPÓCRITA DO BNG EN PONTEVEDRA

O presidente do PP de Pontevedra, Rafa Domínguez, agradeceu “o compromiso e a participación de todos os afiliados que hoxe colleron unha papeleta para apoiar a Alberto Núñez Feijóo, exercendo o seu voto con liberdade, coa mirada posta no futuro de España e na recuperación da senda democrática que o Goberno de Pedro Sánchez se encargou de romper coa súa corrupción”.

Ao respecto disto último, lamentou a “complicidade hipócrita do BNG que goberna en Pontevedra con minoría grazas aos votos do PSOE e que cala ante a corrupción dos socialistas”.

Contrapuxo así mesmo “os principios democráticos, a responsabilidade institucional e a ética pública” que representa o presidente Feijóo “fronte a un goberno corrupto que necesita ser substituído con urxencia para que España volva avanzar con estabilidade, rigor e respecto á democracia”.

Paula Prado pide a convocatoria de eleccións por “limpeza democrática” e porque “España non pode ser refén da corrupción do PSOE coa complicidade dos seus socios”

A secretaria xeral do PPdeG, Paula Prado, demandou hoxe a Pedro Sánchez a convocatoria de eleccións xerais por “limpeza democrática” e porque “España non pode seguir sendo refén da delincuencia do Goberno central, da corrupción do PSOE e da complicidade hipócrita de socios como o BNG”.

“Pedro Sánchez non pode seguir mantendo secuestrada a gobernabilidade de España, nin continuar negándolle aos galegos e a todos os españois a posibilidade de expresarse con liberdade, nas urnas, sobre os feitos tan graves que estamos coñecendo”, explicou ao tempo que incidía no papel que xogan nestes momentos os socios de investidura.

Porque a número dous dos populares galegos está convencida de que “Sánchez vai resistir tanto como lle deixen resistir os seus socios” e de aí que pida coherencia a todos eses partidos, incluído o BNG: “Eles son os únicos que poden deixalo caer”.

Unhas afirmacións que fixo esta mañá en declaracións aos medios na sede do PP de Santiago de Compostela xunto ao seu presidente local, Borja Verea, con quen acudiu a participar no proceso de votación ao candidato a presidir o PP nacional.

“Hoxe facemos un xesto que deberiamos ter a oportunidade de facer canto antes nunhas eleccións xerais: collemos unha papeleta e votamos polo futuro de España”, manifestou amosando o seu apoio a Alberto Núñez Feijóo e facendo un chamamento a que toda a afiliación do PPdeG exerza o seu dereito a voto neste proceso.

O PESO DE GALICIA NO FUTURO DO PARTIDO POPULAR

En Galicia hai un total de 53 locais de votación habilitados para que os afiliados acudan a votar ao longo da xornada de hoxe: 23 na provincia da Coruña, 7 en Lugo, 12 en Ourense e 11 en Pontevedra. Todos eles abriron as súas portas esta mañá ás 9:00 horas –sen incidencias rexistradas– e continuarán abertos ata as 20:00 horas.

Tal e como recordou a secretaria xeral do PPdeG e vogal da Comisión Organizadora do Congreso Nacional do PP, Galicia ten un papel destacado neste proceso e así o acreditan as cifras de participación da afiliación galega ao longo deste proceso.

Non en balde, aos máis de 8.500 avais recollidos a favor de Alberto Núñez Feijóo hai que sumarlle os 316 compromisarios que ten asignados o PPdeG e, sobre todo, os 11.665 inscritos para participar no proceso de votación que se celebra hoxe en toda España e en toda Galicia. Esta última cifra, de feito, supón case un 23% do total de inscritos de toda España.

Alfonso Rueda reivindica o “Estilo Galicia” de xestión fronte a un PSOE máis ocupado nos corruptos que nos cidadáns

O presidente do PPdeG, Alfonso Rueda, reivindicou hoxe o “Estilo Galicia” de facer política baseándose na xestión, na busca de solucións a problemas reais e no sentidiño en contraposición a un PSOE “en descomposición” e centrado en protexer a corruptos a costa de abandonar á cidadanía.

Así o manifestou na súa intervención no xantar conmemorativo dos 30 anos de goberno do PP de Vilanova de Arousa, con Gonzalo Durán á fronte e no que estivo acompañado tamén pola secretaria xeral dos populares galegos, Paula Prado, e o presidente provincial do PP de Pontevedra, Luis López.

Unha intervención na que situou ao alcalde da vila como referente dese “Estilo Galicia” á hora de gobernar con sentidiño, con corazón e sen liortas inútiles. Algo que foi posible grazas a que, na súa opinión, Durán nunca perdeu de vista o importante: estar ao lado da xente, escoitar, pisar a rúa, mirar aos ollos dos seus veciños e ofrecer solucións.

Precisamente iso é o que explica que, tras tres décadas, o PP siga gobernando en Vilanova de Arousa coa mesma ilusión e cunha vocación de servizo público que permitiu que este concello pasase de ser unha vila pequena a converterse nun referente industrial, cultural e turístico con dinamismo e orgullo.

Alfonso Rueda tamén tivo palabras para a situación política nacional e en concreto á “insostible” corrupción que asola a un PSOE e a un Pedro Sánchez aos que pediu que deixen de protexer a corruptos a costa de abandonar á cidadanía. Porque, tal e como manifestou, o que España e Galicia necesitan é un Goberno de verdade, que traballe con seriedade, con cabeza alta e mans limpas.

O PPdeG destaca que a Xunta ten en marcha 385 vivendas públicas na comarca do Salnés dentro do seu plan para construír 8.000 en toda Galicia

Os deputados do Grupo Popular María Deza e Raúl Santamaría destacaron hoxe que a Xunta xa ten en proceso de construción 385 novas vivendas na comarca do Salnés, dentro do seu obxectivo na presente lexislatura de duplicar o número de vivendas públicas ata chegar ata as 8.000 en toda Galicia e desenvolver solo para 25.000 novas vivendas, 20.000 delas protexidas e 5.000 libres.

María Deza e Raúl Santamaría, en compañía do deputado nacional Juan Bayón e a voceira do Partido Popular, Ana Granja, visitaron a parcela sita no barrio de Marxión de Vilagarcía onde a Xunta, a través da Sociedade de Vivenda Pública de Galicia, construirá 10 vivendas publicas, unha vez que a mesma sexa cedida polo Concello.

OUTRAS ACTUACIÓNS

Así mesmo, os deputados populares lembraron que o Goberno galego licitou o pasado 4 de abril, por un orzamento de 568.911 euros, o servizo de redacción do proxecto de interese autonómico e o proxecto de expropiación e de parcelamento para a obtención de 6,2 hectáreas entre a avenida das Carolinas e as rúas Coca e Arealonga de Viilagarcía de Arousa, onde se prevé a construción doutras 350 vivendas.

Ademais, a estes dous ámbitos súmase a parcela que o Concello de Sanxenxo cederá en Mourelos, na parroquia de Noalla, para a construción de 25 vivendas.

“Estamos a falar de 385 novas vivendas na comarca do Salnés, dentro do obxectivo do Goberno galego de duplicar nesta lexislatura o número de vivendas públicas e desenvolver solo para 25.000 novas vivendas en toda Galicia”, salientou María Deza.

Pola contra, os deputados populares criticaron a falta de compromiso do Goberno central en materia de vivenda, logo de que anunciara a súa intención de impulsar un Acordo Estatal de Vivenda para os anos 2026 a 2030 na Conferencia de Presidentes celebrada a pasada semana, pero finalmente non levou adiante ningunha proposta nesta materia.

ANUNCIO PROPAGANDÍSTICO

“Todo quedou nun anuncio propagandístico máis do Goberno de Pedro Sánchez, porque, tal e como xa explicou o Presidente Rueda, non se puxo enriba da mesa proposta formal algunha nin existiu diálogo institucional efectivo sobre vivenda antes, durante ou despois na citada Conferencia de Presidentes”, criticou Raúl Santamaría.

Diante desta situación, os deputados populares anunciaron a presentación no Parlamento de Galicia dunha iniciativa para esixir ao Goberno de España unha proposta formal e detallada para iniciar a negociación real dun Acordo Estatal de Vivenda 2026–2030, acompañado de cronogramas, financiamento, e garantías de execución que atendan as peticións, propostas e necesidades manifestadas polas comunidades autónomas.

Así mesmo, pedirase a convocatoria da Conferencia Sectorial de Vivenda, que leva desde o mes de outubro sen reunirse, como foro de cooperación multilateral no que facer efectiva a participación das comunidades autónomas na definición do interese xeral, o apoio á unidade de acción e o respecto ao autogoberno e a diversidade.

Prado pide ao BNG que deixe de apoiar a Sánchez e rompa co PSOE nos concellos e nas deputacións para “non ser cómplice da corrupción”

A secretaria xeral do PPdeG, Paula Prado, pediu hoxe ao BNG que deixe de apoiar ao Goberno de Sánchez e, ao mesmo tempo, rompa co PSOE nos concellos e nas deputacións galegas para “non ser cómplice da corrupción”.

“O BNG e Ana Pontón teñen que rachar con todos os gobernos locais socialistas que está apoiando en Galicia, que non son poucos, e tamén nas deputacións. Ese sería o verdadeiro favor que lle farían á cidadanía. Mentres non o fagan, seguirán sendo cómplices da corrupción que cada día está asolando a España”, sinalou en declaracións aos medios antes de participar na 54ª Festa do Peixe de Bande, acompañada pola alcaldesa e secretaria xeral do PP da provincia de Ourense, Sandra Quintas, e polas deputadas nacionais Ana Vázquez, Marta González e Irene Garrido.

Prado abundou en que o BNG e Ana Pontón “teñen que deixarse xa de chíos e comunicados”, porque o que teñen que facer, e tamén Xosé Ramón Gómez Besteiro, é “aparcar o cinismo” e esixirlle ao presidente do Goberno de España que, “por dignidade”, convoque eleccións.

“Lamentablemente, o PSdeG segue agarrado a ese sanchismo que non trae nada bo para Galicia”, afondou.

Neste sentido, asegurou que o todo o que se está coñecendo estes días “é a forma de traballar dun Goberno central que xa non se preocupa dos problemas reais nin dos galegos nin do resto de españois, porque só ten unha ocupación: a corrupción e o ‘sálvese quen poida’”.

“Para nós isto é insoportable. Son precisas máis dimisións, pero sobre todo convocar eleccións”, deixou claro, tendo en conta que “a cidadanía está farta de erguerse cada día cun novo titular de corrupción”.

Prado lamentou que “están roubando a mans cheas os cartos dos españois, que tamén son os dos galegos”, pero “logo non hai financiación para facer novas infraestruturas ou para manter os servizos sociais en Galicia”.

“Levamos anos escoitando a este Goberno de España falar de fango, de corrupción e de bulos, cando o fango é o que están xerando eles cada día, estalles chegando ao pescozo e está asolando España”, concluíu, reiterando a petición “urxente” de que Sánchez “deixe paso e que os españois decidan se queren seguir sendo gobernados por un partido que non goberna España e que o único que está preocupado é por tapar a súa corrupción”.

A FORMA DE TRABALLAR DA XUNTA FRONTE A DO GOBERNO CENTRAL

Por outra parte, Paula Prado quixo destacar hoxe, como modelo do traballo do Partido Popular, o incremento en máis do 50% das frecuencias de transporte público entre Bande e Celanova con Ourense, anunciado pola Xunta esta semana.

“Mellorar o servizo de bus interurbano desde aquí coa capital da provincia é coñecer as necesidades dos veciños e das veciñas destas comarcas e atender as súas demandas. Esa é a nosa forma de traballar”, sinalou.

Isto “contrasta claramente”, dixo, coa forma de traballar do Goberno de Sánchez, que “cada día que pasa prexudica dunha forma ou outra á provincia de Ourense”, como ocorreu recentemente coa supresión da parada de Alta Velocidade na Gudiña ou co colapso esta semana na estación de Chamartín.

Así mesmo, Prado asegurou que era un pracer volver á Festa do Peixe de Bande, acompañada de grandes compañeiras como Sandra Quintas e Ana Vázquez, “dous grandes referentes do que son as políticas do PP”.

Mentres, Quintas asegurou que foi “un orgullo” a visita da secretaria xeral do PPdeG a unha celebración que “non é unha simple festa gastronómica, senón que é o resultado das tradicións e da identidade de Bande como pobo”.