O Pleno do Parlamento toma en consideración a modificación da Lei do deporte, que combina prevención, educación, disciplina administrativa, acción penal e transparencia

O Pleno do Parlamento de Galicia aprobou hoxe a toma en consideración da proposición de lei de modificación da Lei do deporte de Galicia, “unha arquitectura normativa que combina prevención, educación, disciplina administrativa, acción penal e transparencia institucional e coa que Galicia se situará na vangarda do Estado no que respecta á loita contra a violencia no deporte e ao bo goberno das organizacións deportivas”, sinalou o deputado popular Argimiro Marnotes.

“Estamos ante unha reforma necesaria, oportuna e valente, que busca reforzar a protección do noso sistema deportivo e blindar a súa integridade fronte a dúas ameazas que non podemos ignorar: a violencia e a posible falta de bo goberno”, indicou o deputado popular.

Marnotes indicou que a normativa existente “necesitaba un paso máis: que a Xunta de Galicia poida exercer a acción popular en casos de violencia no deporte”. Así, dixo que “trátase de dar un salto cualitativo e pasar dunha administración que so sanciona administrativamente ou que da traslado ao Ministerio Fiscal, a unha administración que tamén pode estar presente no proceso penal defendendo o interese xeral do deporte galego”.

CON TODAS AS GARANTÍAS

En concreto, a través desta modificación da Lei do deporte habilítase á Administración da Xunta de Galicia a exercer a acción popular nos procedementos penais por violencia no deporte. “E facémolo con todas as garantías, pois se establece expresamente que non se poderá exercer a acción popular se a vítima ou o seu representante legal se opoñen de forma expresa”, apuntou.

Un segundo eixo desta reforma lexislativa é a clarificación do réxime de prescrición das infraccións e das sancións en materia deportiva, “unha cuestión de seguridade xurídica, de confianza no sistema disciplinario e tamén de xustiza para os clubs, federacións e deportistas”, manifestou Argimiro Marnotes. Así, introdúcese un novo artigo que establece prazos claros e inequívocos para a prescrición das infraccións, regulando tamén como se computan estes prazos e como se interrompen.

COHERENCIA, EFICIENCIA E XUSTIZA

A reforma da Lei do deporte incorpora, ademais, a regulación da concorrencia de procedementos penais e administrativos nos supostos de violencia e condutas contrarias á orde deportiva. Deste xeito, a incoación dun procedemento penal non impedirá o inicio doutro procedemento administrativo polos mesmos feitos, pero ese expediente quedará suspendido ata que exista sentenza firme ou auto de sobresemento na causa penal.

Esta ampliación garante tres cousas: coherencia, xa que non haberá contradicións entre o que diga o xuíz penal e o que resolva a administración; eficiencia, evitando duplicidades e aproveitando o traballo xudicial para fundamentar a resolución administrativa; e xustiza, evitando que unha mesma persoa sexa sancionada dúas veces polo mesmo feito con idéntico fundamento.

Por último, a modificación da Lei do deporte inclúe a obriga de que todas as federacións deportivas galegas aproben un código de bo goberno, no que se recolla expresamente, entre outras cuestións, a prohibición de que directivos federativos teñan relación contratual, comercial ou familiar con provedores da federación; que o presidente dunha federación non poderá permanecer no cargo máis de tres mandatos; que se aproben sistemas de autorización de operacións con máis dunha sinatura; que se publiquen nas webs federativas documentos básicos, como o propio código de bo goberno, as actas da asamblea, extractos das reunións de xunta directiva e comisión delegada, e os calendarios deportivos; ou se garanta a igualdade de xénero.

Millán Mon se hace eco del rechazo de Galicia al recorte de fondos pesqueros y reclama a la Comisión una nueva propuesta bien dotada

El eurodiputado del Partido Popular Francisco Millán Mon ha intervenido hoy en la Comisión de Pesca del Parlamento Europeo, que contó con la presencia del Comisario de Pesca y Océanos, Costas Kadis. El eurodiputado expresó, en especial, su decepción con la propuesta del nuevo Marco Financiero Plurianual 2028-2034.

“Comisario, gracias primero por venir a Galicia en julio. Qué suerte tuvo que vino a Vigo antes del día 16, antes de la presentación del Marco Financiero, pues la recepción habría sido otra. Se lo aseguro”, comenzó Millán Mon. Calificó la propuesta de “decepcionante” y “carente de todo sentido político y económico”. El eurodiputado también recordó que la semana pasada el Parlamento gallego había aprobado el rechazo de la propuesta en materia de pesca del Marco Financiero Plurianual por unanimidad y subrayó que la Xunta de Galicia también había expresado su rechazo en numerosas ocasiones a este recorte, como hizo la Conselleira do Mar el viernes pasado en Ribeira.

En concreto, el eurodiputado gallego criticó la dilución del fondo de pesca en un macro-fondo, anulando además su visibilidad. Aludió al momento difícil que pasa el sector pesquero, con las obligaciones impuestas por la normativa europea, así como los retos como la descarbonización, el relevo generacional, el descenso del consumo de pescado y los costes crecientes. “¡Y ustedes reducen la financiación de 6 mil millones a 2 mil millones!”, apuntó Millán Mon, añadiendo que el recorte propuesto para los fondos de pesca es muy superior al de otras áreas como la agricultura y la cohesión. Millán Mon sentenció: “La cifra es ridícula. Les pido que retiren la propuesta”.

En respuesta a la posibilidad que, según la Comisión, se abre con el nuevo Marco Financiero para que las prioridades del sector pesquero se financien con otros fondos -como el Fondo Europeo de Competitividad para la descarbonización del sector- Millán Mon subrayó que la pesca tendría que competir con gigantes económicos, como el sector del transporte o la industria automovilística. “¿Usted cree que la pesca conseguirá obtener financiación?” preguntó al Comisario Kadis. En este sentido, el eurodiputado pidió a la Comisión garantías: “Usted nos habla del potencial de otros fondos. Garantícenos de forma vinculante, en los reglamentos, que habrá un porcentaje de todos ellos que se dedicarán a financiar las prioridades del sector pesquero”.

El eurodiputado gallego expresó su preocupación por la renacionalización del presupuesto europeo: “esa política pesquera común, va a dejar de serlo”, por la amplia libertad que se da a los Estados Miembros. “Y me preocupa que ignoren a las regiones siguiendo el modelo de los Next Generation”, manifestó. También aludió al riesgo de que “acabemos con unas comunidades pesqueras en el paro y desencantadas con el proceso de integración europea, como ocurrió en el Reino Unido antes del Brexit”. 

Finalmente, el eurodiputado gallego se acordó del veto a la pesca de fondo en 87 áreas del Atlántico nororiental. “Quiten el palangre de la prohibición. Pongan ya en marcha la propuesta legislativa para reformar el Reglamento de 2016”, pidió al Comisario Kadis.

O PPdeG afirma que a paralización do desenvolvemento de enerxías renovables en Galicia ten o mesmo custo de CO2 que 2 millóns de vehículos

O portavoz de Medio Ambiente do Grupo Popular, Gonzalo Trenor, afirmou hoxe no Parlamento galego que “a paralización do desenvolvemento das enerxías renovables, provocada polo Goberno de Pedro Sánchez, co apoio incondicional do BNG, ten un custo de 2,5 millóns de toneladas de CO2 ao ano, a mesma cantidade que emitirían dous millóns de vehículos”.

Gonzalo Trenor salientou que “Galicia é a comunidade con maior capacidade de absorción de CO2, chegando a case unha de cada cinco toneladas capturadas en España, situándose, ademais, como a comunidade que máis reduciu as súas emisións netas de gas de efecto invernadoiro”. “En concreto, desde 1990 reducimos un 62 por cento as emisións netas de gases de efecto invernadoiro, cando o descenso medio a nivel nacional foi do 12,6 por cento, o que supón que superamos o obxectivo do 55 por cento establecido pola Unión Europea para 2030”, anotou.

Respecto da vaga de incendios deste pasado verán, o portavoz popular destacou que “o amplo dispositivo despregado permitiu protexer os nosos espazos naturais e a nosa biodiversidade e hábitats, conseguindo que a afección a estes territorios fora mínima”. En concreto, dixo que houbo cinco hectáreas afectadas no Invernadeiro, outras cinco hectáreas nas Fragas do Eume, 10 hectáreas no Xurés e uns centos de metros cadrados en Corrubedo.

“E a Xunta xa está actuando para previr as posibles consecuencias dos lumes nos ríos, con medidas orientadas a crear barreiras anticontaminación nas contornas fluviais das zonas afectadas”, manifestou o portavoz popular, quen demandou que o Goberno central “faga o mesmo que está a facer o Goberno galego nos ríos que son da súa competencia”.

O Pleno do Parlamento galego aproba a Conta Xeral dos anos 2022 e 2023, que amosan unha Galicia saneada, con capacidade de investimento e de prestar uns servizos públicos de calidade

O Pleno do Parlamento de Galicia aprobou hoxe a Conta Xeral da Xunta correspondente aos anos 2023 que “amosan que vivimos nunha Galicia saneada, con capacidade de investimento e que, a pesar do insuficiente financiamento do Goberno de Pedro Sánchez, é capaz de prestar uns servizos públicos cada vez de maior calidade ás galegas e aos galegos, que elección tras elección seguen a confiar no Partido Popular e no Presidente Alfonso Rueda”, manifestou a viceportavoz do Grupo Popular, Cristina Sanz.

A modo de resumo, Cristina Sanz afirmou que as contas xerais aprobadas hoxe no Pleno “acreditan que Galicia cumpriu cos obxectivos de débeda e de déficit, acadando resultados que incluso melloran a previsión inicial; que Galicia cumpriu na execución dos orzamentos, que foi superior ao 99 por cento en ambos exercicios; e que Galicia reduciu case á metade o período de pago a proveedores: mentres a media española está en máis de 27 días, Galicia pagou en menos de 15 días”.

GALICIA CUMPRIU

“Galicia cumpriu, a diferenza do que vemos noutras comunidades ou no propio goberno de España, que nin sequera foi quen de aprobar un proxecto de orzamentos nesta lexislatura estatal: unha anomalía constitucional e democrática, pero sobre todo un prexuízo para todos os cidadáns”, subliñou.

Así mesmo, Cristina Sanz destacou que, coa aprobación destas contas xerais, “neste momento non existe informe de fiscalización do Consello de Contas pendente de render neste Parlamento”. “Hoxe poñémonos ao día con todos os informes pendentes gracias ao esforzo extraordinario, tanto da Consellería de Facenda como, sobre todo, do persoal do Consello de Contas, que conseguiron reducir o tempo de tramitación á metade”, sinalou.

O Grupo Popular acusa ao PSdeG de reclamar “unha comisión espectáculo” sobre a vaga de incendios forestais deste verán

O portavoz do Medio Rural, Miguel Ángel Viso, acusou hoxe ao PSdeG de reclamar “unha comisión espectáculo” sobre os incendios forestais “cando Galicia non precisa teatro burocrático senón reforzo das faixas secundarias, cambios legais para obrigar a limpar fincas, mobilización da terra agraria e un dispositivo sen precedentes con 7.000 persoas, motobombas, buldóceres, brigadas e medios aéreos”.

Miguel Ángel Viso subliñou que “dous terzos do persoal do servizo de prevención e extinción de incendios traballa todo o ano e o resto pasará de 8 a 9 meses en 2026”. “Hoxe hai 1.000 traballadores máis que en 2008, con EPI renovados, melloras salariais e concursos de traslados”, apuntou.

80% DAS RECOMENDACIÓNS REALIZADAS

Ademais, sinalou que o Pladiga 2025 “inclúe máis de 1.000 hectáreas de novas áreas cortalumes, 970 de faixas auxiliares, 400 quilómetros de pistas melloradas, tratamentos silvícolas, queimas prescritas, 4.887 puntos de auga revisados e actuacións sobre máis de 47.000 hectáreas de biomasa”.

“Desde 2017 aplicáronse o 80 por cento das 123 recomendacións aprobadas no marco da Comisión de Estudo realizada neste Parlamento galego, coa posta en marcha de leis clave, a creación de unidades especializadas e melloras laborais para os traballadores”, manifestou.

Alfonso Rueda subliña na Coruña que o Goberno galego conta cunha “folla de ruta clara” para actuar ante a “prioridade” de facilitar o acceso á vivenda

O presidente do PPdeG, Alfonso Rueda, subliñou hoxe que para o seu Goberno é unha “prioridade” actuar para facilitar o acceso á vivenda e que para iso conta cunha “folla de ruta clara” destinada a actuar nas áreas urbanas onde, como na cidade da Coruña, a demanda é máis alta.

Ante a Xunta Directiva Provincial do PP da Coruña –que encabezou xunto ao presidente do partido na provincia, Diego Calvo, e a secretaria xeral do PPdeG, Paula Prado–, o líder dos populares galegos explicou cales son as principais medidas que a Xunta ten marcha para combater as dificultades de acceso á vivenda derivadas da suba de prezos e da escaseza de alugueiros e que afectan de xeito especial á xente nova.

Ademais de recordar o seu compromiso de duplicar o parque público de vivenda para pasar de 4.000 a 8.000 vivendas protexidas, puxo en valor tanto o programa para mobilizar vivendas baleiras e poñelas no mercado como os avais para a compra de primeira vivenda, así como as diversas liñas de axuda para a rehabilitación e a eficiencia enerxética.

Animou neste sentido a todos os alcaldes e portavoces do partido na provincia a que continúen sinalando as necesidades concretas dos seus concellos e propoñendo solucións para que, deste xeito, as políticas de vivenda da Xunta poidan chegar a todos os veciños e veciñas e poidan contribuír tanto a atender a demanda como a garantir que no rural haxa vivenda dispoñible para fixar poboación.

Rueda sinalou como estratéxico actuar tamén no eido da investigación e a innovación cos obxectivos de crear e potenciar unha marca propia de investigación galega e que a I+D+i poida ser unha ferramenta útil para crear emprego de calidade na provincia. Uns obxectivos nos que, tal e como apuntou, A Coruña está chamada a ser referente en innovación a través de sectores como o enerxético, o naval, as TIC e as universidades.

Co fin de afondar ademais no paquete de medidas extraordinarias postas en marcha polo Goberno galego para axudar ao afectados polos incendios, na reunión interviñeron tamén as responsables dos principais departamentos implicados:  María José Gómez (Medio Rural), María Martínez Allegue (Vivenda e Planificación de Infraestruturas) e Ángeles Vázquez (Medio Ambiente e Cambio Climático).

Xunto a elas, o presidente recordou que, a pesar de que a provincia da Coruña non foi a máis castigada, tamén aquí houbo lumes e mesmo casos de incendiarios, como en Muxía. O cal demostra, como subliñou, que segue habendo quen xoga co patrimonio de todos e que contra eles hai que actuar con toda a firmeza da lei.

“A CORUÑA QUERE PP E MÁIS PP QUE NUNCA”

Diego Calvo, pola súa banda, aproveitou a súa intervención para dar a benvida aos tres novos alcaldes que o partido sumou na provincia: Luis Insua (Fisterra), José Luis Fernández Mouriño (Carral) e Esteban Ares (Lousame). Tanto a eles como ao resto de alcaldes e alcaldesas animounos a seguir demostrando o seu esforzo e compromiso a pé de rúa.

De feito, xa coa mirada posta nas próximas eleccións municipais, o líder provincial do PP de Coruña amosouse convencido de que en 2027 a provincia “falará alto e claro dicindo que quere PP e máis PP que nunca”.

Un desexo de cambio que fixo tamén extensivo a nivel nacional, xa que “España non pode seguir condenada ao enfrontamento e á decadencia que promoven o PSOE e os seus socios”, senón que necesita “un Goberno como o galego, que funcione, que cumpra e que se ocupe e preocupe dos problemas da súa xente”.

O PPdeG pide a dimisión da ministra de Igualdade ante o escándalo das pulseiras antimaltrato e por “empregar o feminismo como escudo político para tapar a inmoralidade socialista”

O PPdeG pediu hoxe a dimisión da ministra da Igualdade polos fallos “inadmisibles” nas pulseiras antimaltrato e pola súa complicidade cos escándalos do PSOE: “É hora de aforrarnos a unha ministra que decidiu aforrar na protección das mulleres e a un Goberno que só emprega o feminismo como escudo político para tapar a inmoralidade do seu partido”.

Faino tras a reunión da Comisión de Igualdade do partido celebrada esta mañá na véspera do Día Internacional contra a Explotación Sexual e a Trata de Persoas. Unha reunión que estivo encabezada pola secretaria xeral Paula Prado, a responsable de Promoción da Igualdade no Goberno galego, María Quintiana, e a coordinadora deste órgano, Raquel Touriño.

Logo de analizar o balance do Goberno central en materia de igualdade, desde o PPdeG recordan con ironía as palabras de Pedro Sánchez presumindo de encabezar o Goberno “máis feminista da historia” cando en realidade “en ningún caso pode ser feminista porque é socialista”.

Argumentan así que “non hai nada menos feminista que comprar nas rebaixas unhas pulseiras antimaltrato defectuosas para supostamente protexer ás vítimas cando o único para o que servían era para facilitar a absolución dos seus agresores”. Uns feitos que van na liña das nefastas consecuencias da Lei do ‘só si é si’, aprobada co voto a favor do BNG e coa que “máis de 1.000 agresores sexuais saíron do cárcere ou viron rebaixadas as súas penas”.

Tampouco é feminista, en opinión dos populares galegos, que Sánchez pretenda agora combater a prostitución “cando ten no seu entorno a persoas como Ábalos, Koldo ou o ‘Tito Berni’, cando todos sabemos cales eran os negocios do seu sogro e cando leva sete anos gardando nun caixón a aprobación dunha Lei de Trata que é indispensable para erradicar unha lacra que está detrás de máis do 80% dos casos de mulleres prostituídas”.

“Xa non é que non sexan feministas, senón que nin sequera lles importan os dereitos das mulleres”, conclúen no PPdeG incidindo en que, nesta materia, “ao Goberno de Sánchez hai que valoralo máis que polo que di, polo que fai e especialmente por aquelo que non fai”.

Nesta liña remarcan o incumprimento na aprobación da Lei de Trata que se contemplaba no Pacto de Estado contra a Violencia de Xénero de 2017, así como decisións tan “lesivas” para os dereitos das mulleres no eido da conciliación como a eliminación do 100% de bonificación por baixa de maternidade ou o recorte dos fondos destinados ao Plan Corresponsables.

Os populares pregúntanse se todo isto responde a un desinterese real polos dereitos das mulleres ou a unha estratexia deliberada de Sánchez por baleirar de contido o Ministerio de Igualdade e acabar suprimíndoo como xa fixera no seu día o expresidente socialista José Luis Rodríguez Zapatero en 2010.