Santiago, 27 de novembro de 2017.- O portavoz do Grupo Popular, Pedro Puy, avanzou hoxe o debate para a súa aprobación no Pleno que se celebra a vindeira semana de dous novos textos lexislativos: o proxecto de Lei de portos de Galicia e a proposición de Lei de pobreza enerxética. Sobre esta última, considerouna “acaída porque permite que sexamos unha das primeiras comunidades autónomas que adapta a normativa autonómica á estatal para facela máis forte e garantista dos dereitos dos consumidores vulnerables, blindando o pago do 50 por cento do seu recibo da luz e que non se lles poda cortar o subministro eléctrico en ningunha circunstancia”.
