Santiago, 23 de xaneiro de 2018.- O portavoz de Sanidade do Grupo Popular, Aurelio Núñez Centeno, asegurou hoxe que a sobrecarga asistencial nos servizos de urxencia en inverno “prodúcese en todos e cada un dos hospitais das distintas comunidades autónomas españolas” e avogou porque “todos debemos colaborar para mellorar as taxas de vacinación e a educación sanitaria da poboación en relación coa utilización dos servizos de urxencia hospitalarios”.
O Grupo Popular subliña que Galicia leva máis de dous anos recuperando as tribucións dos empregados públicos
Santiago, 23 de xaneiro de 2018.- O deputado do Grupo Popular Jacobo Moreira salientou que “en Galicia levamos máis de dous anos cunha recuperación de retribucións dos empregados públicos, na maioría dos casos por enriba do resto de comunidades autónomas”.
O Parlamento insta á Xunta a rematar no prazo máis breve posible o estudo dos solos contaminados por lindano en O Porriño
Santiago, 23 de xaneiro de 2018.- O Parlamento de Galicia aprobou hoxe por unanimidade, logo dunha transacción entre o Grupo Popular en En Marea, unha proposición non de lei a través da que se insta á Xunta a rematar no prazo máis breve posible as prospeccións e recollida de mostras dos solos contaminados con lindano no lugar de Contrasto en Porriño, de xeito que, unha vez coñecidos os resultados do estudo e localizadas as zonas contaminadas, se realice en colaboración co Concello un proxecto de descontaminación no primeiro trimestre deste ano, proxecto que deberá executarse ao longo de 2018.
O GPP salienta a coordinación do Goberno galego nos traballos de rexeneración das zonas afectadas polos incendios forestais
Santiago, 23 de xaneiro de 2018.- O portavoz de Montes do Grupo Popular, José Silvestre Balseiros, salientou hoxe que “a actuación do Goberno galego tras os incendios forestais do mes de outubro caracterizouse pola coordinación, loubada incluso a nivel nacional e europeo”. Así mesmo, cifrou en máis de 13 millóns de euros o investimento realizado pola Xunta de Galicia e o Goberno central para a rexeneración das zonas afectadas polos lumes, especialmente naqueles espazos naturais protexidos.