Santiago, 3 de decembro de 2019.- O Grupo Popular apoiou esta tarde no Pleno do Parlamento a aprobación dunha moción a través da que se insta á Xunta a elevar un 5 por cento a partida dedicada a investigación da Consellería do Mar.
O PPdeG asegura que xamais estará nun goberno que fomente o racismo, a xenofobia e a aporofobia
Santiago, 3 de decembro de 2019.- A viceportavoz do Grupo Popular, Marta Rodríguez Arias, afirmou hoxe que “o PP de Galicia xamais vai estar nun goberno que fomente o racismo, a xenofobia e a aporofobia, nin que estigmatice e criminalice aos menores estranxeiros non acompañados, do mesmo xeito que tampouco estará nun goberno con aqueles que pensan que os españois somos bestas carroñeiras, víboras e hienas cunha grave tara do ADN, ou con aqueles que foron condenados por terrorismo”.
O PPdeG demanda que o Goberno central incremente o número de xulgados exclusivos en materia de violencia de xénero que a Comisión Mixta consensúe necesarios
Santiago, 3 de decembro de 2019.- A viceportavoz do Grupo Popular, Paula Prado, demandou hoxe no Pleno ao Goberno central que incremente o número de xulgados exclusivos en materia de violencia de xénero que a Comisión Mixta Xunta-Tribunal Superior de Xustiza de Galicia consensúe necesarios, en cumprimento do Pacto de Estado e coas recomendacións do Consello Xeral do Poder Xudicial.
O PPdeG salienta que Galicia sexa a comunidade con maior porcentaxe de alumnado con necesidades especiais integrado en centros ordinarios
Santiago, 3 de decembro de 2019.- A portavoz de Educación do Grupo Popular, María Antón, salientou hoxe no Pleno do Parlamento que Galicia “é co 92,7 por cento a comunidade autónoma con maior porcentaxe de alumnado con necesidades educativas especiais integrado en centros ordinarios, o que demostra que se está favorecendo a igualdade de oportunidades”.
O Grupo Popular apoia unha rebaixa do IVE para produtos de hixiene feminina
Santiago, 3 de decembro de 2019.- O Grupo Popular aprobou hoxe a toma en consideración dunha proposición de lei para remitir ao Congreso a través da que se solicita a modificación da Lei do IVE para incluír especificamente entre os produtos co tipo reducido do 10 por cento os preservativos femininos, así como incorporar entre os produtos co tipo superreducido do 4 por cento os artigos de hixiene íntima feminina.
O Parlamento galego aproba a lei para garantir o abastecemento de auga nos episodios de seca e nas situacións de risco sanitario
Santiago, 3 de decembro de 2019.- O Parlamento de Galicia aprobou hoxe a nova Lei de medidas de garantía do abastecemento nos episodios de seca e nas situacións de risco sanitario, unha norma “na que todos estamos de acordo que é necesaria e na que se recoñece que é imprescindible un marco de colaboración entre todas as administracións para garantir o subministro a toda a poboación”, sinalou o portavoz de Medio Ambiente do Grupo Popular, Gonzalo Trenor.
Tellado: «Un Goberno con estabilidade e orzamentos está sendo capaz de mellorar os datos de desemprego do conxunto do Estado”
3, decembro, 2019. O secretario xeral do PPdeG, Miguel Tellado, asegurou que un Goberno con estabilidade e con orzamentos, como o de Galicia, está sendo capaz de mellorar, ano tras ano, os datos de desemprego do conxunto do Estado. Así se expresaba tras publicarse os datos do paro de novembro que reflicten que, na evolución anual, baixa na Comunidade a maior ritmo que en España e que somos a quinta Autonomía na que máis descende.