Alfonso Rueda reivindica na Coruña o gasto social récord dos Orzamentos galegos para 2025 e os case 5.000 M€ que se reservan á provincia

O presidente do PPdeG, Alfonso Rueda, reivindicou hoxe os investimentos do Goberno galego na provincia da Coruña en cuestións como as residencias, os centros educativos, o equipamento sanitario ou a construción de vivenda pública ao abeiro dos Orzamentos autonómicos con maior gasto social.

Ante os membros da Xunta Directiva Provincial do PP da Coruña celebrada esta tarde e na que tamén participaron o presidente do partido na provincia, Diego Calvo, e a secretaria xeral do PPdeG, Paula Prado, o líder dos populares galegos explicou que os contas para o próximo ano reservan para esta provincia case 5.000 millóns de euros e máis de 660 millóns no caso da súa capital.

Unhas cantidades que se destinarán a cuestións tan importantes como as obras do novo CHUAC (37,6 millóns de euros) ou ao remate da terminal de autobuses, cun investimento de 16,5 millóns de euros. Ao que habería que engadir outros investimentos en residencias, centros educativos ou innovación.

O presidente Rueda destacou especialmente o investimento en vivenda, como os 1,5 millóns de euros para adquirir solo e os case 14 millóns para construír vivenda pública para alugueiro en Xuxán. De feito, tal e como remarcou, fronte aos que promoven leis que só suben os prezos do alugueiro, a Xunta é a administración que máis inviste en vivenda pública na cidade.

Sobre esta cuestión engadiu que o Executivo que preside ten precisamente como obxectivo prioritario duplicar o parque de vivenda pública de aquí a 2028 e que, para cumprir este obxectivo, o próximo ano triplicarase o orzamento destinado a solo residencial e construción de nova vivenda ata os 126 millóns de euros. Ao que habería que engadir ademais a aprobación de novas bonificacións fiscais para dinamizar o mercado.

Se isto é posible, explicou, é grazas a que, mentres o Goberno central non é quen de aprobar as súas contas, o Goberno galego volveu facelo en tempo e forma e sen recorrer a endebedamento. Por iso quixo poñer en valor o “Estilo Galicia” baseado na estabilidade, o rigor e a xestión.

O presidente encabezou hoxe o cuarto e último encontro provincial dunha rolda que tivo o obxectivo de escoitar e planificar o futuro da formación, e no que trasladou que o contacto cos galegos e galegas se trata dunha avaliación continua.

DIEGO CALVO INSISTE NA IMPORTANCIA DE MANTER O PARTIDO ACTIVO

Pola súa banda, Diego Calvo avalou “o bo facer do goberno da Xunta que, un ano máis presenta as contas en tempo e forma”, fronte a un Goberno central máis preocupado de asuntos que pouco teñen que ver cos problemas dos cidadáns.

O presidente provincial insistiu na idea de “manter activo o partido, de traballar preto dos veciños” e animou a alcaldes e portavoces a trasladar á xente todos os proxectos, axudas e investimentos que o Goberno autonómico pon a disposición dos galegos e galegas.

“Galicia é exemplo unha vez máis de boa xestión e de estabilidade. Un exemplo cada vez máis inusual en España da importancia de facer as cousas ben”, concluíu.

La senadora gallega Verónica Casal reclama al Gobierno que cumpla sin excepción con todas las comunidades y financie al 50% la Atención a la Dependencia

El Senado aprueba una moción consecuencia de interpelación del Grupo Parlamentario Popular –con el voto en contra del PSOE- que pide al Gobierno que cumpla con la financiación del 50% del Sistema para la Autonomía personal y Atención a la Dependencia –tal y como establece la ley- en los próximos PGE.

La iniciativa, defendida por la senadora gallega Verónica Casal, que ha sido respaldada por una amplia mayoría de la Cámara, solicita mejorar el acceso al Ingreso Mínimo Vital (IMV), incrementar la cobertura del Bono Social Eléctrico, así como aprobar un Plan de choque contra la pobreza infantil.

Durante la presentación de la iniciativa, Casal señaló que “la situación social en nuestro país dibuja un panorama mejorable y pone de manifiesto el actual empobrecimiento de la población española”.

 Así, incidió en que la pobreza energética “se ha duplicado desde 2018 y el Bono Social Eléctrico apenas llega a las rentas más bajas”.

“1 de cada 5 familias no pueden permitirse mantener su vivienda a una temperatura adecuada y la mitad de las familias españolas tienen problemas para llegar a fin de mes”, alertó la senadora ferrolana.

Igualmente, lamentó que “la medida estrella del Gobierno” –el IMV- apenas está llegando a la población a la que va dirigida, ya que, según la AIReF, sólo 342.856 hogares lo recibieron, el 36% de los potenciales beneficiarios.

En este punto, Casal recordó que el ministro de Derechos Sociales reconoció los efectos de un Estado con las partidas presupuestarias prorrogadas y denunció que la falta de presupuestos supone 600 millones de euros menos para dependencia.

“Rememos todos juntos para revertir la situación de la gente en exclusión social, los dependientes y los niños que se enfrentan a la pobreza infantil”, finalizó.

O PPdeG esixe a Pontón unha desculpa ás familias galegas por frivolizar coa dramática realidade da mocidade que sofre acoso

O Partido Popular de Galicia esixe a Ana Pontón que rectifique a súa “frívola” postura respecto ao bullying e pida perdón ás familias e á mocidade galega que lamentablemente sofren esta “dramática realidade”.

Logo de que a portavoz do BNG empregase esta mañá no Parlamento de Galicia o termo “bullying” para referirse a circunstancias que nada teñen que ver co acoso, os populares galegos inciden en que “hai comparacións que sobran” e esíxenlle respecto ás familias e para os nenos e nenas.

Lamentablemente, Ana Pontón preferiu seguir na súa liña en vez de rectificar e por iso desde o PPdeG piden unha desculpa e reiteran que ante o acoso, en Galicia non caben nin a frivolidade nin a tolerancia.

O Parlamento de Galicia solicita ao Goberno de España que garanta o acceso de Lugo e Ferrol á alta velocidade ferroviaria

O Pleno do Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno de España que garanta o acceso das cidades de Lugo e de Ferrol á alta velocidade ferroviaria, en condicións de igualdade co resto do territorio, para o que é imprescindible a execución das actuacións precisas para adaptar a infraestrutura ferroviaria actual e que permita a chegada do AVE, entre as que se inclúen as variantes de Canabal-Os Peares, Rubián e Betanzos.

A deputada popular Elena Candia afirmou que “lucenses e ferroláns temos un reto en común: vencer unha inxustiza que deixa a estas dúas cidades galegas sen conexión coa alta velocidade ferroviaria”. “Non podemos aceptar que unha sectaria planificación de infraestruturas afonde nas desigualdades dos territorios, porque é afondar en cidadáns de primeira e de segunda”, indicou.

Candia asegurou que “discrepo co ministro de Transportes cando di que o tren vive en España o mellor momento da súa historia, porque Lugo e Ferrol están peor que nunca e aínda non recuperaron sequera as frecuencias que se suprimiron con motivo da pandemia”. “Avanzamos, froito da colaboración entre as administracións, na construción da intermodal de Lugo, pero nin temos trens nin temos previsión de telos”, lamentou.

Por iso, solicitou “alzar a voz, como lucenses e como ferroláns, pero tamén como galegos, para que o Goberno de España garanta, dunha vez, o acceso destas dúas cidades á alta velocidade ferroviaria”.

O Parlamento solicita ao Goberno central un reparto máis xusto e consecuente das axudas para o fomento da industria cinematográfica e audiovisual

O Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno de España que garanta un reparto máis xusto e máis consecuente das axudas para o fomento da produción, distribución, exhibición e promoción da industria cinematográfica e audiovisual, co obxectivo do fomento das linguas cooficiais distintas do castelán.

A portavoz popular de Cultura, Carmen Pomar, explicou que estas axudas estatais “constitúen unha importante liña de apoio ao sector audiovisual, xa que poden utilizarse para todo tipo de accións, desde a creación de proxectos audiovisuais en galego, ata a dobraxe, a promoción ou a difusión, entre outros”.

DO 70% PARA CATALUÑA AO 5% PARA GALICIA

Pomar lembrou que “o Goberno de Pedro Sánchez recuperou estas axudas en 2022 como unha das contrapartidas para votar a favor da súa investidura como Presidente do Goberno e, desde ese ano, beneficiaron descaradamente a Cataluña”. En concreto, indicou que en 2022 Cataluña levouse o 71,60 por cento do fondo, en 2023, o 67,93 por cento; e en 2024, volveuse achegar ao 70 por cento. En contraposición, Galicia pasou de recibir o 11,5 por cento do fondo en 2022, ao 8,3 por cento en 2023 e, finalmente, ver reducida a súa participación a un 5,11 por cento este ano.

“Isto non é admisible para Galicia, non xa polo Goberno galego senón polo noso sector audiovisual”, sinalou a portavoz popular, que manifestou que “é fundamental opoñerse frontalmente aos criterios de reparto que manexa o Ministerio ou, no caso de que os manteñan, é importante que se poñan uns contrapesos que non beneficien sempre so aos máis fortes”.

Carmen Pomar salientou que “o apoio do Goberno galego ao sector audiovisual queda demostrado coa aposta decidida pola produción feita na Comunidade galega e en galego”, ante o que apuntou que “hoxe máis do 60 por cento da produción que se realiza en Galicia faise en galego”.