Francisco Conde: “A presión do PP foi decisiva para que hoxe os gandeiros galegos se sintan máis aliviados en relación aos ataques do lobo”

Francisco Conde puxo en valor que “a presión do PP foi decisiva para que hoxe os gandeiros galegos se sintan máis aliviados” en relación aos ataques que o lobo ten provocado nas súas explotacións.

O deputado nacional e os tamén representantes do PP lucense no Congreso, Jaime De Olano e Cristina Abades, os deputados autonómicos Nicole Grueira e Enrique Barreiro, o alcalde de Guntín, Ángel Pérez, e outros representantes do PP lucense escoitaron de man de gandeiros os prexuízos que provoca a especie nas explotacións gandeiras de distintos puntos da provincia e, de forma especial, nas de réxime extensivo, durante unha visita a unha granxa no municipio.

Primeiro, a aprobación no Congreso a iniciativa do Grupo Popular para que o Goberno de Sánchez retirara a especie da Listaxe de Especies Silvestre en Réxime de Protección Especial (LESPRE) permitiu a súa xestión. E a aprobación no Parlamento Europeo da proposta da Comisión Europea para rebaixar o status de protección do lobo de ‘estritamente protexido’ a ‘protexido’ supón un ”reforzo na seguridade xurídica fronte aos extremistas”. Así mesmo, aclarou que “a especie continuará a estar protexida, pero será xestionable en toda Europa como vimos defendendo no Partido Popular dende 2017”, apuntou.

A POLÍTICA QUE SERVE
Conde reivindicou, polo tanto, “a política que serve: a do Partido Popular defendendo os interese dos galegos e das galegas” en relación ao traballo dende fai anos do PP dende o Goberno galego e as distintas cámaras e da man dos sectores afectados para garantir o equilibrio entre o lobo e a gandería.

No lado oposto, “BNG e PSOE que se opuxeron á proposta posicionándose en contra do rural galego. O BNG votou en contra en Europa e en Galicia. O PSOE contradise: en Europa intentou ata o último momento manter a protección máxima para o lobo introducindo unha emenda, mentres que no Parlamento de Galicia votou a favor da iniciativa do Partido Popular recoñecendo o efecto da especie para os gandeiros galegos”.

O deputado popular asegura que “non hai que elixir entre protexer ao lobo ou á gandería, hai que xestionar con rigor e sentido común para promover a súa convivencia. Non son incompatibles, so hai que antepoñer a técnica á ideoloxía”.

Os datos son concluíntes: 14.000 reses mortas polo lobo no último ano en España (40 ao día), máis de 3.200 en Galicia no 2024 das que a metade, máis de 1.600, foron contabilizadas na provincia de Lugo.

Conde explicou que “a nova Directiva Hábitats será aplicada en España sen necesidade de trasposición”. É dicir, no mesmo momento no que se publique no boletín da UE, será de aplicación inmediata en España grazas a que “o Partido Popular logrou aprobar as emendas introducidas no Congreso á Ley de despedicio que prevén esa aplicación inmediata no momento en que cambiase a regulación europea”.

O BNG, OS DO NON A TODO, PRIORIZAN A PROTECCIÓN DO LOBO Á DEFENSA DOS GANDEIROS
Pola súa banda, os deputados autonómicos Nicole Grueira e Enrique Barreiro salientaron a aprobación no Pleno do Parlamento de Galicia celebrado esta semana dunha proposición non de lei (PNL) a través da que se manifesta o apoio da Cámara galega á rebaixa do nivel de protección do lobo e ao restablecemento do equilibrio entre a preservación desta especie e as actividades gandeiras desenvolvidas no rural.

“Lamentablemente, esta iniciativa do Grupo Popular non contou co voto favorable dos de sempre, os do non a todo, xa que os deputados nacionalistas decidiron rexeitar esta proposta seguindo a súa liña negacionista”, indicaron os deputados.

Neste sentido, consideran “lamentable que o BNG priorice a protección ao lobo fronte á defensa dos gandeiros de Galicia, nun exemplo máis do seu ecoloxismo fanático e irresponsable que só supón perdas para os nosos produtores”.

Ademais, os representantes do PP lucense no Parlamento de Galicia criticaron “a incoherencia amosada polos socialistas neste asunto, xa que, despois de amosar no Parlamento galego o seu apoio á rebaixa da protección do lobo, dous días despois votaron en contra desa mesma rebaixa no Parlamento europeo”.

“Un exemplo perfecto de falta de coordinación e de incongruencia por parte dos socialistas galegos, pero lamentablemente algo que non nos sorprende en absoluto dada a falta dun liderado firme neste partido, totalmente submiso ao que lle marcan os independentistas para manterse no poder, influíndo incluso no seu voto no Parlamento europeo”, concluíron.

Carmen Pomar e Adrián Villa cargan contra a alcadesa de Santiago por mentir e esixen explicacións urxentes polas VTCs ilegais

A deputada do Grupo Popular Carmen Pomar, acompañada do concelleiro do PP, Adrián Villa, esixiron hoxe á alcaldesa de Santiago “unha explicación urxente sobre a contratación dunha empresa privada para o traslado dos asistentes á Asamblea de Cidades Patrimonio da Humanidade, desprezando os servizos dos taxistas da cidade a pesar de ter ameazado con multas ás empresas que ousaran facer transportes urbanos”.

Carmen Pomar e Adrián Villa reuníronse con representantes do colectivo de taxistas de Santiago a fin de coñecer de primeira man as súas preocupacións e problemas para desenvolver o seu traballo nesta cidade, así como as medidas que consideran necesario poñer en marcha para mellorar a prestación deste servizo, tanto a composteláns como a visitantes.

FALTA DE TRANSPARENCIA E COHERENCIA

No encontro, os taxistas amosaron o seu malestar pola falta de transparencia e coherencia por parte da alcaldesa de Santiago á hora de dar unha explicación sobre a contratación de 29 desprazamentos por parte dun servizo privado. “O problema non só é que a alcaldesa fuxe de dar unha resposta ás preguntas que están enriba da mesa, senón que ao mesmo tempo está a mentir para intentar xustificar esta contratación”, sinalou Carmen Pomar.

A deputada popular lamentou “o caos do servizo de transporte público que sofren a diario os composteláns e os turistas, derivado dunha incompetencia manifesta por parte dos responsables municipais”. En concreto, salientou que ante esta situación “os taxistas atópanse desbordados en moitos momentos do día pola demanda de servizo existente, sen que o Concello sexa capaz de dar unha solución máis que ameazar con sancionar a todas as empresas privadas que ousaran facer transportes urbanos”.

Pola súa banda, Adrián Villa sinalou que non é de recibo que a alcadesa “pase meses dicindo que as VTCs son ilegais, mentres ela mesma as estaba contratando”. E preguntouse se, “agora que todos sabemos que houbo 29 traxectos ilegais, e que a competencia para sancionar é do Concello, a alcaldesa vai a emitir unha infracción contra a propia Acaldía”.

O PPdeG afirma que a celebración en Ribadavia da Asemblea da Rede de Xuderías situará a este concello como un referente na recuperación do patrimonio sefardí en toda España

Os deputados do Grupo Popular Miguel Viso e Víctor Baladrón, acompañados do alcalde de Ribadavia, César Fernández, visitaron esta mañá o Museo Sefardí e destacaron a súa importancia como símbolo de memoria e da identidade deste municipio ourensán. Así mesmo, destacaron a oportunidade que suporá para este concello a celebración no mes de xuño da Asemblea Anual da Rede de Xudarías, “un encontro que debe servir de promoción de Ribadavia e situalo como referente na recuperación do patrimonio sefardí en toda España.

Miguel Viso e Víctor Baladrón lembraron que a rehabilitación do Museo Sefardí na Praza Maior de Ribadavia, edificio que tamén alberga a Oficina de Turismo, contou cunha axuda da Xunta de Galicia que se achegou aos 50.000 euros.

COLABORACIÓN INSTITUCIONAL

“É unha satisfacción comprobar como os investimentos da Xunta se transforman en proxectos reais que melloran o noso patrimonio e fortalecen a identidade das nosas vilas”, manifestou o deputado popular Miguel Viso, quen situou a reapertura do Museo Sefardí de Ribadavia como “un exemplo claro de como a colaboración institucional dá froitos concretos”. “Non só rehabilitamos un edificio, senón que recuperamos un espazo que representa a memoria viva da nosa historia e que ten un enorme potencial cultural e turístico para toda a comarca”, dixo.

Pola súa banda, Víctor Baladrón puxo en valor o compromiso do Goberno galego coa historia e a cultura, e sinalou que este museo “non é só unha infraestrutura cultural: é unha ponte co pasado, un lugar que nos convida a lembrar e a comprender mellor a nosa historia compartida”.

Os deputados populares felicitaron ao alcalde de Ribadavia pola súa designación este ano 2025 como Presidente da Rede de Xuderías de España, “unha oportunidade para que esta vila fortaleza as súas relacións históricas e culturais con outras cidades con legado sefardí”.

Neste sentido, subliñaron que a próxima celebración en Ribadavia do Asemblea Anual da Rede de Xuderías, conmemorando o 30 aniversario desta organización, “será o marco perfecto para afondar nas relacións con outras cidades, abrir novas vías de colaboración e situar a este concello ourensá como un destino de referencia dentro do itinerario sefardí”.

O PPdeG afirma que a Xunta iniciará despois do verán as obras de construción dos departamentos para usuarios no porto de Sanxenxo

Os deputados do Grupo Popular Miguel Fidalgo, Raúl Santamaría, Loli Hermelo e Manuel Santos, acompañados da tamén deputada e concelleira en Sanxenxo, María Deza, visitaron esta mañá o porto desta localidade para informar do compromiso da Xunta de iniciar os traballos de construción dos 14 departamentos para usuarios unha vez pase o verán. “O obxectivo é evitar os prexuízos que este tipo de obras poden ocasionar aos milleiros de turistas e visitantes que cada ano pasan por este municipio”, indicaron.

Os deputados populares lembraron que esta obra no porto de Sanxenxo, cun investimento superior aos 500.000 euros, permitirá a instalación de dúas liñas de edificacións (de 10 e 4 unidades, respectivamente) destinadas ao almacenamento de pertreitos de pesca para os profesionais da pesca.

Ademais, a obra inclúe a urbanización de todo o espazo próximo, substituíndo os actuais bolardos por un parterre e unha zona de aparcadoiro para os usuarios dos propios departamentos.