O PPdeG demanda aos concellos da ría de Vigo unha maior implicación na mellora das redes de saneamento para aliviar os vertidos ao mar

As deputadas do Grupo Popular Patricia García e Loli Hermelo pediron hoxe aos concellos da ría de Vigo unha maior implicación na mellora das redes de saneamento para aliviar os vertidos ao mar. “Debemos ter presente que unha boa xestión de todas as redes de saneamento locais reverterá nunha mellora substancial das augas interiores”, indicaron.

Nun encontro celebrado co patrón maior da Confraría de Cangas, Javier Costa, Patricia García e Loli Hermelo lembraron que existe financiamento europeo e autonómico, a través de Augas de Galicia, dirixidas á revisión, estudo e planificación de proxectos para a mellora ou solución dos problemas dos concellos coas súas redes de saneamento.

ACADAR FONDOS FINALISTAS

“Non podemos deixar de pensar que na ría de Vigo, na que existen vertidos continuos procedentes do saneamento municipal, ningunha das administracións locais decidira por man á obra e dar o paso de traballar coa Xunta co fin de acadar os fondos finalistas existentes dirixidos a mellorar o noso medio ambiente mariño”, lamentaron.

En concreto, as deputadas populares coincidiron co patrón maior de Cangas “no problema existente coa falta de mantemento das depuradoras municipais e a falta de control das redes de saneamento, así como unha deficiencia na separación das augas de pluviais e fecais, unha cuestión imprescindible para que as depuradoras funcionen correctamente”.

O PPdeG destaca en Cenlle un proxecto de emprendemento como exemplo de innovación, sustentabilidade e xeración de emprego no rural galego

Os deputados do Grupo Popular Juan Casares e José Luís Ferro, acompañados da alcaldesa de Cenlle, Rebeca Sotelo, visitaron á empresa Cienporcel, localizada na aldea de Osmo deste concello ourensán, un proxecto que amosa a importancia da innovación e o emprendemento como valores fundamentais para xerar riqueza e emprego no rural galego. Ademais da posta en marcha dunha explotación sostible e ambientalmente positiva dunha raza autóctona galega, destacaron a nova aposta desta empresa por outras actividades como o turismo, a través de visitas guiadas á explotación, catas e degustación de embutidos de porco celta maridados con viños da denominación de orixe Ribeiro.

Cienporcel é unha empresa familiar liderada por Martín Touceda e creada no ano 2020 en Osmo, na que foi a primeira das aldeas modelo impulsadas pola Xunta de Galicia. A súa actividade abrangue o ciclo completo: desde a fase de produción mediante a cría e engorde de porcos celta, á transformación da carne en produtos derivados ata a distribución e comercialización.

“Da granxa á mesa, como xeito de quedar con todo o valor engadido da produción e, ao mesmo tempo, poñendo en valor o rural como un espazo para vivir nel e del”, sinalou Juan Casares.

Os deputados popular destacaron a nova aposta empresarial que está a impulsar Cienporcel, baseada no atractivo turístico da súa actividade, amosando aos visitantes a explotación acompañada de catas de degustación de produtos cárnicos maridados con outros de proximidade como o viño do Ribeiro.

Deste xeito, José Luís Ferro subliñou “a aposta desta empresa por sistemas de explotación sostibles e ambientalmente positivos, introducindo novas variedades de produtos no mercado froito dunha inquietude e capacidade de emprendemento constantes”.

Cienporcel está adscrito ao selo de calidade Artesanía alimentaria de Galicia, o que garante que os seus produtos están elaborados por un artesán e que seguen uns procesos produtivos controlados dentro dos parámetros e características que rexen a artesanía e que diferenza ao produto final do obtido pola industria.

Desde a súa creación, esta empresa ten sido recoñecida con galardóns como o Premio Galicia Alimentación ao Produto Excelente, que organiza o Clúster Alimentario de Galicia.

Alfonso Rueda participa na firma da ‘Declaración da Rexión de Murcia’

O presidente do PPdeG, Alfonso Rueda, participou esta mañá xunto ao resto de dirixentes dos gobernos autonómicos do Partido Popular no acto de presentación e firma da ‘Declaración da Región de Murcia’, que estará encabezado polo presidente nacional do partido, Alberto Núñez Feijóo.

Unha declaración que ten por obxectivo facer fronte aos grandes retos que afronta España en materia de igualdade, inmigración, transporte, infraestruturas e enerxía e defensa do sector primario.

Alfonso Rueda destacou a abordaxe de tres «retos crave» como son o financiamento autonómico, a vivenda ou a migración. «Un compromiso conxunto para recuperar a política como servizo público e dar respostas reais á xente», asegurou.

As senadoras populares Nidia Arévalo e Pepa Pardo piden a dimisión inmediata da ministra de Igualdade pola súa “incompetencia” beneficiando a agresores en lugar de protexer as víctimas de violencia de xénero

As senadoras populares Nidia Arévalo e Pepa Pardo piden a dimisión inmediata da ministra de Igualdade,  pola súa “incompetencia”, por atacar directamente ás vítimas de violencia de xénero, beneficiando a agresores en lugar de protexer as víctimas de violencia, a víctimas que temen pola súa vida e que están en risco.

Nidia Arévalo indicou que estamos antes un novo ataque á dignidade das mulleres por parte do goberno de España.

“O goberno que se autodefine como o máis feminista da historia da democracia e o que vén a ser é o goberno que leva cometido a maioría dos escándalos máis duros, máis atroces da historia da democracia en materia de violencia de xénero e de igualdade. A dignidade das mulleres se respecta, se defende e se protexe, non se negocia con ela. Pero esta non é a realidade do PSOE e da ministra Redondo” precisou a senadora popular.

“Pulseiras antimaltrato compradas nunha plataforma non oficial, pulseiras de AliExpress. Que provoca? Provoca falta de cobertura, provoca poder manipulalas e provoca ademáis a desaparición de moitísimos datos que están beneficiando aos agresores e están deixando tiradas ás víctimas, desprotexidas e tememos pola súa vida”, destacou Nidia Árevalo.

“A pregunta que nos facemos é cantas víctimas están desprotexidas. Cantas víctimas temen pola súa vida? Cantas mulleres están en situación de pánico e cantos agresores foron beneficiados? Podemos ver como as mulleres non queren o sistema porque teñen o agresor na súa porta e non o saben. Podemos ver como hai mulleres que lles salta a alarma toda a noite, cando o seu agresor está moi lonxe da súa casa. Este é o sistema que pon en marcha o PSOE·, precisaron.

“Quero rematar facendo unha pregunta á cidadanía, facéndolle unha pregunta á ministra Redondo e tamén a todos os socialistas. Que pasaría se fose unha ministra do PP a que excarcerase agresores, a que deixara ás víctimas con pulseras que non funcionan? Que pasaría?”, pregunta Nidia Arévalo.

O PPdeG salienta que o futuro protocolo de prevención fronte a situacións de violencia para traballadoras do SAF mellorará a seguridade e tranquilidade coa que se presta este servizo

Os deputados do Grupo Popular Ethel Vázquez e Jesús María Fernández Rosende salientaron hoxe que o futuro protocolo de prevención fronte a situacións de violencia ou agresións para as traballadoras do servizo de axuda no fogar (SAF), no que están a traballar conxuntamente a Xunta e a Fegamp, permitirá mellorar a seguridade e tranquilidade coa que se presta este servizo en Galicia.

“A pesar de tratarse dun servizo de competencia municipal, o Goberno galego está firmemente comprometido coa prestación deste importante servizo a máis de 23.000 galegos e en garantir a máxima seguridade ás traballadoras que o prestan”, manifestou Ethel Vázquez. Así, afirmaron que neste momento estase a recompilar información sobre os procesos, funcións e tarefas das traballadoras do SAF co obxectivo de avanzar na redacción dun borrador que será presentado a todas as partes implicadas na prestación deste servizo.

USUARIOS MULTIPLICADOS POR 8

Neste sentido, os deputados destacaron que o numero de usuarios do servizo de axuda no fogar en Galicia multiplicouse por 8 desde 2009, “un incremento de beneficiarios que non se viu acompañado por unha suba das aportacións do Goberno de Pedro Sánchez para a prestación dos servizos de dependencia”. En concreto, criticaron que, mentres a Xunta incrementou un 12 por cento o orzamento destinado á dependencia, chegando a sufragar na actualidade máis do 65 por cento do custo, o Goberno central abona menos do 34 por cento, cando a lexislación vixente obrígao a aportar o 50 por cento.

Fernández Rosende considerou “indignante que mentres o Goberno de Pedro Sánchez rebaixou en Galicia a súa aportación para a prestación da dependencia do 40 ao 34 por cento entre os anos 2023 e 2024, xa se comprometeu co País Vasco a asumir o 50 por cento da dependencia”.

“A esta situación súmase os máis de 2.500 millóns de euros que o Goberno central xa debe a Galicia pola prestación da dependencia, unha cifra resultante da suma de todo o tempo que leva sen abonar o 50 por cento do custo da prestación deste servizo que lle corresponde por lei”, apuntaron.