Alfonso Rueda anima aos lucenses a amosar a fortaleza do PPdeG para impulsar en España o 29N o modelo galego “da política real e útil”

O presidente do PPdeG, Alfonso Rueda, insistiu hoxe en que Galicia ten que ser “o motor do cambio” para que Alberto Núñez Feijóo sexa o próximo presidente do Goberno de España. Para iso, animou aos lucenses a amosar a fortaleza do PPdeG e, así, impulsar a partir do 29N en todo o país o modelo galego “da política real e útil”.

Así o manifestou este mediodía ante máis de 1.000 persoas que participaron na tradicional pulpada de San Froilán organizada polo PP da provincia de Lugo, acompañado pola presidenta provincial e alcaldesa de Lugo, Elena Candia. Tamén asistiron a secretaria xeral do PPdeG, Paula Prado, e o presidente do PP local, Ramón Carballo.

Durante o seu discurso, o líder dos populares galegos afirmou que “Lugo é a provincia onde se espera o mellor resultado de toda España”, un “orgullo” pero tamén unha “responsabilidade” polo que pediu un “esforzo máis” para darlle a Galicia o Goberno central que se merece e, para que en maio de 2027 sigamos “sumando máis alcaldes e alcaldesas”. “Temos que mandar unha mensaxe de que queremos seguir progresando”, engadiu.

Neste sentido, sinalou que Galicia é unha “terra de paz”, criticando as escenas que vivimos esta semana na Coruña. “Esa xente violenta e intolerante non nos representa”, dixo, facendo fincapé en que partidos como o “BNG non son capaces de condenalo”. “Isto en Lugo e Galicia non ten cabida”, remarcou Alfonso Rueda.

Fronte a partidos como o BNG e, tamén o PSdeG, que apoiaron a Sánchez a cambio de nada, Alfonso Rueda puxo en valor a estabilidade e moderación do Goberno galego, que vén de aprobar o proxecto dos Orzamentos para 2027. Destacou os investimentos para a provincia, poñendo como exemplo as vivendas que hai en marcha -só na cidade, 615-. Uns orzamentos que apostan pola cohesión de todos os territorios, e por iso os maiores investimentos por habitante son para as provincias de Lugo e Ourense, con importantes partidas.

Neste sentido, Rueda insistiu na importancia de seguir traballando e ter sempre “a maquinaria engraxada”. Pediu seguir buscando a máxima confianza dos lucenses e galegos, remarcando que o “PP de Lugo sempre está onde hai que estar”. Referiuse a que dende a pulpada do ano pasado a esta edición “moito cambiaron as cousas”: “Por fin temos a oportunidade o 29N de facer que un galego sexa o próximo presidente de España” e “este ano preside o encontro a alcaldesa de Lugo”, como mostra de que o traballo dos populares ten resultados. “E o ano que vén, estou seguro, teremos un novo presidente do Goberno de España: Alberto Núñez Feijóo”, engadiu.

CANDIA: “XUNTOS PODEMOS LOGRAR QUE FEIJÓO SEXA O PRÓXIMO PRESIDENTE DO GOBERNO”

Pola súa parte, a presidenta do PP da provincia e alcaldesa de Lugo, explicou que “cada vez que chega o outono nos xuntamos para facer balance do que fixemos durante todo o ano, planificar o noso futuro e celebrar que somos cada vez máis, estamos máis unidos e somos máis fortes”. Pero “o importante non é o que logramos ata agora, senón o que podemos lograr xuntos”.

Elena Candia subliñou que “esta xuntanza xa estaba organizada cando se convocaron as eleccións” porque “é o que facemos sempre”. Pero subliñou que “este ano é un pouco distinta”. Así, tras conquerir o goberno da cidade, o Partido Popular está a gobernar nos Concellos para “máis do 65% da poboación da provincia grazas ao traballo de todos os que estades aquí, os alcaldes e os seus equipos”. Así quixo agradecer “a quen fixo posible que hoxe podamos compartir estas cifras e a todo o equipo de persoas que nos permiten materializar o noso modelo de cidade con rigor, transparencia, contando a verdade e traballando sen meternos con ninguén”.
Pero, este ano, ademais, “temos a oportunidade de poñer no Goberno a Alberto Núñez Feijóo, unha persoa que apreciades e que apoiades”. Nese sentido, confía en que “traballaremos xuntos” dende a “humildade” que é “a nosa fortaleza”. Candia manifestouse tamén “honrada” de “militar no partido que máis defende á provincia.

En relación á campaña electoral de cara ao 29N avanzou que “seguramente sexa moi dura” e que “seguramente escoitemos cousas que non son certas”. Así, lembrou que “Feijóo é a mellor garantía para as nosas pensións, non as vai poñer en perigo; vai ser o mellor garante das nosas infraestruturas e da nosa provincia”. “O que hai enfronte xa se define solo: no PSOE eles mesmos din que non son fiables e, a outra forza, “onte defendía o seu modelo ao lado dun alcalde de Bildu”.

En canto aos Orzamentos da Xunta asegurou que “o Goberno galego goberna con orzamentos, para resolver os problemas da xente como fan os alcaldes e o goberno de Lugo”. E subliñou que “avanzan as obras do corredor Nadela-Sarria, temos máis fondos para dependencia, para os nosos maiores, para apoiar ao sector primario e os Concellos contan con apoio para os seus proxectos. Facemos o que sabemos facer, non enganar a ninguén”. Polo que cre que “seguiremos sendo o que fomos nas últimas xerais e autonómicas: os claros vencedores”, concluíu.

O PPdeG pon en valor as axudas da Xunta de máis de 3,6 M€ para compensar o sobrecusto do gasóleo e dos fertilizantes no sector agrogandeiro

O PPdeG reivindicou “o compromiso firme e con feitos” do Goberno galego co sector agrogandeiro fronte ao incremento dos custos de produción, principalmente, no referido ao gasóleo agrícola e aos fertilizantes.

Durante unha visita recente ao Centro de Desenvolvemento Agrogandeiro do Inorde, en Xinzo de Limia, os deputados do Grupo Parlamentario Popular Cristina Campero e Miguel Viso puideron coñecer de primeira man o traballo que desde estas instalacións se fai a prol do sector. E aproveitaron para enxalzar a nova orde de axudas, de máis de 3,6 M€ –dos cales 1,6 M€ proceden dunha achega procedente da Comisión Europea e 2 M€ son adicionais da Xunta-, que o Goberno galego lanzará para paliar o encarecemento do gasóleo agrícola e dos fertilizantes, e que ten como obxectivo apoiar de forma directa aos profesionais que apostan pola viabilidade do campo, as explotacións profesionais e o desenvolvemento do rural.

Neste senso, explicaron que estes apoios contarán cunha tramitación simplificada e aboaranse antes de que remate o ano para dar liquidez directa aos agricultores e gandeiros autónomos cuxos ingresos dependan polo menos nun 25 % da actividade agraria.

Para a deputada popular Cristina Campero, estas axudas son “unha mostra do compromiso real e con feitos” da Xunta cos profesionais do campo nun momento de dificultade, correspondendo ao esforzo da xente que o fai ben. Porque, segundo dixo, garantir a estabilidade e a rendibilidade resulta fundamental para asegurar a remuda xeracional no rural e permitir que a mocidade aposte por este sector.

Pola súa banda, o deputado Miguel Viso remarcou que “a verdadeira defensa do rural faise con política útiles”, a través de recursos que chegan directamente ao sector produtor e que poñen en valor o liderado lácteo de Galicia, que concentra máis da metade das explotacións de España e produce o 42 % do leite do Estado.

Os deputados populares concluíron reiterando que o futuro do rural pasa por apoiar aos gandeiros que apostan pola calidade, pola sustentabilidade e pola protección da biodiversidade. Así, incidiron no compromiso da Xunta para continuar sendo un aliado do sector primario, impulsando medidas que reforcen a súa competitividade e contribúan a fixar poboación no territorio.

INICIATIVA NO PARLAMENTO PARA UN REPARTO MÁIS XUSTO
Ao fío disto, os deputados lembraron que o Grupo Popular rexistrou unha iniciativa no Parlamento para solicitar ao Goberno central a revisión dos criterios das axudas estatais para fertilizantes, esixindo cambios normativos para un reparto “máis xusto e acorde coa realidade produtiva de Galicia”.

Dende o PPdeG denunciaron o “desequilibrio territorial” dun modelo de Pedro Sánchez que deixa á comunidade con só o 0,6 % destes fondos, prexudicando gravemente a un sector clave economicamente onde a superficie agraria está moi vinculada á produción de forraxes e á alimentación do gando. Con esta iniciativa, os populares avogan por que os apoios estatais “se aproximen o máximo posible aos custos que realmente soportan os profesionais”, sumándose así á reclamación que a propia Xunta xa trasladou formalmente a Madrid.

CENTRO DE DESENVOLVEMENTO AGROGANDEIRO
A elección do Centro Agrogandeiro responde precisamente ao seu coñecemento directo desta materia. As súas instalacións funcionan como laboratorio e punto de apoio técnico para agricultores e produtores da provincia, aos que presta servizos de análise de solos e asesoramento posterior, incluídas recomendacións específicas de fertilización.

Servando Álvarez, director técnico do centro e cunha longa traxectoria no asesoramento aos produtores da Limia, ten desenvolvido ademais traballo específico arredor da racionalización da fertilización dos cultivos e da xestión de fertilizantes

Rueda chama a “pisar o acelerador” para que Galicia sexa, de novo, “o gran motor do cambio” en España, con Alberto Núñez Feijóo á fronte

O presidente do PPdeG, Alfonso Rueda, aspira a que o PPdeG sexa, de novo, “un gran motor de cambio”, con “valentía, forza e convicción”, polo que urxe aos populares que “pisen o acelerador” para contribuír á vitoria de Alberto Núñez Feijóo nas Eleccións Xerais do 29 de novembro, a quen lle deu a benvida “á súa casa”. Así o manifestou nun multitudinario acto de precampaña na Estación Marítima de Vigo, onde preto de 2.000 persoas de toda Galicia arrouparon ao presidente do PP nacional.

“No PPdeG temos sempre a maquinaria activada. Temos que dalo todo: por Galicia, porque somos orgullosamente galegos, pero tamén por España, porque tamén somos orgullosamente españois. Non renunciamos nin a unha cousa nin a outra”, sinalou durante o acto, no que tamén participou a presidenta do PP local, Luisa Sánchez e asistiron, entre outros, a secretaria xeral do PPdeG, Paula Prado, e o presidente do PP da provincia de Pontevedra, Luis López.

Para Rueda, o presidente do PP nacional, Alberto Núñez Feijóo, está “no seu mellor momento”, primordial para o cambio que Galicia “necesita de xeito inaprazable”, insistindo en que os galegos e galegas precisan un Goberno central “que non discrimine, porque non queremos máis ca ninguén, pero non admitimos menos”. Neste punto, lembrou o momento tan crítico que vive o país cun Goberno central que “só se preocupa dos seus intereses persoais e non das preocupacións da xente”, unha situación que “ten que acabar xa”.

O líder dos populares galegos engadiu que “ademais do mellor candidato”, tamén hai “as mellores candidaturas”. Así, agradeceu a xenerosidade dos que deixan paso e tamén a implicación dos candidatos que chegan e dos que repiten. Neste punto, tivo palabras de agarimo para o presidente do Parlamento galego, Miguel Ángel Santalices, número un por Ourense ao Senado, e para Fabiola García, actual responsable da área de Política Social e Igualdade do Goberno galego, que vai de número dous por A Coruña ao Congreso.

Durante a intervención, apelou á “vantaxe” de Galicia neste reto electoral, porque “coñece e recoñece a Alberto Núñez Feijóo”, xa que os galegos e galegas “saben que é unha boa persoa, que atende e resolve”, converténdose no “líder” que España precisa. Pola contra, lamentou “a falta de principios, manipulacións e negacións da realidade” que rodean ao actual presidente do Executivo central, Pedro Sánchez.

Tamén fixo un guiño á situación de Vigo, onde tamén goberna o sanchismo con Abel Caballero, polo que anima a Luisa Sánchez e ao seu equipo a seguir loitando polo cambio que virá despois das Eleccións Xerais, da man da “política sana e con principios do PP”.

“GALICIA NON VAI TOLERAR A VIOLENCIA”

O presidente de PPdeG tamén se referiu aos actos violentos que deixaron policías feridos e causaron numerosos altercados na Coruña e que o independentismo galego non condenou aínda. “Galicia non vai tolerar a violencia. Galicia non é esa, que o teñan claro os demais”, dixo.

Rueda lamentou a actitude dos “últimos mohicanos” que defenden a Sánchez “por riba de todo”, como o caso de Abel Caballero, pero tamén criticou a actitude dos “cómplices” do Goberno central, o BNG, que “se mantén bravo en Galicia e manso en Madrid”, sen que puideran dicir que conseguiron nada para Galicia. “Todo foi unha gran estafa e ten que rematar xa”, concluíu.

LUISA SÁNCHEZ: “A PAPELETA DE SÁNCHEZ E CABALLERO É A MESMA”

Pola súa banda, Luisa Sánchez recordou a vinculación de Alberto Núñez Feijóo coa cidade olívica e emprazou á militancia a “corresponderlle” nas urnas. Neste sentido, chamou a erixir ao PP na primeira forza política o próximo 29 de novembro. “Non aspiro a menos que iso. Imos conseguilo”, afirmou.

Ao respecto, remarcou que o propio PSOE vigués “xa asume que vai perder as eleccións”. Así se deduce da “fuga” do subdelegado do Goberno na provincia de Pontevedra, Abel Losada, ao Congreso e do “oco que xa lle reservaron nas listas municipais” do 23 de maio ao delegado da Zona Franca de Vigo, David Regades.

A presidenta do PP local lembrou que o Goberno de Pedro Sánchez foi “o peor da historia recente” para Vigo ao “illarnos por terra, mar e aire”.  Ao respecto, citou os retrasos na conexión de alta velocidade con Portugal, a parálise que sofre a ampliación da autovía A-52, a negativa a outorgar a categoría de nodal ao porto vigués ou a fuga de voos pola suba de taxas aeroportuarias, entre outras. Do mesmo xeito, lamentou que o Goberno de España e Concello de Vigo non construísen unha soa vivenda na cidade nos últimos oito anos.

Tamén lamentou que, malia todos estes agravios, o alcalde de Vigo, Abel Caballero, foi o primeiro en saír en defensa de Sánchez ao facer balance da lexislatura que agora remata. “Non podemos esquecer isto. Pedro Sánchez e Abel Caballero son o mesmo. A súa papeleta é a mesma. “E igual que acabaremos co socialismo no Goberno central, temos que acabar co socialismo no Goberno local”, dixo.

Ademais, reivindicou a representación viguesa nas listas do Partido Popular ao Congreso, agradecendo o “peso da cidade” no proxecto de Alberto Núñez Feijóo.

O Parlamento insta ao Goberno a completar as tarefas de limpeza de biomasa pendentes ao longo de toda a rede ferroviaria galega

O Parlamento de Galicia aprobou hoxe instar ao Goberno central a que acometa as actuacións de prevención e xestión da biomasa pendentes ao longo de toda rede ferroviaria de Galicia, co obxectivo de protexer o territorio fronte aos incendios forestais. “ADIF ten unhas obrigas preventivas e debemos saber se as está cumprindo”, sinalou a deputada do Grupo Parlamentario Popular Cristina Campero.

A parlamentaria referiuse aos incendios rexistrados no pasado mes de xullo nos concellos de Maside, Punxín, Amoeiro e Ourense, cuxa posible relación co paso dun tren de mercadorías está a ser investigada; e ao de San Cribrao das Viñas, ocasionado pola caída dunha árbore seca sobre a catenaria; que puxeron de manifesto a importancia de extremar todas as medidas de prevención. Por este motivo, a deputada popular reclamou que se reforcen as tarefas de inspección e mantemento nas franxas de protección das vías, poñendo o foco naqueles treitos que presentan unha maior vulnerabilidade e se teña en conta, con especial sensibilidade, durante a campaña de alto risco –actualmente, en vigor ata o 31 de outubro-.

Ao abeiro da iniciativa popular –que saíu adiante sen votos en contra-, a deputada Cristina Campero solicitou información detallada sobre o grao de execución dos traballos do Plan anual de prevención e tratamento da biomasa, desenvolvidos por ADIF durante o presente exercicio, indicando as actuacións realizadas es que aínda permanecen pendentes: “Queremos saber que traballos se fixeron, que zonas se inspeccionaron, que actuacións quedaron pendentes e que medidas se están adoptando para reducir o risco”.
Segundo apuntou, a limpeza da vexetación e o mantemento das faixas de protección arredor das infraestruturas constitúen actuacións imprescindibles para reducir o risco de lumes e dificultar a súa propagación. “Se a un veciño se lle esixe manter limpa a súa parcela porque supón un risco de incendio, como non lle imos esixir a unha entidade pública que manteña as faixas de protección da infraestrutura que xestiona?”, indicou Campero.

A parlamentaria popular salientou que as infraestruturas ferroviarias requiren unha atención especial, tendo en conta a extensión da rede ferroviaria e a súa presenza en amplas zonas forestais; polo que considerou imprescindible que a empresa pública ADIF, dependente do Ministerio de Transportes, asuma as súas responsabilidades co máximo rigor. Para Cristina Campero, a mellor ferramenta para combater os lumes é anticiparse á súa aparición.

A iniciativa dos populares contempla, tamén, solicitar ao Goberno central a revisión de todos os protocolos de prevención e actuación fronte ao risco de incendios asociados á explotación ferroviaria, co fin de fortalecer de maneira efectiva a coordinación cos servizos autonómicos de emerxencias e prevención de incendios.

Para rematar, recordou o “esforzo importante” que a Xunta está a facer neste ámbito. Precisamente, neste 2026, destina máis de 75 M€ á prevención, cun incremento do 50 % respecto ao ano anterior.

O equipo do PPdeG que concorrerá ás Eleccións Xerais do 29N nas listas do Congreso e do Senado traballará para ser “o motor do cambio en España”

O PPdeG xa ten conformadas as listas das catro provincias para concorrer ás Eleccións Xerais do próximo 29 de novembro. Compostas por perfís diversos, o PPdeG busca que estas mulleres e homes sexan o motor do cambio en España. Os populares darano todo para que Alberto Núñez Feijóo sexa o próximo presidente de España, porque o merece e porque os galegos e galegas gañaremos co proxecto do Partido Popular.

As persoas que van nas listas, tanto ao Congreso dos Deputados e ao Senado, terán o cometido de levar ás institucións nacionais as prioridades e retos de Galicia. Os populares, que combinan unha extensa traxectoria política e unha contrastada experiencia con perfís novos e renovados con un forte compromiso, contribuirán ao proxecto que preside Alberto Núñez Feijóo e, así, por fin rematar co desgoberno de Pedro Sánchez e os desprezos constantes a Galicia.

As cabeza de lista ao Congreso serán Miguel Tellado por Coruña, Francisco Conde por Lugo, Ana Belén Vázquez por Ourense e Julio García Comesaña por Pontevedra. No caso do Senado, serán José Manuel Rey Varela por Coruña, José Manuel Barreiro por Lugo, Miguel Santalices por Ourense e Nidia Arévalo por Pontevedra. E como xa se anunciou, a actual responsable da área de Política Social e Igualdade do Goberno galego concorrerá ao 29N como número dous ao Congreso pola provincia da Coruña.

 Na seguinte táboa pódense consultar as candidaturas completas:

CONGRESO
A CORUÑA
1.MIGUEL ÁNGEL TELLADO FIGUEIRA
2. FABIOLA GARCÍA MARTÍNEZ
3. ÁLVARO PÉREZ LÓPEZ
4. OLAYA OTERO SANJURJO
5. MANUEL RUIZ RIVAS
6. TRISTANA MORALEJA GÓMEZ
7. GONZALO MORA DO CAMPO
8. NOELIA FREIJEIRO NOVO
SUPLENTES
1. LUIS MANUEL INSUA LAGO
2. MARÍA AURORA FERNÁNDEZ BLANCO
3. JOSÉ PABLO GONZÁLEZ CACHEIRO
LUGO
1. FRANCISCO JOSÉ CONDE LÓPEZ
2. CRISTINA ABADES MARTÍNEZ
3. JAIME DE OLANO VELA
4. ALICIA LÓPEZ RODRÍGUEZ
SUPLENTES
1.FRANCISCO JAVIER VÁZQUEZ NODAL
2. ELENA SIERRA PULPEIRO
3. RAMÓN CARBALLO PAEZ
OURENSE
1. ANA BELÉN VÁZQUEZ BLANCO
2. ROBERTO GONZÁLEZ RODRÍGUEZ
3. ROSA QUINTANA CARBALLO
4. CELSO LUIS DELGADO ARCE
SUPLENTES
1.SONIA OGANDO VÁZQUEZ
2. RICARDO GONZÁLEZ GÓMEZ
3. PATRICIA LAMELA RODRÍGUEZ
4. MARTÍN GIL BLANCO
PONTEVEDRA
1.JULIO GARCÍA COMESAÑA
2. MARÍA JOSÉ PARDO PUMAR
3. PEDRO PUY FRAGA
4. IRENE GARRIDO VALENZUELA
5. JUAN ANDRÉS BAYÓN ROLO
6. SARA MARTÍNEZ SALGADO
7. ALFONSO VÁZQUEZ REBOREDO
SUPLENTES
1.MARÍA ANTONIA SANMARTÍN GARCÍA
2. PÍO MILLÁN BLANCO
3. ANTÍA ROSA CARRERA COUSELO
4. ÓSCAR ALONSO ÁLVAREZ
5. ANA BELÉN RODRÍGUEZ PINO
6. FRANCISCO JESÚS REPRESAS CARRERA
7. RUTH ÁLVAREZ GONZÁLEZ
8. MANUEL ARZÚA DOPAZO
9. ALBA MARTÍNEZ GUERREIRO
10. ALBERTO CALDAS PEREIRA

                                                    SENADO
A CORUÑA
1.JOSÉ MANUEL REY VARELA
Suplente 1: LAURA SALGADO GARCÍA
Suplente 2: GUMERSINDO PEDRO GALEGO FEAL
2. MARTA GONZÁLEZ VÁZQUEZ
Suplente 1: PEDRO ANTONIO LÓPEZ RÍOS
Suplente 2: KRISTEL TESTA AMENEIROS
3. ADRIÁN PARDO LÓPEZ
Suplente 1: VERÓNICA MARÍA CASAL MÍGUEZ
Suplente 2: ÁNGEL MANUEL GONZÁLEZ CARNEIRO
LUGO
1. JOSÉ MANUEL BARREIRO FERNÁNDEZ
Suplente 1: KARIN MAGO MARCANO
Suplente 2: ALEJANDRO PÉREZ BATALLÓN ORDÓÑEZ
2. DOLORES CASTRO OCHOA
Suplente 1: PABLO FIGUEIRAS REGUERA
Suplente 2: ENCARNACIÓN BERNAL MARÍN
3. JUAN MANUEL SERRANO LÓPEZ
Suplente 1: ROSA MARÍA ARZA RODRÍGUEZ
Suplente 2: DANIEL OROSA PICO
OURENSE
1.MIGUEL ÁNGEL SANTALICES VIEIRA
Suplente 1: DIANA PÉREZ FERNÁNDEZ
Suplente 2: BERNARDO RODRÍGUEZ DANOZ
2. ROSA MARÍA SÁNCHEZ GÁNDARA
Suplente 1: MANUEL ÁNGEL FERNÁNDEZ MOVILLA
Suplente 2: MARÍA BELÉN IGLESIAS CORTÉS
3. JOSÉ ANTONIO CERDEIRA PÉREZ
Suplente 1: ANA PATRICIA TORRES MADUREIRA
Suplente 2: RODRIGO APARICIO SANTAMARÍA
PONTEVEDRA
1. NIDIA MARÍA ARÉVALO GÓMEZ
Suplente 1: SANTIAGO RODRÍGUEZ DÁVILA
Suplente 2: ANA MARÍA ALONSO ALONSO
2. JOSÉ CRESPO IGLESIAS
Suplente 1: MONTSERRAT MARÍA OTERO OITAVÉN
Suplente 2: VICENTE BÚA MARTÍNEZ
3. MÓNICA DOMÍNGUEZ ESTÉVEZ
Suplente 1: GUILLERMO JUNCAL PEÑAS
Suplente 2: ALBA MARTÍNEZ OUBIÑA

O Parlamento aproba impulsar a recuperación das razas autóctonas con máis axudas ás asociacións de criadores

O Parlamento de Galicia vén de aprobar, por unanimidade, unha iniciativa do Grupo Parlamentario Popular na que se insta á Xunta de Galicia a valorar a situación actual da recuperación das razas autóctonas galegas e a adoptar novas medidas para o seu impulso, a través do incremento de axudas ás asociacións de criadores.

O obxectivo, tal e como sinalou o deputado popular Enrique Barreiro, é asegurar o relevo e a viabilidade dun sector estratéxico, xa que a supervivencia destas razas depende, directamente, da rendibilidade real dos produtores e da capacidade das asociacións para ofrecer servizos técnicos de calidade.

A este respecto, apuntou que o rural de Galicia produce alimentos e materias primas de calidade excepcional que aseguran o subministro alimentario e manteñen vivos os concellos de menor tamaño. Neste contexto, defendeu que as razas autóctonas galegas constitúen un patrimonio xenético e ecolóxico incalculable que cómpre protexer con decisión.

UN ALICERCE PARA FIXAR POBOACIÓN E PREVIR INCENDIOS
Máis alá do seu valor biolóxico, estas razas son o alicerce de moitas explotacións que operan en sistemas extensivos. Neste senso, o parlamentario remarcou o papel crucial que xogan estes produtores á hora de fixar poboación nas zonas de montaña, así como a súa achega directa á xestión sostible do territorio e á prevención de incendios forestais.

Por iso, insistiu en que investir neste eido repercute positivamente no conxunto da sociedade galega e na conservación do noso medio natural.

APOIO DA ADMINISTRACIÓN ANTE O INCREMENTO DE CUSTOS
O deputado puxo en valor a convocatoria de axudas por parte do Goberno galego, que conta cun orzamento de 270.000 euros. Un investimento que cualificou como un paso positivo e un recoñecemento necesario ao labor das asociacións de criadores, que asumen tarefas tan complexas como a xestión dos Libros Xenealóxicos, o desenvolvemento dos Programas de Cría e a conservación do gando.

Porén, Barreiro advertiu de que o actual contexto de incremento de custos de produción esixe ir máis alá e avaliar de forma continua se os recursos son abondo para garantir a modernización das vertentes xenéticas. Segundo concluíu o voceiro popular, cómpre adoptar medidas de impulso engadidas para que o traballo destas asociacións se traduza nunha estabilidade económica real para as familias que viven do gando autóctono.

Finalmente o parlamentario autonómico lembrou que “a riqueza de Galicia no só está no seu patrimonio artístico, tamén está no natural, e o reto é seguir avanzando e garantido que as novas xeracións poidan desfrutar do que nós temos”.

O Parlamento reclama ao Goberno central “máis apoio efectivo” para o sector marisqueiro e as confrarías galegas

O Parlamento de Galicia aprobou hoxe dúas iniciativas do Grupo Parlamentario Popular nas que se reclama ao Goberno central un incremento substancial do apoio e a protección para o sector marítimo-pesqueiro, incidindo especificamente nas demandas das mariscadoras e das confrarías de pescadores de Galicia.

A través destas propostas, os populares instan ao Executivo estatal a adoptar medidas urxentes e eficaces que vaian máis alá de promesas incumpridas e que garantan a viabilidade económica dun sector estratéxico para miles de familias na costa galega.

EXENCIÓN DO 100% DAS COTAS PARA AS MARISCADORAS
A deputada popular Nazareth Cendán incidiu na urxente necesidade de protexer ás profesionais do marisqueo –maioritariamente mulleres- que, tras a suspensión de forma temporal da súa actividade por causas alleas a elas, seguiron efectuando o pago íntegro das cotas mensuais á Seguridade Social.

Para a parlamentaria popular, resulta incomprensible e de evidente desigualdade que estas profesionais, por motivos totalmente alleos á súa vontade como os temporais ou a mortaldade do bivalvo, teñan que afrontar o pago íntegro das cotas sen xerar un só euro. Tal e como explicou, esta falta de protección ante causas de parálise de actividade “é responsable única e exclusiva do Goberno de Pedro Sánchez”.

Neste senso, cualificou de inexplicable o bloqueo que o Executivo central teña paralizada a tramitación parlamentaria do proxecto de lei co que se comprometera a exención destas taxas, acumulando sucesivas ampliacións nos prazos de emendas. “É incomprensible e inasumible que o Goberno de Pedro Sánchez mire cara a outro lado, mentres segue asfixiando a quen non pode faenar”, denunciou.

Por iso, a iniciativa, que foi aprobada por unanimidade, insta á Xunta a esixir ao Instituto Social da Mariña a aprobación inmediata dunha exención extraordinaria do 100 % nas cotas para as mariscadoras afectadas por estas paradas que non conten coa protección por cese de actividade. Unha medida que, segundo reclamou Cendán, debe garantir o mantemento da alta no Réxime Especial do Mar e recoñecer os períodos como cotizados con carácter retroactivo.

“Esta iniciativa pide que as nosas mariscadoras sexan tratadas coa mesma xustiza coa que se tratou a outros sectores en situacións de forza maior e pide que o Goberno de España cumpra as súas obrigas legais e constitucionais, xa que a competencia en materia de Seguridade Social é exclusivamente estatal”, sentenciou.

AXUDAS ESPECÍFICAS PARA AS CONFRARÍAS GALEGAS
Pola súa banda, a deputada popular Dolores Hermelo defendeu a segunda das iniciativas –que saíu adiante sen votos en contra– para pedir “máis apoio efectivo” ás 63 confrarías de pescadores de Galicia –que representan o 28% de todo o Estado-, cuxo bo funcionamento garante o futuro de miles de postos de traballo. Hermelo alertou do impacto que a falta de persoal nas Capitanías Marítimas e a plena aplicación do Regulamento de Ordenación da Navegación Marítima están a provocar no sector ao xeneralizarse os despachos e roles electrónicos.

A parlamentaria popular explicou que este proceso derivou nunha externalización de tarefas administrativas estatais cara ás confrarías galegas, que agora actúan como intermediarias en contratos, enrolamentos e xestións dixitais sen recibir recursos a cambio. Segundo advertu, estase producindo un desprazamento efectivo da carga de traballo desde as Capitanías cara ás confrarías, o que está a supor un sobreesforzo de xestión e responsabilidade para unhas entidades que non teñen por que suplir as carencias de persoal e medios da Administración do Estado. “Non se lles pode cargar de tarefas e de responsabilidades que non lle corresponden como propias”, dixo.

Por este motivo, os populares instan á Xunta a demandar ao Goberno de España a posta a dispor, con carácter inmediato, dunha “liña específica de axudas compensatorias destinada ás Confrarías de Pescadores e ás súas Federacións que compense as funcións que complementan ao Estado, corrixa a asfixia administrativa e garanta unha resposta áxil e próxima para todos os profesionais do mar.

O Parlamento pide que se estude a implantación do modelo de atención extrahospitalaria para pacientes oncohematolóxicos en Cangas

O Parlamento de Galicia vén de aprobar, por unanimidade, unha iniciativa do Grupo Parlamentario Popular na que se insta ao Goberno galego a estudar a implantación no Centro de Saúde de Cangas do modelo de atención extrahospitalaria para pacientes oncohematolóxicos. O obxectivo é que se permita a administración no propio centro sanitario daqueles tratamentos que poidan realizarse con total seguridade fóra do ámbito hospitalario.

“Trátase de aproveitar os recursos sanitarios con intelixencia, reservando a atención hospitalaria para aquilo que realmente a necesita, achegando os tratamentos ao territorio cando existen garantías clínicas e organizativas para facelo”, apuntou a deputada popular Dolores Hermelo. Neste senso, defendeu que a mellora da atención sanitaria pasa por achegar os servizos aos pacientes e buscar novas fórmulas asistenciais que permitan ofrecer unha atención máis próxima e máis adaptada ás necesidades de cada persoa.

Con este propósito, puxo en valor que o Sergas desenvolva novas modalidades de atención extrahospitalaria para determinados pacientes oncohematolóxicos que posibilitan que terapias que antes esixían acudir ao hospital poidan realizarse agora no domicilio do paciente ou nun centro de saúde próximo ao seu lugar de residencia.

Para elo, pediu organizar a asistencia para que o paciente reciba a atención que precisa, coa mesma esixencia de seguridade e calidade, pero máis preto da súa contorna. Así, reclamou o deseño do correspondente circuíto asistencial entre os servizos de Hematoloxía, Farmacia Hospitalaria, Enfermaría e Atención Primaria.
UN MODELO DE ÉXITO QUE EVITA DESPRAZAMENTOS
A deputada popular puxo o foco nos resultados do Programa de Atención Extrahospitalaria Integral do Paciente Oncohematolóxico na Área Sanitaria de Vigo. Unha experiencia pioneira que, desde a súa posta en marcha en 2021 coa administración de tratamento en domicilio e a súa posterior extensión aos centros de saúde en 2025 –inicialmente no Porriño e, logo, en Ponteareas, Redondela e Tomiño, beneficiou a 130 persoas. “Sobre un milleiro de asistencias menos ao Hospital de día de Hematoloxía do Álvaro Cunqueiro no último ano. Detrás de cada unha delas, hai unha persoa que pode aforrar un desprazamento”, dixo Dolores Hermelo.

A este respecto, a parlamentaria remarcou que esta medida é especialmente relevante tamén para persoas de idade avanzada ou con dificultades de mobilidade que precisan tratamentos periódicos e prolongados.

APOIO E MODERNIZACIÓN DE TODA A COMARCA
A iniciativa do Grupo Popular subliña que Cangas conta cunha importante poboación e unha demanda asistencial que require continuar avanzando na incorporación de novas prestacións e na mellora da accesibilidade.

Para os populares, a posta en marcha desta prestación en Cangas sería un novo paso na estratexia de achegar a sanidade aos cidadáns e implicaría que o municipio forme parte activa do proceso de modernización da asistencia sanitaria. Segundo afondou a portavoz local, trátase de aproveitar todos os recursos dispoñibles para que cada paciente sexa atendido no lugar máis axeitado, sempre que os criterios clínicos e de seguridade o permitan.

Paula Prado lamenta os graves altercados da Coruña e urxe ao BNG que condene os actos violentos

A secretaria xeral do PPdeG, Paula Prado, condena os graves actos violentos «absolutamente inadmisibles» acaecidos onte na Coruña e urxe ao BNG que condene o acontecido tras a manifestación convocada por Galiza Nova. En declaracións aos medios de comunicación, criticou que «lonxe de ser unha manifestación», o que sucedeu foron «altercados violentos», con consecuencias de gravidade como xornalistas e policías feridos e actos vandálicos como queima de contenedores e lanzamiento de cadeiras.

«Ningunha protesta se pode avalar na violencia, queremos que todas as forzas políticas condenen estes actos como o facemos nós dende o PPdeG», insiste Prado. Neste punto, lamenta que a líder do independentismo galego, Ana Pontón, se sinta «orgullosa» dunha mocidade que «lanza adoquíns, bolardos e cadeiras».

Prado lembrou que Galicia é unha terra «tranquila, con xente de paz» e non se identifica con estas formas violentas de protesta.

Ademais, critica a actuación do delegado de Goberno, Pedro Blanco, xa que autorizou unha concentración «que xa se vía que podía acabar en altercados e faltas de orden público». Así, Prado pide responsabilidades polo ocorrido e afea que Blanco «exercese unha deixadez de funcións», xa que mentres ocorrían os altercados, «el estaba facendo campaña en Santiago de Compostela, poñendo os seus intereses partidistas por riba dos intereses dos coruñeses e coruñesas».

Por último, Prado solidarizouse coas forzas e corpos de seguridade que actuaron onte na Coruña ante os graves actos violentos.

Rueda pide “dalo todo” e “acudir ás urnas” para que Galicia sexa “unha peza fundamental” na vitoria de Alberto Núñez Feijóo

O presidente do PPdeG, Alfonso Rueda, animou a “dalo todo” e “acudir ás urnas” o 29 de novembro, de tal forma que Galicia se erixa en “motor do cambio de España” e “peza fundamental na vitoria de Alberto Núñez Feijóo”. Así o expresou ante a Xunta Directiva Provincial do PP de Ourense, onde lembrou que “as enquisas non son máis que enquisas”, e demandou ir “a por todo” e “seguir enganchados ata maio de 2027”, cando se celebren as eleccións locais.

Durante a reunión, que encabezou xunto ao presidente do partido na provincia, Luis Menor, e na que tamén participou a secretaria xeral do PPdeG, Paula Prado, Rueda asegurou que non pide nada “do que non sexades capaces aquí en Ourense”.

“Confío en que, coma sempre, daredes unha lección desde esta provincia”, engadiu, con Ana Vázquez, como cabeza de lista no Congreso, nomeamento ao que se une o tamén ourensán Miguel Santalices, presidente do Parlamento de Galicia, como número un ao Senado pola provincia de Ourense. “Trátase de dous pesos pesados, de puro ADN do PP de Ourense e do PP de Galicia. Serán uns magníficos representantes para todos os ourensáns e para todos os galegos no Congreso e Senado”, afirmou. Ademais, aproveitou para felicitar publicamente tamén a Miguel Tellado, Francisco Conde e Julio García Comesaña por encabezar na Coruña, Lugo e Pontevedra as listas do PP ao Congreso. Tamén mencionou a Fabiola García, conselleira de Política Social, que será a número dous ao Congreso pola provincia da Coruña, a que se referiu como unha “excelente conselleira” e lle desexou “a mellor das sortes”.

Para o presidente do PPdeG, Alberto Núñez Feijóo “escolle aos mellores para reconstruír España”, facendo referencia a valía dos candidatos anunciados, como parte dun partido, o PPdeG, que vai “sobrado de canteira” e contribuirá a ser “motor do cambio en España”.

O presidente do PPdeG, que pechou a rolda de reunións provinciais para “rematar de engraxar a maquinaria para este ciclo electoral”, chamou a poñer en valor na campaña do 29N a “alternativa” que ofrecen os populares ante o “carrusel de despropósitos” de 8 anos de sanchismo, coa “aposta pola vivenda” como “maior exemplo de política útil”. Neste eido, destacou que, a nivel provincial, estanse construíndo 64 vivendas en Cambedo da Raia; que o PIA do Vinteún permitirá construír 1.400 -polo menos, o 80% protexidas-; e que tamén se están a construír 12 vivendas de promoción pública en San Cibrao das Viñas.

Así mesmo, salientou que os Orzamentos de 2027 destinarán 3 de cada 4 euros a gasto social; duplican o investimento para construír vivenda -de 163 a 326 M€-; inclúen unha achega récord de 661M€ para as administracións locais; e, no caso da provincia de Ourense, esta recibe o maior investimento por habitante (6.040€), cunha dotación de 12M€ para ampliar os parque empresariais.

LUIS MENOR: “QUERO QUE SEXAMOS A FORMACIÓN MÁIS VOTADA”

Pola súa banda, Luis Menor destacou que o intenso traballo de consolidación territorial realizado nestes dous últimos anos resulta agora fundamental para encarar a cita coas urnas do 29 de novembro. Así, trala renovación de máis da metade das agrupacións locais -32 congresos locais, 18 xestoras e o congreso provincial de NNXX-, o líder dos populares ourensáns defendeu o estado de forma do partido asegurando que “hoxe podemos dicir, coa cabeza moi alta, que o PP de Ourense está activo, organizado e preparado”.

Neste contexto, Menor fixo un chamamento aos membros da xunta directiva para fuxir de calquera tipo de conformismo. O obxectivo non pasa só por obter o triunfo, advertiu, senón por lograr unha rotunda vitoria que marque a diferenza sobre o resto das forzas políticas. “Quero que sexamos tamén a formación popular máis votada”, remarcou, subliñando que alcanzar estas máximas porcentaxes outorga toda a lexitimidade democrática para gobernar, e reafirma ao Partido Popular como a forza política que mellor representa os intereses de Ourense.

O presidente provincial subliñou que a mobilización para o 29N será tamén decisiva para encarar coas máximas garantías as eleccións municipais de maio de 2027. Redobrar esforzos agora permitirá ao partido situarse no mellor escenario posible para a cita local. Este proceso, concluíu Menor, situará á formación “co partido absolutamente mobilizado” para consolidar o éxito, obtendo así unha gran recompensa: “Axudar a recuperar a convivencia, o respecto e o progreso neste país, e a asegurar a calidade de vida e o futuro dos nosos concellos”.