O Parlamento galego demanda ao Concello de Ares que acondicione a parcela prevista para a ampliación do CPI As Mirandas

Santiago, 7 de maio de 2021.- O Parlamento de Galicia aprobou hoxe unha proposición non de lei, logo dunha transacción entre o Grupo Popular e o BNG, a través da que se solicita ao Concello de Ares que realice, á maior brevidade de tempo posible, a obra de acondicionamento da parcela prevista para a ampliación do CPI As Mirandas. Unha vez realizada á cesión destes terreos, a Xunta licitará, proxectará, contratará e iniciará esta obra de maneira prioritaria, coa finalidade de dispoñer das novas instalacións educativas o antes posible.

Seguir leyendo

O Grupo Popular asegura que o compromiso da Xunta coa cidade de Santiago vai moito máis alá da partida que recibe pola súa capitalidade

Santiago, 7 de maio de 2021.- A deputada do Grupo Popular Cristina Sanz salientou hoxe no Parlamento galego que “o compromiso da Xunta coa cidade de Santiago nos seus orzamentos vai moito máis alá da partida que recibe na súa condición de capitalidade” e cualificou de “sorprendente que o PSdeG demande agora un incremento desta aportación cando entre as 570 emendas que presentou aos estados de gasto dos presupostos da Xunta para 2021 non había ningunha que recollera esta petición”.

Seguir leyendo

O Grupo Popular asegura que a Xunta fai un seguimento do desmantelamento de Elnosa para acreditar que os terreos revertan ao Estado conforme a lei

Santiago, 6 de maio de 2021.- A portavoz de Medio Ambiente do Grupo Popular, Marisol Díaz Mouteira, asegurou hoxe no Parlamento galego que a Xunta “fai un seguimento da execución do desmantelamento e descontaminación de Elnosa en Pontevedra, con informes periódicos e unha inspección final de comprobación, para acreditar que os terreos que ocupaba esta fábrica revertan ao Estado de acordo dos parámetros que fixa a lei”. Deste xeito, trasladou unha mensaxe de “tranquilidade, que non pasividade”, e solicitou que “baixo ningún concepto se recorra ao alarmismo”.

Seguir leyendo

O Parlamento galego demanda a continuidade das obras de mellora de seguridade viaria na LU-162

Santiago, 6 de maio de 2021.- O Parlamento de Galicia aprobou hoxe unha proposición non de lei, logo dunha transacción entre o Grupo Popular e o PSdeG, a través da que se insta á Xunta a dar continuidade ás obras de mellora da seguridade viaria e peonil na estrada LU-162, que conecta Ferreira do Valadouro con Cangas de Foz en Lugo, en concreto impulsando á maior brevidade posible o proxecto dirixido á execución de novas beirarrúas no tramo urbano da travesía de Vilamor e a axeitada conservación e mantemento de todos os elementos da vía.

Seguir leyendo

O Parlamento galego demanda ao Concello de Sarria a mellora da rúa Diego Pazos

Santiago, 6 de maio de 2021.- O Parlamento de Galicia aprobou hoxe a proposición non de lei do Grupo Popular a través da que se require ao Concello de Sarria a execución do proxecto de peonalización e mellora comercial da rúa Diego Pazos en Sarria, segundo o proxecto técnico inicialmente presentado e que conta coa pertinente autorización autonómica, e no que se recolle unha actuación integral coa execución de beirarrúas, aparcadoiros e zona de circulación, así coma servizos, iluminación e mobiliario urbano.

Seguir leyendo