Paula Prado afirma que o PPdeG volveu demostrar no Congreso a súa unidade, ilusión, preparación e motivación para seguir ganando

Santiago, 23 de maio de 2022.- A viceportavoz do Grupo Popular, Paula Prado, amosou hoxe a “satisfacción polo resultado e o desenvolvemento” do Congreso que o PPdeG celebrou esta fin de semana en Pontevedra, xa que “foi unha demostración máis da unidade deste partido, cun proxecto definido para que Galicia siga camiñando pola senda do crecemento económico e na mellora das prestacións sociais e sanitarias”.

Seguir leyendo

O Parlamento demanda ao Goberno central que Galicia, e nomeadamente Vigo, sexa a sede central do Instituto Español de Oceanografía

Santiago, 20 de maio de 2022.- O Parlamento de Galicia aprobou hoxe a proposición non de lei do Grupo Popular, que foi transaccionada co Grupo Socialista, a través da que se solicita ao Goberno do Estado que, consonte ao plan de descentralización do IEO impulsado polo Ministerio de Ciencia, Galicia, e nomeadamente Vigo, sexa a sede central do Instituto Español de Oceanografía, especialmente das áreas dedicadas á pesca e a acuicultura. Para iso, e previa apertura do proceso por parte do Goberno central, a Xunta, dentro das súas competencias, debe de levar a cabo cantas actuacións sexan precisas, para acadar que Vigo sexa a sede central do IEO.

Seguir leyendo

O Parlamento galego demanda diálogo ao Goberno central para acabar coa inseguridade xurídica da cadea mar-industria en Galicia

Santiago, 20 de maio de 2022.- O Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno de España a apertura dunha mesa de diálogo coa Xunta para rematar, aclarando o alcance da normativa sobre os espazos costeiros, coa situación de inseguridade xurídica á que o departamento de Costas do Estado somete á cadea mar-industria de Galicia.

Seguir leyendo

O PPdeG afirma que “o constante incremento de usuarios é o mellor expoñente de que o Plan de Transporte Público de Galicia funciona ben”

Santiago, 19 de maio de 2022.- A deputada do Grupo Popular Begoña Freire afirmou hoxe no Parlamento galego que “o constante incremento dos usuarios é o mellor expoñente de que o Plan de Transporte Público de Galicia funciona ben”. Porén, lamentou que o Goberno central “estea atentando contra as necesidades de mobilidade dos galegos co seu proxecto de Lei de mobilidade sostible, coa desatención do ferrocarril e co novo mapa dos autobuses intercomunitarios”.

Seguir leyendo

O PPdeG pedirá no Pleno que se exima da obriga de cotizar aos titulares de explotacións agrarias cando xa o fagan no Réxime Xeral ou de autónomos

Santiago, 18 de maio de 2022.- O Grupo Popular demandará no Pleno da vindeira semana ao Goberno central que restableza o réxime de excepcións vixente ata 2015 que excluía da obriga de cotizar como autónomo a aquelas persoas que teñan ingresos como titulares de explotacións agrarias cando non superen determinados limiares de renda e rendemento económico.

Seguir leyendo

O Parlamento demanda que o Goberno central incremente a porcentaxe do PERTE Nova Economía da Lingua para as propostas en galego

Santiago, 13 de maio de 2022.- O Parlamento galego aprobou hoxe por unanimidade a proposición non de lei do Grupo Popular a través da que se demanda ao Goberno de España que achegue unha porcentaxe significativa de investimentos públicos do PERTE Nova Economía da Lingua para o desenvolvemento de propostas que teñan a lingua galega como elemento fundamental no proceso de transformación dixital da sociedade, con especial atención aquelas iniciativas que estean centradas na aplicación da intelixencia artificial, como é o caso do Proxecto Nós e outras que poidan desenvolverse.

Seguir leyendo