Rueda subliña que se Galicia “está de moda” é grazas a que hai “modelos dos que presumir” como Sanxenxo

O presidente do Partido Popular de Galicia, Alfonso Rueda, subliñou hoxe que se Galicia “está de moda” é grazas a que hai “modelos para ensinar e para presumir” como Sanxenxo.

“Cando saímos presumimos de moitas cousas que ten Galicia, pero entre as catro ou cinco cousas que sempre identifica a xente de fóra como Galicia Calidade, Sanxenxo sempre está. E iso é un logro colectivo: dos que gobernan e de todos os veciños e veciñas”, expresou esta noite o líder dos populares galegos, despois de sumarse á celebración da cea do PP local, con 600 asistentes, xunto ao presidente provincial do PP de Pontevedra, Luis López, a responsable de Vivenda do Goberno galego, María Martínez Allegue, e o alcalde Telmo Martín como anfitrión.

Rueda sinalou o 2026 como “un ano clave”, tendo en conta a proximidade co Ano Xacobeo 2027, no que Galicia “vai facer historia” e Sanxenxo terá un papel protagonista. “Aquí hai moitísimas grandes cousas que facer se nos seguides dando a confianza”, abundou sobre un concello “referente”.

Así mesmo, en clave nacional, fixo referencia as “situacións que avergoñan” do Goberno de Sánchez, e polas que este domingo participará na concentración de Madrid, e avogou por “seguir gobernando e resolvendo problemas, con ese sentidiño e normalidade que cada día se valora máis”. “Imos intentar que siga sendo así por moito tempo, con xente responsable á fronte, como Telmo Martín”, remarcou.

Por último, antes de desexar Bo Nadal, agradeceu a “xenerosidade” para que a ex tenente de alcalde de Sanxenxo, María Deza, pasara a “traballar por toda Galicia” recentemente como nova responsable da Axencia Galega de Infraestruturas.

Pola súa banda, Luis López tamén felicitou o Nadal aos asistentes e cualificou ao PP de Sanxenxo como o «exemplo perfecto» de partido pola súa «magnífica xestión» ao fronte do Concello e polo seu gran traballo político, orgánico e de mobilización «grazas á proximidade coa xente e a unha capacidade de traballo inmensa de Telmo Martín e de todo o seu equipo».

«Sanxenxo é un concello costeiro como hai decenas en todas Galicia, pero o PP local conseguiu que sexa o sitio ao que todo o mundo quere ir, tamén no Nadal, por convertelo nun lugar dinámico e acolledor que ofrece infinitas oportunidades de traballo e de descanso. Sanxenxo non sería o que é, un referente en toda España, se non fora polo liderado do alcalde e polo compromiso de todos os que forman o Partido Popular desta vila», rematou López.

“SANXENXO LEVA OITO ANOS AVANZANDO”

Mentres, Telmo Martín sinalou que coa axuda da Xunta de Galicia e da Deputación de Pontevedra, así como co traballo dos seus compañeiros do goberno local, “Sanxenxo leva oito anos avanzando.”

Neste sentido, augurou que “o 2026 non vai ser distinto”: “Ao contrario, imos iniciar proxectos de larga execución, pero que marcarán un camiño que seguirán outros concellos. Non hai un ano sen novas infraestruturas, equipamentos ou no que se melloren os servizos municipais”.

O PPdeG esixe aos ministerios de Educación e de Traballo que abandonen as súa liorta e faciliten a continuidade do programa de auxiliares de conversa

Os deputados do Grupo Popular Roberto Rodríguez e Gonzalo Trenor esixiron hoxe que os ministerios de Educación e de Traballo “abandonen as súas liortas e poñan fin á problemática existente cos auxiliares de conversa, de xeito que este programa poida continuar desenvolvéndose con total normalidade en Galicia e os 690 auxiliares continúen realizando este ano o seu importante traballo en case 800 centros de ensino galegos”.

“Resulta intolerable que a rifa existente no Goberno de Pedro Sánchez entre a á socialista e a á de Sumar chegue ao punto de que un programa como o de auxiliares de conversa, que se leva impartindo en Galicia desde o ano 2009 con total normalidade, estea en perigo a súa continuidade pola falta de entendemento entre dous ministerios”, lamentou Roberto Rodríguez.

DE 67 A 690 AUXILIARES DE CONVERSA

En concreto, explicou que, “despois de tantos anos funcionando, o Ministerio de Traballo acordouse agora de que os auxiliares de conversa deben contar cun contrato laboral no réxime da Seguridade Social, cando están definidas como persoas que participan nun intercambio cultural, polo que non están obrigados a esas relacións laborais”. Porén, apuntou que, a pesar desta situación, “contan con todas as coberturas, seguro médico, así como un ingreso en concepto de axuda para gastos de aloxamento e manutención sufragado pola Xunta de Galicia”.

Diante desta situación, os deputados populares anunciaron que “levaremos este problema ao Parlamento de Galicia para buscar o apoio dos grupos da oposición e solicitar ao Goberno de España que poña de acordo a estes dous ministerios para garantir a continuidade do programa de auxiliares de conversa, que tan bos resultados leva colleitado ao longo dos últimos 15 anos”.

Gonzalo Trenor sinalou que o programa de auxiliares de conversa, que este ano suporá un custo de 5,2 millóns de euros, dos que a Xunta aporta 4,8 millóns, “multiplicou por 10 o número de auxiliares que iniciaron a súa actividade no 2009, pasando dos 67 que comezaron en 2009 aos 690 actuais”. Estas persoas proceden de 19 países, que prestan apoio ao ensino en ata cinco idiomas diferentes (inglés, francés, portugués, alemá e chinés) en cerca de 800 centros de ensino galegos, entre colexios de infantil, primaria, ESO, bacharelato, escolas oficiais de idiomas e centros de ensinanzas artísticas.

O PPdeG destaca que os concellos da Mariña lucense recibirán o vindeiro ano máis de 4,6 millóns de euros do fondo de cooperación local da Xunta

Os deputados do Grupo Popular Cristina Sanz e José Manuel Mato salientaron hoxe que os concellos da comarca da Mariña lucense recibirán o vindeiro ano máis de 4,6 millóns de euros do fondo de cooperación local da Xunta de Galicia, unha partida que se suma aos máis de 25 millóns de euros que o Goberno galego ten previsto investir directamente en obras e servizos nestas localidades ao longo de 2026.

Nun encontro mantido coa alcaldesa de Viveiro, Mariña Gueimunde, os deputados populares salientaron o incremento nun 12 por cento da partida que a Xunta destinara en 2026 ao fondo de cooperación local. En concreto, os concellos da Mariña recibirán en total 4.226.181 euros do fondo base correspondente a 2026, ao que se sumarán outros 416.340 euros procedentes do fondo adicional do ano 2024.

Por concellos, e tendo en conta que o reparto faise en función da poboación de cada municipio, Viveiro será a localidade que recibirá unha maior contía do fondo (556.976 euros), seguida por Ribadeo (516.398 euros) e Foz (506.310 euros). Pola contra, os municipios que ingresarán menores cantidades o vindeiro ano serán Riotorto (171.347 euros), Trabada (183.026 euros) e Lourenzá (183.272 euros).

GALICIA, COMUNIDADE PIONEIRA

Cristina Sanz subliñou que “Galicia foi a comunidade pioneira en establecer no ano 2011 este instrumento de financiamento estable das entidades locais, que se regula anualmente a través das leis de orzamentos da Comunidade galega”.

Porén, puxo de manifesto a necesidade de que o Goberno central defina o novo modelo de financiamento local, “que teña presente as especiais características da nosa comunidade, como a dispersión xeográfica ou o envellecemento”.

Pola súa banda, José Manuel Mato destacou que esta aportación directa da Xunta aos concellos súmase aos máis de 25 millóns de euros que o Goberno galego ten previsto investir directamente na comarca da Mariña o vindeiro ano. En concreto, entre as obras de maior orzamento, citou a mellora do saneamento e a construción da nova depuradora de Burela; a continuación das obras da depuradora de Foz; a mellora de abrigo e a creación de prazas de pantalán no porto de Morás, en Xove; a reparación do abastecemento de auga a Ribadeo e Trabada; a remodelación da dársena de Foz; o acondicionamento do porto de Celeiro-Viveiro ou as novas fases do plan director do Hospital da Mariña.

O PPdeG amosa a ATAVE o seu compromiso cunha prevención laboral real, útil e adaptada a todos os sectores produtivos de Galicia

A portavoz de Emprego do Grupo Popular, Noelia Pérez, amosou a representantes da Asociación Provincial de Talleres de Reparación de Vehículos de Ourense (Atave) o compromiso da Xunta cunha prevención laboral real, útil e adaptada a todos os sectores produtivos de Galicia, “porque a seguridade no traballo é prioritaria”. Neste sentido, pediu que o Goberno central rectifique e incorpore ás comunidades autónomas no proceso de modificación da Lei de prevención de riscos laborais, xa que “son as que coñecen de primeira man as necesidades reais dos centros de traballo e dos sectores produtivos de cada territorio”.

“Galicia non pode quedar calada nin fora dunha mesa de negociación, na que están presentes Goberno central, sindicatos e empresarios, onde se decide unha lei que aplicamos todos os días, polo que seguiremos traballando para que se respecte o autogoberno de Galicia, o noso tecido empresarial e, sobre todo, a saúde e a seguridade das persoas traballadoras”, incidiu Noelia Pérez.

No seu encontro cos representantes da Atave, a portavoz popular lembrou que BNG e PSdeG se opuxeran no Parlamento de Galicia á demanda ao Goberno central para que incorporara ás comunidades autónomas no proceso de modificación da Lei de prevención de riscos laborais, “dando as costas aos intereses das empresas e dos traballadores galegos”.

Neste sentido, afirmou que “defendemos que unha lei fundamental para a seguridade laboral das persoas non se pode reformar desde un despacho de Madrid sen contar con quen está cada día nos centros de traballo e co Instituto de Seguridade e Saúde Laboral de Galicia e as administracións que teñen que aplicar posteriormente a normativa”.

O PPdeG pide ao Ministerio de Transportes que escoite o “berro multitudinario” que pediu hoxe en Caldas que abandone o proxecto da variante oeste

O deputado do Grupo Popular Raúl Santamaría esixiu hoxe ao ministro de Transportes que “escoite o berro multitudinario que hoxe en Caldas de Reis pediu que abandone o proxecto da variante oeste desta localidade, e retome o proxecto que conta co respaldo total dos concellos e dos cidadáns desde o ano 2008”

Ao remate da concentración celebrada hoxe en Caldas de Reis contra o proxecto da variante oeste no que traballa o Goberno de Pedro Sánchez, Raúl Santamaría considerou “un despropósito que se aposte por un proxecto novo que multiplica as afeccións a vivendas e propiedades de veciños de Caldas de Reis e de Portas respecto do trazado previsto en 2008, ao tempo que deixa incomunicados a moitos veciños e empresas”.

“Desde o Partido Popular seguiremos loitando e apoiando aos veciños destes concellos ata conseguir que o Ministerio aparque definitivamente este novo proxecto de variante oeste de Caldas, porque un Goberno debe estar para servir e atender as demandas dos cidadáns e non pecharse sobre as súas ideas aínda que sexa patente os considerables prexuizos que suporán para os veciños”, sinalou.

Paula Prado adianta que Galicia estará “ben representada” na concentración de Madrid liderada polo presidente Rueda

A secretaria xeral do PPdeG, Paula Prado, adiantou hoxe que Galicia estará “ben representada” na concentración que se celebrará este domingo, a partir das 12 do mediodía, no Templo de Debod de Madrid, e onde a nosa delegación estará liderada polo presidente Alfonso Rueda.

Así o subliñou en declaracións aos medios este mediodía antes de participar na comida de Nadal do Partido Popular de Ortigueira, á que asistiron máis de 150 persoas e na que o alcalde Valentín Calvín exerceu como anfitrión.

Prado avanzou que tamén ela estará en Madrid, co fin de “protestar contra os corruptos e contra todos os que os sosteñen”: “Todos os que acompañaron a Pedro Sánchez acabaron no cárcere: é a máxima degradación dun Goberno e dun partido, o PSOE”.

A número dous dos populares galegos fixo un chamamento a “non permanecer impasibles co que está ocorrendo en España, principalmente no Goberno central, e que leva anos afectando directamente a Galicia, porque as preocupacións de Sánchez e os seus ministros sempre foron outras”.

Nese sentido, lembrou a etapa de José Luis Ábalos á fronte do Ministerio de Fomento, xa que con el agora no cárcere, “pódese entender que as prioridades do seu Ministerio eran outras e non, por exemplo, o dereito ao tren de Ferrolterra, Eume e Ortegal”, dixo en referencia á mobilización que ten lugar mañá na estación de tren ferrolá e que o Partido Popular tamén apoia.

Nese sentido, citou o estado do ferrocarril Ferrol-Ribadeo, con parada en Ortigueira, que “segue en deterioro mentres Sánchez mira cara a outro lado”.

“Por España, por Galicia e por Ortigueira, saiamos mañá á rúa”, concluíu Prado, dando as grazas ao alcalde, pola invitación, e desexando un Bo Nadal e un Feliz Ano 2026, avogando por que “se nestas datas é importante xuntarnos para celebrar, tamén o é para analizar o que está ocorrendo en España”.

“DESEXAMOS QUE FEIJÓO CHEGUE CANTO ANTES Á MONCLOA”

Pola súa banda, o alcalde Valentín Calvín agradeceu a toda a militancia que acudira a esta cita de todos os anos, “cada ano con máis persoas”: “Isto énchenos de alegría para seguir traballando”, subliñou.

Así mesmo, dixo agardar que “en breve haxa citas electorais”, en referencia ás eleccións xerais, e desexou que Alberto Núñez Feijóo “chegue á Moncloa”. “É o que queremos todos que ocorra canto antes”, rematou.

Cómpre salientar que o Ortegal é unha comarca 100% do PP, xa que todos os concellos que a conforman —Cariño, Ortigueira, Mañón e Cerdido— están gobernados por alcaldes do Partido Popular.

Millán Mon: “Nuestro principal objetivo es que aumente la cantidad garantizada de fondos europeos para la pesca”

El eurodiputado del PPdeG Francisco Millán Mon ha subrayado que el “principal objetivo” de los populares gallegos es que “aumente la cantidad garantizada de fondos europeos para la pesca”.

Millán Mon ha participado hoy como ponente en las XXIX Jornadas Técnicas de Difusión del Sector Pesquero, que se celebran en Celeiro, para exponer el futuro de la financiación europea para la pesca post-2028.

El eurodiputado gallego analizó la propuesta de la Comisión Europea para el próximo Marco Financiero Plurianual 2028-2034 (MFP), que calificó de “revolución en todos los ámbitos” y de “decepcionante para la pesca”. Tras referirse a los pilares esenciales del Marco y a los interrogantes que suscita, el eurodiputado gallego criticó la cuantía y la arquitectura del fondo.

Con respecto a la cuantía, Millán Mon definió el recorte del 67% de los fondos de pesca como “inasumible” y mencionó el agravio comparativo con la agricultura y la cohesión (que sufren recortes de un 20%), que tachó de “injustificado”. “Nuestro principal objetivo es que la cantidad mínima garantizada para pesca [2.000 millones de euros] aumente”, subrayó.

En cuanto a la arquitectura, apuntó que “preferiríamos un fondo específico para la pesca”, con el fin de mantener su especificidad y visibilidad, así como para facilitar el acceso a la ayuda. También se pronunció en contra de la renacionalización de los fondos: “Me preocupa que se ignore a las regiones, siguiendo el modelo de los Next Generation”.

“Podéis contar con que desde el PP sigamos presionando por mejorar la financiación de la pesca”, declaró Millán Mon, “pero el Gobierno de España también debe liderar la defensa de un fondo específico y bien dotado para la pesca”, destacó el eurodiputado gallego, que apuntó que la aprobación del Marco requiere de unanimidad en el Consejo. 

O Parlamento de Galicia pide que se inclúan os efectos das choivas persistentes no Plan Estratéxico da Política Agraria Común

O Parlamento de Galicia aprobou hoxe por unanimidade a proposición non de lei do Grupo Popular a través da que se demanda ao Goberno de España que no Plan Estratéxico da Política Agrícola Común (PEPAC), dentro dos efectos orixinados polo cambio climático, tamén se inclúan os efectos dos períodos de choivas persistentes que asolagan os terreos impedindo a súa labranza e aproveitamento.

O portavoz popular do Medio Rural, Miguel Ángel Viso, explicou que “os episodios de choivas persistentes repetíronse nos últimos anos con especial intensidade en varias comarcas, acumulando perdas significativas e poñendo de manifesto que non falamos dun incidente puntual, senón dun problema recorrente que afecta á viabilidade das explotacións”. “Estamos ante un risco sistémico, non ante un accidente illado, porque o cambio climático está a intensificar fenómenos extremos”, apuntou.

AXUDAS EXCEPCIONAIS

“O problema xorde cando a choiva deixa de ser unha circunstancia normal para converterse nun período prolongado no que o solo permanece saturado durante días ou semanas, o que provoca unha serie de consecuencias ben coñecidas polo sector, como a imposibilidade de realizar labores fundamentais, perdas directas nas colleitas, deterioro do solo agrícola, impacto económico nas explotacións ou desequilibrios territoriais”, indicou.

A estas consecuencias, Miguel Ángel Viso sumou que “as choivas persistentes favorecen a erosión, o arrastre de sedimentos e a perda de estrutura do solo, ao tempo que estas condicións ambientais cambiantes tamén están a permitir que especies como mosquitos transmisores, velutina ou carrachas se expandan, derivando en problemas serios para a cabana gandeira”.

Neste sentido, lembrou que a normativa europea “xa permite axudas excepcionais cando existen fenómenos meteorolóxicos adversos, e as choivas persistentes encaixan perfectamente nesa definición: son imprevisibles, incontrolables e teñen un impacto directo sobre os rendementos”.

O portavoz popular propuxo que o Goberno central articule unha demanda ante a Unión Europea que supoña un recoñecemento explícito dos períodos de choiva persistente como risco agrario cualificado na PAC, se creen liñas de compensación específicas, se impulsen medidas preventivas e de adaptación agronómica; se axuste e reforce o sistema de seguros agrarios; e se cree un sistema de seguimento e avaliación anual que permita activar medidas cando se produzan limiares determinados de precipitación acumulada ou de saturación de terreos.

El PP se compromete desde A Mariña a “luchar por una PAC justa” que no recorte más de 300 millones de euros a Galicia

El Partido Popular se ha comprometido hoy desde A Mariña a “luchar por una PAC justa”, después de conocer la propuesta del Marco Financiero Plurianual 2028-2034 de la Comisión Europea, de manera que Galicia no vea recortado su presupuesto en más de 300 millones de euros.

Así lo manifestó la portavoz del PP en la Comisión de Agricultura y Desarrollo Rural del Parlamento Europeo, Carmen Crespo, que junto a la responsable de Medio Rural en el Gobierno gallego, María José Gómez, realizó una visita a una explotación ganadera en Alfoz, acompañadas por el dueño y portavoz del PP local, Juanjo Fraga, y otros representantes del partido en la provincia.

“Estamos trabajando en el Marco Financiero Plurianual y especialmente en la PAC, que supone mucho para Galicia y para el rural, y lo que queremos es que se mantenga en el futuro”, expresó Crespo, avanzando que van a “pelear” para evitar el mencionado recorte, de manera que “la agricultura y la ganadería gallegas sigan teniendo capacidad económica en el futuro”.

La eurodiputada señaló que los próximos 18 y 19 de diciembre se debatirá la financiación en el Consejo Europeo, donde estará Pedro Sánchez, del que no esperan “nada”, por lo que será el PP el que “defenderá a los agricultores y ganaderos” y seguirá “luchando para transformar la propuesta de la Comisión hasta que sea más adecuada”. “Tenemos que salvar la PAC”, resumió.

GALICIA COMO EJEMPLO PARA EL RESTO DE ESPAÑA

Por otro lado, Carmen Crespo puso en valor el trabajo que ha hecho la Xunta de Galicia con la reagrupación de tierras, “un ejemplo para toda España” que el presidente Alberto Núñez Feijóo va a incluir en el Libro Blanco por el futuro rural de España que, liderado por ella misma, está elaborando el Partido Popular —otra de las autoras es la diputada gallega Rosa Quintana—.

“Vamos a dejar claro cómo queremos que la fiscalidad llegue al mundo rural para que todos los que deseen emprender tengan una oportunidad. Una fiscalidad mejor, muy leve para la maquinaria, los seguros, las incidencias meteorológicas o para la creación de empleo”, explicó.

CASA BARBEIRO: “NÚMERO UNO EN MODERNIDAD”

Por último, la eurodiputada aseguró que la ganadería Casa Barbeiro, donde estuvo hoy, es “número uno en modernidad”, con economía circular a través de los purines, créditos de carbono e industria agroalimentaria rural con su fábrica de quesos.

La explotación de vacuno de leche de Casa Barbeiro ubicada en Alfoz tiene un censo de más de medio millar de bovinos. Entre sus proyectos, el Grupo destaca por contar con la primera quesería de A Mariña lucense que trabaja exclusivamente con materia prima procedente de su propia ganadería.

Posteriormente, Carmen Crespo participó en las XXIX Jornadas Técnicas de Difusión del Sector Pesquero, que se celebran en Celeiro, donde habló sobre la reforma de la política pesquera común como presidenta de la Comisión de Pesca en el Parlamento Europeo.

O Grupo Popular pide aos grupos da oposición que se sumen á solicitude para que o Ministerio dialogue e negocie para evitar a folga de médicos

O portavoz do Grupo Popular, Alberto Pazos, vén de solicitar aos grupos parlamentarios da oposición que se sumen á solicitude para que o Ministerio de Sanidade abra un proceso de diálogo e negociación co fin de evitar a folga de médicos convocada entre os días 9 e 12 de decembro en contra da reforma do Estatuto Marco. Neste sentido, puxo como exemplo o acordo acado entre a Consellería e as organizacións sindicais, a excepción da nacionalista CIG, para “deixar na mínima expresión a folga destes días na atención primaria galega”.

Alberto Pazos comezou a súa comparecencia facendo unha reflexión sobre a entrada en prisión “do segundo secretario de Organización do Partido Socialista, man dereita de Pedro Sánchez, ex todopoderoso ministro de Transportes e defensor da moción de censura contra Mariano Rajoy, José Luís Ábalos, acompañado do seu máis fiel colaborador, Koldo García, protagonista principal deste entramado corrupto que salpica directamente a Pedro Sánchez”.

RODEADO DE CORRUPCIÓN

“España non pode seguir nas mans dun Presidente e dun Goberno rodeado de corrupción, e todos os españois que sentimos noxo da situación que vivimos estamos convocados o vindeiro domingo en Madrid a unha concentración, na que berraremos, alto e claro, que queremos que a democracia se impoña sobre a mafia que está a okupar neste momento a Moncloa”, indicou.

O portavoz popular saudou que a folga na atención primaria sanitaria galega convocada esta semana quedara “reducida á mínima expresión gracias ao espírito dialogante e negociador amosado tanto desde a Consellería de Sanidade como desde a representación sindical, agás, como non, a nacionalista CIG”. “Conseguiron alcanzar un acordo beneficioso para os profesionais da asistencia sanitaria en atención primaria, que se traducirá en importantes melloras nas súas condicións laborais, ao mesmo tempo que se evitou unha folga que tería un importante efecto negativo na atención aos pacientes”, apuntou.

“Desde o Grupo Popular, e tamén desde o Goberno galego, seguiremos coas portas abertas e con ánimo de buscar consensos e acordos para solucionar os problemas e os conflitos que tivemos, temos e teremos no futuro, co único obxectivo de mellorar as condicións de vida de todos os cidadáns e conseguir que Galicia avance cunhas políticas sociais exemplares como as que temos”, asegurou.

EXEMPLO DE GALICIA

Neste sentido, manifestou que estas negociacións para mitigar a folga convocada na atención primaria de Galicia deberían servir de exemplo para o Ministerio de Sanidade, diante da convocatoria de catro días de folga que os médicos teñen convocada para os días 9, 10, 11 e 12 do vindeiro mes de decembro en contra da reforma do Estatuto Marco que pretende implantar o Goberno de Pedro Sánchez. “Só a nivel de Galicia, cada día do paro pode chegar a paralizar máis de 330 intervencións cirúrxicas, máis de 10.000 consultas e 600 probas diagnósticas, repercutindo de xeito importante nun incremento dos tempos de espera no acceso dos galegos aos servizos sanitarios”, dixo.

Alberto Pazos asegurou comprender “a preocupación amosada onte polo conselleiro de Sanidade nunha carta remitida á ministra de Sanidade, na que aconsella seguir o exemplo de Galicia e abrir un proceso de diálogo e negociación cos sindicatos e os traballadores para evitar a folga”. Así, informou que desde o Grupo Popular “demos un paso máis e esta mesma mañá trasladamos aos voceiros dos grupos da oposición a solicitude para que publicamente amosen o seu respaldo á apertura dunha vía de negociación para evitar unha nova folga de médicos en toda a sanidade española”.

“España, en xeral, e Galicia, en particular, non se pode permitir que a cerrazón da ministra de Sanidade e os seus colaboradores impida abrir un proceso de diálogo e de negociación coas organizacións sindicais para evitar a folga convocada do 9 ao 12 de decembro, que, sumados aos festivos que hai nesas datas, poden paralizar a atención sanitaria durante unha semana completa e provocarlle prexuizos difíciles de superar posteriormente”, manifestou.

Por outra banda, o portavoz popular criticou que o BNG volvera demostrar o pasado mércores no Congreso “a súa total inutilidade para o Goberno de Pedro Sánchez e, ao mesmo tempo, tamén para defender os intereses de Galicia en Madrid”. Neste caso, lembrou que a vicepresidenta primeira e ministra de Facenda rexeitou tallantemente a proposta dos independentistas galegos para que Galicia reciba 20.000 millóns de euros de financiamento para sufragar un suposto déficit acumulado desde o ano 2009.

“O BNG converteuse nesta lexislatura no mellor tonto útil do Goberno de Pedro Sánchez, amosando a súa total incapacidade para conseguir un mínimo beneficio económico para a Comunidade galega, e incluso amosando a súa firme oposición a proxectos estratéxicos para Galicia e aplaudindo todas as decisións do Goberno de Pedro Sánchez contrarias aos intereses de Galicia e dos galegos”, lamentou.

MELLORA DO SISTEMA DE FINANCIAMENTO

Ademais, apuntou que “ao BNG non lle chegou o pasado mércores no Congreso con esta labazada da ministra de Facenda á súa demanda de máis financiamento para Galicia, xa que foi quen de defender na mesma intervención outra das aldraxes que o Goberno de Sánchez quere cometer con Galicia: esa falsa quita da débeda de 4.000 millóns de euros, un negocio ruinoso para a Comunidade galega, como xa temos explicado en moitas ocasións porque responde, única e exclusivamente, á chantaxe que o independentismo catalán está a facer para manter a Pedro Sánchez no Goberno de España”.

Pazos insistiu que “o que de verdade necesita Galicia é unha mellora do sistema de financiamento das comunidades autónomas, pero non un financiamento baseado nun concerto económico co que volvería a seguir perdendo e, como o poñen de manifesto todos os informes realizados por expertos na materia, non sería capaz de cubrir os gastos que agora mesmo ten para a prestacións sociais de todos os galegos”.