Santiago, 14 de agosto 2018. O Grupo Popular vén de presentar no Parlamento de Galicia unha iniciativa encamiñada a que o Goberno central exclúa a Galicia do Anexo da Orde pola que se establecen suplementos territoriais nalgunhas Comunidades Autónomas en relación coas peaxes de acceso de enerxía eléctrica correspondentes ao exercicio 2013. A Xunta xa recorrera a Orde estatal pola que se fixan os tributos e recargas considerados a efectos dos suplementos territoriais polo que a iniciativa popular solicita a suspensión cautelar da orde que se está a tramitar mentres non se resolva o devandito recurso.
Santiago, 13 de agosto de 2018. O voceiro do Grupo Popular, Pedro Puy, relatou hoxe en rolda de prensa que as perspectivas de continuidade no crecemento económico en Galicia, sinalado por distintas prospeccións e análises recentes, é a mellor maneira de reducir as desigualdades e reforzar e manter o compromiso actual no gasto social. Sinalou que neste gasto, e as súas compoñentes sanitaria, educativa e o propiamente social, Galicia está por riba doutras comunidades, segundo se fixo público recentemente.
Santiago, 13 de agosto de 2018. O voceiro Pedro Puy, enviou hoxe, no nome do PPdeG,  unha mensaxe de apoio, solidariedade e pronta recuperación das persoas que sufriron as consecuencias do derribo no Paseo Marítimo de Vigo, e agradeceu ao persoal público que desde o primeiro momento acudiu a auxiliar aos accidentados.
Santiago, 10 de agosto  de 2018. O voceiro do Grupo Popular, Pedro Puy, indicou hoxe nunha entrevista de radio na cadena COPE en Galicia que o presidente da Xunta liderou “unha reivindicación xusta á que se adheriron moitos líderes socialistas, curiosamente doutras comunidades autónomas, e coa crítica política, moi difícil de entender, por parte dos socialistas galegos”. “Trátase de arranxar un problema derivado dunha decisión tomada no ámbito da recadación do IVE que retrasa o pago dunha mensualidade, que faría que as comunidades autónomas recibiran menos pero que é facilmente resoluble con boa fe” indicou o voceiro parlamentario.
8, agosto, 2018.O secretario xeral dos populares galegos, Miguel Tellado, asegurou esta mañá que sería bo que a nosa Comunidade contara coa mesma lealdade por parte do PSdeG coa que si conta Asturias, cuxo presidente autonómico antepón os intereses do seu Principado ás prioridades da súa formación política. “Oxalá Gonzalo Caballero fose tan leal con Galicia como o é Javier Fernández con Asturias”, subliñou.
Santiago, 6 de agosto de 2018. O viceportavoz do grupo popular, Miguel Tellado, asegurou que “Galicia debe seguir coas políticas dos últimos anos para protexernos na medida do posible do dano que lle poida facer o Goberno de Pedro Sánchez á economía española”.
Santiago, 1 de agosto de 2018.- A deputada do Grupo Popular Teresa Egerique afirmou hoxe que “un bo tirón de orellas é o que merece o secretario xeral dos socialistas galegos por manexar ao seu antollo a memoria do Consello Económico e Social, xa que, a diferenza do que lle parece a Gonzalo Caballero, este organismo independente constata que a recuperación económica está chegando aos fogares, cun crecemento equilibrado e con taxas de variación interanuais positivas en todas as actividades”.   
3, agosto, 2018.O secretario xeral do PPdeG, Miguel Tellado, asegurou que “nin toda a cociña do CIS vai ser suficiente para branquear un dos maiores recortes da historia da autonomía nin a un goberno disposto a humillar a Galicia día si e día tamén”, logo de coñecerse que o Executivo de Pedro Sánchez pretende que a nosa Comunidade conte para os Orzamentos do vindeiro ano con 200 millóns menos que o ano pasado procedentes do sistema de financiamento autonómico e as liquidacións do IVE.
2, agosto, 2018. O secretario xeral do PPdeG, Miguel Tellado, valorou esta mañá os datos publicados do paro de xullo, nos que Galicia foi a autonomía que rexistrou a maior baixada do desemprego do pasado mes e na que máis subiron as afiliacións. "Non é casual que sexa Galicia, a única comunidade con maioría absoluta e con estabilidade institucional, a que leve liderando a creación de emprego durante os últimos meses", subliñou.

Síguenos nas redes sociais