O PPdeG lamenta que o BNG diga “non” ao acordo do SAF pero “siga sen esixir nada” ao Goberno de Sánchez: “Son un meme”

O Partido Popular de Galicia lamenta que o BNG “dixera unha vez máis ‘non’”, esta vez ao histórico acordo entre a Xunta e a Fegamp para incrementar a achega ao Servizo de Axuda no Fogar (SAF), pero, ao mesmo tempo, “siga sen esixir absolutamente nada” sobre o infrafinanciamento do Goberno de Pedro Sánchez. “Son un meme”, resumen os populares.

O PPdeG lembra que o BNG leva meses pedindo á Xunta, en reiteradas ocasións, aumentar o financiamiento do SAF e por iso, aseguran, non logra entender a súa postura negativa ante o acordo acadado este martes.

“É o ‘non’ polo ‘non’, o ‘non’ a todo, pura hipocrisía, aínda que se trate dunha medida que beneficia aos galegos e galegas. Unicamente fano para levarlle a contraria á Xunta”, sinalan, pedíndolles ademais que “se aclaren entre eles”, tendo en conta que en cada comparecencia pública poñen un custo diferente ao servizo.

De feito, apuntan os populares, resulta “curioso” que o independentismo galego levante a voz contra o Executivo galego mentres cala cando se trata do Goberno de Sánchez, que leva anos incumprindo a súa parte do SAF, lonxe do 50% que lle esixe a lei. “É o que ten ser un socio tan fiel”, ironizan.

“É máis, o acordo que asinaron o PSOE o BNG para materializar o apoio á investidura de Sánchez tamén incluía o compromiso do Goberno central de achegar o 50%, pero todo o mundo sabe que iso foi papel mollado”, engaden.

A débeda do Estado con Galicia en materia de dependencia xa acada este ano os 2.900 millóns de euros. “A Sánchez, enmarañado nas súas tramas de corrupción, nin está nin se lle espera” e ao independentismo galego “só se lle pode tratar como un meme”, conclúen desde o PPdeG.

O Grupo Popular avanza a inminente tramitación da nova lei de Administración Local de Galicia

A deputada do Grupo Popular Felisa Rodríguez avanzou hoxe no Parlamento de Galicia “a inminente tramitación da nova Lei de Administración Local de Galicia, unha norma pioneira, adaptada á realidade galega e pensada especialmente para os concellos pequenos, que representan o 90 por cento do total e sofren envellecemento, dispersión e risco de despoboamento”.

Felisa Rodríguez indicou que a nova lei “será unha reforma integral, logo de case 30 anos de vixencia da norma anterior, para adaptala aos profundos cambios normativos, tecnolóxicos e sociais dos últimos anos”. Ademais, garantiu que elaborarase “con rigor, mediante un amplo proceso participativo, coa colaboración das universidades galegas, expertos, profesionais e entidades locais”.

ACTUALIZAR O MARCO NORMATIVO

En concreto, a deputada popular manifestou que “un dos eixos fundamentais desta lei será avanzar nun novo sistema de financiamento local que teña en conta criterios clave para Galicia, como a dispersión e o envellecemento da poboación, causas dun infrafinanciamento que o Goberno central segue sen recoñecer”. Así, dixo que a nova lei “definirá os concellos en risco de despoboamento, reforzará a súa capacidade para prestar servizos e manterá incentivos ás fusións municipais, priorizándoas nas axudas”.

“O Goberno galego non nega a necesidade de actualizar o marco normativo, pero faino con consenso institucional, seguridade xurídica e responsabilidade financeira, non a golpe de titulares nin desde a imposición, como pretenden desde o BNG”, rematou.

Millán Mon defiende que la UE trabaje por restaurar la democracia en Venezuela: “Tienen que poder decidir su futuro”

El eurodiputado del PPdeG Francisco Millán Mon defendió en el Pleno del Parlamento Europeo, celebrado en Estrasburgo, que la Unión Europea debe respaldar a quienes trabajan por restaurar la democracia, el Estado de Derecho y el respeto a los derechos humanos en Venezuela. “Los venezolanos tienen que poder decidir su futuro, como ya lo hicieron en las elecciones de 2024”, señaló.

Millán Mon afirmó que, tras la caída del dictador Nicolás Maduro, Venezuela vive “un momento tan esperanzador como crucial”, y subrayó la responsabilidad de la Unión Europea de apoyar e impulsar una transición democrática rápida y efectiva.

El eurodiputado gallego calificó la liberación de algunos presos políticos como “un paso positivo, pero muy insuficiente”, y subrayó que debe continuar hasta lograr la liberación de todos ellos.

Asimismo, apostó por un diálogo inclusivo en el que participe la oposición democrática, cuyos lideres son Edmundo González y María Corina Machado, como claros vencedores de las elecciones de julio de 2024 con cerca del 70% de los votos. “También es fundamental que la Unión Europea mantenga un contacto regular con ellos”, recalcó.

Por último, destacó también la necesidad de dialogar con Estados Unidos sobre la situación en Venezuela, por ser “la potencia indispensable”, y animó a la Unión Europea a actuar de forma proactiva para tratar de influir —aunque sea difícil— con nuestros planteamientos en las posiciones de Washington. “Desde la UE tenemos que acompañar con determinación al pueblo venezolano en su camino hacia la democracia y la libertad”, concluyó.

O PPdeG asegura que Galicia é das comunidades onde se paga máis e por máis conceptos aos profesionais da asistencia xurídica gratuíta

O deputado do Grupo Popular Roberto Rodríguez asegurou hoxe no Parlamento galego que Galicia é unha das comunidades autónomas onde se paga máis e por máis conceptos aos profesionais que prestan asistencia xurídica gratuíta en favor das persoas sen recursos suficientes. En concreto, cifrou en máis de 18,5 millóns de euros a partida económica que a Xunta destinará este ano a este servizo, un 20 por cento máis que no 2025.

Roberto Rodríguez manifestou que “Galicia sitúase nos primeiros postos a nivel estatal na compensación aos profesionais da asistencia xurídica gratuíta, polo maior número de conceptos aplicados e pola axilización na tramitación nas indemnizacións correspondentes”.

Así, asegurou que “en Galicia págase moi por enriba daquelas comunidades que son competencia do Goberno central, como Castela-A Mancha, Castela e León, Estremadura, Murcia, Baleares, Ceuta e Melilla, e tamén doutras comunidades con estas competencias transferidas, caso de Asturias ou A Rioxa”.

NOVOS CONCEPTOS

O portavoz popular lembrou que o Goberno galego reservou en 2025 máis de 15 millóns de euros para a prestación da asistencia xurídica gratuíta, o que supuxo un incremento do 8,6 por cento con respecto a 2024. “Ademais, incluíronse novos conceptos tras a actualización dos baremos como resultado das negociacións mantidas con este colectivo profesional”, apuntou.

“Este ano, o Goberno galego volveu incrementar os cartos asignados a garantir a asistencia xurídica gratuíta cerca dun 20 por cento, un aumento que resulta imprescindible para dar soporte á exponencial suba de solicitudes do servizo derivada da aplicación da nova Lei de eficiencia do servizo público da xustiza, co obxectivo de asegurar a prestación con todas as garantías, tanto desde o punto de vista da cidadanía como das persoas profesionais da quenda de oficio”, explicou.

Porén, Roberto Rodríguez expresou o desexo de que “o Goberno de Pedro Sánchez, apoiado cegamente polo BNG, atope un oco na súa apretada axenda xudicial que lle espera no 2026 para tramitar a prometida nova Lei estatal de asistencia xurídica gratuíta, esencial para a prestación dun servizo esencial adaptado ás necesidades do século XXI”.

O Parlamento de Galicia rexeita a proposta da Comisión Europea que dilúe a política de cohesión, centraliza a xestión de fondos europeos e elimina criterios obxectivos de asignación territorial

O Parlamento de Galicia amosou hoxe, a través dunha proposición non de lei do Grupo Popular, á que se opuxo o PSdeG e se abstivo o BNG, o seu rexeitamento frontal á proposta da Comisión Europea que dilúe a política de cohesión, centraliza a xestión dos fondos europeos e elimina criterios obxectivos e transparentes de asignación territorial. Neste sentido, esíxese ao Goberno central que incorpore de forma real e efectiva ás comunidades autónomas no proceso de negociación do futuro Marco Financeiro Plurianual, poñendo fin a calquera proposta unilateral e garantindo a transparencia e a lealdade institucional.

A deputada popular Kati Varela lembrou que a política de cohesión “constitúe a principal política de investimento da Unión Europea, co obxectivo de apoiar a creación de emprego, a competitividade empresarial, o crecemento económico, o desenvolvemento sustentable e a mellora da calidade de vida dos cidadáns en todas as rexións da Unión Europea”.

“Para Galicia, esta política foi determinante na modernización de infraestruturas, o apoio ao sector primario, o desenvolvemento rural e urbano, a mellora da conectividade, o impulso industrial e a corrección de desequilibrios estruturais derivados da dispersión territorial, o envellecemento demográfico e a transición económica”, sinalou a deputada popular.

Porén, lamentou que a proposta presentada pola Comisión Europea no Marco Financeiro Plurianual posterior a 2027 introduce un cambio de modelo que supón unha ameaza directa para a política de cohesión. “A concentración de fondos en instrumentos de carácter xeral, o reforzo de plans nacionais únicos e a tendencia a unha maior centralización na toma de decisións pon en risco a cohesión económica, social e territorial recollida nos tratados da Unión Europea”, sinalou.

O GOBERNO DE ESPAÑA, SEN POSICIÓN CLARA

Katí Varela apuntou que estas novas orientacións “non só debilitan o papel das rexións, senón que prexudican de forma directa a comunidades como Galicia, con realidades económicas, sociais e territoriais específicas que non poden ser atendidas mediante solucións uniformes desde enfoques centralizados”.

“Resulta especialmente preocupante que o Goberno de España non fixara nin fixera pública unha posición clara sobre esta cuestión, mantendo unha actitude de indefinición que debilita a defensa dos intereses das comunidades autónomas e xera incerteza sobre o futuro de políticas esenciais para Galicia”, sinalou a deputada popular. Ademais, anotou que “a ausencia dunha postura explícita por parte do Goberno central supón unha falla de transparencia e lealdade institucional, e coloca a Galicia e ao conxunto de comunidades autónomas nunha posición sen precedentes no proceso de negociación europea”.

E iniciativa aprobada hoxe solicita a defensa de xeito prioritario de sectores estratéxicos para Galicia, reclamando unha Política Agraria Común forte, estable e axeitadamente financiada, que garanta a viabilidade do sector agrario e o mantemento do medio rural; unha política pesqueira que respecte as especificidades das rexións costeiras, o peso socioeconómico do sector e a sostibilidade da actividade; e instrumentos específicos e suficientes para o desenvolvemento rural, a política urbana integrada, a industria, a innovación, o transporte e a conectividade, e a loita contra el reto demográfico.