O Partido Popular levará ao Parlamento de Galicia a negativa de Inés Rey a ceder solo para que á Xunta constrúa nova vivenda publica na Coruña

O concelleiro do PP na Coruña e parlamentario autonómico, Roberto Rodríguez, denunciará no Parlamento de Galicia que o goberno municipal de Inés Rey négase a cederlle á Xunta novas parcelas no barrio de Xuxán para que poida construír nova vivenda publica na cidade: “A Xunta está a construír 1.000 novos fogares na Coruña e quere construír mais, pero a alcaldesa di non”

O Goberno do Estado ven de aprobar un Real Decreto polo que transferirá a Galicia 10,2 millóns de euros para a promoción de nova vivenda pública nas zonas declaradas de mercado residencial tensionado, entre elas, A Coruña. O goberno galego xa anunciou que destinará 7,2 millóns a construír nova vivenda protexida na Coruña e con ese obxectivo solicitou do goberno de Ines Rey a cesión de solo para poder levalo a cabo. Cumpre lembrar que que o Concello da Coruña ten aínda parcelas de titularidade municipal nos barrios de Xuxán e Visma nas que se poderían levantar 300 novos pisos.

Pero Inés Rey négase a ceder solo e esixe eses fondos, non para construír nova vivenda, tal e como establece o Real Decreto, se non para rehabilitar 40 pisos municipais baleiros que ten sen arranxar dende 2019, pese a que o goberno municipal deixou sen executar 8 millóns de euros en axudas a rehabilitación que leva tres anos sen convocar.

Ante esta negativa, a Xunta destinará eses cartos a construír 168 vivendas de promoción pública e 150 aloxamentos compartidos para menores de 36 años, así como una residencia xuvenil de 150 prazas no campus de Elviña.

O concelleiro e parlamentario lembrou que nos seus 7 anos de mandato, Inés Rey non construíu ningunha vivenda pública, pese a que o tivo moi doado: “Inés Rey regalou mais de 7 millóns de euros á empresa que xestiona Nostián, 15 á que xestionará o bus, 7 a ADIF ao renunciar ao parking da nova intermodal, e enterrou outros 8 no cemento dos Cantóns. Con eses 38 millóns de euros podería ter construído 200 vivendas públicas”. Por último, Rodríguez lamentou que “por puro electoralismo, nega solo a única administración que está a construír vivenda pública na nosa cidade”.

Paula Prado reivindica no magosto do PP de Verín a unión dos populares como “motor de cambio” para os próximos retos electorais

A secretaria xeral do PPdeG, Paula Prado, participou hoxe en Verín no magosto dos populares locais, no que puxo en valor a “unión” e a “forza” do PPdeG como “gran motor de cambio” para que o próximo 29 de novembro o presidente do PP nacional, Alberto Núñez Feijóo, se converta no presidente do Goberno de España. Así llo trasladou a afiliados, simpatizantes e veciñanza verinesa.

Acompañada polo presidente provincial do PP de Ourense, Luis Menor; o candidato do PP á Alcaldía de Verín, Víctor Baladrón, e a presidenta da Xunta Xestora local, Luisa Valladares, compartiu cos veciños e veciñas esta tradicional festa na que aproveitou para defender que o PP de Verín “estará á altura” dos seguintes retos electorais, xa que despois das Eleccións Xerais, compre “estar listos e coa maquinaria de sempre engraxada” de cara ás Municipais.

Paula Prado participa no tradicional magosto das Curuxeiras, en Ourense, e reitera o apoio do PP ás preocupacións da veciñanza deste núcleo rural

A secretaria xeral do PPdeG, Paula Prado, participou hoxe no tradicional magosto das Curuxeiras de Ourense, organizado pola asociación veciñal As Laxas, onde felicitou á veciñanza pola súa unión e pola intensa actividade social e cultural que promoven na contorna, ademais de reiterar o apoio do Partido Popular coas necesidades deste núcleo rural.

Acompañou á veciñanza neste magosto ao que tamén asistiron a presidenta da Xunta Xestora do PP local e candidata á Alcaldía da cidade, Ana Méndez, e outros cargos do partido, entre os que participaron candidatos e candidatas ao Congreso e Senado pola provincia de Ourense nas eleccións do 29N. Durante o encontro, os populares puideron escoitar de primeira man as necesidades da veciñanza deste núcleo rural da cidade e dar a coñecer o proxecto do Partido Popular para a reconstrución de España a partir do 29N da man de Alberto Núñez Feijóo.

Ana Vázquez reivindica que “representar Ourense” supón un compromiso “leal e esixente” que será atendido polo futuro Goberno de Alberto Núñez Feijóo

A cabeza de lista do PP ao Congreso dos Deputados pola provincia de Ourense, Ana Vázquez, destacou que a candidatura combina “experiencia parlamentaria, coñecemento das institucións, vinculación cos concellos e novas achegas profesionais e sociais”, cun compromiso compartido de poñer esa preparación ao servizo da provincia. “Representar Ourense esixe escoitar os seus concellos e sectores sociais, presentar propostas, facer seguimento dos compromisos e explicar os resultados”, e supón un compromiso “leal e esixente” que será atendido polo “futuro Goberno de Alberto Núñez Feijóo”, afirmou.

Así o sinalou tras a foto de familia da candidatura do PP da provincia de Ourense ao Congreso e ao Senado de cara ás eleccións xerais do vindeiro 29 de novembro. Neste sentido reivindicou unha representación “leal e esixente” que consiga respostas ás necesidades de Ourense nun Goberno presidido por Alberto Núñez Feijóo. Entre as prioridades, atópanse o impulso á A-76 Ourense-Ponferrada, á A-56 cara a Lugo, á variante exterior ferroviaria e á remodelación da estación de Ourense, así como á estación de mercadorías de San Cibrao das Viñas, ás melloras viarias entre Ourense e Os Peares e ás actuacións de depuración no río Barbaña.

A candidata tamén defendeu reforzar a atención nos cuarteis da Garda Civil e os medios policiais e xudiciais para garantir a seguridade da cidadanía con independencia do seu lugar de residencia.

PAULA PRADO: “A CORRUPCIÓN E A NEGLIXENCIA NON PODEN SAÍR GRATIS”

A secretaria xeral do PPdeG gabou o equipo de candidatos e candidatas da provincia, encabezado por Ana Vázquez ao Congreso e por Miguel Santalices ao Senado na provincia, que conta con perfís xa consolidados aos que se engaden novas incorporacións. Un equipo do que dixo agardar grandes resultados o 29N, porque representan unha provincia de “récords” nos resultados dos populares en cada convocatoria electoral.

Na que terá lugar en só tres semanas, Paula Prado censurou que os récords que poden presentar Pedro Sánchez e os partidos que o apoiaron, incluído o BNG, son unicamente en “propaganda, corrupción e neglixencia”. Un currículo que non pode saírlles “gratis” nas urnas, remarcando que PSOE e BNG son o mesmo “perro” con distinto colar.

Nesta liña, chamou a contribuír á “reconstrución nacional” que liderará Alberto Núñez Feijóo, cun proxecto de “bos xestores” e “xente honrada”, que devolverá a España o respecto ao Estado de Dereito e a independencia das institucións, no que Galicia volverá “ter voz”. En definitiva, “faremos que España volva funcionar”, subliñou.

A secretaria xeral do PPdeG remarcou que a única alternativa válida ao sanchismo é o Partido Popular, fronte a un bloque de esquerdas que representa o mesmo. Porque se o PSOE foi o “autor” de oito anos da “peor política”, o BNG foi “cómplice” co seu apoio. España “reclama, merece e necesita” o “cambio” que só pode traer o Partido Popular da man de Alberto Núñez Feijóo,.

LUIS MENOR: “TODO O TRABALLO ORGÁNICO VAISE VER NAS URNAS”

Finalmente, o presidente do PP de Ourense, Luis Menor, destacou que a candidatura popular ás Eleccións Xerais reúne “experiencia, capacidade de traballo e compromiso coa provincia”, e conta co respaldo dunha organización plenamente preparada e mobilizada. “Todo o traballo orgánico que vimos desenvolvendo no PP de Ourense vaise ver nas urnas o próximo 29 de novembro”, afirmou. Neste sentido, rexeitou calquera conformismo e fixou como obxectivo “saír a loitar por acadar o mellor resultado”, desde a proximidade aos cidadáns e a defensa dos intereses dos ourensáns.

Menor subliñou que o PP representa “a única opción seria de goberno”, cun xeito de xestionar baseado no rigor, na estabilidade e na atención ás necesidades da cidadanía, do que sinalou como exemplos a Deputación de Ourense e a Xunta de Galicia. Así mesmo, enmarcou esta convocatoria no traballo de preparación das Eleccións Municipais de maio de 2027: “Temos aos mellores candidatos para as Xerais e seguiremos presentando aos mellores candidatos para as municipais. O 29N é o paso previo para chegar a esa cita con todas as garantías, con equipos fortes e proxectos capaces de gañar a confianza dos veciños”.