Santiago, 14 de abril de 2021.- O Grupo Popular no Parlamento de Galicia arrancou hoxe un novo acordo unánime do Pleno para instar ao Goberno Central á construción dun busque de acción marítima (BAM) para a Armada Española nos estaleiros de Navantia na ría de Ferrol, facilitándolles carga de traballo mentres no comece a construción das fragatas F-110.

Así, por cuarta vez nos últimos meses, o Grupo Popular presentou unha proposición non de lei urxindo a contratación dun buque ponte que axude a mitigar a “dramática situación” pola que atravesa unha comarca “desprezada polo Goberno Central”, e que suma ao peche de Endesa “acelerado por unha nefasta política enerxética” a total falta de traballo en Navantia.

“O Goberno de Mariano Rajoy fixo o máis difícil, que foi incluír nos orzamentos xerais cartos suficientes para a construción das fragatas F-110, con 250 millóns de euros e traballo para 7.000 persoas”, lembrou o deputado popular Diego Calvo, que botou en cara tanto a socialistas como nacionalistas a longa espera de máis de tres anos para executar ese orzamento.

SEN RESPOSTA NO SENADO

Neste senso, explicou aos deputados o acontecido nas últimas semanas no Senado, cando o Grupo Popular presentou esta mesma iniciativa e atopouse con que ningún representante dos socialistas galegos acudira a sesión. “É máis, ningún membro do PSOE sabía que dicir ante a nosa petición de carga de traballo para Navantia”, relatou Calvo, que explicou que, finalmente, entrou un senador socialista a dicir que rexeitaban a proposta porque non era o lugar adecuado para o seu debate e porque non había orzamento para elo. “Pero se hai 250 millóns presupostados desde hai tres anos!”, amolouse Calvo.

O deputado popular insistiu en que a reclamación de traballo para Navantia “será unha constante neste Parlamento” ata que o Consello de Ministros firme a contratación dun buque ponte para Ferrol, toda vez que a secretaria de Estado de Defensa dixo nos últimos días que a construción das fragatas non comezará ata mediados do próximo ano. “Se o Goberno cumpre o que di, que nunca o fai e que nós o dubidamos, aínda teremos que esperar outros doce meses para que haxa traballo en Ferrol, e iso non o imos consentir”, asegurou Calvo.

TOMADURAS DE PELO NOS NOMEAMENTOS

Do mesmo xeito, o deputado popular criticou os últimos nomeamentos feitos polo Goberno en Navantia. “Nin unha enxeñeira de Montes andaluza nin o seu xefe de gabinete saben de barcos nin de empresas”, insistiu, á vez que lembrou aos grupos da oposición o malestar existente entre as forzas sindicais ante o que consideran “unha tomadura de pelo” cara a todos os traballadores do sector naval que pasaran ata catro responsables distintos polo estaleiro nos últimos anos