Santiago, 28 de marzo de 2018.- O Parlamento galego aprobou hoxe a proposición non de lei do Grupo Popular a través da que se insta á Xunta a avaliar as consecuencias e circunstancias do proxecto de explotación mineira San Rafael, situado nos concellos de Touro e O Pino, desde o total garantismo legal e o rigor na execución do procedemento, de forma que se salvagarde o total respecto ao contorno, o estrito cumprimento da legalidade vixente e se dote de todas as garantías urbanísticas, medioambientais e técnicas
O PPdeG apoia que a Xunta incremente os programas formativos dos colectivos do Servizo Público contra Incendios
Santiago, 28 de marzo de 2018.- O Grupo Popular apoiou hoxe no Parlamento a aprobación dunha proposición non de lei a través da que se insta á Xunta a incrementar os programas formativos encamiñados a preparar adecuadamente aos membros dos distintos colectivos do servizo público de incendios para facerlle fronte ás novas tipoloxías do lume.
Tellado di que o desafío permanente a Villares e a actitude dos seus representantes desacredita a En Marea como primeira forza da oposición
Santiago, 27 de marzo de 2018.- O secretario xeral dos populares galegos, Miguel Tellado, apuntou esta mañá que o desafío permanente a Luis Villares dentro da súa propia formación e a actitude dos seus representantes desacredita a En Marea como primeira forza da oposición en Galicia.
Pedro Puy afirma que “Galicia está saíndo da crise fortalecida e cunha capacidade de resolver as desigualdades superior a outras comunidades autónomas”
Santiago, 26 de marzo de 2018.- O portavoz do Grupo Popular, Pedro Puy, afirmou hoxe que “Galicia está saíndo da crise fortalecida e cunha capacidade de resolver as cuestións de desigualdade superior a outras comunidades autónomas”. Esta situación “nos leva a seguir traballando e a perseverar no traballo para conseguir que finalmente superemos esta etapa con maior nivel de igualdade, renda e traballo do que a crise nos deixou”.
O PPdeG demanada a En Marea,PSOE e BNG que publiquen no portal de transparencia das institucións onde gobernan os acordos acadados e o seu grao de cumprimento
Santiago, 23 de marzo de 2018.- A viceportavoz do Grupo Popular, Paula Prado, demandou hoxe a En Marea, PSOE e BNG que sigan o exemplo da Xunta nos concellos e deputacións nos que gobernan publicando no seu portal de transparencia os acordos acadados e o seu grao de cumprimento.
O GPP defende actuar “con prudencia e rigor” na loita contra os lobbies e esperar á regulación que se está a tramitar no Congreso dos Deputados
Santiago, 23 de marzo de 2018.- A deputada do Grupo Popular Maribel Novo subliñou hoxe no Parlamento que “a mellora da calidade democrática é un dos obxectivos da política de goberno do Partido Popular”. Así, avogou por actuar “con prudencia e rigor” e esperar á regulación sobre os lobbies que se está a tramitar no Congreso dos Deputados antes de lexislar en Galicia.
Tellado di que a descomposición de En Marea lévanos ante a “crónica dun Grupo Mixto anunciado”
Santiago, 23 de marzo de 2018.- O secretario xeral dos populares galegos, Miguel Tellado, valorou os escenarios posibles tralo altercado protagonizado pola deputada de En Marea, Paula Quinteiro, coa Policía Local de Santiago e posterior reacción do seu partido, asegurando que “pase o que pase, cremos que estamos ante a crónica dun Grupo Mixto anunciado”.
Paula Prado critica a “dobre covardía” de En Marea e demanda a Luis Villares que se pronuncie sobre se respalda a actuación de Paula Quinteiro ou pide a súa dimisión
Santiago, 22 de marzo de 2018.- A viceportavoz do Grupo Popular, Paula Prado, criticou hoxe a “dobre covardía” de En Marea en relación coa situación que vive a deputada Paula Quinteiro: “dunha parte, negándose a dimitir, a pesar do clamor dos seus compañeiros que lle piden que deixe o Parlamento; e doutra parte, a do portavoz do grupo parlamentario, Luis Villares, que non se pronuncia sobre se respalda a actuación da deputada ou lle pide a súa dimisión”.
O GPP avoga porque a tramitación do novo Plan Forestal se faga no seo da Comisión de Estudo creada ao efecto no Parlamento
Santiago, 21 de marzo de 2018.- O portavoz do Medio Rural do Grupo Popular, José González Vázquez, defendeu hoxe que a tramitación parlamentaria do novo Plan Forestal se faga no seo da Comisión de Estudio creada ao efecto e de acordo co seu plan de traballo. “Nese marco é onde, coas aportacións de todos os grupos parlamentarios e dos comparecentes, poderemos configurar un acordo de pais para acadar un modelo de monte multifuncional, vivo, sustentable e que proporcione rendibilidade económica aos seus propietarios, e tamén rendibilidade o conxunto da cidadanía galega”, apuntou.
O GPP pide deixar traballar á Comisión de expertos para que elabore o estudo sobre a incorporación do Pazo de Meirás ao patrimonio público
Santiago, 21 de marzo de 2018.- A deputada do Grupo Popular María Antón Vilasánchez avogou hoxe no Parlamento por “deixar traballar á Comisión de expertos para elaborar un estudo xurídico co obxectivo de incorporar ao patrimonio público a propiedade do Pazo de Meirás, respectando os seus tempos, facilitando a súa labor e apoiando as súas conclusións por parte de todos os membros da Cámara galega”.