Santiago, 12 de xullo de 2017.- O Parlamento de Galicia aprobou hoxe por unanimidade unha proposición non de lei, logo dunha transacción entre o Grupo Popular e o Grupo Socialista, a través da que se insta á Xunta para que vele porque o cambio na propiedade no Banco Pastor teña para Galicia o menor impacto posible sobre a concesión de crédito e o emprego, ao tempo que expresa a firme convicción da Cámara de defender diante do Banco de Santander que o Banco Pastor teña a condición xurídica de filial integrada dentro do grupo bancario.
Continue reading
O Grupo Popular defende un debate sereno, serio e responsable sobre a xestación subrogada
Santiago, 12 de xullo de 2017.- A viceportavoz do Grupo Popular, Paula Prado, defendeu hoxe no Parlamento galego que o Parlamento europeo faga un estudo e análise da situación actual da diferente normativa dos estados membros sobre a xestación subrogada, co fin de levar a cabo a armonización lexislativa nesta materia dentro do ámbito da Unión Europea. “É preciso que se produza un debate sereno, serio e responsable, e se estuden as implicacións nos dereitos humanos non só das mulleres senón tamén dos menores co fin de evitar o turismo reprodutivo”, manifestou Paula Prado, quen considerou “preciso que se proceda á harmonización lexislativa nesta materia dentro do ámbito da Unión Europea para que o que non se dea nun país se poda dar no do lado”.
Continue reading
O Parlamento demanda aos concellos a devolución aos contribuíntes recadadas a través da plusvalía municipal
Santiago, 12 de xullo de 2017.- O Parlamento galego aprobou hoxe unha proposición non de lei, impulsada polo Grupo Popular, a través da que se demanda aos concellos galegos a habilitación de mecanismos para proceder á devolución aos contribuíntes afectadas das cantidades indebidamente recadadas a través da plusvalía municipal, naquelas situacións de vendas de inmobles con perda nos que a regulación do imposto facía pagar este imposto. Para isto, demándase que esta devolución se realice do xeito máis eficaz posible e mediante procedementos áxiles, co fin de evitar a conflitividade neste ámbito tributario.
Continue reading
O Parlamento galego demanda a mellora da seguridade dos ciclistas nas estradas galegas
Santiago, 12 de xullo de 2017.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se solicitan melloras para a seguridade dos ciclistas nas estradas galegas, a través da reforma do Código Penal para recupera a figura da imprudencia, intensificando o control nos tramos de maior concentración de ciclistas ou mellorando a sinalización que recorde a presenza de ciclistas.
Continue reading
O grupo Popular subliña que o 88,9% das camas hospitalarias estarán operativas este verán
Santiago, 11 de xullo de 2017.- O portavoz de Sanidade do Grupo Popular, Aurelio Núñez Centeno, subliñou hoxe que “este verán estarán operativas o 88,9 por cento das camas hospitalarias, estando as restantes en disposición de ser atendidas con persoal se fose preciso”. “É un punto porcentual máis que o pasado ano, cando a ocupación durante os meses de verán só chegou ao 75 por cento”, concretou.
Continue reading
O Grupo Popular critica á oposición por pretender revisar e botar por terra as medidas que están dando bos resultados e xerando emprego
Santiago, 11 de xullo de 2017.- O deputado do Grupo Popular Carlos Gómez Salgado acusou esta tarde no Parlamento aos grupos da oposición de defender “unha emenda á totalidade da política económica e de emprego da Xunta, pretendendo revisar e botar por terra as medidas que están dando bos resultados e xerando emprego”.
O Parlamento aproba a lei que permite á Xunta dispor de 230 millóns de euros para gasto social, crecemento económico e suba dos salarios aos empregados públicos
Santiago, 11 de xullo de 2017.- O Parlamento de Galicia aprobou hoxe o proxecto de lei de impulso ao crecemento e reforzo do gasto social, que permitirá á Xunta de Galicia dispor de 230 millóns de euros para destinalos ao incremento do gasto social, aumentar o investimento para o crecemento económico e para aplicar a suba máxima do 1 por cento autorizada pola Administración central do salario dos empregados públicos, con efectos retroactivos ao mes de xaneiro.
Continue reading
O PPdeG avoga polo consenso para continuar desenvolvendo a Lei de igualdade de trato e non discriminación das persoas LGTBI
Santiago, 11 de xullo de 2017.- A deputada do Grupo Popular Marta Rodríguez-Vispo avogou hoxe no Parlamento por manter “o consenso que conseguimos coa Lei pola igualdade de trato e a non discriminación de lesbianas, gays, transexuais, bisexuais e intersexuais de Galicia, e continuar desenvolvendo esta norma para seguir avanzando todos xuntos na mesma dirección”. Neste sentido, apuntou que as proposicións de lei defendidas pola oposición sobre a identidade de xénero “non contan co consenso de todas os colectivos, pois algunhas das entidades transexuais non se senten identificadas e se desmarcan totalmente desta proposta”.
Pedro Puy destaca que o Goberno galego disporá desde mañá de 230 millóns de euros adicionais para reforzar as políticas de gasto no presente ano
Santiago, 10 de xullo de 2017.- O portavoz do Grupo Popular, Pedro Puy, salientou hoxe que a aprobación mañá no Pleno do proxecto de lei de actuacións de apoio ao crecemento económico e reforzo do gasto social permitirá ao Goberno galego dispor de xeito inmediato de 230 millóns de euros adicionais para reforzar as políticas de gasto para o presente ano.
O Parlamento solicita á Xunta que vele porque o cambio de propiedade do Banco Pastor teña o menor impacto posible para Galicia
Santiago, 7 de xullo de 2017.- O Parlamento de Galicia aprobou hoxe por unanimidade, logo dunha transacción entre o Grupo Popular e En Marea, unha proposición non de lei a través da que se solicita á Xunta para que vele porque o cambio de propiedade no Banco Pastor teña para Galicia o menor impacto posible sobre a concesión de crédito e o emprego, ao tempo que os axustes se fagan co maior acordo posible e defendendo os intereses dos traballadores no eido das competencias que ten a Administración galega.