Santiago, 25 de xuño de 2019.- O Grupo Popular apoiou hoxe a aprobación polo Pleno do Parlamento dunha proposición non de lei a través da que se insta á Xunta a elaborar na presente lexislatura, en colaboración coa Fegamp, un informe que permita dimensionar o impacto do fenómeno da soidade en Galicia. Este documento conterá un censo de persoas maiores que viven soas na Comunidade galega e pídese que cos seus resultados se elabore, en colaboración coa Fegamp, o Goberno de España, e a participación do terceiro sector, unha Estratexia de prevención e atención á soidade non desexada en Galicia que aborde de forma integral este fenómeno.
O PPdeG salienta que a nova lei de farmacia dota ao sector dunha regulación actualizada e atende as demandas de profesionais e usuarios
.
Santiago, 25 de xuño de 2019.- A deputada do Grupo Popular Marta Rodríguez-Vispo salientou que a nova lei de ordenación farmacéutica de Galicia, aprobada esta mañá no Pleno do Parlamento, “servirá para dotar ao sector dunha nova regulación máis acorde cos tempos que estamos a vivir e que poida afrontar e dar solución, dunha forma máis eficaz, ás demandas actuais e ás necesidades tanto dos profesionais farmacéuticos como dos usuarios”.
O Grupo Popular salienta que a Xunta é a única administración que conta cunha estratexia para eliminar os treitos de concentración de accidentes
Santiago, 25 de xuño de 2019.- A deputada do Grupo Popular Julia Rodríguez Barreira salientou hoxe no Pleno do Parlamento que a Xunta de Galicia “é a única administración que conta cunha estratexia para eliminar os treitos de concentración de accidentes e actuar en todos os puntos negros existentes na rede viaria da súa titularidade”. Neste sentido, criticou que o BNG “presente unha moción variopinta con medidas de seguridade viaria, facendo caso omiso ás numerosas actuacións que está levando a cabo o Goberno galego”.
O PPdeG asegura que o Sergas terá camas habilitadas neste verán para atender todas as necesidades hospitalarias
Santiago, 25 de xuño de 2019.- O portavoz de Sanidade do Grupo Popular, Aurelio Núñez, asegurou hoxe no Pleno que “a planificación para o verán do Sergas inclúe ter habilitadas o número suficiente de camas en previsión das necesidades dos anos anteriores, cun suplemento dunha porcentaxe das mesmas para cubrir calquera eventualidade e tamén coa posibilidade de facelas operativas se circunstancias excepcionais así o fixeran preciso”.
O proxecto de lei de patrimonio natural avanza a súa tramitación parlamentaria ao superar a emenda á totalidade presentada por En Marea
Santiago, 25 de xuño de 2019.- O proxecto de Lei de patrimonio natural de Galicia continuará a súa tramitación parlamentaria, logo de que no día de hoxe superara a emenda á totalidade presentada polo grupo En Marea. O portavoz de Medio Ambiente do Grupo Popular, Gonzalo Trenor, sinalou que esta emenda á totalidade “parece máis froito dun posicionamento prefixado e dunha forma de entender a política como unha confrontación continua que dun análise do texto, das posibles alternativas e de buscar o mellor para Galicia”, e avogou porque na tramitación parlamentaria “haxa predisposición para o acordo e sacar adiante esta norma co máximo consenso”.
O Pleno aprobará mañá a nova lei de ordenación farmacéutica e debate a totalidade do proxecto de lei de patrimonio natural de Galicia
Santiago, 24 de xuño de 2019.- O Pleno do Parlamento de Galicia debaterá mañá para a súa aprobación o proxecto de lei de ordenación farmacéutica de Galicia, así como a totalidade do proxecto de lei de patrimonio natural. A sesión inclúe, ademais, a toma de posesión da nova deputada do Grupo Popular, Jackeline Fernández Macías, e, previamente nun Pleno específico, designarase aos senadores en representación da Comunidade galega.
Feijóo avanza unha reacción galega no PPdeG para continuar sendo un partido de maiorías, de goberno e gañador
22, xuño, 2019. O presidente do PPdeG, Alberto Núñez Feijóo, avanzou “unha reacción galega no Partido Popular” en todos os ámbitos, non só no local e autonómico, senón tamén no das políticas e no da xestión.
Tellado asegura que espectáculos como o de En Marea contribúen ao descrédito da política
21, xuño, 2019. O secretario xeral dos populares galegos, Miguel Tellado, referiuse á ruptura confirmada no día de onte do Grupo das Mareas de Podemos que, como admitiu, “a ningún nos pillou de sorpresa e viña xestándose case desde o día despois das Eleccións Autonómicas”. “Estes espectáculos contribúen ao descrédito da política, e a min gustaríame que Galicia se mantivese á marxe da inestabilidade que estes partidos poden xerar nas institucións”, engadiu.
O PPdeG afirma que a Xunta “ofrece aos concellos ferramentas efectivas para adaptar a xestión de residuos ás esixencias estatais e europeas”
Santiago, 20 de xuño de 2019.- O portavoz de Medio Ambiente do Grupo Popular, Gonzalo Trenor, afirmou hoxe que “a Xunta está a ofrecer aos concellos ferramentas efectivas para que poidan alcanzar un modelo de xestión dos seus residuos adaptado ás esixencias europeas e estatais, pero respectando sempre a competencia municipal nesta materia”.
O Parlamento demanda que Fomento execute o enlace do parque empresarial de Vimianzo coa autovía da Costa da Morte
Santiago, 20 de xuño de 2019.- O Parlamento de Galicia aprobou hoxe por unanimidade a proposición non de lei do Grupo Popular a través da que se insta á Xunta para que, tan pronto teña aprobado definitivamente o proxecto de prolongación da autovía da Costa da Morte, remita ao Ministerio de Fomento o estudo técnico que se ten realizado sobre a viabilidade da execución dunha nova conexión desde esta vía de altas prestacións ata o parque empresarial de Vimianzo. Así mesmo, demándase ao Goberno central a execución desta nova conexión co polígono de Vimianzo, como é o seu deber e responsabilidade ao tratarse dun parque empresarial dependente de Suelo Empresarial del Atlántico, unha sociedade participada na súa maioría polo Ministerio de Fomento.