Alfonso Rueda e a “forza do PPdeG” arroupan a Alberto Núñez Feijóo como o político “forte, honrado e motivado” que liderará o cambio “imprescindible e inaprazable” en España

O presidente do PPdeG, Alfonso Rueda, defende a forza do partido en Galicia cunha mobilización “impresionante” no Multiusos Fontes do Sar, “xusto cando máis o precisamos neste país”, poñendo en valor este gran mitin dentro dunha campaña de Eleccións Xerais na que “os galegos e galegas iremos a por todo”, dixo, pedindo de novo o apoio para Alberto Núñez Feijóo para que dende a súa terra “sexamos o motor do cambio”. Así, definiuno como un político “forte, honrado e motivado” que “está no seu mellor momento”, polo que lanzou unha mensaxe para o resto de españois, asegurándolles que “non se van arrepentir de votalo”, porque será bo para Galicia e para España. Para Rueda, o cambio necesario é, ademais, “imprescindible e inaprazable”.

Así o manifestou no mitin celebrado esta mañá en Santiago de Compostela e encabezado polo presidente do Partido Popular, Alberto Núñez Feijóo, no que tamén interveu o secretario xeral do PP, Miguel Tellado; o presidente provincial do PP da Coruña, Diego Calvo, e a número dous ao Congreso pola Coruña, Fabiola García. Estiveron acompañados pola secretaria xeral do PPdeG, Paula Prado, así como outros cargos do partido, militancia e simpatizantes das catro provincias galegas, ademais doutros representantes e apoios trasladados desde toda España para arroupar ao líder do PP nacional.

“A Galicia non ten que vir ninguén a presentar a Alberto Núñez Feijóo, porque o coñecemos nas duras e nas maduras”, sinalou durante a súa intervención o presidente do PP autonómico. Tamén lamentou os oito anos de Goberno de Sánchez e os seus socios, baseado na “indecencia, na corrupción e nas mentiras” que, ademais, tamén fixo dano a Galicia, sendo “incompetentes e inxustos” coas preocupacións e necesidades dos galegos e galegas.

Rueda insistiu na necesidade dun Goberno que “coñeza a nosa xente, o noso rural, e que valore Galicia. Porque pedimos lealdade e compromiso”. Así, insistiu na súa xa tradicional mensaxe para criticar os acordos de Sánchez con outras comunidades autónomas que lle son máis útiles: “Non pedimos máis que ninguén, pero non imos deixar que nos quiten as cousas para darllas aos demais”, dixo.

A PEOR SUCURSAL DE SÁNCHEZ, EN GALICIA

Tamén fixo referencia aos radicalismos e aos partidos que deron o seu apoio a Sánchez durante estes oito anos de goberno, como o caso do BNG. “En Galicia temos a peor sucursal do PSOE en toda España”, subliñou, en referencia á UPG, “os que mandan no BNG”, que, en realidade, “son os máis bravos no Parlamento”, mentres no Congreso, “o seu único candidato é o máis manso”, afeando que apoiaron ao sanchismo a cambio de nada para Galicia.

Neste sentido, tamén mencionou “aos que veñen a levantar muros” a unha Galicia á que “non lle gusta crispación”. Así, defendeu que na nosa terra “somos galegos e españois, con orgullo e sen complexos”, polo que insta a que ninguén “nos faga elixir”.

Co Multiusos Fontes do Sar cheo, auguroulle a Alberto Núñez Feijóo que o acto en Galicia lle dea “forza” para o que resta de campaña. “Alberto Núñez Feijóo está no seu mellor momento”, reivindicou, mentres as gradas lle amosaron o seu apoio con aplausos e con cánticos de “Oa, oa, Feijóo a la Moncloa” ou “Feijóo, presidente”.

DIEGO CALVO: “ESTÁ EN XOGO O FUTURO DE ESPAÑA”

Pola súa banda, o presidente provincial do PP da Coruña, Diego Calvo, apelou á mobilización e á unidade do partido, xa que “está en xogo moito máis ca un cambio de Goberno: está en xogo o futuro de España”. Calvo destacou a importancia dunha cita electoral na que os cidadáns terán a oportunidade de apostar por un proxecto de estabilidade, confianza e xestión fronte ao desgaste do Goberno de Pedro Sánchez.

O dirixente popular reivindicou a figura de Alberto Núñez Feijóo como “un valor seguro que os galegos coñecemos ben”, lembrando a súa traxectoria e a súa capacidade de xestión á fronte da Xunta de Galicia. Así, amosouse convencido de que Feijóo representa a alternativa que necesita o país para recuperar a estabilidade institucional, a confianza e a atención aos problemas reais dos cidadáns.

Por último, asegurou que o PP da provincia da Coruña vai implicarse ao máximo nesta campaña, mobilizando todos os seus equipos e chegando a cada concello, vila e parroquia.

Tamén interveu no mitin a número dous ao Congreso pola provincia da Coruña, Fabiola García, que lembrou que a súa etapa como responsable da área de Política Social e Igualdade do Goberno galego ensinoulle a poñer en valor ás persoas máis vulnerables.

8.000 PERSOAS AMOSARON O SEU APOIO AO “SUPERHEROE” FEIJÓO

O Multiusos Fontes do Sar acolleu unha mobilización masiva de apoio ao presidente do PP nacional, Alberto Núñez Feijóo. Un total de 8.000 asistentes, chegados de toda Galicia, achegáronse a Santiago de Compostela para darlle o seu apoio a un galego que aspira a ser o presidente que o Goberno de España precisa e merece. Baixo o lema “O cambio necesario”, miles de simpatizantes e afiliados apoiaron a candidatura de Alberto Núñez Feijóo para desaloxar a Pedro Sánchez da Moncloa o próximo 29 de novembro.

Durante o acto, tamén se proxectaron varios vídeos, como a peza audiovisual estreada no inicio da campaña no que un Feijóo convertido en superheroe de cómic protagoniza unha batalla épica contra un adversario que encheu de “escuridade” España. Tamén se visualizou un emotivo vídeo no que a nai de Feijóo falou dos aspectos máis persoais do seu fillo, ao que desexou a maior das sortes de cara ao 29 de novembro.

Alfonso Rueda anima aos galegos e galegas a “encher as urnas de futuro” dándolle o voto á “reconstrución nacional” de Núñez Feijóo

O presidente do PPdeG, Alfonso Rueda, pide o voto para o Partido Popular e Alberto Núñez Feijóo, “a única persoa capaz de emprender a reconstrución nacional”, como “ben saben” os galegos e galegas. Para Rueda, hoxe comeza a conta atrás para “o cambio necesario”, tras oito anos de desgoberno do sanchismo e os seus socios -como o BNG-, polo que anima a que Galicia sexa “o motor de cambio”, “enchendo as urnas de futuro para España” o próximo 29 de novembro nas Eleccións Xerais.

Así o manifestou o líder do PPdeG no tradicional acto de inicio de campaña electoral, que se celebrou no hotel Eurostars San Lázaro de Santiago de Compostela, xunto ao secretario xeral do PP nacional e cabeza de lista ao Congreso pola provincia da Coruña, Miguel Tellado. No acto tamén participaron o presidente provincial do PP da Coruña, Diego Calvo, e o presidente do PP de Santiago e candidato á Alcaldía, Borja Verea. Tamén asistiron a secretaria xeral do PPdeG, Paula Prado, e outros cargos e representantes do partido.

O presidente do PPdeG pediu aos seus unha “marcha máis” nestas dúas semanas de traballo intenso e ilusionante de campaña, co obxectivo de “non confiarse”, xa que cada voto conta e as eleccións “só se gañan nas urnas”. Para Rueda, é fundamental o cambio da man de Alberto Núñez Feijóo, xa que “España merece algo mellor”, e chama aos galegos e galegas a “non fallar”, para que a vitoria do líder nacional do PP sexa con maioría sólida e ampla.

De Alberto Núñez Feijóo valora a súa experiencia, o seu compromiso inquebrantable co país e o proxecto de reconstrución nacional para todos os españois. “Vainos o futuro nisto”, sinalou Rueda.

O presidente dos populares galegos reivindica que España “non merece” un Goberno coma o de Sánchez e os seus socios, lembrando os casos de Koldo e Ábalos, a falta de orzamentos xerais, a desprotección e abandono das fronteiras en Ceuta ou o feito de que este Goberno central se blinda os pluses a directivos de Adif mentres o sistema ferroviario “fai augas” en todo o país.

“España merece algo mellor. Un Goberno de reconstrución, de esperanza. Un Goberno con Alberto Núñez Feijóo como presidente”, concluíu Rueda. Na mesma liña interveu Miguel Tellado, quen tamén pediu o voto para Alberto Núñez Feijóo e agradeceu a acollida e o apoio que sempre ten en Galicia.

DIEGO CALVO: “É O MOMENTO DE ESTAR NA RÚA”

Pola súa banda, o presidente do PP da provincia da Coruña, Diego Calvo, cualificou como “decisivas” as xornadas de campaña, polo que aspira que os populares “percorramos toda a provincia, para estar en cada concello, en cada comarca e para chegar a todos os galegos e galegas”. Para Calvo, é o momento de estar na rúa e trasladar a mensaxe do Partido Popular, cunha campaña que, sinala, “debemos afrontar coa máxima ilusión, responsabilidade e intensidade”.

“O noso obxectivo é claro: conseguir que Alberto Núñez Feijóo sexa o próximo presidente do Goberno de España. Queremos que a súa voz, o seu proxecto e as súas propostas estean presentes en toda a provincia da Coruña”, sinalou, polo que pide aos cidadáns que confíen no proxecto popular. “Cada voto conta, cada apoio importa e cada conversa pode ser decisiva”, engadiu.

Calvo aspira a que a provincia da Coruña “estea á altura”, e pide a todos os galegos e galegas que dean a súa confianza a Alberto Núñez Feijóo para “abrir unha nova etapa política en España”, onde A Coruña “ten moito que dicir nese futuro”.

BORJA VEREA: “SANTIAGO VAI SER A PUNTA DE LANZA DA VITORIA DE ALBERTO NÚÑEZ FEIJÓO

Por último, o presidente do PP de Santiago e candidato á Alcaldía, Borja Verea, agradeceu a elección da capital de Galicia para un momento tan importante como o inicio da campaña electoral en Galicia. Para Verea, é “un acerto, porque Santiago vai ser a punta de lanza da vitoria de Alberto Núñez Feijóo”.

Verea definiu a Feijóo como “o mellor candidato”, destacando, entre outros valores, a honestidade, a solvencia, e o rigor. “Temos un candidato que sabe gañar, temos as mellores ideas e representamos o cambio necesario”, apuntou.

O portavoz do PP local tamén se dirixiu a todos os santiagueses e santiaguesas, lembrando que despois das Eleccións Xerais chegará o reto das municipais, onde se elixirá ao próximo alcalde de Santiago. “Non vai haber ningún presidente do Goberno que se preocupe e vaia apoiar máis a Santiago que Alberto Nuñez Feijóo”, concluíu.

O PPdeG reforza a protección das vítimas de violencia dixital para actuar “desde o primeiro momento” nos casos urxentes e de risco grave

O PPdeG reforza a protección das vítimas de violencia dixital e amplía o alcance do dereito á restauración da reputación dixital a través dunha emenda ao artigo 23 da Lei de medidas integrais contra o acoso e a violencia dixital de Galicia, pioneira en Europa e que se está a tramitar no Parlamento. O obxectivo é que “a vítima conte desde o primeiro momento con asesoramento, acompañamento, capacidade de reacción rápida e protección das probas”, explicou Raquel Arias.

A portavoz de Política Social do Grupo Parlamentario Popular puxo en valor esta emenda, que ofrece “ás vítimas unha protección máis rápida, máis ampla e máis efectiva, pero ao mesmo tempo plenamente respectuosa coas garantías xurídicas e coas competencias dos órganos xudiciais”, no seo da Comisión 5ª, onde quedou aprobado, sen votos en contra, o texto do articulado recollido no informe da ponencia sobre o Proxecto de lei. Así mesmo, aprobáronse por unanimidade as transaccións de emendas recollidas no devandito informe.

Co novo texto, o servizo adquire un carácter máis amplo e integral, incorporando asesoramento, acompañamento, asistencia técnica e intermediación ante plataformas dixitais, buscadores ou provedores de servizos. Tamén se amplía o abano de actuacións: ademais da eliminación de contidos, se engaden a retirada, o bloqueo, a desindexación ou a limitación da súa difusión.

Unha das principais novidades que introduce a emenda é que se incorpora unha vía excepcional para os casos de urxente necesidade e risco grave para a integridade física, psicolóxica, moral ou sexual da vítima. Nestas situacións, o servizo poderá ofrecer asistencia inmediata para solicitar ás plataformas as medidas previstas na normativa.
Cómpre subliñar que non se atribúe á Administración autonómica a capacidade de ordenar unilateralmente a retirada dun contido. As actuacións realizaranse sempre respectando as competencias dos órganos xudiciais e do Ministerio Fiscal. O servizo poderá activarse tamén cando exista unha medida cautelar xudicial, sen ter que esperar necesariamente a unha resolución definitiva. Así, “mellórase a capacidade de resposta ante situacións nas que o dano se está producindo en tempo real”, indicou Raquel Arias.

En paralelo, refórzanse as garantías xurídicas. Antes de promover a retirada ou eliminación dun contido, informarase á vítima da conveniencia de preservar as evidencias dixitais que poidan ser necesarias nun procedemento xudicial ou administrativo. “Trátase de deter o dano sen destruír a proba”, destacou a portavoz de Política Social do Grupo Popular.

Por último, mantendo á gratuidade do servizo, a nova redacción do artigo 23 emprega unha fórmula xuridicamente máis precisa para establecer que a Administración poderá exercer as accións de repetición ou resarcimento que procedan fronte ás persoas condenadas polos feitos que provocaron a prestación do servizo.

“MANS ABERTAS PARA SEGUIR DIALOGANDO”
Durante a súa intervención, Arias agradeceu o “ton construtivo” co que se desenvolveron as reunións da ponencia –ademais da emenda do Grupo Popular, a oposición presentou 72, das que se aceptaron directamente 17, ás que se engaden seis transaccións-, e apelou aos grupos da oposición para que a Lei de medidas integrais contra o acoso e a violencia dixital de Galicia sexa aprobada por “unanimidade”, como ten sucedido coa “inmensa maioría das leis que teñen que ver coa promoción da igualdade ou a loita contra a violencia de xénero”.

Sen esquecer que son as mulleres, aproximadamente nun 70%, as que sofren a violencia dixital, e as emendas aceptadas inciden en recoller esta realidade –que xa constaba no texto inicial-, remarcou que esta “non é unha lei de violencia de xénero”, senón que “afronta a violencia dixital sufrida por calquera galego”.

Arias concluíu insistindo en que o Grupo Popular ten “as mans abertas” para “seguir dialogando e traballando” a prol de acadar o “maior consenso posible, e a ser posible a unanimidade”, en torno a esta lei, por ser o que merecen aqueles que “sufriron no pasado, sofren e sufrirán no futuro” a violencia dixital.

Millán Mon lamenta la ausencia de la reforma de la Política Pesquera Común en el Programa de Trabajo de la Comisión 2027

El eurodiputado del PPdeG Francisco Millán Mon lamenta que la Comisión Europea “vuelva a dejar a la pesca fuera de sus prioridades”, criticando que, en la lista de iniciativas legislativas, no incluyan medidas específicas para el sector pesquero. Así lo manifestó ayer en el debate sobre el Programa de Trabajo de la Comisión para 2027, que se realizó en presencia del Comisario de Comercio y Seguridad Económica, Maros Šefčovič.

Millán Mon enfatizó: “Me duele especialmente la ausencia de la tan necesaria reforma de la Política Pesquera Común”, y recordó la resolución aprobada por el Parlamento Europeo el pasado mes de septiembre, con amplio respaldo, en la que se urgía una reforma urgente de la PPC.

El eurodiputado aludió también a la carta dirigida a la Presidenta de la Comisión, Ursula Von der Leyen, y firmada por 60 eurodiputados populares, en la que se pedía la inclusión de la reforma de la PPC en el Programa de Trabajo de la Comisión. “No puedo comprender la obstinación de la Comisión en evitar esta reforma”, lamentó.

El eurodiputado gallego del PPdeG recordó el deterioro del sector extractivo, apuntando que “cada año hay menos barcos y más viejos, menos pescadores y de más edad también, menos descargas de pescado y de menos valor y una rentabilidad que apenas alcanza el 1%”. Tras esta enumeración, preguntó a la Comisión Europea: “Ante esta situación, ¿cuál es su respuesta? No hacer nada legislativo. Es decepcionante”.

Para finalizar, Millán Mon se dirigió al Comisario Šefčovič para exigir medidas legislativas concretas y un calendario claro. “La pesca no puede seguir siendo la gran olvidada de la Comisión”, concluyó.

ADRIÁN VÁZQUEZ: “OS MOZOS NON SON O FUTURO DO PPDEG: SON O SEU PRESENTE”

Adrián Vázquez destacou a importancia de que os mozos se formen e se impliquen na vida pública. “Investir na formación dos mozos é investir no futuro de Galicia e de España. Queremos que estes mozos volvan a casa con ferramentas profesionais e a certeza de que Europa tamén é o seu sitio”, afirmou.

O eurodeputado lalinense subliñou que Bruxelas “está chea de oportunidades que moitos mozas descoñecen” e animou aos participantes para aproveitalas: “As institucións europeas necesitan talento galego. Hai que perder o medo para vir aquí, a presentarse a unhas oposicións ou a pedir unhas prácticas. Quen dá o paso descobre que Europa abre portas que suman moito en Galicia, España e o mundo enteiro”.

MILLÁN MON DEFENDE A FORMACIÓN SOBRE A UNIÓN EUROPEA

Pola súa banda, o eurodeputado do PPdeG, Francisco Millán Mon, tamén celebrou a visita de 25 mozos de Novas Xeracións de Galicia ao Parlamento Europeo, a casa de todos os europeos.

“A Unión Europea chegou hai moito tempo para quedarse. Por iso, resulta moi positivo que os nosos mozos coñezan de primeira man as oportunidades que a UE lles ofrece para estudar, a través de programas como Erasmus -que celebrará o seu 40º aniversario en 2027-, e para adquirir experiencia profesional mediante iniciativas como las prácticas Blue Book da Comisión Europea ou as bolsas Schuman do Parlamento Europeo, entre outras”, dixo.

Ademais, Millán Mon engadiu que “desde hai moitos anos veño defendendo a conveniencia de implantar unha materia optativa sobre l Unión Europea nos centros escolares, que permita aos estudantes coñecer mellor os antecedentes, os obxectivos e o funcionamento das Institucións Europeas”.

Adrián Vázquez defende á mocidade galega como “decisiva” para “o cambio necesario” en España o próximo 29 de novembro

O eurodeputado galego do PPdeG, Adrián Vázquez, recibiu esta semana en Bruxelas a unha delegación de 25 mozos de NNXX de Galicia, a quen define como “decisivos” para o “cambio necesario” en España a partir do 29 de novembro. Así o defendeu durante a visita dos mozos e as xornadas de formación, que se centraron nas campañas electorais e nas oportunidades laborais que ofrecen as institucións europeas.

Vázquez puxo en valor o papel de Novas Xeracións como canteira do partido e asegurou que o PP afronta o próximo ciclo electoral, “co mellor proxecto e co equipo máis preparado”. “Galicia é o exemplo do que o Partido Popular é quen de facer cando goberna: estabilidade, boa xestión e unha maioría que se gaña en cada parroquia. Ese modelo é o que España necesita, e estes mozos van ser decisivos para logralo”, sinalou.

Nesa mesma liña interveu o eurodeputado pontevedrés Millán Mon, convencido de que Galicia volverá desempeñar un papel decisivo como motor do cambio político o próximo 29 de novembro. “Os mozos galegos terán unha contribución fundamental nese obxectivo. Fronte á inestabilidade, a falta de xestión e as mentiras do actual Goberno central, Alberto Núñez Feijóo representa a experiencia, o rigor e a capacidade de xestión que España e Galicia necesitan e merecen”, afirmou.

Do mesmo xeito que os galegos non quere “nin nacionalismos nin sucursalismos”, amosouse convencido de que son maioría os españois que están desexando unha política que se pareza máis á que triunfa en Galicia.

DOUS DÍAS DE SESIÓNS DE TRABALLO CON EXPERTOS

Durante dous días, os mozos populares galegos participaron en sesións de traballo con expertos en comunicación, asuntos públicos e internacionais co obxectivo de mellorar as súas habilidades e coñecementos para a campaña electoral que comeza este xoves.

Ademais, coñeceron de primeira man las distintas vías de acceso a unha carreira profesional en Bruxelas: oposicións de la EPSO, prácticas nas institucións —como as bolsas Schuman do Parlamento Europeo ou las prácticas Blue Book da Comisión—, postos de asistente parlamentario e emprego no sector privado, en la OTAN e nas representacións rexionais.

ADRIÁN VÁZQUEZ: “OS MOZOS NON SON O FUTURO DO PPDEG: SON O SEU PRESENTE”

Adrián Vázquez destacou a importancia de que os mozos se formen e se impliquen na vida pública. “Investir na formación dos mozos é investir no futuro de Galicia e de España. Queremos que estes mozos volvan a casa con ferramentas profesionais e a certeza de que Europa tamén é o seu sitio”, afirmou.

O eurodeputado lalinense subliñou que Bruxelas “está chea de oportunidades que moitos mozas descoñecen” e animou aos participantes para aproveitalas: “As institucións europeas necesitan talento galego. Hai que perder o medo para vir aquí, a presentarse a unhas oposicións ou a pedir unhas prácticas. Quen dá o paso descobre que Europa abre portas que suman moito en Galicia, España e o mundo enteiro”.

MILLÁN MON DEFENDE A FORMACIÓN SOBRE A UNIÓN EUROPEA

Pola súa banda, o eurodeputado do PPdeG, Francisco Millán Mon, tamén celebrou a visita de 25 mozos de Novas Xeracións de Galicia ao Parlamento Europeo, a casa de todos os europeos.

“A Unión Europea chegou hai moito tempo para quedarse. Por iso, resulta moi positivo que os nosos mozos coñezan de primeira man as oportunidades que a UE lles ofrece para estudar, a través de programas como Erasmus -que celebrará o seu 40º aniversario en 2027-, e para adquirir experiencia profesional mediante iniciativas como las prácticas Blue Book da Comisión Europea ou as bolsas Schuman do Parlamento Europeo, entre outras”, dixo.

Ademais, Millán Mon engadiu que “desde hai moitos anos veño defendendo a conveniencia de implantar unha materia optativa sobre l Unión Europea nos centros escolares, que permita aos estudantes coñecer mellor os antecedentes, os obxectivos e o funcionamento das Institucións Europeas”.

Paula Prado lamenta a folga xeral “contra a oposición” cun carácter “electoral e partidista” e en defensa do Goberno que máis dano lle ten causado a Galicia

A secretaria xeral do PPdeG, Paula Prado, critica á esquerda que convocou hoxe unha folga xeral “insólita”, xa que se trata da primeira vez que se fai contra a oposición e non contra o Goberno. Para Prado, trátase dunha convocatoria “electoral e partidista que non pensan nos traballadores”, fronte a un Partido Popular “que si se esforza e pensa na veciñanza”. Neste sentido, identifica aos manifestantes como “defensores do Goberno que máis dano lle ten causado a Galicia” nestes oito anos de xestión de Sánchez e os seus socios do BNG. “O Grove, Galicia e España merecen un cambio o próximo 29N con Alberto Núñez Feijóo”, engade.

Así o manifestou durante un paseo polo Grove, acompañada polo cabeza de lista ao Congreso por Pontevedra, Julio García Comesaña, e a portavoz do PP local, Carolina Otero. Durante a visita á vila, lamentou a “parálise e falta de xestión” por mor de “gobernos de perdedores” coma o do Grove, “esgotado como o Executivo sanchista”. Pola contra, puxo en valor o “gran equipo” do PP local, que fai “oposición valente e forte”, sen ceder aquí tampouco a “folgas electoralistas e intereses persoais”.

“Hoxe os sindicatos e os satélites dos partidos de esquerda tamén están apoiando esta convocatoria”, dixo, sinalando ao BNG como “cómplice dende hai oito anos do Goberno sanchista”. Ao mesmo tempo, a núemro dous dos populares galegos lembrou que apoiar ao BNG o próximo 29N sería o mesmo que apoiar ao PSOE.

Prado sinalou que “mentres tanto, no PP somos o partido dos traballadores, que hoxe non se mobilizan porque significaría apoiar ao Goberno corrupto”, que non construíu nin unha soa vivenda e que encareceu o custo da vida en España coma nunca antes, remarcando que o PP está ao carón dos “traballadores, e o dereito ao traballo é tan importante como o dereito á folga”, criticando que os piquetes impidan a moitos galegos e galegas ir a traballar.

Por último, defendeu que o único capaz de liderar a reconstrución nacional é o Partido Popular de Alberto Núñez Feijóo, cun programa “do cambio necesario”, que “refará o que desfixo o sanchismo e os seus socios”.

O PPdeG acusa o BNG de utilizar as mariscadoras de Camariñas para ocultar os incumprimentos de Sánchez

A deputada do Grupo Parlamentario Popular, Paula Mouzo, esixiulle, hoxe, ao BNG que “non continúe protexendo a Pedro Sánchez e lle reclame ao Goberno de España as axudas que deben recibir as mariscadoras de Camariñas e deixe de ocultar os seus incumprimentos”

A parlamentaria popular denunciou que “os nacionalistas pretenden que a Xunta asuma as prestacións e as exencións de cotas que son competencia exclusiva do Goberno central” e insistiu en reclamar que “cumpra os compromisos anunciados en xullo”: “O BNG está a usar a difícil situación das mariscadoras de Camariñas para facer propaganda política contra o Goberno galego e queren esconder que Madrid incumpre, Galicia paga e o BNG presume. “Iso non é defender Galicia –engadiu-, é defender a Sánchez a costa dos galegos”.

Do mesmo xeito, afeou que os nacionalistas tenten trasladar á Xunta responsabilidades do Goberno de España, sobre todo, nas prestacións por cese de actividade e pola exención das cotizacións á Seguridade Social das mariscadoras. Neste punto, fixo especial fincapé en que o BNG “é moi valente para esixir á Xunta, pero moi covardes cando toca reclamarlles aos seus socios de Madrid”.

Mouzo destacou que “sete mariscadoras de Camariñas quedaron sen a prestación por cese de actividade tras serlles denegada polo Instituto Social da Mariña, organismo dependente do Goberno central” e advertiu de que “a exclusión doutras profesionais das axudas estivo relacionada cos atrasos na resolución dos expedientes polo Instituto Nacional da Seguridade Social”. “Quen lles denegou a prestación? A Xunta non, foi o Instituto Social da Mariña, que depende do Goberno de Sánchez e agora pretenden que sexan os galegos quen paguen o que o Goberno central non resolve”, apuntou.
O PPdeG tamén puxo o foco no compromiso anunciado polo BNG o pasado 13 de xullo, cando asegurou ter acadado un acordo co Executivo estatal para eximir das cotizacións á Seguridade Social ás mariscadoras afectadas polo cese forzoso da actividade, pero “catro meses despois –continuou- as profesionais continúan pagando as súas cotas mensuais”. E subliñou que esta reivindicación xa foi defendida polo PP no Parlamento galego e aprobada por unanimidade, así como no Senado: “É inaceptable que o BNG pretenda agora, cunha iniciativa trampa, que a Xunta asuma economicamente unha obriga que corresponde ao Estado”.

A XUNTA XA ACTÚA NA RECUPERACIÓN DOS BANCOS MARISQUEIROS
Fronte ás críticas do BNG, Mouzo Mas lembrou que varias das actuacións reclamadas na iniciativa nacionalista xa están feitas ou en marcha por parte da Consellería do Mar. Así, a axuda para a compra de semente destinada foi resolta o pasado 11 de xuño. Só en 2024 entregáronse máis de 814.000 unidades de semente para os bancos marisqueiros de Camariñas, nunha colaboración coa confraría que se mantén periodicamente desde 2014.

Tamén lembrou que o Goberno galego achegou 75.000 euros para financiar o estudo do Instituto de Hidráulica Ambiental, cuxas conclusións xa están orientando as actuacións de recuperación, e que a Confraría dispón dun plan de xestión para os vindeiros anos.

“Como mariscadora son a primeira en esixirlle á Xunta; e como armadora, tamén. Pero non vou aceptar que se lle atribúan responsabilidades que non lle corresponden”, sinalou, para continuar afeando aos nacionalistas galegos por intentar terxiversar a realidade. Neste punto, recordou o apoio do Goberno galego na elaboración de estudos, as sementeiras, as diferentes achegas e actuacións de rexeneración. Neste punto, incidiu en que o Goberno galego xa se dirixiu en dúas ocasións ao Instituto Social da Mariña, en marzo e outubro, para abordar a situación das profesionais afectadas, polo que agora lle corresponde ao Executivo central dar unha resposta.

Finalmente, Paula Mouzo agregou que “nós non imos permitir que a Xunta se converta na caixa pagadora dos incumprimentos de Sánchez. As mariscadoras de Camariñas merecen solucións, non propaganda; compromisos que se cumpran e non anuncios que quedan en papel mollado”.

O PPdeG denuncia “a pasividade” do Goberno central ante os fallos no sistema de pulseiras antimaltrato e esixe medidas urxentes

O portavoz do Grupo Parlamentario Popular, Alberto Pazos, avanzou, hoxe, a iniciativa que os populares trasladarán ao vindeiro pleno relativa aos reiterados fallos rexistrados no Sistema Cometa de seguimento telemático de agresores –as pulseiras antimaltrato-; e a través da cal esixirán ao Goberno central que “emende de inmediato” esta situación.

Neste senso, criticou a “pasividade e falta de transparencia” do Executivo de Pedro Sánchez fronte a episodios como o de novembro de 2025, cando un fallo deixou sen protección a 4.500 mulleres durante trece horas. Por iso, o PPdeG esixe que se fagan públicas as auditorías do Sistema Cometa, que se deseñe un plan coordinado coa Xunta para corrixir a falta de cobertura e as falsas alarmas e que se melloren os controis: “Unha soa hora sen xeolocalización pode custar unha vida”.

O portavoz popular alertou de que a seguridade das mulleres “non pode depender dun sistema tecnolóxico cheo de eivas” e lembrou que a propia Fiscalía Superior de Galicia, na súa memoria de 2026, vén de advertir de falsas alarmas nas distancias de afastamento e perdas de cobertura que dificultan a xeolocalización dos agresores e das vítimas.

CONDENA DOS ACTOS VANDÁLICOS
Asemade, informou dunha proposición non de lei na que se urxe a todos os grupos da Cámara galega a apoiar a iniciativa para condenar “de xeito rotundo” os actos violentos e vandálicos que “sementaron o caos” na Coruña o pasado 21 de outubro; unhas mobilizacións, recordou, que derivaron en queima de contedores, lanzamento de obxectos perigosos e danos no mobiliario urbano.

Tal e como dixo, a liberdade de expresión e o dereito de reunión non poden servir de “tapadeira para a violencia e a intimidación”. “As ideas –salientou- combátense con argumentos, nunca con agresións, ameazas ou intimidación”. Neste senso, afeou “o silencio cómplice” ante estes “episodios intolerables” das organizacións que convocaron estas protestas, citando de xeito moi sinalado a Galiza Nova, a organización xuvenil do BNG: “Preocúpanos o clima de confrontación e de trincheiras que algúns se empeñan en perpetuar, pero o que resulta máis preocupante é a actitude de quen convoca e despois cala”.

“A discrepancia política xamais pode ser unha escusa para xustificar, minimizar ou banalizar a violencia por razóns ideolóxicas”, denunciou Pazos, quen aproveitou a súa intervención para manifestar a solidariedade cos membros das Forzas de Seguridade que resultaron feridos.

REDE FERROVIARIA, MINA DE TOURO E PROTOCOLO PESQUEIRO
Ligado tamén á eiva de xestión estatal, o PPdeG formulará unha pregunta de urxencia para coñecer a información da que dispón o Goberno galego sobre o estado real da rede ferroviaria. Pazos denunciou que Pedro Sánchez converteu o ferrocarril “no símbolo absoluto da súa incompetencia”, o que xera unha crecente sensación de inseguridade. Segundo detallou, non se trata de feitos illados, senón de “anos de falta de xestión e de ausencia de investimentos”: só nos primeiros oito meses deste 2026, o número de avarías superou os 140 casos detectados.

Por outra banda, o PPdeG preguntará á Xunta sobre a selección, por parte da Comisión Europea, do proxecto mineiro de Touro-O Pino como proxecto estratéxico europeo. O portavoz puxo en valor un fito que sitúa a Galicia na vangarda da autonomía industrial da UE para o acceso a materias primas fundamentais. “Fronte aos prexuízos ideolóxicos e ao non a todo da esquerda, Europa avala que en Galicia hai potencial para unha minería moderna, sostible e capaz de xerar emprego no territorio”, indicou.

Así mesmo, os populares formularán unha pregunta sobre as accións do Goberno galego para defender os intereses da frota ante o fin do protocolo pesqueiro entre a UE e Mauritania o 14 de novembro, que afecta de xeito especial á frota de fresco de Marín. “Galicia non pode pagar as consecuencias da desidia ou da falta de peso político do Goberno de España en Bruxelas”, criticou.

 

CATRO TEXTOS LEXISLATIVOS PARA O IMPULSO DE GALICIA
Finalmente, o portavoz avanzou o debate de dous importantes textos lexislativos: a Lei de Administración Local de Galicia (LALGA), unha norma para modernizar unha lexislación de hai 30 anos; e a Lei de Educación Dixital de Galicia, para garantir un uso seguro e responsable das novas tecnoloxías nas aulas. A axenda lexislativa completarase o vindeiro luns cos debates ás emendas á totalidade da Lei de Orzamentos para 2027 e á Lei de medidas.

O PPdeG pon en valor o impulso da Xunta para situar o concello de Verea á vangarda dos servizos sociais no rural

O PPdeG reivindicou o pulo decidido da Xunta de Galicia ao benestar social e ao tecido comunitario do concello de Verea, grazas a un investimento estratéxico destinado a mellorar os servizos públicos no rural, incrementar as prazas de atención e fixar poboación na contorna.

Durante unha visita ao Fogar Residencial de Maiores, os deputados do Grupo Parlamentario Popular Cristina Campero e José Luis Ferro, xunto á candidata do PP local, Ángeles Álvarez, e a alcaldesa da Bola e deputada provincial de Igualdade, María Teresa Barge, puideron coñecer a nova residencia municipal, que conta con 24 prazas en 12 habitacións dobres e espazos médicos e de rehabilitación de vangarda. Os populares enxalzaron o investimento autonómico de 730.000 €; unha achega que, tal e como sinalaron, demostra que o obxectivo prioritario do Goberno galego é optimizar os servizos públicos municipais e coidar da nosa xente no rural. A esta cantidade hai que sumarlle os 58.000 € que a Deputación provincial destinou á urbanización de toda a contorna.

A este respecto, explicaron que a nova residencia de Verea se enmarca no Plan de investimentos da Xunta de Galicia, acordado coa Fegamp e dotado con 18,5 M€ de fondos NextGenerationEU para desenvolver unha vintena de proxectos no rural. Esta estratexia destina á provincia de Ourense o 65% do orzamento total –12 millóns de euros- para crear novas prazas residenciais e de centro de día en Galicia, consolidando o compromiso prioritario do Goberno galego co envellecemento activo e a atención digna e profesional á terceira idade.

Para a deputada popular Cristina Campero, este investimento é unha proba do compromiso real do Goberno galego coa calidade de vida en Ourense, ofrecendo equipamentos públicos de primeiro nivel para que as persoas maiores poidan recibir atención preto da súa contorna con total dignidade. Porque, segundo dixo, dotar aos concellos de servizos sociais de calidade resulta fundamental tamén para fixar tecido social e garantir o desenvolvemento e o futuro da provincia.

Pola súa banda, o deputado José Luis Ferro remarcou que a verdadeira política social faise con feitos e investimentos directos nas infraestruturas de atención ás persoas, poñendo en valor que o proxecto da nova residencia dota a Verea dun motor asistencial indispensable para as familias do municipio.

Paula Prado pon en valor os “grandes equipos” do PP da comarca de Sarria, aos que pide un “esforzo” para sumarse ao “cambio necesario” en España

A secretaria xeral do PPdeG, Paula Prado, xunto ao candidato ao Congreso pola provincia de Lugo, Francisco Conde, e a presidenta do PP local, Carmen José López, participaron hoxe nunha reunión de alcaldes e portavoces da comarca de Sarria. A número dous dos populares galegos e directora da campaña do PPdeG ás Eleccións Xerais reivindicou aos populares da comarca como un “gran equipo”, ao que lles pediu un “plus de esforzo” de cara ao reto electoral do próximo 29 de novembro.

Así o manifestou a secretaria xeral durante a reunión de traballo celebrada no Hotel Alfonso IX, onde se puxo en valor o traballo diario sobre o terreo de alcaldes e portavoces, ademais da súa necesaria implicación para contribuír a que Galicia sexa “o motor do cambio necesario” en España, co obxectivo de que Alberto Núñez Feijóo sexa o próximo presidente do Goberno central.