O Grupo Popular subliña a importancia das casas-niño como modelo de conciliación e apoio ao rural galego

Os deputados do Grupo Popular Víctor Baladrón, Noelia Pérez e Juan Casares visitaron as dúas casas-niño do concello de Vilardevós, “proxectos fundamentais para fixar poboación, apoiar ás familias e asegurar que as novas xeracións poidan medrar con oportunidades no seu propio entorno”, destacaron.

Durante o percorrido, o deputados populares destacaron o valor deste modelo pioneiro en España, pensado para dar resposta á conciliación da vida familiar e laboral no rural e que a Xunta xa garantiu a súa continuidade, cando menos, ata o ano 2028. As casas-niño, como a de Lala e Garabatos en Vilardevós, representan unha aposta firme por garantir servizos educativos e sociais de proximidade nos pequenos concellos.

Na actualidade, Galicia conta con máis de 100 casas-niño en funcionamento, das que máis da metade se localizan na provincia de Ourense, o que amosa un forte compromiso co desenvolvemento do interior. Ademais, recentemente, o Consello da Xunta aprobou a posta en marcha de 20 novas casas-niño, o que reafirma a vontade do Goberno galego de seguir ampliando esta rede tan necesaria para apoiar ás familias do rural.

O PPdeG denuncia o abandono turístico que sofre O Grove a consecuencia da falta de xestión do Goberno municipal

Os deputados do Grupo Popular Julio García Comesaña e Manuel Santos denunciaron hoxe a falta de xestión turística por parte do Concello de O Grove, polo que anunciaron a presentación de iniciativas políticas tanto a nivel local, como autonómico e nacional para demandar actuacións que melloren o atractivo turístico desta localidade pontevedresa.

En compañía do portavoz do PP en O Grove, Pablo Leiva, Julio García Comesaña e Manuel Santos realizaron diversas visitas a puntos turísticos estratéxicos de O Grove e constataron o abandono ao que os ten sumidos o Goberno socialista local. En concreto, demandaron actuacións urxentes en miradoiros ou no acceso ás praias deste municipio, así como a axilización inmediata do Plan de Sostibilidade Turística en Destino (Gastromeca), dotado con 2 millóns de euros procedentes de fondos europeos que o Concello está a retrasar inexplicablemente a súa execución.

OPORTUNIDADE PERDIDA

“Estamos ante un exemplo claro dunha oportunidade perdida por culpa da inacción municipal, porque hai fondos e hai proxecto, pero o que non hai é vontade política nin capacidade de xestión”, sinalou García Comesaña, quen lamentou tamén que non se convocase o Consello Local de Turismo nin exista unha mínima planificación para a Festa do Marisco de 2025, que a estas alturas segue sen cartel anunciador nin bases para as Centolas de Ouro.

Os deputados populares tamén puxeron o foco na falta de limpeza urbana, a ausencia de aparcadoiros disuasorios e o deterioro de servizos básicos, cuestións reiteradamente denunciadas polos veciños e tamén polos empresarios, como puxo de manifesto a asociación Emgrobes nas súas reunións co alcalde.

“O Grove merece unha xestión turística á altura do seu potencial, porque hoxe, por culpa do desleixo do seu alcalde, está a perder oportunidades mentres outros concellos da contorna avanzan e aproveitan os recursos dispoñibles”, concluíu Manuel Santos.

Diante desta situación, os deputados populares e o voceiro local do PP anunciaron a presentación de iniciativas políticas no concello, para que se convoque de forma inmediata o Consello Local de Turismo e dinamice a mesa de seguimento da Gastromeca; no Parlamento de Galicia, para esixir ao Goberno central que garanta a execución dos fondos europeos concedidos ao Grove e que supervise a súa correcta aplicación; e no Congreso e no Senado, para que o Goberno central explique os atrasos acumulados e detalle os mecanismos de control sobre os plans financiados con cargo ao Plan de Recuperación.

Os eurodeputados do PPdeG celebran o primeiro aniversario das eleccións europeas coa satisfacción de “cumprir con Galicia” no eido da pesca, o sector primario ou a industria

Os eurodeputados galegos Francisco Millán Mon e Adrián Vázquez, fan balance do primeiro ano transcorrido desde a maioritaria vitoria do PPdeG nas eleccións europeas de 2024 destacando o alto grado de cumprimento dos compromisos electorais adquiridos con Galicia no eido da pesca, o sector primario ou a industria.

“O PP cumpre e, cando nós cumprimos, Galicia, España e Europa avanzan”, subliña Millán Mon citando como exemplos a creación dun comisario específico de Pesca ou o acordo ao que se chegou co Reino Unido para “garantir o acceso mutuo a augas ata 2038 e dar seguridade e previsibilidade aos nosos pescadores”.

No que se refire á agricultura, destaca tamén que, logo de conseguir a rebaixa do nivel de protección do lobo, os populares foron quen de “ofrecer maior protección ao sector gandeiro e devolver equilibrio ao medio rural”. Algo que, na súa opinión, foi posible grazas ao compromiso da nova Comisión Europea por “facilitar a vida” tanto ao sector primario como ao industrial.

A redución prioritaria da burocracia é para o eurodeputado pontevedrés unha boa mostra disto, tal e como se pode comprobar nos avances de cara á simplificación da PAC, na posposición dun ano do regulamento de deforestación ou no aprazamento das sancións por emisións ao sector da automoción.

Tamén en política exterior e na liña da defensa dos intereses de Galicia, Millán Mon pon en valor a acordo comercial ao que se chegou con Mercosur e a defensa da democracia e dos dereitos humanos en Venezuela que se fixo desde o Parlamento Europeo logo do “fraude electoral” protagonizado por Nicolás Maduro o pasado ano.

Como presidente do Intergrupo sobre Patrimonio Cultural Europeo, Camiños de Santiago e outras Rutas Culturais Europeas, celebra así mesmo a continuidade –por cuarta lexislatura consecutiva– desta asociación de eurodeputados.

CRISE ARANCELARIA, INDUSTRIA E TRANSPARENCIA ELECTORAL

Adrián Vázquez, pola súa banda, tamén celebra a consecución da rebaixa de nivel de protección do lobo “ata un nivel manexable e asumible para os nosos gandeiros e agricultores” e o compromiso da Comisión Europea na eliminación de burocracia tanto para a industria como para o campo.

Pero, sobre todo, salienta o apoio do seu partido ao sector vitivinícola fronte á actual crise arancelaria. Un apoio que volveu quedar demostrado coa recente visita a Bruselas de representantes das Denominacións de Orixe de viños galegos e que se ten materializado en axudas á produción e noutras medidas destinadas a garantir a competitividade e resiliencia do sector.

A designación da Mina de Doade como proxecto estratéxico para a autonomía da Unión Europea é tamén outro dos fitos que destaca o eurodeputado lalinense na medida en que, na súa opinión, incide na contribución da industria ao fortalecemento do Estado do Benestar e no desenvolvemento económico “fronte a aqueles que queren que volvamos a vivir en castros e pretenden eliminar calquera industria”.

Unha referencia implícita ao BNG que Vázquez explicita recordando a recente misión da Comisión de Asuntos Constitucionais do Parlamento Europeo para denunciar “enganos electorais” como o do independentismo galego coa súa papeleta compartida con ERC e Bildu: “Agora toda Europa sabe que nas eleccións europeas mentiron aos galegos e galegas obviando que ían da man cos herdeiros de ETA”.

Outro dos fitos deste primeiro ano foi, segundo recordan os eurodeputados galegos, o encontro que mantivo a secretaria xeral do PPdeG, Paula Prado, coa presidenta do Parlamento Europeo, Roberta Metsola, para trasladarlle as prioridades de Galicia.

Alfonso Rueda vuelve a pedirle a Sánchez que convoque elecciones “por el bien de Galicia y de toda España”

El presidente del PPdeG, Alfonso Rueda, ha vuelto a pedirle hoy a Pedro Sánchez que convoque elecciones generales “por el bien de Galicia y de toda España, para que empiece una nueva época en nuestro país”.

Después de decírselo “directamente” a Sánchez esta misma semana durante la Conferencia de Presidentes, Rueda ha hecho esta vez la petición antes de participar en la concentración de Madrid, adonde ha acudido “por muchísimas razones”: “Como presidente del PPdeG, representando a miles de afiliados, pero también como ciudadano, representando a cientos de miles de gallegos”.

Acompañado de una delegación de más de 700 gallegos y gallegas, muchos de los cuales han acudido en autobuses desde las cuatro provincias, Rueda se ha unido a otros miles y miles de personas —más de 100.000— para decirle a Sánchez que “así no podemos seguir”.

“Un Gobierno central que no es capaz de aprobar presupuestos, ni de aprobar una ley ni ninguna medida, y que cada día está cercado por más casos de corrupción y escándalos que no explican, es insostenible”, ha señalado.

Por lo tanto, el líder del PPdeG ha dejado claro que “lo que hay que hacer es dejar a los gallegos y a todos los españoles que hablen”.

En la concentración han estado junto a él, entre muchos otros, la secretaria general del PPdeG, Paula Prado, y los cuatro presidentes provinciales: Diego Calvo (A Coruña), Elena Candia (Lugo), Luis Menor (Ourense) y Luis López (Pontevedra).

Roberto Rodríguez e Paula Mouzo destacan o traballo de organizacións como Mar de Fábula con motivo do Día Mundial dos Océanos

Os deputados do Grupo Popular Roberto Rodríguez e Paula Mouzo visitaron, coincidindo coa celebración no día de hoxe do Día Mundial dos Océanos, a asociación Mar de Fábula de Camariñas, unha entidade sen ánimo de lucro que se dedica a limpar o mar retirando todo o lixo mariño que arrastra ata as praias e portos.

Con case 1.500 quilómetros de costa, Galicia é a comunidade autónoma máis bañada polo mar de toda España e, por este motivo, os deputados populares salientaron o traballo que realizan asociacións como Mar de Fábula non só para a limpeza da costa, senón tamén de concienciación da cidadanía para asumir unha postura activa na conservación da mar e do medioambiente mariño.

XESTIÓN CONXUNTA DO NOSO LITORAL

Neste sentido, Roberto Rodríguez e Paula Mouzo lembraron que a Xunta asumirá o vindeiro 1 de xullo a xestión do seu litoral “con ilusión e responsabilidade, consciente de que será un fito histórico á altura da importancia que ten para Galicia a súa costa, a mais importante de España e de Europa no que ao complexo mar-industria se refire e todo un referente internacional do turismo, paisaxe e patrimonio natural e cultural”.

“Conscientes de que a xestión do noso litoral é unha responsabilidade tanto da administración autonómica como local, a Xunta xa anunciou esta semana a convocatoria dunha xuntanza con todos os concellos costeiros galegos para dar forma ao Pacto Galego polo Litoral, que será o marco de referencia para deseñar as políticas que garantan un litoral vivo, produtivo e sostible é un exemplo de gobernanza”, manifestaron.

O Grupo Popular destaca o crecemento histórico da FP en Pontevedra cunha oferta récord e novas opcións formativas para a inclusión e o emprego

Os deputados do Grupo Popular Julio García Comesaña e Manuel Santos salientou hoxe que o número de prazas de novo ingreso para a formación profesional na provincia de Pontevedra acadará o vindeiro ano as 16.803, unha cifra récord coa que tamén se ofertarán novas especialidades como a FP acelerada, a FP básica adaptada ou a FP básica para adultos. “O obxectivo é poñer a disposición dos alumnos unha oferta que dea resposta ás súas demandas e necesidades, e adaptada ás necesidades do tecido socioeconómico nun momento de solicitude de profesionais cualificados e que garantan o relevo xeracional”, sinalou.

Nunha reunión coa Federación de Empresarios de Turismo e Hostalería de Pontevedra (FEPROTUR), na que estiveron presentes o seu presidente, César Sanchez-Ballesteros, a xerente Beatriz Carballido Barciela e o director da Escola de Hostelería Harina Blanca Xaime Rodríguez Trigas, Julio García Comesaña e Manuel Santos destacaron que “o número de prazas para formación profesional na provincia pontevedresa incrementarase o vindeiro ano en 997, o que supón unha suba do 6,31 por cento respecto do pasado curso”. O prazo para solicitar praza nos diversos ciclos ofertados abrirase o vindeiro 16 de xuño e permanecerá aberto ata o 2 de xullo.

NOVIDADES

“Falamos dunha aposta real e sólida por unha FP útil, moderna, conectada coas empresas, pensada para xerar oportunidades e fixar poboación no territorio”, destacou Manuel Santos Costa, quen lembrou que “a formación profesional está chamada a ser un dos piares estratéxicos do crecemento económico e da inclusión social na Galicia dos próximos anos”.

Dentro da provincia de Pontevedra, a área que conta con maior oferta é a de Vigo, con 11.040 prazas; seguida de Pontevedra, con 3.255; O Salnés, con 1.699; e Deza-Tabeirós-Terra de Montes, con 809. “Vigo é un territorio cunha gran potencialidade no sector servizos, turismo, hostalaría e comercio, polo que é lóxico que a Xunta acompañe ese dinamismo cunha oferta formativa á altura, que dea resposta tanto aos mozos e mozas como ás necesidades das empresas da contorna”, explicou Julio García Comesaña.

Unha das novidades que ofertará a formación profesional en Galicia para o vindeiro ano son as formacións aceleradas, “unha nova vía formativa pioneira e inédita a nivel de toda España que consiste nunha formación rápida, concentrada nun período de entre catro e seis meses de duración, e que ten por obxecto mellorar a cualificación das persoas e abrirlles as portas ao mercado laboral”, explicaron os deputados populares.

Dentro da provincia de Pontevedra, os interesados nestas formacións aceleradas teñen á súa disposición 308 prazas distribuídas en centros de Vigo (CIFP Manuel Antonio e CIFP Valentín Paz Andrade), Pontevedra (CIFP Carlos Oroza e CIFP Montecelo) e Vilagarcía (CIFP Fontecarmoa).

MÁIS ALÁ DO ENSINO OBRIGATORIO

Vigo será o epicentro tamén dunha das novidades do próximo curso académico: a FP Básica adaptada, unha das vías coas que pretende prolongar a estancia no itinerario formativo dos alumnos mais alá do ensino obrigatorio, «especificamente no caso de colectivos con dificultades de escolarización». Este itinerario ofrecerá formación específica e apoio personalizado e adaptado ás súas necesidades a eses alumnos con problemas para prolongar a súa formación. O primeiro ensaio desta vía desenvolverase mediante un programa formativo de comercio no Centro de Educación y Promoción de Adultos EPAPU Berbés de Vigo.

Así mesmo, outra das novidades de cara ao vindeiro curso serán os títulos de FP básica para adultos, que no caso da provincia de Pontevedra poderanse cursar no EPAPU Berbés de Vigo, no grao básico de servizos administrativos. “Non deixamos a ninguén atrás: a FP galega é tamén unha ferramenta para a inclusión social, para a segunda oportunidade e para que cada persoa poida construír o seu futuro con dignidade e cun emprego”, concluíu Santos Costa.

O PPdeG sinala que a nova oferta de FP en Ourense busca responder ao tecido produtivo cunha formación máis áxil e inclusiva

As deputadas do Grupo Popular Noelia Pérez e Cristina Campero salientaron hoxe que o número de prazas de novo ingreso para a formación profesional na provincia de Ourense acadará o vindeiro ano as 5.338, unha cifra récord coa que tamén se ofertarán novas especialidades como a FP acelerada. “O obxectivo é poñer a disposición dos alumnos unha oferta que dea resposta ás súas demandas e necesidades, e adaptada ás necesidades do tecido socioeconómico nun momento de solicitude de profesionais cualificados e que garantan o relevo xeracional”, sinalou.

Nunha visita ao CEIP 12 de Outubro de Ourense acompañadas da portavoz do PP en Ourense, Ana Méndez, e de estudantes, Noelia Pérez e Cristina Campero destacaron que “o número de prazas para formación profesional na provincia ourensá incrementarase o vindeiro ano en 387, o que supón unha suba do 7,82 por cento respecto do pasado curso”. O prazo para solicitar praza nos diversos ciclos ofertados abrirase o vindeiro 16 de xuño e permanecerá aberto ata o 2 de xullo.

NOVIDADES

Dentro da provincia ourensá, a área que conta con maior oferta é a de Ourense, con 4.491 prazas; seguida de Valdeorras-Trives-Caldelas-Viana, con 452; e Verín-A Limia-Baixa Limia, con 395.

Unha das novidades que ofertará a formación profesional en Galicia para o vindeiro ano son as formacións aceleradas, “unha nova vía formativa pioneira e inédita a nivel de toda España que consiste nunha formación rápida, concentrada nun período de entre catro e seis meses de duración, e que ten por obxecto mellorar a cualificación das persoas e abrirlles as portas ao mercado laboral”, explicou o deputado popular.

Dentro desta provincia de Ourense, os interesados nestas formacións aceleradas teñen á súa disposición 132 prazas de grao básico e grao superior, distribuídas nos centros A Farixa, de Ourense; e o CIFP de Vilamarín.

Os deputados populares destacan que a FP na provincia da Coruña acada unha cifra récord de prazas e incorpora formación acelerada e básica para adultos

O deputado do Grupo Popular Roberto Rodríguez salientou hoxe que o número de prazas de novo ingreso para a formación profesional na provincia de A Coruña acadará o vindeiro ano as 20.247, unha cifra récord coa que tamén se ofertarán novas especialidades como a FP acelerada ou a FP básica para adultos. “O obxectivo é poñer a disposición dos alumnos unha oferta que dea resposta ás súas demandas e necesidades, e adaptada ás necesidades do tecido socioeconómico nun momento de solicitude de profesionais cualificados e que garantan o relevo xeracional”, sinalou.

Nunha visita ao CEIP Anxel Casal de Monte Alto en A Coruña, acompañado do concelleiro do PP Carlos San Claudio, Roberto Rodríguez destacou que “o número de prazas para formación profesional na provincia coruñesa incrementarase o vindeiro ano en 749, o que supón unha suba do 3,84 por cento respecto do pasado curso”. O prazo para solicitar praza nos diversos ciclos ofertados abrirase o vindeiro 16 de xuño e permanecerá aberto ata o 2 de xullo.

NOVIDADES

Dentro da provincia, a área que conta con maior oferta é a de A Coruña, con 9.898 prazas; seguida de Santiago, con 4.88.9; Ferrol; con 4.145; e Barbanza-Muros-Noia, con 1.315.

Unha das novidades que ofertará a formación profesional en Galicia para o vindeiro ano son as formacións aceleradas, “unha nova vía formativa pioneira e inédita a nivel de toda España que consiste nunha formación rápida, concentrada nun período de entre catro e seis meses de duración, e que ten por obxecto mellorar a cualificación das persoas e abrirlles as portas ao mercado laboral”, explicou o deputado popular.

Dentro da provincia de A Coruña, os interesados nestas formacións aceleradas teñen á súa disposición 398 prazas distribuídas en centros de A Coruña (CIFP Paseo das Pontes e CIFP Someso), Ferrol (CIFP Ferrolterra), Pontedeume (CIFP Fraga do Eume), Ribeira (CIFP Coroso) e Santiago de Compostela (CIFP Compostela e CIFP Politécnico de Santiago).

Así mesmo, outra das novidades de cara ao vindeiro curso serán os títulos de FP básica para adultos, que no caso da provincia de A Coruña poderanse cursar en CIFP de Ferrol, no grao básico de mantemento de vehículos.

O PPdeG salienta que as prazas de FP para o vindeiro curso na provincia de Lugo acadarán a cifra récord de 6.776

Os deputados do Grupo Popular Cristina Sanz e José Manuel Mato salientaron hoxe que o número de prazas de novo ingreso para a formación profesional na provincia de Lugo acadará o vindeiro ano as 6.776, unha cifra récord coa que tamén se ofertarán novas especialidades como a FP acelerada. “O obxectivo é poñer a disposición dos alumnos unha oferta que dea resposta ás súas demandas e necesidades, e adaptada ás necesidades do tecido socioeconómico nun momento de solicitude de profesionais cualificados e que garantan o relevo xeracional”, sinalou.

Nunha visita ao CEIP As Mercedes de Lugo, Cristina Sanz e José Manuel Mato destacaron que “o número de prazas para formación profesional na provincia lucense incrementarase o vindeiro ano en 317, o que supón unha suba do 4,91 por cento respecto do pasado curso”. O prazo para solicitar praza nos diversos ciclos ofertados abrirase o vindeiro 16 de xuño e permanecerá aberto ata o 2 de xullo.

NOVIDADES

Dentro da provincia lucense, a área que conta con maior oferta é a de Lugo, con 3.934 prazas; seguida de A Mariña, con 1.744; e Lemos-Chantada-Quiroga, con 1.098.

Unha das novidades que ofertará a formación profesional en Galicia para o vindeiro ano son as formacións aceleradas, “unha nova vía formativa pioneira e inédita a nivel de toda España que consiste nunha formación rápida, concentrada nun período de entre catro e seis meses de duración, e que ten por obxecto mellorar a cualificación das persoas e abrirlles as portas ao mercado laboral”, explicou o deputado popular.

Dentro da provincia de Lugo, os interesados nestas formacións aceleradas teñen á súa disposición 132 prazas de grao medio, distribuídas nos centros As Mercedes, de Lugo; e Porta da Auga, de Ribadeo.

Paula Prado e Luis Menor subliñan que o liderado de Manuel Fernández en Baños de Molgas demostra que o PP “aposta pola mocidade con feitos e non só con slogans”

Manuel Ángel Fernández Movilla (Baños de Molgas, 1992) foi elixido presidente do Partido Popular de Baños de Molgas no congreso celebrado hoxe por esta agrupación local, conclave que clausuraron a secretaria xeral do PPdeG, Paula Prado, e o presidente provincial do PP, Luis Menor, acompañados pola secretaria xeral do PPdeOU, Sandra Quintas.

Paula Prado e Luis Menor puxeron en valor que o liderado de Manuel Fernández, aos seus 32 anos, demostra que o Partido Popular “aposta pola mocidade con feitos e non só con slogans”, fronte a un socialismo que “compra aos mozos con promesas pero non lles ofrece nada” e fronte a un independentismo galego que “non pode ofrecerlles máis futuro que unha utopía”.

Nese sentido, a secretaria xeral do PPdeG salientou o feito de que Manuel sexa o alcalde popular máis novo da provincia de Ourense e o terceiro en Galicia: “Demostra que a mocidade tamén se implica na política, no rural e, sobre todo, en querer mudar o rumbo dos seus concellos”

“O PP ten un equipo que non só é pasado e presente, senón que tamén é futuro. Manu, ao igual que o resto das nosas Novas Xeracións, demostra que a xuventude tamén é sinónimo de estabilidade, de solvencia e de experiencia”, subliñou.

Así mesmo, Paula Prado falou da “madurez” de Manuel Fernández e a “experiencia e coñecemento do seu concello” que xa tiña antes das eleccións, o que o levou, dixo, a conseguir a alcaldía.

LUIS MENOR SUBLIÑA O TRABALLO DO PP DE BAÑOS DE MOLGAS NA VITORIA DAS EUROPEAS

Luis Menor felicitou ao novo presidente da agrupación local, que nas pasadas municipais arrebatou a alcaldía ao BNG na súa primeira cita electoral como cabeza de lista popular, advertindo que ten ante si o reto de revalidar a maioría absoluta e demostrar que a vitoria de hai dous anos “non foi unha casualidade, senón que soubeches escoitar á túa veciñanza e canalizar o seu descontento”.

Por outra banda, o aniversario da vitoria das eleccións europeas de 2024, Menor afirmou que o apoio das direccións do PP provincial e galega no congreso son “unha forma de devolver e agradecer todo ese apoio que nos destes hai un ano”.

Lembrou o presidente provincial que Manuel Fernández e o PP de Baños de Molgas foron quen de darlle a volta aos resultados das europeas de 2019, cando gañaron os nacionalistas, obtendo o pasado ano máis de 41 puntos de vantaxe sobre o BNG. “A mellor maneira de axudar a que Ourense fose a primeira provincia de Galicia e de toda España en apoio electoral, cun 51,4 % dos votos. O rigor, a honestidade e a estabilidade sempre triunfan por riba do desgoberno e da corrupción política e moral”, remarcou.

MANUEL FERNÁNDEZ: “O COMPROMISO QUE ASUMÍN COMO ALCALDE QUERO TRASLADALO AGORA AO PARTIDO

Manuel Fernández expresou o seu agradecemento á militancia de Baños de Molgas polo apoio recibido, e aos simpatizantes do partido por compartir o inicio dunha nova etapa no PP, sinalando que “o compromiso que asumín como alcalde quero trasladalo agora ao partido, para conseguir un PP forte e unido, aberto a toda persoa que queira traballar para mellorar o noso municipio”. O presidente da agrupación local destacou tamén que desexa contar con todas as que xa formaron parte do PP local nalgún outro momento.

Trátase, dixo, de que o PP de Baños de Molgas axude a conseguir máis vitorias electorais como as municipais e as europeas”, co foco sempre posto no municipio e na veciñanza.