O PP lucense esixe a recuperación do tren-hotel nocturno con Barcelona

O PP lucense leva ao Congreso e ao Senado unha nova ofensiva para esixir a recuperación do tren-hotel nocturno que conectaba Galicia con Barcelona con parada en Lugo, Sarria, Monforte e San Clodio-Quiroga; un servizo que Renfe suprimiu no ano 2020 no contexto da pandemia e que, seis anos despois, continúa sen ser restablecido.

O senador José Manuel Balseiro e a deputada nacional Cristina Abades compareceron en rolda de prensa dende Sarria acompañados pola portavoz do PP local, Carmen José López, e a portavoz do PP de Monforte, Katy Varela, para reivindicar un servizo “moi valorado” e que “segue sendo moi demandado”.

Os populares reclaman ao Goberno de Sánchez que aclare se ten previsto recuperar esta conexión e, no caso contrario, que explique por que mantén a súa supresión seis anos despois de rematada a situación excepcional que motivou a súa suspensión.

A través da súa iniciativa reclaman tamén os datos de viaxeiros, prazas ofertadas e ocupación correspondentes a cada un dos cinco anos anteriores á súa supresión: 2015, 2016, 2017, 2018 e 2019. Para os populares, non é aceptable que o Goberno pretenda xustificar a desaparición dunha conexión ferroviaria de longa distancia tomando como referencia unicamente os datos de 2019, como fixo nunha resposta parlamentaria de novembro de 2023.

“Se realmente queren avaliar a demanda do servizo, que poñan enriba da mesa todos os datos dos cinco anos anteriores á súa supresión e permitan comprobar a súa evolución”, sinala Balseiro. Máis aínda cando se pretende avaliar a utilidade dun servizo despois dunha interrupción provocada por unha situación extraordinaria como a pandemia.

O PP lembra que o tren-hotel permitía saír de Galicia pola tarde, viaxar durante a noite e chegar a Barcelona pola mañá, aproveitando as horas de descanso e evitando perder unha xornada completa no desprazamento. A reivindicación, ademais, segue plenamente vixente seis anos despois da súa desaparición.

Carmen José López subliñou que “Sarria non era unha simple parada dun tren que chegaba a Lugo; formaba parte do percorrido completo do tren-hotel Barcelona-A Coruña. É obvio que para a veciñanza do municipio era unha conexión importante da que se nos priva nunha mostra máis da desatención e discriminación do Goberno aos intereses do municipio”.

Katy Varela insistiu en reclamar “a recuperación dos servizos suprimidos” e engadiu que “non vale de nada gastar os cartos en arranxar a Praza da Estación, como fixeron en Monforte, se logo non pasan trens pola cidade”. A voceira popular avanzou que levará esta reclamación ao Pleno do Concello.

REDUCIDA OFERTA FERROVIARIA

Os populares advirten, ademais, de que a desaparición do tren-hotel non é un feito illado, senón que se enmarca nunha situación ferroviaria cada vez máis preocupante para a provincia de Lugo, cunha oferta insuficiente e con servizos que existían antes da pandemia que non foron recuperados.

Balseiro asegurou que “nos últimos 7 anos, co Goberno de Sánchez, Galicia sumou  frecuencias e servizos, mentres que Lugo perdeu entre o 30 e o 40%”. Nese sentido, lembrou que Lugo perdeu dúas frecuencias directas con Madrid, a conexión a Bilbao e o tren nocturno a Barcelona. Isto todo nos últimos 7 anos”.

Cristina Abades lembra que “en Lugo está pendente de poñer en marcha a nova intermodal. Pero de nada serve unha estación sen trens e a provincia continúa perdendo oferta ferroviaria”. De feito, “a provincia conta con menos frecuencias con Madrid e non dispón do tren nocturno a Barcelona”. Así mesmo, advirte que “o Goberno de Sánchez ten renunciado ás variantes ferroviarias que permitirían reducir os tempos de viaxe”. Polo tanto, “demandamos máis servizos, máis frecuencias e que se recupere o tren-hotel nocturno a Barcelona”.

O PP considera que recuperar o tren-hotel sería tamén apostar por unha mobilidade moderna e ofrecer unha alternativa competitiva ao vehículo privado e ao avión, nun momento no que os servizos ferroviarios nocturnos están recuperando protagonismo en Europa. “Mentres Europa volve mirar cara aos trens nocturnos, Lugo perdeu o seu. O Goberno de Sánchez non pode condenar a provincia a ir sempre por detrás”, sinalan.

“Seis anos de supresión xa son suficientes. O Goberno xustificou a eliminación pola pandemia e posteriormente pola súa baixa rendibilidade. Pero a normalidade volveu hai anos, a demanda segue reclamándoo e a provincia de Lugo continúa perdendo oferta ferroviaria”, conclúe Balseiro.

O Partido Popular esixe ao PSOE de Sánchez que poña fin ao bloqueo da rebaixa do IVE para as perruquerías

Os senadores do Partido Popular por Ourense Rosa Sánchez Gándara e Francisco José Fernández reclamaron hoxe ao PSOE que poña fin ao bloqueo da proposición de lei destinada a recuperar o IVE reducido do 10 % para os servizos de perruquería, barbería e estética.

Na comparecencia estiveron acompañados por María José Rocholl, presidenta da Asociación de Empresarios de Perruquería e Estética de Ourense, que trasladou as dificultades que atravesan os profesionais do sector ante o incremento dos custos e unha presión fiscal que compromete a viabilidade de moitos pequenos negocios.

Os representantes ourensáns denunciaron que a iniciativa, remitida polo Senado ao Congreso en novembro de 2023, permanece paralizada na fase de presentación de emendas desde decembro dese mesmo ano e acumula xa 97 ampliacións do prazo.

“Despois de case tres anos e 97 prórrogas xa non cabe ningunha escusa. O Goberno debe deixar de prolongar indefinidamente os prazos e permitir que a proposición de lei continúe a súa tramitación, sexa debatida e poida votarse”, afirmou Rosa Sánchez Gándara.

A senadora lembrou que esta reivindicación xa foi trasladada ao Pleno do Senado o pasado mes de abril. “Daquela acumulábanse máis de 87 prórrogas. Catro meses despois chegamos ás 97, o que demostra que, lonxe de ofrecer unha solución, o Goberno continúa bloqueando a iniciativa”, advertiu.

Autónomos e pequenos negocios

Sánchez Gándara e Fernández subliñaron que detrás desta demanda hai fundamentalmente autónomos, microempresas e negocios familiares. Segundo os datos do sector, arredor do 94 % do emprego está ocupado por mulleres, aproximadamente o 80 % dos profesionais son autónomos e os establecementos teñen unha media de apenas 2,1 traballadores.

Francisco José Fernández incidiu na importancia destes negocios nunha provincia como Ourense, especialmente nos pequenos municipios e para unha poboación envellecida e dispersa.

 “Cada establecemento que pecha supón perder emprego e actividade económica, pero tamén un servizo de proximidade fundamental para moitas persoas maiores do rural”, sinalou.

Pola súa banda, María José Rocholl explicou que os profesionais deben afrontar a subida da electricidade, dos produtos, dos alugueiros, dos salarios e das cotizacións, cunhas marxes cada vez máis reducidas.

 

“A recuperación do IVE reducido non é un privilexio, senón unha medida necesaria para manter abertos os establecementos e conservar os postos de traballo. Non podemos entender que unha iniciativa tan importante para miles de autónomos leve case tres anos paralizada e acumule xa 97 prórrogas”, manifestou.

Preguntas sobre o impacto en Ourense

 Os senadores anunciaron a presentación dunha batería de preguntas para que o Goberno e o Ministerio de Facenda expliquen cantos peches poderían evitarse na provincia coa aplicación do tipo reducido do 10 % e que impacto tería esta medida sobre o emprego e a supervivencia empresarial.

Tamén demandan información sobre as consecuencias económicas e sociais da desaparición destes servizos nos pequenos municipios e sobre a capacidade das microempresas para asumir o incremento continuado dos custos fiscais, laborais e operativos.

Finalmente, preguntan que mecanismos pensa adoptar o Executivo para poñer fin ao bloqueo parlamentario e se está disposto a comprometerse a evitar novas prórrogas.

“Non se pode falar permanentemente de apoiar os autónomos e as pemes mentres se mantén paralizada durante case tres anos unha iniciativa que afecta directamente á súa viabilidade”, censuraron Rosa Sánchez e Francisco José Fernández.

 Os senadores resumiron as súas demandas en tres puntos: que cesen as sucesivas ampliacións do prazo de emendas, que a proposición de lei continúe inmediatamente a súa tramitación no Congreso e que se recupere o IVE reducido do 10 %.

“Este sector non pide privilexios, senón unha fiscalidade xusta que lle permita traballar, crear emprego e manter abertos os seus negocios. Desde Ourense seguiremos dando voz aos seus profesionais ata que exista unha solución”, concluíron.

O PP denuncia a “asfixia fiscal” a autónomos e cidadáns por parte de Pedro Sánchez e lamenta que a recadación de impostos se incremente en Galicia o dobre que no resto de España

O Partido Popular denunciou hoxe en Vigo, a través dos deputados nacionais Irene Garrido e Pedro Puy, a “asfixia fiscal” a autónomos e cidadáns por parte do Executivo de Pedro Sánchez e lamentou que esta enorme carga impositiva prexudique principalmente a Galicia, posto que revelaron que a recadación tributaria na nosa comunidade no primeiro semestre deste ano (+18,3%) incrementouse o dobre que no resto de España (+10,4%).

Os dous congresistas do PP criticaron esta “persistente voracidade” do Goberno central” cos petos das familias, xa que apostillaron que esta política está a xerar unha “evidente perda de poder adquisitivo” dos cidadáns, que dispoñen dun 2% menos de renda real en comparación co ano 2021 como consecuencia da presión fiscal, polo que esixen de novo que se axuste a tarifa do IRPF á inflación, tal e como foi aprobado pola maioría do Congreso dos Deputados.

“España é un país fiscalmente exhausto que vive baixo a maior presión fiscal da súa historia despois de que Pedro Sánchez aprobase, nestes oito anos, ata 100 subdas de impostos, incrementando os ingresos en 180.0000 millóns de euros e a débeda pública en 500.000 máis”, revelou Irene Garrido, que incidiu en que este “sablazo” aos cidadáns afecta especialmente ao colectivo dos autónomos, no que se inclúen 204.000 galegos.

A deputada viguesa arremeteu contra a desatención a este sector fundamental da economía da provincia e de Galicia e tamén contra os “incontables e sistemáticos incumprimentos”, comezando pola inaplicación da normativa europea que permitiría a exención da xestión do IVE para os que facturen menos de 85.000 euros anuais. Así, laiouse tamén da devolución do exceso de cotización desde hai dous anos ou da falta de recoñecemento para o 60% dos ceses de actividade.

Nesta liña, indicou que a implantación destas medidas figura entre as trinta propostas do contrato de autónomos do PP, no que tamén se recollen a tarifa cero para emprendedores, a redución da burocracia con só dúas declaracións anuais, unha lei de segunda oportunidade realista e as bonificacións do 100% das cotizacións polo primeiro traballador contratado. “Reclamamos xustiza contributiva e que o esforzo fiscal dos autónomos se corresponda cun Estado que cumpre o que promete”, sinalou, antes de lembrar que estas eivas está a ser suplidas en Galicia -que é a terceira rexión na que os autonómos teñen máis peso e representan ao 98% das pemes- por moitas medidas postas en marcha pola Xunta cos seus recursos con liñas de apoio que, só neste ano, suman máis de 42 millóns de euros.

“Duro” regreso das vacacións

Pola súa banda, Pedro Puy relacionou este aumento fiscal coa inflación interanual da provincia -un 4,2%-, que “vai facer especialmente duro para as familias este regreso das vacacións”, xa que ademais lembrou que a capacidade dos cidadáns para facer fronte aos seus gastos correntes é menor con respecto ao ano 2019.

“Desde que goberna Sánchez os galegos e os españois temos perdido poder adquisitivo pola incapacidade de facer reformas que fomenten a produtividade, pola incapacidade para aprobar orzamentos e, sobre todo, polo incremento da presión fiscal sobre o traballo”, advertiu o deputado pontevedrés, que cifrou o incremento da recadación polo IRPF cinco veces superior ao crecemento do PIB.

Puy engadiu que gran parte do incremento da recadación pola denominada Declaración da Renda débese á progresividade en frío, é dicir, á non adecuación do IRPF ás subas de salarios que só se axustan á inflación. “Gañamos máis nominalmente, pagamos máis de IRPF e, como consecuencia, en termos netos gañamos menos e perdemos capacidade de compra”, explicou.

Neste senso, lembrou que o PP impulsou e conseguiu aprobar varias iniciativas no Congreso para axustar o IRPF e compensar a perda de poder adquisitivo, principalmente coa modificación de alomenos os tres primeiros tramos, dos mínimos persoais e do resto de deduccións que atenden a circunstancias familiares, “pero o PSOE segue a ignoralas e engrosa as arcas do Estado a costa de que as familias sufran moito máis cando fan a compra e teñan que recurrir a créditos para o consumo”.

Rey Varela: “En septiembre volveremos a solicitar al Ministro que comparezca en el Senado para dar respuestas sobre el tren a Ferrol”

Los senadores del Grupo Popular José Manuel Rey Varela y Verónica Casal Míguez mantuvieron esta mañana una reunión de trabajo con representantes del Foro Cidadán polo Tren en la que hicieron un seguimiento de las reivindicaciones realizadas por el Foro y los Concellos de la Comarca de Ferrolterra y trasladadas al Gobierno del Estado en relación a la mejora del ferrocarril en Ferrol y ver nuevos pasos a dar para que Ferrol cuente con unas infraestructuras ferroviarias del Siglo XXI.

Durante el encuentro, Rey Varela puso en valor que existe un amplio consenso ciudadano y político en torno a la necesidad de mejorar las infraestructuras y los servicios ferroviarios, y defendió que esta cuestión debe abordarse desde la colaboración entre administraciones y con la participación de los distintos agentes sociales, lo que agradeció al Foro el trabajo que viene desarrollando a lo largo de los últimos años.

“En una cuestión tan importante para el futuro de Ferrol podemos y debemos estar juntos. Esto no va de partidos ni de quién gobierna en Madrid, en Santiago o en Ferrol. Va de que nuestros vecinos tengan derecho a disponer de un transporte ferroviario competitivo, fiable y moderno”, señaló.

Rey Varela trasladó al Foro la voluntad de seguir utilizando todas las vías institucionales disponibles para reclamar avances concretos. En este sentido, recordó las solicitudes de reunión realizadas al Ministerio de Transportes y su compromiso de continuar trabajando para que se produzca un encuentro en el que puedan abordarse las actuaciones pendientes tal y como el Ministro se comprometió en el mes de diciembre con Rey Varela.

“Han pasado 9 meses, el Ministro incumplió su palabra y no hemos obtenida ninguna respuesta”, lamentó Rey Varela, que afirmó que las prioridades que seguirá defendiendo son la recuperación y mejora de las frecuencias entre Ferrol y A Coruña, la modernización de la línea, la electrificación, la reducción de los tiempos de viaje y la resolución de las actuaciones pendientes, así como el avance en una estación intermodal acorde con las necesidades de Ferrol.

Rey Varela y Casal Míguez subrayaron que estas reivindicaciones no son nuevas y que forman parte de una demanda sostenida durante años por el Ayuntamiento, la Mancomunidad, el Foro Cidadán polo Ferrocarril y las diferentes instituciones y partidos políticos de la ciudad.

“Queremos seguir dialogando, pero dialogar también significa obtener respuestas. Nuestra posición es firme, pero constructiva; reivindicativa, pero responsable. No queremos enfrentamientos, queremos acuerdos. No queremos privilegios, queremos igualdad”, afirmó Rey Varela.

Asimismo, destacó que la mejora de la conexión ferroviaria debe entenderse como una infraestructura estratégica para el desarrollo económico y social de Ferrol y de todo el norte de Galicia, por su impacto en el empleo, la industria, la movilidad, las oportunidades y la cohesión territorial. En este sentido, recordó que Ferrol atraviesa un momento de transformación y crecimiento, con nuevos proyectos e inversiones, y que la modernización del ferrocarril debe acompañar ese proceso.

“Ferrol está creciendo en población, en inversión y en orgullo de ciudad, y precisamente por eso necesitamos que nuestras infraestructuras estén a la altura. No podemos construir un Ferrol en Grande con infraestructuras pequeñas”, manifestó el senador popular y trasladó que “Ferrol es una ciudad que no se pone límites. Tampoco vamos a poner límites a nuestra capacidad para defender aquello que consideramos justo”.

Casal Míguez por su parte trasladó que “Lo hemos dicho muchas veces: queremos un Gobierno de hechos, no de palabras. Necesitamos que las palabras se conviertan en proyectos, que los proyectos se conviertan en obras y que las obras se conviertan en mejores servicios para los ferrolanos”.

En este sentido Casal Miguez lamentó que obras que estaban planificadas desde hace años como el bypass de Betanzos, no se diera ni un solo paso en estos 8 años. “Seguimos sin tener noticias del bypass de Betanzos, una obra que permitiría acortar los tiempos de viaje entre Ferrol y Coruña y que demostraría que el Gobierno se acuerda de Ferrol” afirmó la senadora popular aludiendo al incumplimiento de palabra de Oscar Puente.

Verónica Casal instó tanto el Delegado del Gobierno como el Ministro de Transportes a dejarse de tanta política de Marketing y de tantos tweets, y que se centren en planificar y ejecutar las obras necesarias para que Ferrol cuente con un tren del Siglo XXI que permita la movilidad de los ferrolanos.

Por ello Rey Varela y Casal Míguez avanzaron a los representantes del Foro Cidadán polo Tren que en septiembre volverán a solicitar al Ministro que comparezca en el Senado para dar respuesta y explicaciones de porque ha incumplido su palabra, de porque no se ha avanzado en la modernización de nuestras infraestructuras ferroviarias y que de una fecha para la reunión solicitada por el Ayuntamiento, los grupos políticos y el Foro Cidadán.

O PPdeG advirte da “drástica e inxustificada” redución de servizos en Correos polos “recortes do Goberno de Sánchez”

Os deputados lucenses do PPdeG advirten da “drástica e inxustificada redución de servizos, importantes deficiencias e perda de calidade” no servizo de Correos na provincia de Lugo derivados da “deficiente xestión” e dos “recortes” do Goberno de Pedro Sánchez e do PSOE á fronte desta empresa pública.

Jaime De Olano e Francisco Conde consideran que “a situación de falta de persoal é especialmente preocupante”. Desde a última reposición de persoal en 2023 fóronse suprimindo postos, principalmente no reparto rural, e as propias unidades teñen que asumir vacacións, permisos retribuídos ou incapacidades. A esta situación engádese que, desde 2025, a xubilación ou o traslado dos titulares está derivando habitualmente na supresión dos postos sen que estes sexan repostos.

Os deputados do PP destacan que esta falta de efectivos “deriva en queixas dos cidadáns que sofren as consecuencias”. De Olano explica que “os atrasos no reparto acumúlanse e non é infrecuente que as cartas tarden 15 días ou máis en chegar aos seus destinatarios. Unha realidade que afecta a cuestións tan importantes como citas médicas, documentación agraria ou convocatorias de reunións veciñais e de comunidades”. Ademais, a situación compromete tamén outros servizos que Correos presta á poboación rural, como determinados servizos bancarios a través dos carteiros.

Os carteiros están asumindo percorridos moi elevados: os repartidores a pé realizan medias de 11 ou 12 quilómetros diarios. “Non se repuxo ningún repartidor a pé a pesar da peatonalización de núcleos urbanos como Lugo, Monforte, Viveiro ou Ribadeo, onde actualmente presta servizo urbano só un dos catro carteiros que había”.

O problema é aínda máis grave no rural, onde a dispersión da poboación e a orografía dificultan o reparto. “É frecuente que os carteiros rurais se acheguen aos 200 quilómetros de percorrido”.

En localidades como Ferreira do Valadouro continúan con importantes deficiencias de persoal porque só hai dous carteiros para atender os municipio do Valadouro e Alfoz do Castrodouro. E oficinas auxiliares de localidades como Baleira, Xove ou Celeiro sufriron reducións de horario e chegaron a non abrir “por falta de persoal”. En Folgoso do Courel, a falta de persoal obrigou incluso en reiteradas ocasións ao peche ao público da oficina dependente de Quiroga pola falta de efectivos nesta última localidade.

A situación agrávase durante os meses de verán, especialmente nos municipios costeiros, onde o incremento da poboación debido ao turismo aumenta a carga de traballo “especialmente o relacionado coa paquetería, que se está a incrementar de forma xeneralizada na actualidade”. Foz é un exemplo desta problemática, ao contar habitualmente cunha plantilla escasa e ter pendente de reposición un posto de reparto motorizado urbano que foi suprimido.

O alcalde de Ribadeo, Dani Vega, esixe ao Goberno de España “cubrir as prazas de Correos” para garantir, en condicións de calidade, a prestación dun “servizo público que nós consideramos básico e esencial”.

“Correos non pode funcionar a costa de sobrecargar aos seus traballadores e de facer recaer sobre os cidadáns as consecuencias da falta de planificación”, denuncian os deputados lucenses do PP, que reclaman ao Goberno de Sánchez que adopte medidas urxentes para recuperar os postos suprimidos, cubrir as baixas e garantir un servizo postal de calidade en toda a provincia.

Os populares consideran especialmente grave que unha provincia como Lugo, marcada pola dispersión territorial e poboacional, non conte cos recursos necesarios para garantir un servizo regular. “O rural non pode ser o último da fila nin os lucenses poden asumir que recibir unha carta ou unha comunicación oficial se converta nunha cuestión de sorte”, conclúen.

INCAPACIDADE DE XESTIÓN DO GOBERNO DO PSOE

Os populares sinalan que Correos constitúe “outro exemplo máis da incapacidade do Goberno socialista para xestionar adecuadamente os servizos públicos”, unha situación que, segundo lembran, tamén se pon de manifesto no servizo ferroviario e nas infraestruturas viarias da provincia. “A realidade é que os españois en xeral e os lucenses en particular que sufrimos un maltrato constante por parte do Goberno de Pedro Sánchez; pagamos máis impostos, pero recibimos peores servizos públicos do Estado”, manifesta Jaime De Olano.

O PPdeG esixe ao Goberno de Sánchez o informe que rexeita adaptar a rede ferroviaria galega ao ancho europeo e abrir unha mesa técnica coa Xunta

O PPdeG esixe ao Goberno central “acceso completo e inmediato ao informe de viabilidade de cambio de ancho de vía” remitido á Comisión Europea polo Ministerio de Transportes e Mobilidade Sostible, no que descarta adaptar as vías ferroviarias convencionais ao ancho estándar europeo, así como a “apertura dunha mesa técnica específica” coa Xunta de Galicia “para analizar a migración detallada da rede galega”, ante o “malestar e preocupación” xerados por unha decisión que “suporía un severo revés” para a nosa Comunidade.

Os deputados galegos no Congreso rexistraron unha solicitude para dispoñer do devandito informe; e, en paralelo, unha pregunta ao Goberno central na que, en primeiro lugar, demandan que o documento sexa facilitado tanto á Xunta de Galicia como á Cámara Baixa, dado que o Executivo galego “leva meses pedindo información detallada sobre este tema e recibindo evasivas”, e a que “se coñece procede dos medios de comunicación”. Esta iniciativa compleméntase proposición non de lei rexistrada polo Grupo Popular no Parlamento de Galicia.

Neste sentido, o deputado galego Celso Delgado sinala que Transportes “descarta adaptar as vías convencionais ao ancho de vía nominal estándar europeo”, de 1.435 mm, tal e como ditamina a normativa da Unión Europea, co argumento de que precisaría dun investimento de entre 20.000 e 30.000 millóns de euros, obrigaría a convivir uns 30 anos con obras permanentes e provocaría unha rendibilidade económica practicamente nula. Comparte coa Xunta que “é un absoluto desacerto técnico e político despachar unha decisión deste calado baixo unha premisa macroeconómica de ‘todo ou nada’”.

Pola contra, “esixe rigor, analizando en detalle liña por liña, comunidade por comunidade”, engade. No caso de Galicia, completar o ancho estándar en toda a rede de alta velocidade requiriría actuar sobre un extremo da infraestrutura, 250 quilómetros de vía para conectar Ourense co resto de cidades do Eixo Atlántico; priorizando a substitución do ancho ibérico no tramo Santiago-Ourense para a súa posterior posible extensión ao Eixe Atlántico.

PLAN DIRECTOR DO CORREDOR ATLÁNTICO

Na súa pregunta ao Goberno central, os deputados populares fanse eco do “malestar e preocupación” causados en Galicia por unha decisión que “priva aos galegos e galegas de desfrutar as vantaxes loxísticas e comerciais doutros territorios: máis operadores, máis frecuencias, servizos de baixo custo e tarifas competitivas”. Tamén inquiren por unha reunión técnica coa Xunta ao considerar “moi lamentable” que o Ministerio “continúe adoptando resolucións ferroviarias de costas a Galicia e sen diálogo”, tanto co seu Executivo como cos axentes económicos e sociais, cando o informe remitido a Europa “aborda decisións estratéxicas que condicionarán o futuro da competitividade empresarial durante as próximas décadas”.

Así mesmo, os populares galegos reclaman saber se Transportes está disposto a facilitar o Plan Director completo do Corredor Atlántico -con calendario de inversións vinculante-, “en lugar do Power Point coñecido ata o de agora”. A falta de información, sumada á “falta de interlocutor directo con Renfe e Adif sobre as constantes incidencias ferroviarias na Comunidade, demostran a ausencia de transparencia do Ministerio e a falta de compromiso con Galicia”, remarcan.

O PPdeG denuncia que o Goberno pretende facer caixa cos concellos a través do “tarifazo” da Confederación Hidrográfica

O PPdeG denuncia que o Goberno de España pretende cargar agora sobre os concellos da provincia de Lugo unha nova factura por actuacións hidráulicas de saneamento e abastecemento executadas ao abeiro de convenios nos que, segundo advirten, non estaba prevista esta obriga económica.

A deputada popular Cristina Abades e o senador José Manuel Balseiro consideran “especialmente grave” que os municipios aceptasen e executasen estas actuacións baixo unhas condicións económicas determinadas e que, anos despois, a Confederación Hidrográfica do Miño-Sil pretenda impoñerlles un tarifazo que nunca figurou nos convenios asinados.

“O Goberno non pode acordar unhas obras cunhas condicións e, cando xa están feitas, inventar unha nova factura e obrigar aos concellos a pagala. Iso non é cooperación institucional: é facer caixa a costa dos municipios”, denuncian os populares.

Desde o PP censuran que actuacións destinadas a mellorar servizos públicos esenciais como o abastecemento e o saneamento estean sendo utilizadas polo Goberno como un mecanismo recadador. “As Confederacións Hidrográficas están para colaborar cos concellos e solucionar problemas, non para converter os municipios nunha fonte de ingresos nin para reclamarlles anos despois cantidades que nunca estiveron sobre a mesa”.

Abades e Balseiro advirten, ademais, de que estas liquidacións poden detraer recursos das arcas municipais que deberían destinarse a servizos, investimentos e necesidades dos veciños. “Cada euro que o Goberno queira sacar agora aos Concellos mediante este tarifazo é un euro que deixa de estar dispoñible para os cidadáns”.

Para analizar a situación cos municipios directamente afectados, Cristina Abades e José Manuel Balseiro mantiveron unha reunión cos alcaldes de Baralla e Folgoso do Courel, na que abordaron as liquidacións reclamadas pola Confederación Hidrográfica e as actuacións que se impulsarán para defender os intereses municipais.

Paralelamente, o PP levou este asunto ao Senado e ao Congreso dos Deputados para esixir ao Goberno que aclare cantos convenios están afectados na provincia de Lugo, que cantidades xa reclamou ou prevé reclamar, que porcentaxe dos investimentos pretende repercutir sobre cada municipio, como calcula esas exaccións e, especialmente, se os convenios asinados advertían expresamente aos Concellos de que terían que asumir posteriormente estes pagamentos.

“Queremos saber canto pretende cobrar o Goberno, a que Concellos, por que obras e con que fundamento. O que non imos aceptar é que se cambien as condicións unha vez executadas as actuacións e que se pretenda facer negocio cos concellos mediante unha factura que nunca pactaron”, conclúen Abades e Balseiro.

TARIFAZOS A BARALLA E FOLGOSO DO COUREL

A Confederación Hidrográfica pasa unha liquidación ao Concello de Baralla neste ano 2026 de preto de 4.700 euros en concepto de Tarifa pola Utilización da Auga polas obras hidráulicas do proxecto de construción dun azud desmontable no río Neira. O convenio entre ambas administracións fora asinado no ano 2020 e recollía que a Confederación financiaría o 80% das actuacións e o Concello, o 20% restante que foi liquidado fai tempo. Daquela non incluía ningunha obrigatoriedade de pagar esta taxa.

En Folgoso do Courel, a Confederación Hidrográfica pretende aplicar ao Concello a Tarifa pola Utilización da Auga ás obras de saneamento do núcleo de Sobredo financiadas ao 100% polo organismo de conca; pese a que nin cando se asinou o convenio -no ano 2018- nin cando se executaron as obras estaba prevista esa carga económica.

O propio Concello alegou contra esta imposición indicando que, de terse coñecido daquela esta obriga, o convenio non se tería asinado nin as obras se terían executado, e denuncia que agora se pretenda impoñer unha tarifa periódica durante 25 anos sobre unha actuación xa realizada. Para 2026, o Goberno xa aprobou unha contía de preto de 4.500 euros en relación a esta obra.

O PPdeG esixe ao Goberno central que deixe de bloquear a xestión do lobo e remita a Bruxelas o informe aprobado polas comunidades autónomas

O PPdeG reclama ao Goberno central que deixe de dilatar a remisión á Comisión Europea do informe sexenal sobre o estado de conservación do lobo, e que permita ás comunidades autónomas desenvolver unha xestión da especie baseada en criterios científicos e adaptada á realidade de cada territorio.

Así o expresaron hoxe a deputada no Congreso Rosa Quintana e a senadora Carmen Leyte, durante a visita que realizaron a unha explotación gandeira situada na localidade de Recarei (Bande), na que a propietaria Isaura de la Torre sufriu onte mesmo a perda de animais polo ataque do lobo. Na visita á explotación da Baixa Limia, as populares coñeceron directamente unha situación que, segundo advirten, “non pode abordarse desde os despachos ignorando o que está a suceder no territorio”. Tamén participou na visita a alcaldesa de Bande e secretaria xeral do PP da provincia de Ourense, Sandra Quintas.

O Partido Popular leva moito tempo defendendo unha posición moi clara, apuntaron as representantes nas Cortes Xerais: “Queremos conservar o lobo, pero tamén queremos conservar aos nosos gandeiros. Ambas as cousas son compatibles se as decisións se adoptan con datos científicos e non desde formulacións ideolóxicas”.

As comunidades autónomas realizaron durante os últimos anos un importante traballo técnico e científico para coñecer a evolución das poboacións de lobo e a Conferencia Sectorial de Medio Ambiente aprobou o pasado 22 de xuño o informe sexenal, que considera favorable o estado de conservación da especie nas rexións bioxeográficas Atlántica e Mediterránea.

“Xa non estamos ante unha discusión sobre se existe ou non documentación técnica. O informe existe, foi debatido e foi aprobado. O que corresponde agora é que o Goberno cumpra e o remita á Comisión Europea”, afirman as populares galegas. Neste sentido, consideran “especialmente preocupante” que a demora do Goberno de Sánchez se produza mentres as explotacións gandeiras continúan sufrindo ataques e mentres as propias administracións autonómicas constatan a evolución positiva das poboacións.

Como exemplo de xestión citaron o caso de Asturias, “especialmente significativo” en tanto o goberno do Principado modificou recentemente o seu Plan de Xestión do Lobo para recuperar os controis poboacionais con certeza xurídica, constatando un incremento do 11% da poboación, con 50 mandas en 2025, das que 46 son reprodutoras. “Estamos a ver como mesmo gobernos autonómicos socialistas recoñecen que é necesario xestionar a poboación, pero o Goberno central continúa poñendo obstáculos para dar resposta os problemas reais da gandería”.

Lembraron así mesmo que o atraso do Goberno español na presentación do informe sexenal provocou que a Comisión Europea iniciase un procedemento de infracción contra España por incumprir as súas obrigacións de información.

A cuestión non debe exporse como unha elección entre lobos e gandeiros: “O obxectivo debe ser garantir un estado de conservación favorable do lobo e, ao mesmo tempo, facer viable a gandería extensiva. Precisamente para iso existe a xestión de fauna silvestre”, insisten Quintana e Leyte.

APOIO DO GOBERNO GALEGO AOS GANDEIROS

Neste sentido, o PPdeG salienta tamén o compromiso da Xunta co sector agrogandeiro, que se traduce en medidas concretas para paliar e previr os danos provocados polo lobo. En concreto, o Goberno galego leva mobilizado na última década  13,8 millóns de euros a través de diferentes ordes de axudas tanto para paliar os danos causados polos ataques desta especie como para a compra de cans protectores, a adquisición de pastores eléctricos e cerrumes móbiles electrificados, a instalación de valados fixos e a contratación de persoas coidadoras do gando.

Só no 2025, o importe das achegas concedidas neste eido superou os 850.000 euros. Un esforzo económico que evidencia, na práctica, o compromiso da Xunta por facer compatible a conservación do lobo coa viabilidade da actividade gandeira.

O PPdeG esixe ao Goberno de Sánchez explicacións ante os atrasos e deficiencias nas obras das estacións de tren de Lugo, Sarria e Monforte

Lugo, 19 de agosto de 2026.-. Os deputados lucenses do PPdeG no Congreso -Francisco Conde, Jaime De Olano e Cristina Abades- veñen de rexistrar diversas iniciativas parlamentarias para esixir ao Goberno de Pedro Sánchez explicacións polos atrasos e as deficiencias que afectan ás obras das estacións ferroviarias de Lugo, Sarria e Monforte de Lemos, integradas no plan de modernización do corredor Ourense-Monforte de Lemos-Lugo, “fundamentais para a mobilidade e a competitividade da provincia”.

As iniciativas presentadas polos deputados populares poñen o foco, de maneira especial, nunha cuestión común: ningunha das tres estacións foi aínda recepcionada por Adif, malia os anuncios realizados polo Goberno e pola propia empresa pública sobre a finalización ou posta en servizo das actuacións. Por iso, solicitan ao Goberno aclaracións sobre as deficiencias que impiden a recepción das obras, polos prazos reais para a súa solución, polos mecanismos de supervisión e control das actuacións e pola posible depuración de responsabilidades ante os reiterados incumprimentos e informacións públicas contraditorias.

Francisco Conde explica que “a estación de Lugo segue pechada a pesar dos anuncios do propio Ministro de Transportes e Mobilidade Sostible, a de Sarria funciona de forma automática a pesar de non ser recepcionada e a de Monforte de Lemos presenta graves deficiencias en ascensores, iluminación e accesos”. Esta situación, para o popular, “pon en evidencia unha xestión deficiente do cumprimento dos prazos e da calidade na execución das obras por parte de Adif”.

“Mentres o Goberno de Sánchez anuncia investimentos e inauguracións, a realidade é que as obras non están rematadas, as estacións non están recepcionadas e os usuarios seguen padecendo as consecuencias”, afirma o popular que subliña estes casos como un novo exemplo do “abandono do Goberno ante as necesidades de conectividade de Galicia e, especialmente, da provincia de Lugo coa complicidade do PSOE e do seu socio de Goberno, o BNG”.

Os populares reclaman que o Executivo dea a cara, explique os motivos dos atrasos e concrete cando estarán realmente rematadas e plenamente operativas estas actuacións do corredor ferroviario Ourense – Monforte de Lemos – Lugo.

LUGO: UNHA INAUGURACIÓN ANUNCIADA PARA XUÑO QUE NON SE PRODUCIU

No caso da estación intermodal de Lugo, o propio ministro de Transportes e Mobilidades Sostible anunciou no Senado, o pasado 7 de abril, que viaxaría a Lugo en xuño para inaugurar a nova estación. Posteriormente, Adif sinalou que estaría rematada a finais dese mes. Porén, a día de hoxe as obras aínda non finalizaron e permanecen pendentes actuacións relevantes como a urbanización e o paso inferior.

A alcaldesa ten solicitado unha reunión institucional co presidente de Adif para abordar as actuacións que executa en Lugo entre as que se atopa a nova estación e a súa integración no entorno, a zona da praza Conde Fontao -que continúa pechada ao tráfico tralas obras de reurbanización incluídas no proxecto da nova estación e que tampouco foron recibidas por Adif-, o paso urbano peonil baixo as vías e a conexión coa zona alta da cidade.

Os populares, no seu labor de fiscalización, esixen ao Executivo explicacións sobre  o incumprimento dos anuncios realizados, e se a estación conta con todas as autorizacións técnicas e de seguridade necesarias. Tamén trasladaron a súa preocupación sobre as deficiencias que impiden a súa recepción, cal é a situación da rampla de acceso para persoas con mobilidade reducida e da solución ao desnivel entre o andén e o tren. Finalmente, tamén solicitan ao Goberno aclaracións sobre o posible incremento do orzamento, o período de garantía para corrixir as deficiencias, as eventuais penalizacións á empresa adxudicataria e a elaboración dun calendario detallado para completar as actuacións pendentes.

SARRIA: UNHA ESTACIÓN EN FUNCIONAMENTO PERO SEN RECEPCIÓN

En Sarria, as actuacións previstas inclúen o tratamento de andéns e cruces entre andéns, unha nova pasarela peonil sobre as vías e a reconfiguración e ampliación das instalacións para permitir a circulación de trens de ata 750 metros. A pesar diso, a estación funciona de forma automática; pero a obra continúa sen ser recepcionada por Adif.

Os deputados do PP solicitan ao Goberno aclaracións sobre o estado real de todas estas actuacións, polas deficiencias que impiden a recepción, polas partidas que puidesen quedar pendentes e polo prazo para que a estación estea plenamente operativa e recepcionada. Ademais, poñen sobre a mesa unha cuestión especialmente relevante: por que as obras non incluíron un ascensor que permita garantir unha accesibilidade plena entre os distintos andéns e a pasarela peonil e se o Goberno ten previsto executar esta actuación nunha fase posterior.

MONFORTE DE LEMOS: DEFICIENCIAS A PESAR DO ANUNCIO DE FINALIZACIÓN DAS OBRAS

En Monforte de Lemos, as obras de remodelación integral da estación comezaron en febreiro de 2023. Adif anunciou o 18 de xuño de 2026 a conclusión das obras de mellora da accesibilidade. Con todo, Conde advirte que “os ascensores continúan sen estar operativos, persisten problemas de iluminación nos andéns e existen fisuras e plaquetas rotas”. Ademais, o vestíbulo permanece pechado en determinadas franxas horarias e a obra tampouco foi recepcionada por Adif.

Por este motivo, os populares esixen saber cando se abrirá de novo o vestíbulo coincidindo cos horarios de todos os trens, cando entrarán definitivamente en funcionamento os ascensores e como pode Adif anunciar a conclusión das obras cando existen deficiencias pendentes. Tamén piden aclaracións polas actuacións que faltan para dar por finalizada e recepcionada a obra, polo importe pendente de certificar ou liquidar, polas inspeccións técnicas realizadas e polas posibles penalizacións á empresa adxudicataria polos atrasos ou deficiencias detectadas.

El PP considera “escandaloso y sangrante que Sánchez siga de vacaciones” pese a la “extrema urgencia” por la crisis migratoria en Ceuta

• El portavoz de Defensa del Grupo Parlamentario Popular y senador por Melilla, Fernando Gutiérrez Díaz de Otazu, considera “escandaloso y sangrante” que Sánchez “siga de vacaciones” a pesar de la situación  “de extrema urgencia” tras la crisis migratoria en Ceuta. Así se expresa el dirigente popular en la Comisión extraordinaria de Defensa, en la que la ministra Margarita Robles ha dejado la silla vacía, como ya hicieron Marlaska y Albares, negándose a comparecer para informar de la actuación de las Fuerzas Armadas en la crisis en la frontera ceutí.

El senador del PP califica lo sucedido como “un hecho de extrema gravedad para la seguridad de España, que requiere la actuación e implicación de todos los recursos del Estado” y, sin embargo “los miembros del Gobierno se organizan en turnos de visitas y Sánchez se mantiene escandalosamente de vacaciones”.

Manda un mensaje de reconocimiento al presidente de la ciudad autónoma y a los ceutíes y recuerda que Vivas advirtió “días antes, el incremento de personas cruzando a nado y nadie le escuchó”.

LA CONSECUENCIA DE MIRAR PARA OTRO LADO

El PP considera la avalancha de cerca de 80.000 personas en la frontera de Ceuta del pasado 30 de julio una “verdadera invasión” y critica que “nos encontramos ante la culminación de una sucesión de cesiones y concesiones, a pesar del hostigamiento al desarrollo de la vida normal en las ciudades autónomas de Ceuta y Melilla”.

CONSECUENCIAS LEGALES Y POLÍTICAS

Por su parte, el presidente de la Comisión de Defensa y senador del PP por Galicia, José Manuel Rey Varela, ha explicado que la ministra de Defensa, Margarita Robles, ha remitido una nueva carta hoy al Senado para justificar su incomparecencia.

“Ninguna causa puede impedir que se ejerza el control al Gobierno que esta Cámara tiene asignada por la Constitución. Ningún Gobierno está por encima de las Cortes Generales, ni puede no dar explicaciones”, recalca, al tiempo que ha informado del traslado a la Presidencia de la Senado “la incomparecencia del Gobierno, para la adopción de las medidas que procedan”.