O Grupo Popular subliña que a Xunta xa amosou a vontade de solicitar a transferencia dos servizos de meteoroloxía, que se recollerán na futura Lei do Clima

O portavoz de Medio Ambiente do Grupo Popular, Gonzalo Trenor, reiterou hoxe no Pleno do Parlamento galego que a Xunta xa anunciou a súa vontade de solicitar a transferencia ao Estado das competencias nos servizos de meteoroloxía, que recollerá na futura Lei do Clima de Galicia, e acusou ao BNG de “pretender que o PSOE secuestre no Congreso outra competencia para a Comunidade galega, como está a facer coa AP-9”.

Gonzalo Trenor lembrou que a transferencia dos servizos de meteoroloxía “foi unha petición constante desde Galicia”. Neste sentido, lembrou que o conselleiro de Presidencia xa anunciou no debate de orzamentos a vontade do Goberno galego de solicitar este traspaso; a conselleira de Medio Ambiente dixo que na futura Lei do clima daríase rango normativo ás funcións de Meteogalicia; e o Pleno do Parlamento galego aprobou, o pasado 4 de decembro e coa abstención do PSdeG, unha proposición non de lei a través da que se solicita a transferencia da competencia dos servizos de meteoroloxía e estudos oceanográficos. “Sen esquecer que o Partido Popular presentouse ás eleccións autonómicas cun programa de goberno real, no que unha das 872 propostas é o traspaso dos servizos meteorolóxicos”, apuntou.

MESMO TRATO QUE OUTRAS COMUNIDADES

“O lóxico é que Galicia faga uso dos medios á súa disposición, que son máis completos que os que ten a Axencia Estatal de Meteoroloxía, pois o noso servizo está mellor preparado e mellor equipado”, salientou o portavoz popular. Así, explicou que “Meteogalicia está considerada unha das axencias máis importantes e punteiras dentro do seu campo, con 160 estacións, case o triplo que a Aemet, que ofrecen información real cada dez minutos, e colaboran estreitamente con sanidade, medio rural e Augas de Galicia”.

O portavoz popular incidiu en que “queremos que Galicia reciba o mesmo trato que outras comunidades autónomas por parte do Goberno de Pedro Sánchez”, logo de que a comezos do mesmo de marzo asinou o acordo para o traspaso dos servizos de meteoroloxía ao País Vasco.

Trenor lamentou que “na reivindicación de ampliar o noso teito competencial estamos sos, porque tanto socialistas como nacionalistas galegos, cando teñen que elixir entre Pedro Sánchez e Galicia, sempre elixen Pedro Sánchez”. “Xa o vimos coa Lei do litoral, á que se opuxeron levándoa ata o Constitucional; e agora estámolo a ver coa transferencia da AP-9, secuestrada pola Presidenta do Congreso usando subterfuxios antidemocráticos ante un BNG e PSdeG feliz e sen alzar a voz ante este atropelo”, manifestou.

“Son vostedes os do non e xamais van a facer valer o seu voto, nin sequera de forma simbólica, a favor de Galicia”, criticou o portavoz popular, quen anotou que “non o fixeron coa Lei do litoral, nin o fan co secuestro da AP-9, nin cos recursos para a prestación da dependencia, nin para modernizar unha infraestrutura tan deteriorada como as liñas ferroviarias do século XIX”, rematou.

Galicia, primeira rexión europea en contar cunha Lei de desenvolvemento e impulso da intelixencia artificial, que blinda os dereitos dos cidadáns nas relacións coa Administración

O Pleno do Parlamento de Galicia aprobou hoxe, cos votos a favor do Grupo Popular e socialista, e a abstención do BNG e Mixto, a lei para o desenvolvemento e impulso da intelixencia artificial, unha norma pioneira a nivel europeo que asegura os beneficios que poderán obter con esta nova tecnoloxía tanto o tecido produtivo como a cidadanía na súa relación coa Administración galega e que garante aos galegos os seus dereitos sempre que interveña a intelixencia artificial.

“En definitiva, un novo marco xurídico estable que ofrece á cidadanía confianza e certeza nas súas relacións coa Administración pública galega e que blinda os seus dereitos”, afirmou o viceportavoz popular, Julio García Comesaña.

Na súa intervención, García Comesaña explicou que a nova lei “regula ata onde as nosas competencias na materia nolo permiten e sendo moi respectuosos co Regulamento Europeo, co fin de aplicar a intelixencia artificial para ofrecer os mellores servizos onde estas tecnoloxías o permiten e de conformidade coas necesidades e as demandas da cidadanía e das empresas”.

TRES OBXECTIVOS

En concreto, citou tres obxectivos principais desta lei: mellorar a eficacia da Administración autonómica e a súa relación coa cidadanía; dispoñer en Galicia dunha intelixencia artificial segura e salvagardar os dereitos da cidadanía; e consolidar a Galicia como rexión de referencia en Europa en intelixencia artificial.

“Por iso, estamos ante unha lei que regula que sistemas de intelixencia artificial podemos desenvolver ou comprar desde a Administración e como debemos usalo; que asegura que as persoas teñen sempre a última palabra; que establece cal é a responsabilidade e funcións de cada un dos servidores públicos e entidades no proceso de planificación e implantación desta tecnoloxía; que define os criterios para a compra ou desenvolvemento de sistemas de intelixencia artificial; e que fomenta a implantación dunha intelixencia artificial axeitada aos intereses estratéxicos de Galicia por parte das empresas e da sociedade no seu conxunto”, explicou.

O viceportavoz popular rematou a súa intervención salientando que “somos unha comunidade autónoma que posúe un ecosistema fortalecido ao redor da ideación, desenvolvemento e demanda de intelixencia artificial, capaz de albergar a AESIA e cunha infraestrutura de computación avanzada e un crecente investimento nesta tecnoloxía por parte da industria e os servizos”, ao que agora se engade “a primeira lexislación rexional europea para o desenvolvemento dunha intelixencia artificial ética, segura, fiable e centrada nas persoas”.

O Grupo Popular solicita ao Goberno central o reintegro inmediato aos mutualistas das contías que tributaron de máis en concepto de IRPF

O Grupo Popular vén de rexistrar unha proposición non de lei no Parlamento de Galicia a través da que se solicita ao Goberno de España que derrogue e deixe sen efecto a modificación lexislativa que anula as devolucións correspondentes aos mutualistas que tributaron máis do debido, procedendo ao reintegro íntegro e sen aprazamentos das contías xa solicitadas en tempo e forma polos contribuíntes.

Os viceportavoces do Grupo Popular, Paula Prado, Julio García e Cristina Sanz, xunto coa deputada Felisa Rodríguez, mantiveron un encontro esta mañá co responsables de asesorías e colectivos de afectados pola anulación das solicitudes de devolución daquelas persoas que tributaron máis do debido en concepto de imposto sobre a renda logo de realizar achegas a diferentes mutualidades profesionais.

CAMBIO DE CRITERIO

O Tribunal Supremo ditou unha sentenza o 28 de febreiro de 2023 a través da que atendía a reclamación realizada por afectados que viron como non se consideraban deducibles as cotas abonadas ás mutuas entre os anos 1967 e 1978, conseguindo que a partir dese pronunciamento xudicial se recoñecese o seu dereito a deducir un 25 por cento desas achegas.

Para acceder a esta devolución, os afectados dispoñían dun formulario específico ao que debían acompañar a fotocopia do documento nacional de identidade e o número de conta bancaria.

Porén, o Grupo Socialista no Congreso, a través dunha emenda á Lei 7/2024, cambiou drasticamente este proceso de devolución do IRPF para os mutualistas ao anular as solicitudes que non se presentaran antes do 22 de decembro de 2024, o que supuxo que unha gran parte dos mutualistas que solicitaran a devolución non a vaian a recibir na súa integridade ata o 2028.

Este novo sistema establece que os afectados deberán volver a pedir a partir deste ano 2025 a devolución en diferentes anualidades a través dun formulario que se presentará no prazo regulamentario da declaración do IRPF. Así, no ano 2025 solicitarase a devolución do exercicio de 2019 ou anteriores non prescritos; en 2026, a devolución do exercicio 2020; en 2027, a devolución do exercicio de 2021; e en 2028, a devolución do exercicio de 2028.

DEREITOS DOS CONTRIBUÍNTES

Paula Prado cualificou de “sorprendente este cambio de criterio arbitrario, que excede e retorce o cumprimento do criterio do Tribunal Supremo e pugna abertamente cos dereitos dos contribuíntes, que non teñen máis culpa que aplicar ben o dereito cando a interpretación da Axencia Estatal de Administración Tributaria era de todo incorrecta, como se demostrou nos tribunais”.

“Por este motivo, solicitamos que o Goberno de España deixe sen efecto a reforma lexislativa e proceda de inmediato á devolución íntegra das contías que lles pertencen a estes mutualistas, de xeito que non se produza unha diferenza de trato con aqueles que xa percibiron os reintegros das cantidades ingresadas indebidamente diante da AEAT”, sinalou.

Galicia y su futuro industrial: progresar o perder el tren

Adrián Vázquez.

El rumbo vertiginoso de este mundo cambiante nos inquieta a todos. El futuro de nuestros empleos, el encarecimiento de la cesta de la compra o la inestabilidad geopolítica son preocupaciones compartidas por todos los gallegos y el conjunto de los europeos. Para subirnos al tren del siglo XXI, la Unión Europea nos exige una mayor autonomía estratégica, que pasa por reindustrializarnos, generar empleo y riqueza, y hacernos menos dependientes de terceros países.

Y Galicia tiene muy buenas condiciones para liderar esta adaptación. Somos una tierra llena de ideas y posibilidades, una región moderna e innovadora, con fuertes servicios públicos y una administración estable y que funciona. Pero, si queremos que Galicia siga siendo el mejor lugar del mundo para vivir, no podemos dejar pasar ninguna oportunidad.

En ese contexto, el proyecto industrial en Palas de Rei es una oportunidad única para fijar población y revitalizar nuestra economía en una zona con altos niveles de envejecimiento y que sufre la fuga de nuestro mayor capital: los jóvenes. Hablamos de una inversión de 1.000 millones de euros que generará 2.500 empleos en la segunda provincia más envejecida de España. Un tren rumbo al futuro que aúna innovación, empleo y sostenibilidad bajo un mismo objetivo: reindustrializar Galicia y, por ende, Europa.

Como es lógico, para seguir adelante, este proyecto —como cualquier otro— debe cumplir con una serie de condiciones medioambientales. Los técnicos de la Xunta están muy acostumbrados a realizar este tipo de procedimientos y nunca ha habido problemas. La declaración de impacto ambiental recientemente publicada confirma, tras un riguroso análisis técnico —34 informes de 42 técnicos—, que Altri cumple con los estándares medioambientales más exigentes.

Por ello es especialmente desconcertante ver cómo el BNG se enroca contra esta cuestión. Tres veces han preguntado a la Comisión Europea por este proyecto y tres veces la Comisión les ha dicho que los competentes para decidir la viabilidad del proyecto son los técnicos de la Xunta. No sorprende a nadie: Europa está llena de este tipo de industrias —en Austria, Suecia o Finlandia— y muchas de ellas han recibido fondos europeos. De hecho, Europa no nos está pidiendo más industria, nos la está exigiendo.

Yo tengo mi casa a 40 km de Palas de Rei y les aseguro que estoy muy tranquilo. No entiendo por qué el BNG llena las calles de pancartas, muchas de ellas hechas de la misma fibra textil que producirá Altri, mientras rechazan una inversión histórica para la tierra que dicen defender. La única explicación posible es su vocación de oposición: quieren permanecer en ella para siempre y no paran de invertir en ello. Al mismo tiempo, están empeñados en que volvamos a vivir en castros.

Con el BNG intentado matar moscas a cañonazos, el único que puede frenar este proyecto de interés estratégico es Sánchez. El Gobierno central tiene que desbloquear los fondos europeos correspondientes y facilitar las condiciones para que salga adelante. Sabemos que la única gallega que de verdad le importa a Sánchez es Yolanda Diaz, pero sería un escándalo que se atreviese a perjudicar a Galicia sólo por fastidiar a la Xunta y al PP.

En definitiva, Galicia cuenta con el talento, los recursos y la ambición necesarios. Ha llegado el momento de liderar la reindustrialización europea desde nuestra tierra. El tren ya está en la estación: es hora de pensar en el futuro de nuestra región, dejar atrás los gritos estériles y subirnos a él con decisión.

O PPdeG denuncia que “as ameazas, o alboroto e as manifestacións” da esquerda “van en contra do futuro de Galicia e do emprego da mocidade”

O Partido Popular de Galicia denuncia que “as ameazas, o alboroto e as manifestacións” protagonizadas pola esquerda “van en contra do futuro de Galicia” na medida en que se opoñen á posibilidade de ofrecer oportunidades de emprego á mocidade galega e fixar poboación no rural.

A través da súa secretaria xeral, Paula Prado, os populares galegos reiteran o seu apoio a todas aquelas empresas que queiran asentarse en Galicia “para xerar riqueza no territorio, fixar poboación no rural e ofrecer oportunidades de futuro para a nosa terra e para que a nosa mocidade non teña que ir traballar a outros lugares”.

Referíndose ao caso concreto do proxecto que Altri pretende poñer en marcha en Palas de Rei, inciden en que este proxecto conta cunha Declaración de Impacto Ambiental favorable “avalada coa rigorosidade, a transparencia e a seriedade dos 34 informes elaborados por 42 técnicos do Goberno galego”.

“Os galegos e galegas poden estar tranquilos”, traslada a número dous do PPdeG ao tempo que rexeita “as ameazas, o alboroto, as manifestacións e o ruído” dun PSOE e dun BNG que “sempre estiveron a favor de Altri e só cambiaron de opinión unha vez celebradas as eleccións autonómicas”.

Paula Prado só entende este cambio de postura como “unha vinganza por perder as eleccións” e lamenta que “os partidos do non” estean “negándolle un futuro a Galicia e impedindo que se asenten proxectos industriais que permitirían crear emprego e fixar poboación”.

Candia: “O PP está gobernando en Viveiro porque gañou as eleccións e porque, cando ten que defender os intereses dun territorio, ten capacidade para negociar e chegar a acordos”

O Partido Popular de Viveiro compartiu este domingo un encontro de confraternidade no que interviron a alcaldesa, Mariña Gueimunde, a presidenta do PP da provincia, Elena Candia, e o portavoz do Grupo Popular no Congreso, Miguel Tellado, e que contou coa participación de deputados en distintas cámaras parlamentarias coma o viveirense Jaime De Olano, senadores, alcaldes e portavoces da comarca.

Candia incidiu en que “o Partido Popular está gobernando porque gañou as eleccións limpamente e porque, cando ten que defender os intereses dun territorio, ten capacidade para negociar e chegar a acordos. E fíxoo de forma legal, transparente e honesta”.

A dirixente popular destacou o traballo de Mariña Gueimunde, “unha muller valente, decidida, que coñece a administración e que quere a Viveiro”, e o seu equipo. Tamén tivo palabras para PSOE e BNG: “están acostumados a gobernar cando perden as eleccións, o que non entenden é que se pode gobernar cando se gañan as eleccións”.

Elena Candia recoñeceu o apoio de todos, o traballo de “tódolos voceiros que fixeron posible chegar ata onde estamos hoxe” e do anterior alcalde popular, César Aja, xa que “os grandes servizos e infraestruturas de Viveiro levan o selo do noso proxecto”.

Gueimunde, pola súa banda, lembrou que “fai uns días asumimos con valentía e compromiso a responsabilidade de gobernar a nosa cidade” despois de obter “fai dous anos o apoio e confianza dos cidadáns”. Coa chegada á alcaldía trala moción de censura, “isto non acaba aquí, senón que comeza e todos temos que implicarnos neste camiño. Traballando xuntos alcanzaremos obxectivos maiores para que o cambio iniciado sexa tanxible”.

A rexedora popular incidiu en que “a nosa prioridade sendo foi e sempre será o benestar dos viveirenses” polo que dedican “esforzo e traballo” para “mellorar o futuro da nosa comunidade con lealdade e determinación”.

Así, asegurou que “nestes primeiros días analizamos a situación real do Concello para responder con criterio, e non con falsas verdades, ás necesidades que plantexan tanto os veciños como asociacións, etc.”. Ante un “panorama desolador, necesitaremos o apoio inversor que xa reclamei ás administracións, pero tamén o apoio de todos e todas”.

Gueimunde tamén agradeceu o apoio recibido ata agora e recoñeceu “o traballo de todos os afiliados e simpatizantes que traballaron para que este proxecto fora posible” e de “todas as candidaturas populares que intentaron sacar á luz as falso goberno progresista do PSOE, en solitario ou co apoio do BNG, desmantelaron os servizos e mesmo o patrimonio do Concello”.

“Con cabeza e corazón”, como dicía a campaña de Rajoy na que Gueimunde foi candidata ao Senado, “e facendo caso omiso aos desprezos e críticas destrutivas, xuntos podemos facer moita historia en Viveiro”.

CANDIA: “PSOE E BNG, CANDO TEÑEN QUE VOTAR MEDIDAS PARA PALIAR OS PROBLEMAS DA ATENCIÓN SANITARIA, FANO EN CONTRA”
Elena Candia pediu “non facer demagoxia” en relación coa situación sanitaria toda vez que “a realidade é que hai un importante déficit de profesionais”. Nese sentido, ofreceu datos dunha comunidade xestionada polo Partido Socialista como é Asturias: “Luarca 6 médicos e ten 3; Illano unha semana sen médicos; e Santirso que dos 5 días, tivo médico 1 día”.

“Hai que mellorar indubidablemente, pero iso resólvese con medidas valentes no lugar onde hai que adoptalas”; pero PSOE e BNG “cando teñen que posicionarse nas cámaras, votan en contra das medidas que poden paliar o problema”. Candia censura a postura do PSOE e do BNG de “canto peor, mellor”.

De feito, nacionalistas e socialistas votaron repetidamente en contra de todas as medidas impulsadas polo Goberno galego para a cobertura de prazas vacantes de médicos, tanto nos centros de saúde como nos hospitais comarcais. Ata en dúas ocasións as forzas do malogrado bipartito se puxeron as leis que a Xunta promoveu no Parlamento galego para ofertar prazas máis atractivas desde o punto de vista laboral para os médicos, prazas en propiedade e por concurso de méritos. Unha fórmula que permitiu cubrir moitas vacantes, tanto no hospital de Burela como no centro de saúde de Viveiro.

O portavoz do Partido Popular na Deputación de Lugo, Antonio Ameijide, sinalou que, “se o Partido Socialista e o Bloque Nacionalista Galego queren demostrar un mínimo de coherencia, teñen unha oportunidade de ouro o vindeiro martes no pleno da Deputación de Lugo de apoiar a nosa proposta para buscar unha solución real ao problema da falta de médicos. Estes problemas pódense solucionar tomando medidas a nivel estatal permitindo, por exemplo, formar máis médicos”.

INDUSTRIA E EMPREGO NO INTERIOR DE GALICIA
Tamén fixo referencia ao proxecto de Altri para pechar na provincia o ciclo dun sector coma o forestal con moita presenza na Mariña: “todos estabamos de acordo en que era un bo proxecto. Incluso os socialistas criticaban que non se asentara na Mariña. O ex alcalde nacionalista de Ribadeo e a ex alcaldesa socialistas de Viveiro pedíano para estes concellos, pero agora PSOE e BNG maniféstanse en contra de que o proxecto sexa unha realidade”.

“Con datos e contando a verdade, como fixemos con Alcoa, seguiremos defendendo que Lugo e o interior teñan industria e un medio de vida para as xeracións futuras”.

O PP defende a política como “instrumento útil” trala retirada do lobo da LESRPE, unha medida para “frear algo prexudicial para o sector gandeiro”

O PP defende a política como “instrumento útil” trala retirada do lobo da Listaxe de especies silvestres en réxime de protección especial (LESRPE), unha reivindicación do sector “como confirma a cantidade de gandeiros e gandeiras que hoxe nos acompañan na Cruz da Cancela”, segundo sinalou a presidenta do PP da provincia de Lugo, Elena Candia, que participou no encontro xunto a deputados nacionais, senadores, deputados autonómicos, alcaldes e portavoces da zona.

Candia subliñou que “a capacidade de consenso do Partido Popular” conseguiu “frear algo que era prexudicial para o sector agrogandeiro, especialmente para a gandería en extensivo e para as persoas que apostan por vivir e traballar en lugares coma este”.

No marco do encontro con gandeiros e gandeiras afectadas por ataques de lobo aos animais das súas explotacións; o deputado lucense no Congreso, Francisco Conde, destacou a importancia de conseguir este obxectivo “que levabamos catro anos reivindicando en conxunto co sector agrogandeiro. Temos que agradecerlles que confiara en nós”. Así, “hoxe podemos compartir a noticia de que se reverteu unha situación que prexudica aos gandeiros e gandeiras”.

Conde subliñou tamén que esta medida permite avanzar cara ao equilibrio: “a protección necesaria da especie, pero tamén do desenvolvemento da actividade gandeira”. Polo que agarda que “se respecte por parte do PSOE e do BNG esta decisión adoptada no Congreso para volver á situación de equilibrio de protección do lobo e a actividade agrogandeira”.

E lembrou que “a Xunta dende o primeiro momento intentou que non se introducira o lobo nesta listaxe”, pero o Goberno de España adoptou esa decisión no 2021 de forma unilateral e sen avais técnicos.

A saída do lobo da LESRPE queda aprobada definitivamente co apoio maioritario no Congreso á proposta do Partido Popular e despois de pasar xa polo Senado onde se aprobara tamén a semana pasada.

Os gandeiros e gandeiras confirmaron “ataques continuos” aos seus animais, especialmente crías: “atopámonos poldros mortos tódolos días”. De feito, explican que “xa non hai poldros” e, polo tanto, non hai relevo. “Neste momento, o lobo está demasiado estendido”. Incluso lembraron un ataque recente en Mondoñedo: “no Couto, no medio das casas, a semana pasada matou 6 ovellas”.

No ano 2024 a provincia de Lugo rexistrou máis de 1.000 avisos de ataques e contabilizáronse máis de 1.000 reses afectadas do total de máis de 2.000 avisos en Galicia e dos máis de 3.000 animais que sufriron ataques. É dicir, 1 de cada 3 animais afectados en Galicia era da provincia de Lugo.

CANDIA: “O CAMBIO ENTRE O SI E O NON DO PSOE E O BNG A ALTRI FORON AS PASADAS ELECCIÓNS AUTONÓMICAS”
Elena Candia quixo enviar unha “mensaxe de confianza e tranquilidade” en relación ao proxecto da biofábrica de Altri: “Son 34 informes realizados por 42 técnicos que avalan os requisitos medioambientais a esta industria”. Ademais, trasladan ao promotor “máis de 60 requisitos para garantir o cumprimento normativa en materia ambiental”.

A presidenta do PP da provincia preguntouse cal foi o motivo do “cambio de criterio de PSOE e BNG” que, incluso, “reclamaban que este proxecto se implantara na Mariña. O que pasou entre o si e o non foron as pasadas eleccións autonómicas”.

Candia reivindicou “o dereito a implantar industria e xerar emprego na provincia”, tal e como “nos pediron os galegos nas pasadas eleccións autonómicas co 54% de apoio”. E engadiu “queremos apostar porque a mocidade teña oportunidade de traballar na provincia, defendemos os proxectos e promotores que invistan na provincia. E non vai a ser a costa de incumprimentos medioambientais”, remarcou.

A popular subliñou que “seguiremos traballando para que Lugo sexa un territorio de oportunidades e o noso proxecto político, igual que dicía antes das eleccións, segue dicindo si a Altri, un proxecto garantido medioambientalmente e que pechará o ciclo nun sector importantísimo na nosa provincia”.

O PPdeG destaca o compromiso de Alfonso Rueda por resolver os problemas da mocidade galega fronte ao abandono de Pedro Sánchez

O Partido Popular de Galicia pon en valor as medidas do Goberno galego en materia de vivenda e contrapón a un Alfonso Rueda que “se preocupa e se ocupa” dos problemas da mocidade fronte a un Pedro Sánchez que “segue sen asumir a súa responsabilidade e esquece o moito que ten que dicir e facer para mellorar o acceso á vivenda no noso país”.

Así o manifestou hoxe a deputada do PPdeG no Parlamento de Galicia e presidenta de Novas Xeracións de Galicia, Nicole Grueira, na súa intervención no acto ‘La voz de los jóvenes en el debate parlamentario’ organizado polo PP nacional en Mérida e ao que tamén acudiron os deputados autonómicos Raúl Santamaría e Cristina Campero e o deputado nacional Juan Andrés Bayón.

Grueira puxo en valor o reforzo do Goberno galego nas súas iniciativas orientadas á mocidade co obxectivo de facilitarlle o acceso a unha vivenda e, con iso, permitir que os mozos e mozas galegas poidan iniciar un proxecto de vida e aproveitar todo o seu talento. Iniciativas, como, por exemplo, o Aval Mozo, a prioridade dos menores de 36 anos no acceso ás vivendas de promoción pública ou o Bono Emancípate.

O PPdeG salienta as oportunidades que abre Artesanía Alimentaria aos produtores galegos que comercializan a través deste selo de calidade

Os deputados do Grupo Popular Juan Casares e José Luís Ferro salientaron hoxe as oportunidades que se lles abren aos produtores galegos que comercializan a través do selo de calidade Artesanía Alimentaria.

Juan Casares e José Luís Ferro visitaron Queixos Feijóo, unha industria fundada en 1949, localizada no concello de Celanova e que segue unha longa tradición queixeira sempre en mans da mesma familia. “Estamos a falar dunha empresa que aposta claramente pola calidade e pola posta en valor das materias primas da zona, xa que ten como un dos seus provedores a produtores instalados na aldea-modelo de Xacebáns”, sinalaron.

Durante a visita, os deputados populares salientaron a importancia de que este tipo de empresas estean adheridas a selos e marcas de calidade, como Galicia Calidade, a denominación de orixe protexida Queixo Tetilla ou a Artesanía Alimentaria no caso da empresa Queixos Feijóo.

CALIDADE AGROALIMENTARIA

Artesanía Alimentaria é unha marca de calidade que ampara producións de todo o abano do sector alimentario que teñen a súa elaboración a pequena escala, de xeito predominantemente manual, con intervención directa do titular da empresa, con materias primas seleccionadas, sen aditivos e cunha presentación moi coidada.

“Esta aposta pola calidade agroalimentaria de Queixos Feijóo traduciuse en galardóns que, ano a ano, obtén nos certames e concursos queixeiros máis prestixiosos a nivel nacional como internacional, como o Gourmets ou o World Cheese Awards”, destacaron os deputados populares.

O PPdeG critica “a mentira e o engano aos galegos” de BNG e PSdeG coa protección do lobo ao votar unha cousa en Galicia e a contraria en Madrid

Os deputados do Grupo Popular Rubén Lorenzo e Ethel Vázquez criticaron hoxe que “os deputados do BNG e do PSdeG viven na mentira e o engano permanente aos galegos” e concretaron que “a última falcatruada fixérona coa rebaixa da protección para o lobo: primeiro votaron a favor de quitarlle esta protección no Parlamento galego e o pasado xoves no Congreso votaron posicionáronse en contra”.

Rubén Lorenzo e Ethel Vázquez, acompañados do alcalde, José Manuel Mato, visitaron a explotación Devesa Langueirón en Ponteceso para poñer en valor a aprobación o pasado xoves no Congreso da saída do lobo da listaxe de especies silvestres en réxime de protección especial (Lespre), “unha medida que permitirá que o rural galego e os nosos gandeiros volvan ter a protección que merecen fronte aos ataques deste animal”.

Neste sentido, criticaron o voto en contra no Congreso dos deputados do PSOE e do BNG a este acordo, “cambiando a súa postura so catro meses despois de que no Parlamento galego votarán a favor de quitarlle a protección ao lobo”. “O que puxeron de manifesto os deputados galegos, tanto socialistas como nacionalistas galegos, é que o único que lles interesa é atender sempre os intereses de Pedro Sánchez, dando as costas neste caso aos nosos gandeiros e a defensa das súas explotacións”, indicaron.

CRITERIOS RESPONSABLES

“Galicia sempre defendeu que a inclusión do lobo no Lespre non obedecía a criterios responsables, porque o lobo está moi lonxe de estar en perigo de extinción, xa que está presente en máis do 90 por cento do territorio galego, e, de xeito paralelo, o número de avisos por ataques incrementouse un 72 por cento desde 2021, cunha aumento das reses afectadas do 57 por cento”, explicaron.

Porén, os deputados popular afirmaron que este acordo “non suporá unha persecución desapiadada do lobo a partir de agora, senón que levará aparellada a adopción de medidas de control da especie e o restablecemento do equilibrio entre a súa protección e as actividades gandeiras que se desenvolven no rural”.