Santiago, 27 de abril de 2021.- O deputado do Grupo Popular, Alberto Pazos, asegurou hoxe no Pleno do Parlamento que “Galicia non renunciará a maiores cotas de autogoberno, exercido desde a lealdade ás institucións galegas e españolas”.
Así, concretou que “as prioridades dos galegos neste momento son a saúde, a protección social e o impulso económico, pero non seremos un impedimento para reivindicar a transferencia da competencia en materia de tráfico que estamos preparados para asumir”.
Alberto Pazos salientou que, “cumpridos 40 anos da aprobación do Estatuto de Autonomía de Galicia, podemos afirmar rotundamente que Galicia alcanzou as máis altas cotas de autogoberno da súa historia”. “E coa mesma rotundidade, afirmo que esa conquista do autogoberno de Galicia nunca se tería alcanzado sen o concurso fundamental da organización que sempre foi merecente da confianza maioritaria dos galegos: o PP de Galicia”, dixo.
“O compromiso co autogoberno non se mide no número de competencias transferidas, senón na firmeza amosada na defensa dos intereses e institucións de Galicia”, manifestou, para lembrar que “canto máis desenvolvido está o noso autogoberno, menos marxe existe para novas transferencias”.
?️Galicia a 3ª CCAA con máis transferencias aínda que o compromiso co #autogoberno non se mide no nº de competencias transferidas senón na firmeza na defensa dos intereses de Galicia e neso o Goberno de @FeijooGalicia amosou que sempre foi a súa prioridade @pazos_alberto pic.twitter.com/6n3W1E2z9X
— GrupoPopularGalicia (@GrupoPopularGal) April 27, 2021
Pazos asegurou que “na defensa da autonomía, o Goberno de Feijóo amosou que a súa prioridade sempre foi Galicia, por enriba de siglas, partidos e calquera outro interese”. Neste sentido, apuntou que “en cada ocasión na que se cuestionan os lexítimos dereitos dos galegos, este Goberno sempre deu a mesma resposta: Galicia, Galicia e sempre Galicia”.
?Quen levanta a voz para defender Galicia? en cada ocasión que se cuestionan os lexítimos dereitos das galegas e galegos quen cala e quen levanta a voz para defendela? O Goberno de @FeijooGalicia deu sempre a mesma resposta: Galicia, Galicia, Galicia e sempre máis Galicia! pic.twitter.com/ZsUUdP9GI9
— GrupoPopularGalicia (@GrupoPopularGal) April 27, 2021
