Santiago, 9 de novembro de 2021.- A deputada do Grupo Popular Teresa Egerique salientou hoxe no Pleno do Parlamento galego que Galicia “foi a primeira comunidade autónoma en poñer en marcha un plan de reactivación para recuperar a actividade cultural, un plan que contou con máis de 26 millóns de euros, dialogado e dirixido a todos os ámbitos, e que foi adaptándose para atender as necesidades dos profesionais a medida que íamos coñecendo a evolución da pandemia”.
?Para o BNG hai unha cultura de primeira e unha de segunda,unha boa e unha mala,exclúen en vez de incluír,para @ppdegalicia toda é respetable e admirada,@Xunta fixo unha estratexia nun proceso transparente e participativo,fomos a 1ª CCAA cun plan reactivación cultural @temtem23 pic.twitter.com/Rcttgv51qr
— GrupoPopularGalicia (@GrupoPopularGal) November 9, 2021
Teresa Egerique asegurou que este plan de reactivación “serviu para estimular a actividade cultural profesional e permitiu poñer en marcha unha programación cultural plural e descentralizada por todo o territorio galego”. “E foi, precisamente, o diálogo permanente o que permitiu comprender a situación en cada momento e tomar as mellores decisións de acordo coas demandas e necesidades”, apuntou.
BONO CULTURAL PARA TODOS
Respecto da creación do bono cultural en Galicia, a deputada popular explicou que “mobilizará máis de catro millóns de euros no sector” e salientou “a magnífica acollida” que tivo esta iniciativa entre os galegos. Ademais, lembrou que se trata dun “bono sen condicionantes, non como o que puxo en marcha o Goberno de Pedro Sánchez, que limita o consumo segundo que idades e que eventos e que supón un descaro electoral que xa non disimulan”.
Egerique criticou que para o BNG “sempre houbo cultura de primeira e de segunda, independentemente de onde veña e como se manifeste”. Fronte a esta postura nacionalista, subliñou que o Goberno galego “fixo unha estratexia da cultura sen imposicións nin doutrinas, baseada nun proceso compartido e transparente que favoreceu a participación dos profesionais da cultura e das industrias culturais, institucións, entidades de base e asociacionismo”.
