Hoxe, na XVI Xuntanza dos Populares de Mos, á que tamén asistiu a secretaria xeral, Paula Prado, e na que participaron máis de 1.000 persoas

• Sobre as Contas autonómicas para 2023, o presidente do PPdeG destaca que a Comunidade dispón de máis orzamento para gastar que nunca e salienta a importancia de ter “sentidiño” para investir e axudar ás persoas e aos sectores que máis o necesitan, facendo fincapé no apoio ás familias e ás empresas.

• Lembra que os cartos que manexan os gobernos son recursos públicos que se deben empregar da mellor maneira para servir aos cidadáns e pon como exemplo ao Executivo municipal de Mos, con Nidia Arévalo á cabeza.

• Pide que, tras renovarse os equipos, os populares sigan traballando “como estamos facendo para ser a forza imparable que somos”. “Os que nos dedicamos a gobernar non debemos perder o tempo en discutir nin en ocorrencias que non levan a ningunha parte”, engade.

• “Farei o posible para merecer a confianza da xente e para gañala todos los días”, indica explicando que actos como a XVI Xuntanza dos Populares de Mos son unha demostración da unidade e da fortaleza do seu partido.

• “Nidia Arévalo é unha alcaldesa que nunca para de pedir, e fai moi ben; que nunca para conseguir, e fai aínda mellor. É unha alcaldesa que lle vale a pena a un concello e, polo tanto, ten que seguir”, manifesta.

• Diríxese aos ministros de Pedro Sánchez que veñen a Galicia todas as semanas a criticar ao presidente do Partido Popular con mentiras: “Alberto Núñez Feijóo será presidente de España. Por iso teñen tanto medo”.

LUIS LÓPEZ SALIENTA A SOLVENCIA DO GOBERNO DE MOS

• “Fagamos entre todos que Mos siga gobernado polo Partido Popular, polo sentido común e pola experiencia dunha alcaldesa que non renuncia a nada e que ten demostrado que lidera con solvencia e con empatía”, di o presidente provincial do PP de Pontevedra.

• Sinala que Nidia Arévalo e os concelleiros teñen “demostrado sobradamente” a súa solvencia e capacidade de goberno; sempre pendentes das necesidades dos seus veciños e veciñas e sempre atentos para lograr todo tipo de investimentos e oportunidades que poidan redundar en beneficio do benestar da xente de Mos.

• Apunta que, fronte a políticas do postureo, ás ocorrencias sen sentido de uns e ás campañas de imaxe de outros, está o outro xeito de gobernar que coñecedes ben aquí en Mos, un que pasa por saber xestionar os recursos cos que se conta, desterrando as políticas de propaganda por outras encamiñadas a dar solucións reais a problemas concretos.