O Grupo Popular sitúa a nova lei de ordenación do territorio como o camiño para garantir a cohesión social e mellorar a calidade de vida

Santiago, 11 de decembro de 2020.- A deputada do Grupo Popular Marta Nóvoa afirmou hoxe que a nova Lei de ordenación do territorio, cuxo ditame foi aprobado hoxe na Comisión 2ª e queda lista para o seu debate definitivo en Pleno, “adáptase á evolución territorial de Galicia e á súa realidade actual, constituíndose como o camiño para garantir a cohesión social e mellorar a calidade de vida non só das xeracións presentes, senón tamén das futuras”.

Seguir leyendo

Pedro Puy avoga por concluír a Comisión de investigación das caixas cun ditame obxectivo, documentado e baseado en datos certos

Santiago, 11 de decembro de 2020.- O portavoz do Grupo Popular, Pedro Puy, amosouse hoxe “con ganas de rematar o ditame da Comisión de investigación sobre as antigas caixas de aforro galegas, unha vez que está moi clarexado o panorama xudicial”. Porén, afirmou que “a nosa prioridade fundamental neste momento é a Comisión de reactivación económica, social e cultural de Galicia creada neste Parlamento e a aprobación duns orzamentos para 2021 que van permitir combater a pandemia sanitaria a curto prazo”.

Seguir leyendo

O Parlamento demanda ao Goberno central a presentación dos proxectos, autorizacións e financiamento para o dique e o Estaleiro 4.0 de Ferrol

Santiago, 9 de decembro de 2020.- O Parlamento galego aprobou hoxe a proposición non de lei, impulsada polo Grupo Popular, a través da que se demanda ao Goberno de España a presentación dos proxectos, licencias e autorizacións, así como o financiamento previsto e necesario, para o taller de subbloques e para a transformación do Estaleiro 4.0 de Ferrol, especialmente no que se refire ao dique seco cuberto.

Seguir leyendo

O Parlamento galego demanda por unanimidade ao Goberno central a creación da especialidade de Medicina de Urxencias e Emerxencias

Santiago, 9 de decembro de 2020.- O Parlamento de Galicia aprobou hoxe a proposición non de lei, rexistrada polos tres grupos parlamentarios, a través da que se demanda ao Goberno central á creación da nova especialidade de Medicina de Urxencias e Emerxencias, con tramitación preferente e independente á que corresponda a un novo decreto de troncalidade.

Seguir leyendo

O Parlamento galego demanda ao Goberno de España a transferencia a Galicia do ingreso mínimo vital

Santiago, 9 de decembro de 2020.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno de España a transferencia a Galicia da xestión do Ingreso Mínimo Vital creado a través do Real Decreto-lei 20/2020. “Precisamos que se transfiran os fondos asociados a este ingreso mínimo vital para poder integralos nunha renda única que permita mellorar prestacións e evitar duplicidades”, sinalou portavoz de Asuntos Sociais do Grupo Popular, Alberto Pazos.

Seguir leyendo

O Parlamento galego demanda ao Goberno central que priorice os proxectos do Corredor Atlántico e a mellora das conexións con Portugal

Santiago, 9 de decembro de 2020.- O Parlamento de Galicia aprobou hoxe por unanimidade, logo dunha transacción entre o Grupo Popular e o BNG, a proposición non de lei a través da que se solicita ao Goberno central que priorice os proxectos de infraestruturas do Corredor Atlántico en Galicia, así como a mellora das conexións con Portugal coa construción da Saída Sur de Vigo.

Seguir leyendo

O PPdeG afirma que ningún enfermo oncolóxico quedou sen atender nin ningún servizo de oncoloxía deixou de traballar durante a pandemia

Santiago, 9 de decembro de 2020.- A portavoz de Sanidade do Grupo Popular, Encarna Amigo, asegurou hoxe no Pleno do Parlamento que “desde o Servizo Galego de Saúde tomáronse as medidas oportunas para que a situación epidemiolóxica provocase o menor impacto posible co obxectivo de proporcionar o máximo grao de atención ás persoas con cancro”, o que permitiu que “ningún enfermo oncolóxico quedou sen atender e ningún servizo de oncoloxía deixou de traballar”.

Seguir leyendo

O Grupo Popular salienta que arredor do 95% do plan de reactivación da cultura galega, dotado con 26,4 millóns de euros, xa está executado

Santiago, 9 de decembro de 2020.- A portavoz de Cultura do Grupo Popular, Teresa Egerique, afirmou hoxe no Pleno que “o mellor xeito de apoiar aos nosos sectores culturais e creativos é a través de axudas que incentiven a actividade” e por iso “Galicia foi a primeira comunidade autónoma de España en poñer en marcha un plan de reactivación da cultura galega, dotado con 26,4 millóns de euros, do que xa están executadas arredor do 95 por cento e que ata final de ano realizará 4.500 accións directas”, salientou.

Seguir leyendo